شينحۋا اگەنتتىگىنىڭ 5 - ايدىڭ 3 - كۇنى بەيجيڭنەن بەرگەن حابارى. 5 - ايدىڭ 3 - كۇنى مەملەكەت ءتوراعاسى شي جينپيڭ جوسە راموس حورتاعا تەلەگرامما جولداپ، ونىڭ شىعىس تيمور دەموكراتيالىق رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن شىعىس تيمور ديپلوماتيالىق قارىم - قاتىناس ورناتقان 20 جىلدان بەرى، ەكى ەلدىڭ ناقتى ىستەر سەلبەستىگى كۇن سايىن تەرەڭدەپ، ەكى جاقتى قارىم - قاتىناس باياندى دامىپ، ەكى ەل حالقىنا ناقتى پايدا جەتكىزدى، بۇل ۇلكەن، كىشى ەلدەردىڭ تەڭ تۇرعىدا مامىلە جاساپ، سەلبەسىپ تەڭ يگىلىككە كەنەلۋىنىڭ جاندى بەينەسى. مەن جۇڭگو مەن شىعىس تيمور قارىم - قاتىناسىنىڭ دامۋىنا وسكەلەڭ ءمان بەرەمىن، حورتا زۇڭتۇڭمەن بىرگە قۇلشىنىس جاساپ، جۇڭگو مەن شىعىس تيموردىڭ تاتۋ كورشىلەستىك، دوستىق، ءوزارا سەنىم ارتاتىن، ءوزارا تيىمدىلىك جەتكىزەتىن جان - جاقتى سەلبەستىك سەرىكتەستىك قارىم - قاتىناسىن تىڭ بەلەسكە كوتەرۋدى ىلگەرىلەتۋدى قالايمىن.
