انار بۇلت \ شينجياڭ گازەتىنىڭ ءتىلشىسى جاۋ يۋە
”1 - مامىر“ دەمالىسىندا رايونىمىزدىڭ مەرەكەلىك بازارلارى جالپى تۇلعالىق جاقتان ورنىقتى اينالىم كۇيىن ساقتادى، جەر - جەردەگى بازارلاردا قامداۋمەن قامتاماسىز ەتۋ جەتكىلىكتى، باعا ورنىقتى بولىپ، ءار ۇلت بۇقاراسى دەمالىستاعى تۇرمىستىڭ قىزىعىنا شومدى.
اۋىل شارۋاشىلىق ونىمدەرى مول بولدى
5 - ايدىڭ 1 - كۇنى تۇستەن بۇرىن ءۇرىمجى شينليان اۋىل شارۋاشىلىق قوسىمشا ونىمدەرى جالپىلىق بازارىنىڭ كىرە بەرىسىندە، جۇك اۆتوكولىكتەرى ىندەتتەن ساقتانۋ بويىنشا تەكسەرۋدەن وتكەننەن كەيىن تارتىپپەن بازار ىشىنە كىردى، قالا تۇرعىندارى تاۋارلاردى تاڭداپ ساتىپ الۋدا.
”بۇگىن تاڭ سارىدە 127 ءتۇرلى، 45 توننا كوكونىس تاراتىلدى“. وسى بازارعا ورنالاسقان ءۇرىمجى چاڭرۇڭليتۇڭ ساۋدا شەكتى سەرىكتەستىگىنىڭ جاس كۇيىندە ساقتاۋ قامباسىندا، جاۋاپتى ادام جاڭ ميڭجيە تۇنىمەن ابىگەرلەنىپ كوز ىلگەن جوق.
جاڭ ميڭجيە بىلاي دەپ تانىستىردى: وسى سەرىكتەستىك جانە باسقا دا بىرنەشە سەرىكتەستىك ءۇرىمجى قالاسىنىڭ باسىم كوپ بولىك قالا رايونى الەۋمەتتىك اۋماقتارىنداعى كوكونىس، قوسىمشا ازىق - تۇلىك تىكە ساتۋ ورىندارىنا كوكونىس جەتكىزۋ مىندەتىن ارقالاعان، سەرىكتەستىك ءار كۇنى ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) الەۋمەتتىك اۋماقتارىنداعى كوكونىس، قوسىمشا ازىق - تۇلىك تىكە ساتۋ ورىندارىنا 40 − 50 توننا كوكونىس جەتكىزىپ بەرۋى كەرەك.
”قازىر كوكونىس باعاسىندا وزگەرىس ۇلكەن ەمەس. تاياۋدا وڭتۇستىك شينجياڭنىڭ جىلىجايلارىنداعى كوكونىستەر كوپ مولشەردە بازارعا سالىندى، ۇزىنشاق بۇرىش، قىزاناق، باكلاجان، اشتى قيار سياقتىلاردىڭ بولشەك ساتىلۋ باعاسى 5 يۋان اينالاسىندا، سونىمەن بىرگە ءۇرىمجى قالاسىنىڭ ماڭىنداعى جاپىراقتى كوكونىستەر دە بازارعا شىعارىلدى، بوساي، يوۋمايساي سياقتىلاردىڭ بولشەك ساتىلۋ باعاسى 3 يۋان اينالاسىنا دەيىن ارزاندادى. كەلەسى اپتادا اۋا تەمپەراتۋراسى جوعارىلاسا، كوكونىس باعاسى تاعى ارزاندايدى“، - دەدى جاڭ ميڭجيە.
تىلشىنىڭ ۇعىسۋىنا قاراعاندا، قازىر شينجياڭدا زات اينالىمى ىركىلىسسىز، ءۇرىمجى شينليان اۋىل شارۋاشىلىق قوسىمشا ونىمدەرى جالپىلىق بازارى، شينجياڭ جيۋديڭ اۋىل شارۋاشىلىق ونىمدەرىن تولايىم ساتۋ بازارى سياقتى اۋىل شارۋاشىلىق ونىمدەرىن تولايىم ساتۋ ءىرى بازارلارىندا كوكونىس، جەمىس - جيدەك سياقتىلارمەن قامداۋ جەتكىلىكتى، باعا ورنىقتى بولعان.
ساۋدا ەرەن بازارلارى شاعىن اۋماقتارعا كىردى
5 - ايدىڭ 1 - كۇنى ياركەن اۋدانىنداعى ءارقايسى ۇلكەن ەرەن بازارلاردا تاۋارلار كوزدىڭ جاۋىن الدى، باعانى ارزانداتۋ، ءوتىمىن جەدەلدەتۋ اسپا تاقتالارى، جارناما ۇگىت سۋرەتتەرى كورنەكتى ورىنعا جاپسىرىلدى.
”ءوتىمىن جەدەلدەتۋ قيمىلىنىڭ تەبىنى ءبىرشاما كۇشتى، زات ساتىپ الساڭ وتە ارزان!“، - دەدى ياركەن اۋدانى ۋاڭكىلۇڭ ەرەن بازارىندا تۇرعىن نۇريمانگۇل ابدۇقادىر قۋانا.
ءۇرىمجى قالاسى جىجيان جيايۋان شاعىن اۋماعىندا تۇرعىن حۋ يىڭحۋا حۋارۇن ۋانجيا ەرەن بازارى اشقان جايما ورنىنان 2 قالتا ۇن ساتىپ الدى، زات ساتۋشى ىرىقتىلىقپەن ونىڭ ۇنىن 4 - قاباتتاعى ۇيىنە دەيىن جەتكىزىپ بەردى.
”’1 - مامىر‘ دەمالىسى كەزىندە ءبىز ەرەن بازارلاردا باعانى ارزانداتۋ، ءوتىمىن جەدەلدەتۋ سياقتى تيىمدىلىك جاساۋ قيمىلدارىن وتكىزۋمەن بىرگە، تاعى كوپتەگەن شاعىن اۋماقتاردا جايما ورىندارىن قۇرىپ، تاۋارلاردى تۇرعىنداردىڭ ەسىگىنىڭ الدىنا دەيىن جەتكىزىپ بەردىك“، - دەدى حۋارۇن ۋانجيا ساۋدا، عىلىم - تەحنيكا (شينجياڭ) شەكتى سەرىكتەستىگى حىبەي دۇڭلۋ دۇكەنىنىڭ جاۋاپتىسى گۇي جۇن.
مەرەكە كەزىندە ءۇرىمجى قالاسىنداعى ءارقايسى ءىرى ساۋدا ەرەن بازارلارى، سونداي - اق ايران، سۋسىن سياقتى ازىق - تۇلىك وندىرەتىن زاۆودتار تۇرعىندار شاعىن اۋماعىندا جايما ورىندارىن قۇرىپ، بۇقارانىڭ زات ساتىپ الۋىنا قولايلىلىق جاسادى.
ەلەكتروندى ساۋدا ورىندارى زات دايىنداۋمەن قاربالاس
5 - ايدىڭ 1 - كۇنى تاڭەرتەڭ ەرتە ءۇرىمجى قالاسى رىيۋە شيڭگۋاڭ شاعىن اۋماعىندا تاۋار تولتىرا تيەلگەن جاس كۇيىندە ساقتاۋ كولىگى ەرەن بازارلاردىڭ ەسىگىنىڭ الدىنا كەلىپ زات جەتكىزىپ بەردى، سىرتتان تاماق جەتكىزۋشى جىگىت ءبىر كۇندىك قاربالاستىعىن باستادى.
”مىسىقتىڭ ازىعى كەلدى، تەز جەتكىزىپ بەردى“. جەدەل جولداما جەتكىزۋشى جىگىت ۇيگە دەيىن جەتكىزىپ بەرگەن مىسىق ازىعىن العاننان كەيىن، رىيۋە شيڭگۋاڭ شاعىن اۋماعىنىڭ تۇرعىنى مياۋ چيڭ قۋانىشپەن وسىلاي دەدى.
”1 - مامىر“ مەرەكەسىندەگى قامداۋمەن قامتاماسىز ەتۋ قىزمەتىن ويداعىداي ىستەۋ ءۇشىن، ءۇرىمجى قالاسىنداعى ءىرى ەلەكتروندى ساۋدا ورىندارى زاتتاردى بەلسەنە دايىنداپ، قالا تۇرعىندارىنىڭ ينتەرنەتتەن زات ساتىپ الۋىنا قاجەتتى مەرەكەلىك تاۋارلاردى ۋاعىندا جەتكىزۋدى قامتاماسىز ەتتى.
”بىزدە جەلىدەن تىس ساۋدا الاڭدارى بولۋدان تىس، الەۋمەتتىك اۋماقتا توپتىق ساتىپ الۋ، ۋانجيا APP، مەيتۋان، ىلىما، جيڭدۇڭ سياقتى جەلىدە ’جۇزدەسپەي - اق‘ زات ساتىپ الۋدىڭ 5 ءتۇرلى ءتاسىلى دە بار، سونىمەن بىرگە جەكەلەر مەن مەكەمە ورىندارعا باعىتتاپ تولايىم ساتۋ كاسىبىن ورىستەتتىك، جەلىدەگى ساتىلىم مولشەرىنىڭ ارتۋى سايكەس مەزگىلدەگىدەن ءبىرشاما جوعارى بولدى“. گۇي جۇن بىلاي دەدى: ساۋدا ەرەن بازارلارى سىرتقا شىعىپ، تۇرعىندارعا اناعۇرلىم كوپ تيىمدىلىكتەر مەن قولايلىلىقتار جەتكىزدى، بۇل حالىققا دا، وزىنە دە پايدالى، تەڭ يگىلىككە كەنەلەتىن دامۋ جولى.
