بۇكىل رايوننىڭ ىندەتتەن ساقتانۋ - تىزگىندەۋدى بەينە ەكراندا ورنالاستىرۋ ءماجىلىسى اشىلدى
ىندەتتەن ساقتانۋ - تىزگىندەۋدەن قامال الۋ شايقاسىندا باتىل جەڭىسكە قول جەتكىزۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 4 - ايدىڭ 30 - كۇنى ۇرىمجىدەن حابارلايدى. 4 - ايدىڭ 30 - كۇنى تۇستەن بۇرىن بۇكىل رايوننىڭ ىندەتتەن ساقتانۋ - تىزگىندەۋدى بەينە ەكراندا ورنالاستىرۋ ءماجىلىسى اشىلىپ، قاتىستى ايماق، وبلىس، قالا جانە شەكارا وتكەلى، شينجياڭعا كىرەتىن وتكەل سياقتى ءتۇيىندى ورىنداردىڭ ىندەتتەن ساقتانۋ - تىزگىندەۋ جاعدايى جونىندە ورنالاستىرۋ جاساپ، كەزەكتەگى رايونىمىزدىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جونىندە قايتا اتتانىسقا كەلتىردى، قايتا ورنالاستىرۋ جاسادى، قايتا تياناقتاندىردى، ءىشىنارا ىندەت جاعدايىنىڭ كەڭەيۋىن، تارالۋىن باتىل تەجەپ، ىندەتتىڭ كەڭ كولەمدى قايتا بەلەڭ بەرمەۋ تومەنگى شەگىن ساقتادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ماجىلىس مىنالاردى اتاپ كورسەتتى: كەزەكتە بۇكىل ەلىمىزدە، بۇكىل رايونىمىزدا ىندەتتەن ساقتانۋ - تىزگىندەۋ شەشۋشى مەزگىلدە تۇر، جەر - جەر، تاراۋلار ساياسي دەڭگەيدى شىنايى جوعارىلاتىپ، پارتيا ورتالىق كوميتەتىنىڭ ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ تالابى بويىنشا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا بۇلجىماستان تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، يكەمدى نولگە تۇسىرۋگە تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن مۇمكىندىكتىڭ بارىنشا قورعاۋ، ىندەتتىڭ ەكونوميكالىق، قوعامدىق دامۋعا ىقپالىن مۇمكىندىكتىڭ بارىنشا ازايتۋ كەرەك. ءۇرىمجى قالاسىنىڭ ميدۇڭ رايونىندا تۋىلعان ءىشىنارا ىندەت جاعدايىنا اۆتونوميالى رايوندىق پارتكومنىڭ ورنالاستىرۋى بويىنشا ءارى ايرىقشا ءمان بەرىپ، بوساڭسۋ، سالعىرتسۋ يدەياسىن تيىپ، ءارى تاباندىلىقتى ساقتاپ، عىلمي تۇجىرىم جاساپ، اناعۇرلىم باعىتتامالى شارا قولدانىپ، زاڭ بويىنشا، عىلمي، دالمە - ءدال، جىلدام، جوعارى ءونىمدى ءبىر جايلى ەتىپ، ىندەتتەن ساقتانۋ - تىزگىندەۋدەن قامال الۋ شايقاسىندا باتىل جەڭىسكە جەتۋ كەرەك.
ءماجىلىس مىنالاردى باسا دارىپتەدى: ءتۇرلى شارالاردى قاتاڭ، ناقتى ەگجەي - تەگجەيلى تياناقتاندىرۋعا تاباندى بولۋ كەرەك. تاراۋلاردىڭ سايكەستىگىن كۇشەيتىپ، ءتۇرلى كۇشتەردى ويداعىداي ءبىر تۇتاس جوسپارلاپ، ەپيدەمولوگيالىق تەكسەرۋ قىزمەتىن تىڭعىلىقتى تۇردە ويداعىداي ىستەپ، ۆيرۋستىڭ تارالۋ تىزبەگىن دەرەۋ ءۇزىپ تاستاۋ كەرەك. قۇرساۋلاناتىن اۋماقتى، باسقارۋ - تىزگىندەۋ اۋماعىن، ساقتانۋ اۋماعىن دالمە - ءدال ايىرىپ، ىندەتتەن ساقتانۋ - تىزگىندەۋدى ءىشىنارا كولەمدە تىزگىندەۋ كەرەك. تەمىر جول، تاس جول، اۋەجاي سياقتى ءتۇيىندى ورىنداردا 48 ساعات ىشىندەگى حىسۋان تەكسەرۋىنىڭ بولىمسىز بولۋ ىسپاتىن، سالاماتتىق كودىن جانە ءجۇرىس - تۇرىس كودىن قاتاڭ تەكسەرۋ، شينجياڭعا كەلگەندەردى، شينجياڭعا ورالعانداردى ءبىر - بىرلەي تەكسەرۋدى كۇشەيتۋ، ادامداردىڭ سانىن يكەمدى يگەرۋ، قاتاڭ تۇرگە ايىرىپ، ءجۇرىس - تۇرىستى تارتىپكە ءتۇسىرۋ كەرەك. جابىق باسقارۋدى قاتايتىپ، قاراستى جەر جاۋاپتى بولۋدى تياناقتاندىرىپ، ”شەكارا وتكەلىن“ يگەرۋدى بوساڭسىتپاي، قاتاڭ ساقتىق شەبىن بەكەمدەۋ كەرەك. ينفورماتسيا جاريالاۋدى جانە ۇگىت ارقىلى جەتەكتەۋدى ويداعىداي ىستەپ، ينفورماتسيا ارناسىن ىركىلىسسىزدەندىرىپ، قوعامنىڭ الاڭىنا بەلسەنە اڭىس قايتارۋ كەرەك.
ءماجىلىس مىنالاردى باسا دارىپتەدى: عىلمي، دالمە - ءدال بولۋدى ورىنداۋ، ءبىر تۇتاس جوسپارلاپ، تەڭ ءمان بەرۋدى كۇشەيتۋ كەرەك. بۇكىل شينجياڭ ءبىر تۇتاس جۇيە ەكەندىگىنە تاباندى بولۋ، اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابىنىڭ ءبىر تۇتاس ورنالاستىرۋىنا، ءبىر تۇتاس قولباسشىلىعىنا، ءبىر تۇتاس تۇجىرىمىنا باتىل بويسۇنىپ، ىندەتتەن ساقتانۋ - تىزگىندەۋدىڭ ءتۇرلى شارالارىن مۇقيات، تىڭعىلىقتى تياناقتاندىرىپ، قوعام اياسىندا يكەمدى نولگە ءتۇسىرۋ نىساناسىن تەزىرەك جۇزەگە اسىرۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ تەپە - تەڭدىگىن ويداعىداي يگەرىپ، ىندەتتىڭ دامۋ جاعدايىنا نەگىزدەلە وتىرىپ، ىندەتتەن ساقتانۋ ساياساتى مەن شارالارىن دەر كەزىندە رەتتەپ، ەڭ از بوداۋمەن ەڭ ۇلكەن ساقتانۋ - تىزگىندەۋ ونىمدىلىگىنە قول جەتكىزۋگە قۇلشىنۋ كەرەك.
ليۋ سۋشى قاتارلىلار ماجىلىسكە قاتىناستى.
