− اۆتونوميالى رايوننىڭ عىلىم - تەحنيكادا جاڭالىق اشۋ جينالىسىنىڭ رۋحىن دايەكتىلەندىرۋ، تياناقتاندىرۋ جونىندە
□ گازەتىمىزدىڭ شولۋشىسى
”باس ارقاۋدى تارتساڭ، باسقا تور كوزدەرى تۇگەل اشىلادى“. عىلىم - تەحنيكادا جاڭالىق اشۋ − كۇردەلى جۇيەلى ينجەنەريا، كىلەڭ عىلىم - تەحنيكانىڭ وزىنە عانا سۇيەنىپ ىستەردى ىلگەرى باستىرۋعا بولمايدى، تەك پارتيانىڭ باسشىلىعىندا، ۇكىمەت، بازار، قوعام سياقتى ءارقايسى جاقتىڭ كۇشتەرىن جۇدىرىقتاي جۇمىلدىرعاندا عانا، عىلىم - تەحنيكادا جاڭالىق اشۋدى جەبەۋدىڭ تەلەگەي كۇشىن قالىپتاستىرۋعا، بولاشاققا بەت العان جالپى تۇلعالىق باسىمدىقتى قالىپتاستىرۋعا بولادى.
اۆتونوميالى رايوننىڭ عىلىم - تەحنيكادا جاڭالىق اشۋ جينالىسى مىنالاردى اتاپ كورسەتتى: ”ءار دارەجەلى پارتكومدار مەن ۇكىمەتتەر عىلىم - تەحنيكادا جاڭالىق اشۋعا ايرىقشا ءمان بەرىپ، پارتيانىڭ عىلىم - تەحنيكا قىزمەتىنە باسشىلىعىن شىن مانىندە كۇشەيتۋ كەرەك“. بۇل اۆتونوميالى رايوندىق پارتكومنىڭ عىلىم - تەحنيكادا جاڭالىق اشۋعا بولعان بەرىك ساياسي پوزيتسياسىن تولىق ايگىلەپ، رايونىمىزدىڭ عىلىم - تەحنيكا رەفورماسىن، دامۋىن ىلگەرىلەتۋگە پارمەندى ساياسي كەپىل ازىرلەدى.
پارتيا 18 - قۇرىلتايىنان بەرى رايونىمىز جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى، ءۇرىمجى − سانجى − شىحىزى مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونى قۇرىلىستارىندا بەلسەندى ىلگەرىلەۋشىلىكتەرگە قول جەتكىزدى؛ كۇن ەنەرگياسى، جەل ەنەرگياسى، ەرەكشە جوعارى كەرنەۋلى ەلەكتر جەتكىزۋ - كەرنەۋ جەتكىزۋ سياقتى سالالاردا ءبىر توپ شەشۋشى، وزەكتى تەحنيكالىق جەتىستىكتەرگە قول جەتكىزدى؛ عىلىم - تەحنيكادا جاڭالىق اشۋدىڭ ەكونوميكالىق دامۋدى، قوعام ورنىقتىلىعىن جانە حالىق تۇرمىسىن جاقسارتۋدى جەبەۋ قابىلەتى ۇزدىكسىز كۇشەيدى... جاڭالىق اشۋ سيپاتىنداعى شينجياڭ قۇرىلىسى ورنىقتى قاداممەن العا ىلگەرىلەدى، مۇنداعى ەڭ ءتۇبىرلى نەگىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكومنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭالىق اشۋ ارقىلى دامۋعا دەم بەرۋ ستراتەگياسىن تىڭعىلىقتى ىلگەرىلەتكەندىگىندە. بولاشاققا بەت الۋدا ماڭىزدى ءتۇيىندى كورنەكتىلەندىرىپ، قيىندىقتاردى جەڭىپ قامال الىپ، رايونىمىزدىڭ عىلىم - تەحنيكادا جاڭالىق اشۋدا سەرپىلىستىك ىلگەرىلەۋشىلىككە قول جەتكىزۋىن كۇش سالا ىلگەرىلەتۋدە، ءسوز جوق، پارتيانىڭ عىلىم - تەحنيكا قىزمەتىنە بولعان باسشىلىعىنا تاباندى بولىپ جانە ونى كۇشەيتىپ، عىلىم - تەحنيكا رەفورماسى دامۋىنىڭ دۇرىس بەتالىسىنا تاباندى بولىپ، ءارقايسى جاقتىڭ كۇشىن ۇيىستىرىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى كەلەلى ستراتەگيالىق ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىن جاپپاي ىلگەرىلەتۋ كەرەك.
ۇيىمدىق باسشىلىقتى كۇشەيتۋ كەرەك. ءار دارەجەلى پارتكوم جانە ۇكىمەت عىلىم - تەحنيكادا جاڭالىق اشۋدى اناعۇرلىم كورنەكتى، ماڭىزدى ورىنعا قويىپ، جالپى تۇلعالىق جوسپارلاۋدى، ءبىر تۇتاس جوسپارلاپ سايكەستىرۋدى، جۇيەلى ىلگەرىلەتۋدى كۇشەيتۋ جاعىندا ءتىپتى دە زور كۇش سالۋى كەرەك. پارتكوم مەن ۇكىمەتتىڭ ءبىرىنشى باسشىلارى جاڭالىق اشۋدى وزدەرى يگەرىپ، كۇشتى، بايلىقتى جايعاستىرۋدا عىلىم - تەحنيكادا جاڭالىق اشۋعا قاراي شوعىرلى توپتاۋدى ىلگەرىلەتۋ كەرەك. جوعارى ساپالى دامۋدىڭ جالپىلىق ناتيجە ونىمدىلىگىن باعالاۋداعى جەتەكشىلىك رولىن ساۋلەلەندىرىپ، جاڭالىق اشۋ ارقىلى دامۋعا دەم بەرۋدىڭ اۆتونوميالى رايوننىڭ ناتيجە ونىمدىلىگىن باعالاۋ كورسەتكىشىندەگى سالماعىن جوعارىلاتىپ، عىلىم - تەحنيكادا جاڭالىق اشۋدىڭ قىزمەت جاۋاپكەرشىلىگىن اناعۇرلىم ناقتىلاندىرۋ كەرەك. عىلىم - تەحنيكانى باسقارۋ تاراۋلارى تۇلعالىق جاۋاپكەرشىلىكتى ارقالاپ، جۇيە وي جەلىسىن كۇشەيتىپ، جوسپاردى يگەرۋ، ساياساتتى يگەرۋ، قىزمەت وتەۋدى يگەرۋ، تياناقتاندىرۋدى يگەرۋ جاعىندا كۇشتى شوعىرلاندىرا جۇمساپ، ءوز كۇشىنە سۇيەنىپ جاڭالىق اشۋدىڭ ومىرشەڭدىك كۇشىن تاسقىنداتۋعا ءتيىمدى عىلىم - تەحنيكانى باسقارۋ جانە اينالىم مەحانيزمىن قالىپتاستىرۋدى ىلگەرىلەتۋ كەرەك. ۇيىمداستىرۋ، دامۋ جانە رەفورما، وقۋ - اعارتۋ سياقتى قاتىستى تاراۋلار ءوز قىزمەت مىندەتتەرىن اتقارىپ، بىرلەسىپ ارەكەتتەنىپ، سەلبەسىپ، جوعارى ءونىمدى سايكەسەتىن، جاڭالىق اشۋدى بىرگە جەبەيتىن قۋاتتى بىرىككەن كۇش قالىپتاستىرۋ كەرەك.
عىلىم - تەحنيكا ساياساتتارىنىڭ تىڭعىلىقتى تياناقتانۋىن ىلگەرىلەتۋ كەرەك. بيىل عىلىم - تەحنيكا ساياساتتارىن تياناقتاندىرۋ جىلى. جوسپارلاپ جەتەكشىلىك ەتۋگە تاباندى بولىپ، ”ءتورتتى بەتكە الۋعا“ تاباندى بولىپ، رايونىمىزدىڭ ورتا، ۇزاق مەزگىلدىك عىلىم جانە تەحنيكانى دامىتۋ جوباسىن جوعارى دەڭگەيدە، جوعارى ولشەممەن ۇيىمداستىرىپ جاساپ، ورتا، ۇزاق مەزگىلدىك جانە ”14 - بەسجىلدىق“ عىلىم - تەحنيكا جوباسىن ۇيىمداستىرىپ اتقارۋدى، تياناقتاندىرۋدى، ناقتىلاندىرۋدى ويداعىداي يگەرۋ كەرەك. ساياسات ونىمدىلىگىن ارتتىرىپ، ساياساتتىڭ پايداسىن جاڭالىق اشۋدىڭ پايداسىنا اناعۇرلىم ويداعىداي اينالدىرۋ كەرەك.
عىلىم - تەحنيكا ۇسىنىلىمى تەبىنىن ارتتىرۋ كەرەك. ۇسىنىلىمنىڭ جەتكىلىكتى بولماۋى رايونىمىزدىڭ عىلىم - تەحنيكادا جاڭالىق اشۋدا ءدوپ كەلىپ وتىرعان ەڭ ۇلكەن ولقىلىعى. كوپ شارالاردى قاتار اتقارۋ ارقىلى ءتىپتى دە زور بەكىممەن جانە تەبىنمەن عىلىم - تەحنيكا ۇسىنىلىمىن ارتتىرىپ، ءتۇيىندى عىلىم - تەحنيكا نىساندارىنىڭ، ماڭىزدى رەفورما شارالارىنىڭ، ماڭىزدى ساياساتتىڭ تياناقتانۋىنا كەپىلدىك ەتۋ كەرەك. قازىنالىق عىلىم - تەحنيكا ۇسىنىلىمىن ارتتىرىپ، تۇتاس رايونداعى ءار دارەجەلى قازىنانىڭ عىلىم - تەحنيكا شىعىسىن ورنىقتى ارتتىرۋ مەحانيزمىن ورناتىپ، قازىنالىق عىلىم - تەحنيكا شىعىسىن زەرتتەۋ، اشۋ قيمىلىنا پايدالانۋ سالىستىرماسىن جوعارىلاتۋ كەرەك. كاسىپكەرلەردى جاڭالىق اشۋ سالاسىنا باتىلدىقپەن ۇسىنىلىم سالۋعا جەبەيتىن ساياساتتىق باعدار قالىپتاستىرۋدى بار كۇشپەن ىلگەرىلەتىپ، كوپ نەگىزدى، كوپ ارنالى، كوپ دەڭگەيدەگى عىلىم - تەحنيكا ۇسىنىلىم جۇيەسىن قالىپتاستىرۋ كەرەك. فينانستىڭ جاڭالىق اشۋعا قولداۋ كورسەتۋ جۇيەسىن كەمەلدەندىرىپ، عىلىم - تەحنيكانى، كاسىپ سالاسىن، فينانستى تۇتاستىرۋ ارناسىن اشۋ كەرەك.
تاماشا جاڭالىق اشۋ ەكولوگياسىن قالىپتاستىرۋ كەرەك. عالىم رۋحىن زور كۇشپەن اسقاقتاتىپ، ءتىپتى دە ىرىقتى عىلمي زەرتتەۋ سەنىمدىلىگىن باقىلاۋ - باسقارۋ شاراسىن اتقارىپ، سالتى دۇرىس، ستيلى پاك عىلمي زەرتتەۋ ەكولوگياسىن قالىپتاستىرىپ، تۇتاس قوعامدا بىلىمگە قۇرمەت ەتەتىن، جاڭالىق اشۋدى قادىرلەيتىن، دارىندىلارعا قۇرمەت ەتەتىن، عىلىمدى قىزۋ سۇيەتىن، عىلىمعا ءوزىن ارنايتىن قويۋ راي قالىپتاستىرۋ كەرەك.
جۇڭگونىڭ ىستەرىن جاقسى ىستەۋدىڭ تەتىگى پارتيادا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانىڭ عىلىم - تەحنيكادا جاڭالىق اشۋ قىزمەتىنە بولعان باسشىلىعىنا اۋەلگىدەي تاباندى بولىپ جانە ونى كۇشەيتىپ، يدەيانى ونان ارى ازات ەتىپ، قاجىرلىلىقپەن جاڭالىق اشىپ، قيىندىقتاردان قامال الىپ، شىنايى يگەرىپ، ناقتى ىستەپ، شينجياڭنىڭ عىلىم - تەحنيكادا جاڭالىق اشۋ قىزمەتىنىڭ جاڭا جاعدايىن ۇزدىكسىز اشۋىمىز كەرەك.
