− ”ەڭ ارداقتى جۇمىسشى - قىزمەتكەرلەر“ جونىندە (1)
□ شينحۋا اگەنتتىگىنىڭ تىلشىلەرى
يە حاۋميڭ، ليۋ شياسۇن
ولار قالىڭ ەڭبەكشىلەردىڭ ۋاكىلى، ولار جاڭا داۋىردە ەكپىندەي ىلگەرىلەۋشىلەردىڭ تيبى، ولار ەڭبەك ەڭ داڭقتى دەيتىن ءداۋىردىڭ اسقاق اۋەنىن شىعانداتتى...
ەڭبەك ۇلگىلەرى رۋحىن، ەڭبەك رۋحىن، ۇستا رۋحىن زور كۇشپەن اسقاقتاتىپ، جۇڭگو جۇمىسشىلارىنىڭ حيكاياسىن ويداعىداي بايانداۋ ءۇشىن، ”1 - مامىر“ حالىقارالىق ەڭبەكشىلەر مەرەكەسى قارساڭىندا ورتالىق كوميتەت ۇگىت ءبولىمى، مەملەكەتتىك باس جۇمىسشى ۇيىمى 2022 - جىلعى ”ەڭ ارداقتى جۇمىسشى - قىزمەتكەرلەردىڭ“ ىزگى ىستەرىن تۇتاس قوعامعا اشىق جاريالادى.
ۇزدىكسىز جاڭالىق اشىپ، ءىرى ەلدىڭ قارپىندى قۇرالىنىڭ دامۋىنا دەم بەردى
كىتاپ وقىعاندا ونىڭ ءنارىن مولىنان شەبەرلىكپەن قابىلداۋ كەرەك، مول قوردى ءارى ءبىلىمدى بايىپتىلىقپەن پايدالانۋ كەرەك. بۇل حۋ شيڭشىڭنىڭ وقۋشىلىق داۋىرىنەن بەرگى ۇستانىمى.
2020 - جىلى عارىش سالاسىندا مەملەكەتكە ەڭبەك ءسىڭىرۋدى اسقاق مۇرات ەتكەن حۋ شيڭشىڭ باسقا كاسىپورىنداردىڭ ىرعىن مامىلەسىنەن جانە ەڭبەكاقىسىنان باس تارتىپ، جۇڭگو عارىش عىلىم - تەحنيكا ونەركاسىپ توبى 2 - زەرتتەۋ مەكەمەسىنە كىرىپ، قىزمەت بارىسىندا كورنەكتى كاسىپتىك قابىلەتى مەن تەحنيكا ساپاسىن ايگىلەدى. قىسقا عانا ءبىر جىل ارالىعىندا، ول كوپ ءتۇرلى ءوندىرىس جابدىقتارىنا تالداۋ جۇرگىزىپ، ورتاعا قويىپ، جاساپ، جاڭالاپ، جوعارى تەحنيكالى، جوعارى ساپالى، بارىنشا سەنىمدى عارىش جابدىقتارى ءونىمىن وندىرۋگە، جاساۋعا كۇش قوستى.
ساڭلاۋسىز تەكسەرۋ - ولشەۋ قوندىرعىسىن زەرتتەپ اشتى، گرافيت قاپتاما تۇتىكتى اۆتوماتتى مايدالاۋ قوندىرعىسىن جوبالادى، اۆتوماتتانعان قازانشىق بوياۋ اسپابىن جاڭالادى... تالايلاعان تەحنيكادا جاڭالىق اشۋ امالياتى بارىسىندا حۋ شيڭشىڭ ءوزىنىڭ جاڭالىق اشۋ دەڭگەيى مەن جوبالاۋ قابىلەتىن ۇزدىكسىز جوعارىلاتىپ، چەرتوج جوبالاۋدان ناقتى زات ونىمدەرىنە دەيىنگى ”ەڭ سوڭعى ءبىر كيلومەتر“ قارىشتاۋدى قۇلشىنا جۇزەگە اسىرىپ، ءوندىرىس ورىندارى اراسىندا تەحنيكادا جاڭالىق اشۋ جاعىنداعى ەگەيگە جانە جەتەكشىگە اينالدى.
نانجيڭ سانلى توبى شەكتى سەرىكتەستىگىنىڭ عىلمي زەرتتەۋدەگى تەحنيكالىق تىرەكتى كادرى رەتىندە، چىڭ حۇڭشيا ميكرو تولقىندى ەلەكتر ۋاكۋم نەگىزگى بولشەگىن زەرتتەپ جاساۋ جانە ءوندىرۋ قىزمەتىمەن ۇزاق ۋاقىت اينالىستى، تىڭعىلىقتى عىلمي زەرتتەۋ دەڭگەيى مەن ۇجىمدى باستاپ قامال الىپ، قيىندىقتى جەڭۋ قابىلەتىنە سۇيەنگەن چىڭ حۇڭشيا اۋىر جۇكتى باتىل ارقالاپ، مەملەكەتتىڭ كوپ ءتۇرلى جان - جاقتى تاقىرىپتاردى زەرتتەپ - جاساۋ مىندەتىن ۇستىنە الىپ ءارى جانە وعان جاۋاپتى بولىپ، ىلگەرىندى - كەيىندى 10 نەشە مەملەكەت قورعانىسى ءتۇيىندى ينجەنەرياسىنىڭ سايكەستى نىساندارىن زەرتتەپ اشۋدى باسقاردى نەمەسە وعان ات سالىستى.
رەسمي ۇلگىدەگى 44 ۇشاق بولشەگىنىڭ جاساندى سەرىككە شىعارىلىپ وربيتادا قولدانىلۋىن جۇزەگە اسىرىپ، بەيدوۋ 3 - ءنومىرلى جول نۇسقاۋشى جاساندى سەرىك ورىن تۇراقتاندىرۋ جۇيەسىنىڭ بۇكىل الەمدىك تور قۇرۋ مىندەتىنىڭ تابىستى بولۋىنا ءونىمدى كەپىلدىك ەتتى؛ ”جوعارى ءونىمدى، جوعارى سىزىقتى شابان تولقىندى جۇيە“ سياقتى ءبىرقىدىرۋ شەشۋشى تەحنيكالاردىڭ وسال تۇستارىنان قامال الىپ، سەرىكتەستىكتىڭ سىزىقسىز كورسەتكىشتەردى زەرتتەپ - جاساۋ نەگىزىندەگى اق تاڭداقتى تولتىردى...
تاياۋ جىلداردان بەرى، چىڭ حۇڭشيا ۇجىمدى باستاپ شەتەلدىڭ تەحنيكاداعى قۇرساۋىن ءساتتى تالقانداپ، كەلەلى تەحنيكادان جاڭالىق اشۋدى، قامال الۋدى جانە شەشۋشى نەگىزگى بولشەكتەردى دەربەس زەرتتەپ جاساۋدى جۇزەگە اسىرىپ، اناعۇرلىم كوپ جەلىلەس حۋاشيڭ تاسىمالعا پايدالاناتىن ينجەنەريا ونىمدەرىن شىعارىپ، جاساندى سەرىك جابدىقتارىنان پايدالانۋ قاجەتىن ءونىمدى قاناعاتتاندىرىپ، مەملەكەت قورعانىسى ءتۇيىندى ينجەنەرياسى مەن ماڭىزدى اسكەري ىستەر ەلەكتروندى قارۋ - جاراق جۇيەسى قۇرىلىسى ءۇشىن كەلەلى ۇلەس قوستى.
شەبەرلىككە توسەلىپ، دامۋداعى كىلتەڭ قيىن ماسەلەلەردى شەشتى
ۋاڭ شۋەيۇڭ چيرۇي اۆتوكولىك جارنا شەكتى سەرىكتەستىگىنىڭ جوعارى دارەجەلى اۆتوكولىك قۇراستىرۋشىسى، رەتتەۋشىسى، ونىڭ كۇندەلىكتى قىزمەتىندە تەحنيكا قاشاندا ءبىرىنشى ورىندا تۇرادى.
2003 - جىلى قىزمەتكە قاتىناسقاننان بەرى ۋاڭ شۋەيۇڭ ىلگەرىندى - كەيىندى 321 كۇردەلى ماسەلەدەن قامال الدى، كوپ ءتۇرلى اۆتوكولىك تۇرپاتىنىڭ جاڭا ۇلگىسىن سىناق رەتىندە جاساۋعا قاتىستى. تۇتاس اۆتوكولىك جاساۋ بارىسىندا ول تۇتاس اۆتوكولىكتىڭ ەلەكترون، ەلەكتر جابدىقتارى بولىگىندە، موتور جۇيەسىندە جانە تاعان بولىگىندە تۋىلعان ءتۇرلى ماسەلەلەرگە قاراتا، كاسىبي جۇلگەلىك تالداۋ جاساۋ مەحانيزمىن قالىپتاستىردى.
چيرۇي شەتەل بازارىن اشقان العاشقى مەزگىلدە، شەتەلدەگى قىزمەتكەرلەردى تەحنيكالىق باۋلۋ قىزمەتى تىم كەمەلدى بولماعاندىقتان، ماسەلە بار كوپتەگەن اۆتوكولىك ءوندىرىس ورنىندا توقتاپ قالىپ، الارمانداردىڭ قولىنا دەر كەزىندە تيمەدى. ۋاڭ شۋەيۇڭ تاۋەكەلگە بەل بۋىپ، رەسەيدىڭ كالينينگرادىنا بارىپ، تەحنيكالىق جاقتان قولداۋ كورسەتۋ، قيىن ماسەلەلەرگە تۇجىرىم جاساۋ جانە شەتەلدەگى قىزمەتكەرلەردى باۋلۋ قىزمەتتەرىن ىستەدى. 27 كۇن قۇلشىنۋ ارقىلى ول جيىنى 600 اۆتوكولىكتەگى قيىن ماسەلەنى ءبىر جايلى ەتىپ، چيرۇي اۆتوكولىگىنىڭ شەتەل بازارىن اشۋىنا ۇلەس قوستى.
چي چۋانجوۋ شاندۇڭ حىزى حۋاڭحى وزەنى ىستەرى مەكەمەسى سۋمەن قامداۋ مەكەمەسى يۇنچىڭ سۋمەن قامداۋ باسقارماسىنىڭ جوعارى دارەجەلى تەحنيگى، باس تەحنيگى. 1989 - جىلى قىزمەتكە قاتىناسقاننان بەرى ول تيەك اينالىمى جۇمىسشىسى، توكشى، ماشينا، سۋ يگىلىگى ينجەنەرياسى چەرتوجىن سىزۋ سياقتى بىلىمدەردى جانە تيەكتى اۆتوماتتى مەڭگەرۋ سياقتى تەحنيكالاردى تاباندىلىقپەن ۇيرەنىپ، كۇن سايىن قۇلشىنا ۇيرەنىپ، العا باسىپ، تىڭعلىقتى نازاريالىق نەگىز جانە تاڭداۋلى امالياتتىق قابىلەت ازىرلەدى.
قىزمەتكە قاتىناسقان 30 نەشە جىلدان بەرى چي چۋانجوۋ قاشاندا حۋاڭحى وزەنىنىڭ جاعاسىنان جانە سۋ تيەگىن باسقارۋدىڭ ءبىرىنشى شەبىنەن تاپجىلماي، ”وزەندى عىلىم - تەحنيكا ارقىلى جونگە سالۋدى“ ىلگەرىلەتتى. ول ”تورموزدى جەدەل رەتتەۋ ءتاسىلى“ سىندى كەرەمەت ونەرىنەن پايدالانىپ، تورموزدىڭ 3 رەتتەۋ جۇمىسىن بۇرىنعى 10 نەشە مينۋتتان 76 سەكۋندقا قىسقارتتى؛ ”تەڭ اشىپ، دارەجەگە ءبولىپ جوعارىلاتۋ مەڭگەرۋ ءتاسىلىن“ تيەكتى اعىتۋ، جابۋ جۇمىسىندا قولدانىپ، تيەكتىڭ تەڭ اعىتىلىپ - جابىلۋىنا شىنايى كەپىلدىك ەتىپ، سۋ تيەگى ينجەنەرياسىنىڭ حاۋىپسىزدىگىن پارمەندى تۇردە قامتاماسىز ەتتى.
تالاي جىلدان بەرى چي چۋانجوۋ حۋاڭحى وزەنى الابىن جوعارى ساپالى دامىتۋ قاجەتىن كوزدە ۇستاي وتىرىپ، جەرگىلىكتى ەكونوميكانىڭ دامۋىنا ىستەتىلەتىن سۋدىڭ ءىس جۇزىندىك جاعدايىنا بايلانىستىرىپ، جيىنى 6 ميلليارد تەكشەمەتر سۋمەن ىجداعاتتىلىقپەن حاۋىپسىز قامدادى، 600 نەشە مىڭ مۋ جەردى تۇنبا توسەپ ساپالىلاندىردى، 100 ميلليون يۋاننان ارتىق ەكونوميكالىق ونىمدىلىك جاراتىپ، جەرگىلىكتى ەكونوميكانىڭ دامۋىنا، حالىق تۇرمىسىنىڭ جاقسارۋىنا جانە حۋاڭحى وزەنىنىڭ ەكولوگيالىق قورشاعان ورتاسىن قورعاۋعا كورنەكتى ۇلەس قوستى.
باتىلدىقپەن جاۋاپكەرشىلىك ارقالاپ، بۇقارانى باستاپ باقىتتى كوزدەدى
جاڭ شو حيلۇڭجياڭ ولكەسى حىگاڭ قالاسى نانشان رايونى جۇنشىدا كەرەك - جاراقتاردى جەتكىزىپ بەرۋ قىزمەت وتەۋ ورنىنىڭ ديرەكتورى، اۋىلىنداعى اۋىل شارۋاشىلىعىمەن شۇعىلداناتىن كەيبىر ادامداردىڭ تۇرمىسىندا قيىنشىلىعى بار ەكەندىگىن، اۋەلى، كەدەي وتباسى، ەڭ تومەنگى تۇرمىسى قامتاماسىز ەتىلەتىن وتباسى قاتارىنا ەنگىزىلگەندىگىن كورگەندە، اۋىل - قىستاقتى گۇلدەندىرۋ ارمانىن ارقالاعان ول اۋىلدىق ۇكىمەتپەن كەدەي وتباسىلاردى جۇمىستاندىرۋ ماسەلەسىن بىرگە اقىلداسىپ، باعىتتامالى تۇردە كومەكتەسۋ ورىستەتىپ، قىزمەتكەر قابىلداۋدىڭ قيىندىعىن شەشۋمەن قاتار، كوپتەگەن اۋىلداسىنىڭ كىرىسىن ارتتىرۋىنا كومەكتەستى.
جاڭ شو كاسىپورىندى دامىتۋمەن قاتار، قوعامدىق جاۋاپكەرشىلىك ارقالاۋ كەرەكتىگىن دە ابدەن ءبىلدى. ىندەتكە قارسى اتتانعان كەزدە ول زات جەتكىزۋشىلەردى اتتانىسقا كەلتىرىپ جانە باستاپ، قاقاعان ايازدان، شىلىڭگىر ىستىقتان تايسالماي، كەزەكتەن تىس ۇستەمە جۇمىس ىستەپ، حالىق تۇرمىسىنا قاجەتتى زاتتارمەن قامداپ، كوپشىلىكتىڭ ءبىر نيەتپەن ىنتىماقتاسىپ، قيىنشىلىقتى جەڭۋ سەنىمى مەن بەكىمىن قاۋلاتىپ، حىگاڭ قالاسىنىڭ ىندەتكە قارسى اتتانۋىنا ەسەلى ۇلەس قوستى، سونىمەن قاتار الەۋمەتتىك يگىلىك ىستەرىنە دە بەلسەنە ات سالىسىپ، اۋەلگى ماقساتپەن بورىشىن امالياتتا ايگىلەدى.
ءومار قۇربان جۇڭجيان شينجياڭ قۇرىلىس توبى 4 - قۇرىلىس ينجەنەريا شەكتى سەرىكتەستىگىنىڭ ءبىر تەحنيكالىق ساپا قىزمەتكەرى. 2017 - جىلى پارتيا مەن مەملەكەتتىڭ ۇندەۋى بويىنشا ءومار قۇربان قاشقار ايماعى يىڭسار اۋدانى جاڭا جەر اۋىلى حۋاڭدي قىستاعىنا كەلىپ، قىستاقتاعى كەدەيلەسۋگە تاياعان وتباسىلاردى، كەدەيلىكتەن ارىلتۋ بويىنشا قاداعالاناتىن وتباسىلاردى جانە ەرەكشە قيىنشىلىعى بار وتباسىلاردى كوزدەي وتىرىپ، جۇمىستانۋدى شەشۋ، كاسىپ سالاسىن دامىتۋ، ساياساتتىق ەڭ تومەنگى شەكتەن تۇسىرمەۋ سياقتى شارالار ارقىلى 829 كەدەي قىستاق تۇرعىنىنىڭ كەدەيلىكتەن ارىلىپ، بايۋىنا كومەكتەستى.
ءومار قۇربان ۇستاز شاكىرت تاربيەلەيتىن ”ۇيرەتۋ، كومەكتەسۋ، جەتەكتەۋ“ ءتۇزىمىن ورناتىپ، 30 از ۇلت جۇمىسكەرىنىڭ ۇستازىنا اينالىپ، ولاردى باستاپ ەگىنشىدەن كاسىپ جۇمىسشىسىنا اينالدىرىپ، ەڭبەك ۇلگىسى رۋحىن اسقاقتاتىپ، جاڭالىق اشىپ، ونىمدىلىك جاراتقان ”سەركەگە“ اينالدى.
ءومار قۇرباننىڭ قاراپايىم، اق كوڭىلدىلىگى ونى كەدەيلىكتەن ارىلىپ بايۋعا كومەكتەسەتىن ”جان اشىرعا“ اينالدىردى؛ ونىڭ شىن پەيىلى، باۋىرمالدىعى ونى كاسىپ جۇمىسشىلارىن تاربيەلەيتىن ”جول باستاۋشىعا“ اينالدىردى. ايتسە دە ول: مەيلى قانداي رول اتقارساڭ دا، تەك ىستەگەن ىسىڭە ادال بولعاندا عانا، قاراپايىم ءومىر جولىنداعى ءاربىر قادامىڭنىڭ ءۇمىتىن اقتاي الاسىڭ، - دەيدى.
(شينحۋا اگەنتتىگىنىڭ 4 - ايدىڭ 30 - كۇنى بەيجيڭنەن بەرگەن حابارى)
