− مەملەكەتتىك 1 - مامىر ەڭبەك مەدالىنىڭ يەگەرى، مەملەكەتتىك ”ەڭ ارداقتى جۇمىسشى - قىزمەتكەر“ ءومار قۇربان جونىندە
انار بۇلت \ شينجياڭ گازەتىنىڭ ءتىلشىسى ليۋ شياڭ، ەرىكتى ءتىلشى ساي يۇڭلي
كەدەيلەردى سۇيەمەلدەۋ قىزمەتىنە جاۋاپتى ارناۋلى كادر، تەحنيكا باستاماشىسى، ”ۇيرەتۋ، كومەكتەسۋ، جەتەكتەۋ“ ۇستازى... رولى ۇزدىكسىز اۋىسىپ، سىن - سايىسقا ءارى تابىسقا تولى بولدى. تۇرلىشە قىزمەت ورنىندا، جۇڭجيان شينجياڭ قۇرىلىس توبى 4 - قۇرىلىس ينجەنەريا شەكتى سەرىكتەستىگىنىڭ تەحنيكالىق ساپا قىزمەتكەرى، ينجەنەر ءومار قۇربان كۇرەس جاساۋ كۇيىن باستان - اياق ساقتاپ، قىزمەتتى تاباندىلىقپەن تىڭعىلىقتى ىستەپ، شىنايى يگەرىپ، ناقتى ىستەپ، باسقالارعا شىنايى مامىلە جاساپ، ەڭبەك سىڭىرۋگە پەيىل بولىپ، جاڭا داۋىردەگى كوممۋنيستەردىڭ جاۋاپكەرشىلىگى مەن بورىشىن ءىس جۇزىندىك ارەكەتىمەن ءتۇسىندىردى.
4 - ايدىڭ 28 - كۇنى ءومار قۇربانعا مەملەكەتتىك 1 - مامىر ەڭبەك مەدالى بەرىلدى؛ 4 - ايدىڭ 30 - كۇنى 2022 - جىلعى مەملەكەتتىك ”ەڭ ارداقتى جۇمىسشى - قىزمەتكەر“ بولىپ باعالاندى.
اۋىل - قىستاقپەن بىتە قايناستى
بيىل 49 جاستاعى ءومار قۇربان وڭتۇستىك شينجياڭنىڭ اۋىل - قىستاعىندا دۇنيەگە كەلگەن، اكە - شەشەسى ديقان بولاتىن. نەشە 10 جىلدىڭ الدىندا اۋىلى قۇنارسىز جەر بولاتىن، اكە - شەشەسى وعان تاعدىرىڭدى وزگەرتۋ ويىڭ بولسا، تەك قانا قۇلشىنا ۇيرەنۋىڭ كەرەك دەيتىن.
1991 - جىلى ءومار قۇربان سول كەزدە قىستاقتاعى قۇربىلارىنىڭ اراسىنداعى جوعارى مەكتەپ ەمتيحانىنان وتكەن بىردەن - ءبىر داشۋە وقۋشىسى بولادى. مەكتەپ بىتىرگەننەن كەيىن، ول جۇڭجيان شينجياڭ قۇرىلىس توبى 4 - قۇرىلىس ينجەنەريا شەكتى سەرىكتەستىگىنە كىرىپ قىزمەت ىستەيدى.
اۋىلدان اتتانعانىنا تالاي جىل بولسا دا، وڭتۇستىك شينجياڭدى قاي - قاشان دا ويىنان شىعارمادى. ”مەن ديقاننىڭ ۇلىمىن، اۋىل - قىستاقتا ەرجەتتىم، اۋىلداستاردىڭ تاماشا تۇرمىسقا قانشاما ىنتىعىپ وتىرعاندىعىن ابدەن تۇسىنەمىن“، - دەدى 4 - ايدىڭ 30 - كۇنى ءومار قۇربان وتكەندى ەسكە الىپ، تولقىپ تۇرىپ.
2017 - جىلى 3 - ايدا ءومار قۇربان ءوتىنىش بەرىپ، يىڭسار اۋدانى جاڭا جەر اۋىلى حۋاڭدي قىستاعىنا كەلىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە ات سالىسىپ، كەدەيلىكتەن ارىلتۋدان قامال الۋدىڭ ءبىرىنشى شەبىنە اتتانادى.
قىستاق تۇرمىسى، قىستاق ادامدارى ءومار قۇربانعا تيتتەي دە بەيتانىس ەمەس ەدى. ”قانداي شارۋا بولسىن، قىستاق تۇرعىندارى تۇرعىسىندا تۇرىپ ويلاپ، ولاردىڭ قام جەگەن ءاربىر ءىسىن تىڭعىلىقتى، ەگجەي - تەگجەيلى ىستەۋ كەرەك“، - دەدى ول.
بالالارى جاس، اكە - شەشەسى ەگدە تارتقان، وتباسىنداعى ناۋقاسقا قارايلاسۋعا تۋرا كەلەدى... وتباسىلاردى ارالاپ، جاعداي ۇعىسقان كەزدە، ءومار قۇربان ءاربىر وتباسى جولىعىپ وتىرعان ”قيىندىقتى“ كوردى. وسى كەدەرگىلەر كوپتەگەن وتباسىنداعى ەڭبەككۇشتەردىڭ سىرتقا شىعىپ جۇمىس ىستەي الماي، كەدەيلىكتىڭ تۋىلۋىنا مۇرىندىق بولعان - دى.
بىردەن - ءبىر كەمەلدى ءادىس اناعۇرلىم كوپ قىستاق تۇرعىندارىنىڭ ۇيلەرىنىڭ ماڭىندا جۇمىستانۋىنا مۇمكىندىك جاساۋ ەدى. ءومار قۇربان جەرگىلىكتى ورىنداعى بايۋ باستاماشىلارىنان، قولونەرشىلەردەن ۇزدىكسىز كەڭەس سۇراپ، ۇيرەنىپ، كاسىپ سالاسىن دامىتۋدىڭ شىعار جولى جونىندە ىزدەنىس جاسادى؛ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندەگى باسقا دا مۇشەلەرمەن جەرگىلىكتى جاعدايعا قاراي شارا قولدانىپ، قىستاقتىڭ دامۋ ءىس جۇزىندىگىنە ۇيلەسەتىن كەدەيلەردى سۇيەمەلدەۋ نىساندارىنا بەلسەنە ءوتىنىش بەردى. وسىدان كەيىن، قىستاقتا تىگىنشىلىك، اعاششىلىق، باعىمشىلىق سياقتى 6 كاسىپتىك سەلبەستىك كووپەراتيۆى ىركەس - تىركەس قۇرىلىپ، 300 نەشە قىستاق تۇرعىنىنىڭ سول جەردە، جاقىن ماڭدا جۇمىستانۋىنا دەم بەردى.
2019 - جىلدىڭ سوڭىندا حۋاڭدي قىستاعى تۇتاس قىستاق بويىنشا كەدەيلىكتەن ارىلدى. 2021 - جىلى 5 ايدا ءومار قۇربان جۇڭجيان توبىنىڭ ”كەدەيلىكتەن ارىلتۋدان قامال الۋداعى وزات جەكە“ بولىپ باعالانادى.
شەبەرلىككە توسەلىپ، باتىلدىقپەن جاڭالىق اشتى
”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەت مىندەتىن ءساتتى ورىنداعان ءومار قۇربان سەرىكتەستىككە قايتتى. سەرىكتەستىكتىڭ تەحنيگى رەتىندە، ول جاڭالىق اشۋ، ونىمدىلىك جاراتۋ جاعىندا دا شەبەر بولاتىن. 2020 - جىلى 12 - ايدا ءومار قۇربان اۆتونوميالى رايوندىق ەڭبەك ۇلگىسى بولدى.
2021 - جىلى سەرىكتەستىك ول باستاماشى بولعان ”ءومار قۇربان ەڭبەك ۇلگىسى جاڭالىق اشۋ قىزمەت كەڭسەسىن“ قۇرىپ، قامبادا ساقتالعان جانە تومەن ءونىمدى مال - مۇلىكتى قالاي ۇيلەسىمدى جايعاستىرۋ جانە قايتالاي پايدالانۋدى زەرتتەپ، سەرىكتەستىكتىڭ ينجەنەريا كەلىسىمشارتىن ورىنداۋىنا دەم بەرىپ، جاسىل، تومەن كومىر قىشقىل گازدى قۇرىلىس سالۋدى ىلگەرىلەتتى.
ءومار قۇربان بەلسەندى تۇردە قىزمەت كەڭسەسىندەگى وزگە جۇمىسشىلاردى باستاپ، تاپقىرلىق جاراتىپ، وزگەرىس جاساپ، جاڭا وي، جاڭا امالدارعا توقتاۋسىز ىزدەنىس جاساپ، سىناق ەتتى.
ءبىر قىدىرۋ تەحنيكادان قامال الۋ ارقىلى قىزمەت كەڭسەسى بەكەر تۇرعان زاتتىق ماتەريالداردان پايدالانىپ، ولشەمدەنگەن اينالىمعا تۇسەتىن قۇرالداردى جاساپ، جاراقسىز زاتتاردى قازىناعا اينالدىرىپ، جاسىل، تومەن كومىر قىشقىل گازدى قۇرىلىس سالۋدى ىلگەرىلەتتى − 2500 شارشى مەترلىك قۇرامالى قالىپتاردى قوياتىن سورە، 71 بورەنە قوياتىن سورە، 150 مىڭ قۇبىر جالعاعىش جاسادى، شارباق، بولات ساتى سياقتى ءتۇرلى اينالىمعا تۇسەتىن قۇرالداردى جاساپ، كاسىپورىننىڭ ميلليون يۋانعا جۋىق وزىندىك قۇندى ۇنەمدەۋىنە كومەكتەستى.
جۋىقتاعى 2 جىلدان بەرى وسى قىزمەت كەڭسەسىنىڭ 2 ۇيلەسىمدى ۇسىنىسىنا جۇڭجيان شينجياڭ قۇرىلىس توبى جاعىنان ”10 تاماشا شارا“ اتاعى بەرىلدى، مۇنىڭ ىشىندەگى بىرەۋى جۇڭجيان شينجياڭ قۇرىلىس توبىنىڭ ۇزدىك اتقارۋ، پايدالانۋ سيلىعىنا يە بولدى؛ 2 تەحنيكاسى ”مەملەكەتتىك قولدانىلمالى جاڭا تيپ“ پاتەنتىنە يە بولىپ، جاڭالىق اشۋدى، ونىمدىلىك جاراتۋدى جۇزەگە اسىردى.
2021 - جىلى 12 - ايدا جۇڭجيان شينجياڭ قۇرىلىس توبى جۇمىسشى - قىزمەتكەرلەردىڭ جاڭالىق اشۋ، ونىمدىلىك جاراتۋ جەتىستىگى اۋىس - كۇيىس جاساۋ ماجىلىسىندە ءومار قۇربان ەڭبەك ۇلگىسى جاڭالىق اشۋ قىزمەت كەڭسەسىنىڭ جەتەكشىسى رەتىندە، ماراپاتتاۋ - سيلاۋعا يە بولدى.
وزگەلەرگە ونەر ۇيرەتىپ، بولاشاقتى بەتكە الدى
جۋىق جىلداردان بەرى، اناعۇرلىم تاماشا تۇرمىسقا تالپىنۋ ءۇشىن، كاسىپورىنعا، زاۆودقا كەلگەن از ۇلت جۇمىسشىلارى بارعان سايىن مولايىپ، ديقاننان كاسىپ جۇمىسشسىنا قاراي وزگەرىس جاساۋدى باستادى.
”وسى جاستاردى كورگەن كەزدە، كەزىندە وڭتۇستىك شينجياڭنان ۇرىمجىگە كەلگەن ءوزىمدى كورگەندەي بولامىن“، - دەدى ءومار قۇربان، - ”مەن ءوزىمنىڭ قوس تىلگە جەتىك ارتىقشىلىعىمدى ساۋلەلەندىرىپ، كوپشىلىكتى تەحنيكا ۇيرەنىپ، ءتىپتى دە باقىتتى تۇرمىس كەشىرۋگە باستاپ، جاڭا مەزگىلدەگى كاسىپ جۇمىسشىلارى قوسىنىن قۇرىپ، اۋىل - قىستاقتى گۇلدەندىرۋدى ىلگەرىلەتۋگە كۇش - قۋاتىمدى ارنايمىن“.
سول ءۇشىن ۇستاز ءومار قۇربان شاكىرت تاربيەلەيتىن ”ۇيرەتۋ، كومەكتەسۋ، جەتەكتەۋ“ ءتۇزىمىن ورناتىپ، 30 از ۇلت جۇمىسكەرىنىڭ ۇستازىنا اينالدى. ”ماسەلەگە جەتەكشىلىك ەتۋ − جۇمىس باسىندا كورسەتۋ − ۇلگى ارقىلى جول كورسەتۋ“ ۇيرەنۋ ۇلگىسى ارقىلى، شاكىرتتەرىنىڭ تەز نەگىز قالاۋىنا جەتەكشىلىك ەتتى.
كوپشىلىكتى كوپ ءتۇرلى تەحنيكا شەبەرلىگىن ۇيرەنۋگە جىگەرلەندىرۋ ءۇشىن، ءومار قۇربان باسەكەلى وقىتۋ امالىن ورتاعا قويدى. ول سەحتاعى جۇمىسشىلاردى شاعىن گرۋپپاعا ءبولىپ، مىندەتتى وقىتۋ ورىستەتىپ، ءارقايسى كلاستى جارىسقا ۇيىمداستىرىپ، جۇمسىشلاردىڭ تەحنيكا ۇيرەنۋ قىزعىندىلىعىن اناعۇرلىم جوعارىلاتتى. كوپ وتپەي شاكىرتتەر ەلەكترمەن دانەكەرلەۋ، كەسۋ، رەمونتتاۋ، سىرلاۋ سياقتى شەبەرلىكتى ۇيرەندى، مۇنىڭ ىشىندە 18 ادام ەلەكترمەن دانەكەرلەۋ كۋالىگىن الدى.
ءومار قۇرباننىڭ باستاۋىندا، سەرىكتەستىكتە جۇمىس ىستەيتىن از ۇلت جۇمىسكەرلەرىنىڭ تۇرمىسىندا وتە زور وزگەرىس تۋىلدى. 2021 - جىلى 30 قىزمەتكەردىڭ ورتاشا ايلىق كىرىسى 6000 يۋاننان استى، مۇنىڭ ىشىندە 16 ادامنىڭ ەكىنشى ايداعى كىرىسى 10 مىڭ يۋاننان استى.
ناتيجە وتكەنگە ءتان، بولاشاق تالاپتانۋدى قاجەت ەتەدى؛ ەڭبەك ماعان جازىلماسادا بولادى، ەڭبەك سىڭىرۋدە مەن بولماسام بولمايدى! ”مەن ەڭبەك ۇلگىلەرىنىڭ ۇلگىلىك، جەتەكشىلىك رولىن تولىق ساۋلەلەندىرىپ، وڭايعا ۇمتىلماي، قولدان كەلمەسكە قول سوزباي، ءاربىر قىزمەتتى تاباندىلىقپەن ويداعىداي ىستەپ، قاراپايىم قىزمەت ورنىندا ەرەن كاسىپتىك ناتيجە جاراتىپ، شينجياڭنىڭ قۇرىلىس ىستەرىنىڭ جوعارى ساپالى دامۋىنا ۇزدىكسىز كۇش قوسامىن“، - دەدى ءومار قۇربان باتىل تۇردە.
