ورتالىق كوميتەت ۇگىت ءبولىمى، مەملەكەتتىك باس جۇمىسشى ۇيىمى
2022 - جىلعى ”ەڭ ارداقتى جۇمىسشى - قىزمەتكەرلەردىڭ“ ىزگى ىستەرىن بىرلەسىپ جاريالادى
شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى (تىلشىلەر فان شي، يە حاۋميڭ). باس شۋجي شي جينپيڭنىڭ جۇمىسشىلار تابى جانە جۇمىسشى ۇيىمى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ەڭبەك ەرى رۋحىن، ەڭبەك رۋحىن، ۇستا رۋحىن زور كۇشپەن ساۋلەلەندىرىپ، قالىڭ جۇمىسشى - قىزمەتكەرلەردى جاڭا جورىقتا ەكپىندەي ىلگەرىلەپ، جاڭا داۋىردە ەسە قوسۋعا شابىتتاندىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ ءۇشىن، ”1 - مامىر“ حالىقارالىق ەڭبەكشىلەر مەرەكەسى قارساڭىندا ورتالىق كوميتەت ۇگىت ءبولىمى، مەملەكەتتىك باس جۇمىسشى ۇيىمى 2022 - جىلعى ”ەڭ ارداقتى جۇمىسشى - قىزمەتكەرلەردىڭ“ ىزگى ىستەرىن تۇتاس قوعامعا اشىق جاريالادى.
2022 - جىلعى ”ەڭ ارداقتى جۇمىسشى - قىزمەتكەرلەر“ ءبىرىنشى شەپتەگى جاس ونەركاسىپ جۇمىسشىلارى، جاڭادان جۇمىسقا ورنالاسقان ەڭبەكشىلەر سياقتى شوعىرعا باعىتتالدى، حۋ شيڭشىڭ، چىڭ حۇڭشيا، ۋاڭ شۋەيۇڭ، چي چۋانجوۋ، ليۋ شۋجيە، شيۇڭ چاۋيۇڭ، ءومار قۇربان، لۇڭ بيڭ، جاڭ شو قاتارلى 9 جەكە مەن جۇڭتيە قۇرىلىس توبى بەيجيڭ 2022 - جىلعى قىسقى وليمپيادا سپورت جارىسى وليمپيادا قىستاعى جانە الاڭ - سارايلارى شوعىرى ينجەنەريالىق نىسانىنىڭ باسقارۋ ءبولىمى سىندى ءبىر كوللەكتيۆ داڭقپەن تاڭدالدى. ولار نەگىزگى ساتىعا جانە ءوندىرىس ءبىرىنشى شەبىنە تامىر تارتىپ، كەيبىرەۋى جوعارى دەڭگەيدەگى عىلىم - تەحنيكا الدىڭعى شەبىندە بيىك شىڭدارعا شىقتى، كەيبىرەۋى ”شۇعىل، قيىن، قاتەرلى، اۋىر“ قامال الۋ اۋىر مىندەتتەرىن بەلسەنە ارقالادى، كەيبىرەۋى تەحنيكادا جاڭالىق اشۋ ارقىلى ءوندىرىس لەنياسىنداعى جۇمىس ورنىن، جۇمىس ۋاقىتىن بارىنشا ازايتتى، كەيبىرەۋى حۋاڭحى وزەنىنىڭ تيەگىن باسقارۋدىڭ ءبىرىنشى شەبىندە تۇرىپ ەكولوگيالىق قورشاعان ورتانى قورعادى، كەيبىرەۋى ەلىمىزدىڭ تەڭىز - مۇحيت مۇناي - گازىن بارلاۋ - اشۋىنىڭ اسا تەرەڭدىك داۋىرىنە قادام تاستاۋىن دەمەدى، كەيبىرەۋى ازيا ءپىلىن ءوسىرۋ، قۇتقارۋ، ەمدەۋ سياقتى جاقتاردا ماڭىزدى ۇلەس قوستى، كەيبىرەۋى ونەر يەلەرىن باۋلۋعا كومەكتەسۋگە جانە باستاۋعا تاباندى بولدى، كەيبىرەۋى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسىندە كەرەك - جاراقتارمەن قامداۋدى بار كۇشپەن قامتاماسىز ەتتى، كەيبىرەۋى ءوزىن دامىتۋمەن قاتار، اۋىلداستاردىڭ دا كەدەيلىكتەن ارىلىپ، بايۋىنا كومەكتەسۋدى ەستەن شىعارمادى، كەيبىرەۋى قيىنشىلىقتاردى جەڭىپ، بەيجيڭ قىسقى وليمپيادا سپورت جارىسى كەزىندە ءتۇرلى نەگىزدىك قۇرىلعىلاردىڭ ورنىقتى حاۋىپسىز اينالىمىنا شىنايى كەپىلدىك ەتتى... ولار قاراپايىم قىزمەت ورنىندا ەلەۋلى ەڭبەك كورسەتىپ، جۇمىسشى تابىنىڭ ءداۋىر كەلبەتىن ايگىلەپ، ”ەڭبەك ەڭ داڭقتى، ەڭبەك ەڭ ارداقتى، ەڭبەك ەڭ ۇلى، ەڭبەك ەڭ كوركەم“ دەيتىن قوعامدىق سالتتى وبرازدى تۇردە ءتۇسىندىردى.
تاراتۋ سالتىندا ”ەڭ ارداقتى جۇمىسشى - قىزمەتكەرلەردىڭ“ ىزگى ىستەرى جونىندەگى قىسقا كەسكىن تىكە تاراتىلىپ، ولاردىڭ قىزمەت، تۇرمىس جونىندەگى تۇسىنىكتەرى ءار قىرىنان باياندالدى. ورتالىق كوميتەت ۇگىت ءبولىمىنىڭ، مەملەكەتتىك باس جۇمىسشى ۇيىمىنىڭ جاۋاپتى جولداستارى ولارعا ”ەڭ ارداقتى جۇمىسشى - قىزمەتكەر“ كۋالىگىن تاراتتى.
