انار بۇلت \ شينجياڭ گازەتىنىڭ ءتىلشىسى لۋ فىڭباۋ 5 - ايدىڭ 2 - كۇنى ۇرىمجىدەن حابارلايدى. جۇڭگو تەمىرجولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 4 - ايدىڭ 30 - كۇنىنە دەيىن، بيىل شينجياڭ تەمىر جولىنىڭ قوس شەكارا وتكەلىنەن شەكارادان كىرگەن - شىققان جۇڭگو − ەۆروپا (ورتا ازيا) كەزەكشى پويەزدارىنىڭ سانى 4044 كەزەككە جەتىپ، سايكەس مەزگىلدەگىدەن ％8. 4 ارتقان. مۇنىڭ ىشىندە الاتاۋ تەمىر جول شەكارا وتكەلىنەن 1883 كەزەك، قورعاس تەمىر جول شەكارا وتكەلىنەن 2161 كەزەك قاتىناعان.
بيىل جىل باسىنان بەرى شينجياڭ تەمىر جول تاراۋلارى جۇڭگو − ەۆروپا كەزەكشى پويەزدارىنىڭ ىركىلىسسىز تاسىمالىن قامتاماسىز ەتۋدى ءتۇيىن ەتىپ، تاسىمال كۇشى ۇسىنىلىمىن ارتتىرىپ، جۇڭگو − ەۆروپا كەزەكشى پويەزدارىنىڭ تاسىمالىن ۇيىمداستىرۋدى ۇزدىكسىز ساپالىلاندىرىپ، شينجياڭنىڭ شىعىسپەن بايلانىس جاساپ، باتىسقا شىعارۋ سىندى وڭىرلىك باسىمدىعىنىڭ ءونىمدى ساۋلەلەنۋىنە مۇمكىندىك جاسادى، الاتاۋ، قورعاس تەمىر جول شەكارا وتكەلدەرىنەن قاتىناعان جۇڭگو − ەۆروپا (ورتا ازيانى قامتىمايدى) كەزەكشى پويەزدارىنىڭ سانى بۇكىل ەلدەگى جالپى ساننىڭ ％50تەن استامىن ۇستادى.
الاتاۋ ستانسياسى كەزەكشى پويەزدار تاسىمالىن ۇيىمداستىرۋ جوباسىن عىلمي جاساپ، ادام كۇشىن، ماشينا - قۇرالداردى ءبىر تۇتاس جوسپارلاپ ورنالاستىرىپ، جۇك قوراپتارىن ءتىزۋ تاسىلىن جاعدايعا قاراي رەتتەپ، تيەۋ - ءتۇسىرۋ جۇمىسىنىڭ ونىمدىلىگىن جوعارىلاتتى. قورعاس ستانسياسى اينالمالى ۆاگوندار تاسىمالىن ۇيىمداستىرۋدى ويداعىداي يگەرىپ، پويەزداردى قۇراۋ - شەشۋ، ۆاگونداردى قابىلداپ الۋ، جەتكىزۋ، ورىنعا جايعاستىرۋ جۇمىسىن ۇيلەسىمدى تۇردە الدىن الا ورنالاستىرىپ، تالونداردى اۋدارۋ، قاراپ بەكىتۋ سياقتى جۇمىس بۋىندارىن الدىن الا ورنالاستىرۋدى جولعا قويىپ، ۆاگونداردىڭ اينالىمىن جانە بوس ۆاگونداردى سايكەستىرىپ پايدالانۋدى جەدەلدەتتى.
ستانسياداعى جۇمىس ونىمدىلىگىن جوعارىلاتۋمەن بىرگە، ەكى شەكارا وتكەلى كەدەن تاراۋلارىمەن بىرلەسە قيمىلداپ، سەلبەسىپ، ”كەدەن - تەمىر جول ارناسى“، جۇڭگو - قازاقستان تەمىر جولدارىنىڭ سەنىمدىلىكپەن تاپسىرىپ بەرۋ - الۋى سياقتى جاڭا ۇلگىلەردىڭ قولدانىلۋىن بىرگە ىلگەرىلەتىپ، ءتۇرلى بۋىندارىنىڭ تەڭ قادامدا الما - كەزەك جۇمىس ىستەۋىن جۇزەگە اسىردى.
شينجياڭ تەمىر جول تاراۋلارى تاعى قۇرىلعىلاردى جاڭالاۋ جانە ونىڭ دەڭگەيىن جوعارىلاتۋ سەرپىنىن ارتتىردى. قورعاس ستانسياسى تاسىمال قۋاتىن كەڭەيتىپ وزگەرتۋ جۇمىسىن جۇرگىزگەن سوڭ، الاڭ ىشىندە جۇكتەردى اۋىستىرىپ تيەۋ جەلىسىنەن ءبىر جۇبىن جاڭادان قوسىپ، 10 كەلۋ - كەتۋ جەلىسىن جاڭادان قوسىپ، ۇزارتىپ، كەزەكشى پويەزدار تاسىمالىن ۇيىمداستىرۋ قابىلەتىن ％30تىڭ ۇستىندە جوعارىلاتتى؛ الاتاۋ ستانسياسى قورشاعان ورتانى قورعاۋعا ءتيىمدى ەتىپ وزگەرتۋ ينجەنەرياسىن ورنىقتى قاداممەن ىلگەرىلەتتى، مەجەمەن بيىلعى جىل ىشىندە قولدانىسقا بەرىلگەن سوڭ، ءار كۇنى 5 كەزەك پويەزدان كوپ بولشەك جانە ءۇيىندى تۇردە تيەلگەن جۇكتى قابىلداۋ - جونەلتۋ قابىلەتىن ارتتىراتىن بولادى.
