تيانشان تورى   ›   جاڭالىقتار   ›   ەل ءىشى حابارى

”باس شۋجيدىڭ بۇل ءسوزى وي - سانامدى اشتى“

□ شينحۋا اگەنتتىگىنىڭ تىلشىلەرى گاۋ نان، جين جينشيۋ

  باس شۋجي شي جينپيڭ 2015 - جىلى 7 - ايدىڭ 16 - كۇنى جيلين ولكەسى يانبيان چاۋشيان اۆتونوميالى وبلىسىندا قىزمەت تەكسەرگەندە حىلۇڭ قالاسى دۇڭچىڭ قالاشىعىنىڭ گۋاڭدۇڭ قىستاعىنا كەلىپ سول جەردەگى بۇقارامەن اڭگىمەلەسكەن ەدى. جۋىقتا شينحۋا اگەنتتىگىنىڭ ءتىلشىسى سول كەزدە باس شۋجيگە اۋىلعا قايتىپ شارۋاشىلىق قۇرعان كەشىرمەسىنەن مالىمەت بەرگەن قىستاق تۇرعىندار ۋاكىلى جين جۇنگە قايتالاي تىلشىلىك ىستەدى.

  【سول كەزگە قايىرىلا قاراۋ】

  قىستاققا كىرگەندە اۋماقتى كۇرىش اتىزىن باسىپ وتۋگە تۋرا كەلەدى. باس شۋجي شي جينپيڭ اۆتوكولىكتەن ءتۇسىپ، باتباقتى تاقتا قىرىن بويلاپ كۇرىش اتىزىنا كىرىپ، اتىزدا ەڭبەك ىستەپ جۇرگەن قىستاق تۇرعىندارىمەن جانە اۋىل شارۋاشىلىعى تەحنيكتەرىمەن پىكىرلەستى. باس شۋجي بىلاي دەدى: جۇڭگودا ءبىر ميلليارد 300 ميلليون حالىق بار، وزىمىزگە سۇيەنىپ استىق ءوندىرىسىن ورنىقتىرۋىمىز كەرەك. استىقتىڭ دا ماركاسىن شىعارۋ كەرەك، وسىلاي بولسا باعاسى جاقسى، ءونىمى جاقسى بولادى. اۋىلداستاردىڭ مول ءونىم الۋىن تىلەيمىن.

  سودان كەيىن باس شۋجي شي جينپيڭ ءبىر قىستاق تۇرعىنىنىڭ ۇيىندە شاعىن اڭگىمە ءماجىلىس اشتى. چاۋشيان ۇلتىنىڭ سالتى بويىنشا، باس شۋجي شاقايىن شەشىپ سۇپىعا شىعىپ، مالداس قۇرا وتىرىپ، اۋىلداستارمەن اڭگىمە دۇكەنىن قۇردى. 32 جاستاعى جين جۇن اۋىلعا قايتىپ شارۋاشىلىق قۇرعان جاستاردىڭ ۋاكىلى رەتىندە باس شۋجيدىڭ قاسىنا وتىرىپ، باس شۋجيگە كۇرىش ەگۋمەن، وڭدەۋمەن اينالىسقان شارۋاشىلىق قۇرۋ كەشىرمەسىنەن مالىمەت بەردى.

  【جين جۇننىڭ جۇرەك ءۇنى】

  ”استىقتىڭ دا ماركاسىن شىعارۋ كەرەك“، باس شۋجيدىڭ بۇل ءسوزى وي - سانامدى اشتى.

  مەن 2009 - جىلى شەتەلدەن وقىپ ورالعان سوڭ، قىستاقتا ورگانيكالىق كۇرىش ەگىس الاڭىن اشتىم، سونداي - اق كۇرىش وڭدەۋ سەرىكتەستىگىن قۇردىم، اۋىلداستاردى باستاپ ”ءۇي بىتكەن ۇلتاراقتاي جەرگە قاراپ وتىراتىن“ ەگىن سالۋ تاسىلىنە قوش ايتۋعا باستاۋدى سىناپ كوردىم. الايدا سول كەزدە ءار كۇنى، ەڭ كوپ بولعاندا، 30 توننا كۇرىش وڭدەيتىنبىز، نەگىزىنەن ءبارى جەرگىلىكتى ورىندا ساتىلاتىن، جاقسى كۇرىشتى جوعارى باعادا ساتا المايتىن ەدىك.

  باس شۋجيدىڭ تاپسىرماسى ءبىزدىڭ يانبيان كۇرىشى، جيلين كۇرىشى كاسىپ سالاسىنىڭ دامۋىنا ايقىن بەتالىس كورسەتىپ، بىزگە كاسىپ سالالاندىرۋمەن، ماركالاندىرۋمەن جۇرۋگە دەم بەردى جانە سەنىم باعىشتادى.

  ماركانىڭ اتىن شىعارۋ ءۇشىن، ءبىز ءبىرتالاي جەرگە بارىپ تەكسەرۋ جۇرگىزدىك، اۋىل شارۋاشىلىق تەحنيكاسى ماماندارىن كۇرىش ەگىمشىلىگىنە عىلىم - تەحنيكالىق قولداۋ كورسەتۋگە ۇسىنىس ەتتىك. كونە سورتتى جاقسارتىپ، كۇرىش ءدانى اناعۇرلىم ءنارلى، اناعۇرلىم مايدا، اناعۇرلىم ءدامدى بولدى.

  سورتى جوعارىلاعان سوڭ ءبىز ەگىمشىلىك كولەمىن كەڭەيتتىك، مانەرلەۋ زاۆودىن كەڭەيتىپ سالدىق، سونىمەن بىرگە ارنايىلانعان مانەرلەۋ جابدىقتارى مەن ولشەمدەندىرىلگەن ءوندىرىس جەلىسىن ەنگىزدىك، تاعى ينتەرنەت جەلىسىندە وتكىزۋ ارقىلى جاڭا ساتۋ جولىن اشتىق. بۇرىن جەرگىلىكتى ورىندا عانا جەلىدەن تىس ساتىلاتىن كۇرىش بۇل كۇندەرى ەلەكتروندى ساۋدا تۇعىرى ارقىلى بۇكىل ەلدىڭ جەر - جەرىنە ساتىلاتىن بولدى.

  سوڭعى جىلدارى گۋاڭدۇڭ قىستاعى ءار دارەجەلى ۇكىمەتتەردىڭ كومەگىندە بۇكىل ەلدەگى ورگانيكالى كۇرىش ەگىمشىلىگىن عىلمي جالپىلاستىرۋدان ۇلگى كورسەتۋ بازاسىنا، مەملەكەت قورشاعان ورتا بويىنشا كۋالاندىرعان ورگانيكالى كۇرىش بازاسىنا اينالدى. كۇرىشتىڭ باعاسى بۇرىنعى ءار كيلوگرامى 8 يۋاننان قازىر ءار كيلوگرامى 15 يۋانعا جوعارىلاپ، 300 نەشە وتباسىنداعى قىستاق تۇرعىنىن بىرگە بايۋعا جەتەكتەدى.

  سول جىلى باس شۋجي مەنى جاقسى ىستەۋگە جىگەرلەندىردى، قازىر مەن باس شۋجيگە مالىمەت بەرەمىن، وسى جىلداردا ءبىزدىڭ يانبياننىڭ كۇرىشى تەك بۇكىل ەلدىڭ جەر - جەرىنە ساتىلىپ قالماستان، تاعى كورەيا، جاپونيا سياقتى ەلدەرگە دەيىن ساتىلدى. بۇل بۇرىندارى ويلاۋعا دا باتىلىمىز بارمايتىن ءىس ەدى، يانبياننىڭ كۇرىشى ”ءدامدى“ بولۋدان ”ايگىلى“ بولۋعا بەت الدى.

(شينحۋا اگەنتتىگىنىڭ 4 - ايدىڭ 28 - كۇنى چاڭچۇننەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.