انار بۇلت \ شينجياڭ گازەتىنىڭ ءتىلشىسى ما بەي 5 - ايدىڭ 2 - كۇنى ۇرىمجىدەن حابارلايدى. بيىل جىل باسىنان بەرى، رايونىمىز الەۋمەتتىك جۇمىستاندىرۋ قىزمەت وتەۋىنىڭ جۇمىستاندىرۋدى جەبەۋ رولىن تولىق ساۋلەلەندىرىپ، ءتۇيىندى شوعىردى، ءتۇيىندى كاسىپ سالالارىن، ءتۇيىندى سالالاردى تىعىز ارقاۋ ەتىپ، ارناۋلى تۇردەگى قىزمەتكەر قابىلداۋ ارناۋلى قيمىلدارىن ۇدايىلاندىرىپ ورىستەتتى. ءبىرىنشى ماۋسىمدا بۇكىل رايون جەلىدە جانە جەلىدەن تىس جالپى 790 كەزەك - رەت قىزمەتكەر قابىلداۋ قيمىلىن وتكىزىپ، 260 مىڭنان استام جۇمىس ورنىمەن قامدادى.
بيىلعى قىزمەتكەر قابىلداۋ جينالىستارىندا قالا، اۋىلدارداعى جۇمىستانۋدى قالايتىن ەڭبەككۇشتەردى جۇمىستانۋ ينفورماتسياسىمەن، ساياساتتىق اقىل - كەڭەسپەن قامداپ قانا قويماي، تاعى كاسىپكە جەتەكشىلىك ەتۋدى، جۇمىس ورىن تانىستىرۋدى كۇشەيتىپ، ”تۇيىننەن تۇيىنگە“ جەتكىزۋ، جەلىدە جانە جەلىدەن تىس قىزمەتكەر قابىلداۋ، ”تاپسىرىس ۇلگىسىندەگى“ شەبەرلىككە باۋلۋ سياقتى شارالار ارقىلى جۇمىستانۋدى دالمە - ءدال جەبەدى.
ساياحاتتىڭ قاۋىرت مەزگىلىنىڭ كەلۋىنە بايلانىستى، تەكەس اۋدانىنىڭ 2022 - جىلعى كوكتەم سامالى قيمىلى بويىنشا تاعامجاي قىزمەت وتەۋى، ساياحات تۇرىندەگى، قوناق ءۇي، حالىقتىق تۇسەلحانا تۇرىندەگى قىزمەتكەر قابىلداۋ جينالىسى رەتىمەن وتكىزىلدى. قاتىستى تاراۋلار الدىن الا كىرىسىپ، كاسىپورىنداردىڭ تيجارات جاعدايى مەن جۇمىسشى ىستەتۋ قاجەتىن جاقسى يەلەپ، جۇمىستانۋ ساپاسىنا شىنايى كەپىلدىك ەتتى.
بيىل رايونىمىز نازاردى قىزمەت وتەۋ ساپاسىن جوعارىلاتۋعا شوعىرلاندىرىپ، جىلدىڭ باسىنان اقىرىنا دەيىن 24 ءتۇر بويىنشا ارناۋلى قىزمەتكەر قابىلداۋ جەلىلەس قيمىلدارىن ورىستەتىپ، قىزمەتكەر قابىلداۋ قيمىلى اي سايىن وتكىزىلەتىن، جۇمىستاندىرۋ قىزمەت وتەۋى قاي - قاشان دا جۇرىلەتىن جاعداي قالىپتاستىرۋدى جوسپارلادى. سونىمەن بىرگە ينتەرنەت جەلىسىندە قىزمەتكەر قابىلداۋ قيمىلىن ۇدايىلاندىرىپ وتكىزىپ، ينتەرنەت جەلىسىندە قىزمەتكەر قابىلداۋ قيمىلىنىڭ ۇزىلمەۋىن جۇزەگە اسىرادى.
ءبىرىنشى ماۋسىمدا رايونىمىز جۇمىستانۋعا كومەك بەرۋ ايى، كوكتەم سامالى قيمىلى، ءىرى، ورتاشا قالالار جوعارى مەكتەپتەردەن وقۋ بىتىرگەن وقۋشىلاردى بىرلەسىپ قىزمەتكە قابىلداۋ، وتباسىلىق قىزمەت وتەۋ كاسىبى، ايەل دارىندىلار، قۇرىلىس سالاسى بويىنشا قىزمەتكەر قابىلداۋ سياقتى 6 ارناۋلى قيمىل ورىستەتىپ، ”شينجياڭدا قىزمەت ىستەۋ“ ينتەرنەتتە تىكە تاراتۋ قيمىلىنان 41 كەزەك ورىستەتتى. بۇدان سىرت، جۇمىستانۋعا جەتەكشىلىك ەتۋ اشىق ساباعى جانە 2022 - جىلى وقۋ بىتىرەتىن وقۋشىلاردى تانىستىرۋ قيمىلىن ورىستەتىپ، شينجياڭ داشۋەسى، شينجياڭ ينجەنەريا شۋەيۋانى، شينجياڭ قاتىناس كاسىپتىك - تەحنيكالىق شۋەيۋانى سىندى 3 جوعارى مەكتەپتەن وقۋ بىتىرەتىن 117 وقۋشىنى ينتەرنەت جەلىسىندە تانىستىردى.
اۆتونوميالى رايوندىق الەۋمەتتىك جۇمىستاندىرۋ قىزمەت وتەۋ ورتالىعى جۇمىستاندىرۋ قىزمەت وتەۋى ءبولىمىنىڭ باستىعى لي جىنجياڭ بىلاي دەپ تانىستىردى: كەلەسى قادامدا رايونىمىز ”ينتەرنەت + الەۋمەتتىك جۇمىستاندىرۋ قىزمەت وتەۋىن“ ۇزدىكسىز ىلگەرىلەتىپ، الەۋمەتتىك جۇمىستاندىرۋ قىزمەت وتەۋى قابىلەتىن جوعارىلاتۋ ينجەنەرياسىن كۇش سالا ورىستەتىپ، ءار تۇردەگى قىزمەتكەر قابىلداۋ قيمىلدارىن بەلسەنە ورىستەتىپ، ەڭبەكشىلەردىڭ الەۋمەتتىك جۇمىستاندىرۋ قىزمەت وتەۋىنە بولعان قاجەتىن ۇزدىكسىز قاناعاتتاندىرادى.
