انار بۇلت \ شينجياڭ گازەتىنىڭ ءتىلشىسى گو ليڭ 4 - ايدىڭ 30 - كۇنى ۇرىمجىدەن حابارلايدى. 4 - ايدىڭ 30 - كۇنى ورتالىق كوميتەت ۇگىت ءبولىمى، مەملەكەتتىك باس جۇمىسشىلار ۇيىمى 2022 - جىلعى ”ەڭ ارداقتى جۇمىسشى - قىزمەتكەرلەردىڭ“ ىزگى ىستەرىن تۇتاس قوعامعا اشىق جاريالادى، جۇڭگو شينجياڭ قۇرىلىس توبى 4 - قۇرىلىس ينجەنەريا شەكتى سەرىكتەستىگىنىڭ تەحنيكالىق ساپا قىزمەتكەرى، ينجەنەر ءومار قۇربان مەملەكەتتىك ”ەڭ ارداقتى جۇمىسشى - قىزمەتكەر“ بولىپ باعالاندى.
49 جاستاعى ءومار قۇربان حوتان ايماعى لوپ اۋدانىندا دۇنيەگە كەلگەن، 1995 - جىلى قىزمەتكە قاتىناسقان، قىزمەتتە ناتيجەسى كورنەكتى بولعاندىقتان، ەڭبەك ەرى جاسامپازدىق كەڭسەسى ارقىلى قوسىندى باستاپ جاڭالىق اشۋعا، ونىمدىلىك جاراتۋعا كۇش سالىپ، كاسىپورىنعا 3 ميلليون يۋاننان استام ەكونوميكالىق ونىمدىلىك اكەلدى. 2017 - جىلدان 2019 - جىلعا دەيىن ءومار قۇربان قاشقار ايماعى يىڭسار اۋدانى جاڭا جەر اۋىلى حۋاڭدي قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناستى، ول قىستاقتىڭ دامۋ ءىس جۇزىندىك جاعدايىنا ۇيلەسەتىن كەدەيلەردى سۇيەمەلدەۋ نىسانىن بەلسەندىلىكپەن ءوتىنىش ەتىپ، جەرگىلىكتى ۇكىمەتتىڭ قولداۋىمەن، قىستاقتا ىركەس - تىركەس تىگىنشىلىك، اعاششىلىق، باعىمشىلىق قاتارلى 6 كاسىپتىك سەلبەستىك كووپەراتيۆىن قۇرىپ، 300دەن استام قىستاق تۇرعىنىن ءوز ماڭىندا كاسىپتەنۋگە جەتەكتەدى. ول ىلگەرىندى - كەيىندى اۆتونوميالى رايوندىق ەڭبەك ەرى، مەملەكەتتىك 1 - مامىر ەڭبەك مەدالى سياقتى داڭقتارعا يە بولدى.
”مەن داڭقتى باستاما ەتىپ، قۇلشىنا تىڭ ناتيجە جاراتۋمەن بىرگە، ەڭبەك ەرلەرىنىڭ ۇلگىلىك، باستاماشىلىق رولىن ويداعىداي ساۋلەلەندىرىپ، اناعۇرلىم كوپ ادامنىڭ شەبەرلىك ورەسىن جوعارىلاتىپ، شينجياڭنىڭ قۇرىلىس سالاسىنىڭ جوعارى ساپالى دامۋىنا كۇش - قۋات قوسۋعا باستايمىن“، - دەدى ءومار قۇربان.
