تيانشان تورى   ›   ۇيرەنۋ   ›   شولۋ

كۇرەس جۇرگىزۋگە بەلدى بەكەم بايلاۋ بارىسىندا جاڭا ءداۋىردىڭ جاستىق جىرىن جازايىق

− جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتايمىز

حالىق گازەتى باسماقالاسى

  بۇگىن 4 - مامىر جاستار مەرەكەسى، سونداي - اق جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قارسى الىپ وتىرمىز. بۇكىل پارتيا، بۇكىل ەلدەگى ءار ۇلت حالقى تاسقىنداعان جىگەرمەن ەكىنشى 100 جىلدىق كۇرەس نىساناسىنا قاراي قادام تاستاعان ساتتە، 100 جىلدان بەرگى جۇڭگو جاستار قوزعالىسىنىڭ شۇعىلالى بارىسىن قايتالاي ەسكە ءتۇسىرىپ، ۇلى 4 - مامىر رۋحىن جالعاستىرۋ جانە ونى اسقاقتاتۋ 100 ميلليونداعان حالىقتى، اسىرەسە، جاڭا ءداۋىر جۇڭگو جاستارىن اسقاق جىگەرمەن قايراتتانا ۇمتىلۋعا، مويىماس تاباندىلىقپەن العا باسۋعا شابىتتاندىرۋدا جانە ىنتالاندىرۋدا، جاڭا جورىقتا جاڭا ءداۋىر شۇعىلاسىن جاراتۋدا كەلەلى ءمان الادى.

  1919 - جىلى بۇرق ەتكەن 4 - مامىر قوزعالىسى − يمپەرياليزمگە، فەوداليزمگە ءۇزىلدى - كەسىلدى قارسى تۇرعان ۇلى وتانشىلدىق توڭكەرىستىك قوزعالىس، ول تەلەگەي كۇشپەن جۇڭگو حالقىنىڭ جانە جۇڭحۋا ۇلتىنىڭ جۇڭحۋانى گۇلدەندىرۋدەگى مۇراتى مەن سەنىمىن وياتتى. جۇڭگو كوممۋنيستىك پارتياسى قۇرىلعاننان باستاپ، باستان - اياق جاستار قىزمەتىن پارتيانىڭ ءبىر ماڭىزدى قىزمەتى ساناپ كەلدى. 1922 - جىلى 5 - ايدا جۇڭگو كوممۋنيستىك پارتياسىنىڭ تىكە باسشىلىعىندا، جۇڭگو سوتسياليستىك جاستار وداعىنىڭ 1 - رەتكى مەملەكەتتىك قۇرىلتايى گۋاڭجوۋ دۇڭيۋاندا اشىلىپ، جۇڭگو جاستار قوزعالىسىنىڭ جاڭا تاريحي پاراعىن اشتى. 100 جىل ۇزدىكسىز كۇرەس جاساپ، جەڭىسپەن العا تارتقان كوممۋنيستىك جاستار وداعى بۇلجىماس تاباندىلىقپەن پارتيانىڭ ءسوزىن تىڭداپ، پارتياعا ىلەسىپ، ”پارتيا ۇندەۋ سالسا، وداقتا ارەكەت بولۋ“ تاڭداۋلى ءداستۇرىن ساۋلەلەندىرىپ، پارتيا ءۇشىن جاستاردىڭ قالاۋىن تاۋىپ، جاستاردىڭ كۇشىن توپتاپ، ءارقايسى تاريحي مەزگىلدە بەلسەندى ۇلەس قوسىپ، ماڭىزدى رولىن ساۋلەلەندىردى. ۇرپاقتان - ۇرپاققا جالعاسقان جۇڭگو جاستارى جاستىق كوكتەمدە كۇرەس جاساۋدى پارتيا مەن حالىقتىڭ ىستەرىمەن توعىستىرىپ، حالىق ءۇشىن شايقاس جاساپ، وتان ءۇشىن ءوزىن ارناپ، باقىتتى تۇرمىس ءۇشىن كۇرەسىپ، تالايلاعان ايبىندى جاستىق جىرىن جازدى.

  ءداۋىر جاستاردى سومدادى، گۇلدەنگەن زامان جاستاردى تابىسقا جەتكىزدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاستارعا ايرىقشا ءمان بەرىپ، جاستارعا ىستىق ىقىلاسپەن قامقورلىق جاساپ، جاستارعا تولىق سەنىم ارتىپ، جاستاردى دامىتۋ ىستەرىنىڭ جان - جاقتى العا باسۋىن، تاريحي سيپاتتى تابىسقا جەتۋىن ىلگەرىلەتتى. پارتيانىڭ جاستار قىزمەتىنىڭ ورنىن، رولىن، نىسانا - مىندەتىن، قىزمەت جاۋاپكەرشىلىگىن، بورىشىن، امالياتتىق تالابىن تەرەڭ بايىمداپ، جاڭا ءداۋىر قانداي جاستاردى باۋلۋى كەرەك، جاستاردى قالاي باۋلۋ كەرەك، قانداي كوممۋنيستىك جاستار وداعىن قۇرۋ كەرەك، كوممۋنيستىك جاستار وداعىن قالاي قۇرۋ كەرەك سياقتى بەتالىستىق، جالپى جاعداي سيپاتتى، ستراتەگيالىق كەلەلى تاقىرىپتارعا تەرەڭ جاۋاپ بەردى، باس شۋجي شي جينپيڭنىڭ جاستار قىزمەتى جونىندەگى ماڭىزدى يدەياسى جاڭا داۋىردەگى پارتيانىڭ جاستار قىزمەتىن ويداعىداي ىستەۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەپ بەردى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ كۇرەسى بارىسىندا حاۋىپ - قاتەرلەردەن تايسالماي، اتويلاپ الدا جۇرۋدەن كەدەيلىكتەن ارىلتۋدان قامال الۋ شەشۋشى شايقاسىنىڭ جورىعىندا بار كۇشپەن ۇلەس قوسىپ، جاپالى، ناقتى ىستەۋگە دەيىن، عارىشقا ۇشىرۋ مىندەتى بارىسىندا بەلدى بەكەم بۋىپ جاپا - ماشاقاتپەن كۇرەسىپ، عىلىم - تەحنيكانىڭ شىڭىنا باتىلدىقپەن شىعۋدان قىسقى وليمپيادا سپورت جارىسىندا ”بورىش ارقالايمىن، كۇرەس جۇرگىزەمىن“ دەگەن ءومىر سەرتىن ورىنداۋعا دەيىن... قالىڭ جاستار جۇڭگو كوممۋنيستىك پارتياسى تۋى استىندا كۇرەس جانە شايقاس جاساۋ ارقىلى وتاننىڭ ۇمىتىنەن شىققان، حالىقتىڭ ۇمىتىنەن شىققان، ءداۋىردىڭ ۇمىتىنەن شىققان شۇعىلالى ناتيجە جاراتىپ، پارتيا مەن حالىقتىڭ ايرىقشا القاۋىنا بولەندى.

  تاريح پەن اماليات مىنانى تولىق دالەلدەدى: جۇڭگو كوممۋنيستىك پارتياسى ءبىزدىڭ ۇلى ىستەردى ورىنداۋىمىزداعى ەڭ سەنىمدى تىرەگىمىز، قالىڭ جاستارعا ۋاكىلدىك ەتۋ، قالىڭ جاستاردىڭ قولداۋىنا يە بولۋ، قالىڭ جاستارعا سۇيەنۋ پارتيامىزدىڭ ۇزدىكسىز جەڭىستەن - جەڭىسكە جەتۋىنىڭ ماڭىزدى كەپىلى؛ كوممۋنيستىك جاستار وداعى پارتيا مەن حالىق ىستەرىنىڭ ۇمىتىنەن شىعاتىن وندىرگىش كۇش جانە ەكپىندىلەر قوسىنى، پارتيانىڭ ۇمىتىنەن شىعاتىن جارامدى قولعاناتى جانە سەنىمدى زاپاس قوسىنى؛ مەيلى وتكەندە، قازىردە نەمەسە بولاشاقتا بولسىن، جۇڭگو جاستارى قاي - قاشان دا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى اۆانگارد كۇشى. تەك پارتيانىڭ باسشىلىعىنا باستان - اياق مىزعىماستان تاباندى بولىپ، كوممۋنيستىك جاستار وداعىنىڭ پارتيانىڭ جاستارمەن، بۇقارامەن بايلانىس جاساۋداعى كوپىرلىك جانە دانەكەرلىك رولىن اناعۇرلىم جاقسى ساۋلەلەندىرىپ، قالىڭ جاستاردى پارتيا مەن حالىقتىڭ ىستەرىنە كەڭىنەن ۇيىستىرساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، جاستار كۇشىن تولاسسىز قوسا الامىز!

  مەملەكەتتىڭ ءۇمىتى جاستاردا، ۇلتتىڭ بولاشاعى جاستاردا. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەس جاساۋ − جۇڭگو جاستار قوزعالىسىنىڭ داۋىرلىك تاقىرىبى. باس شۋجي شي جينپيڭ بىلاي دەپ باسا دارىپتەدى: ”جاڭا ءداۋىردىڭ جاڭا ساپارىن تياناق ەتكەن جۇڭگو جاستارىنىڭ كۇرەس نىساناسى مەن العا باسۋ بەتالىسىن ءبىر تۇيىنگە جيناقتاۋعا بولادى، بۇل قاجىماس تاباندىلىقپەن پارتيانىڭ ۇنىنە قۇلاق اسىپ، پارتياعا ىلەسىپ، ۇلتتىڭ گۇلدەنۋ كەلەلى مىندەتىن ارقالايتىن ءداۋىر جاڭا ادامى بولىپ جەتىلىپ شىعۋعا قۇلشىنۋ“. كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى كەزەڭىندە تۇر. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ەمتيحان تاپسىرۋ جولىندا تۇرعان ءبىز جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس، العا باسۋ جولىندا ماشاقاتتى دا اۋىر مىندەتتەر بولاتىندىعىن، ماشاقاتتى قيىندىقتار مەن حاۋىپتى بوگەتتەر، اۋەلى، اساۋ تولىقىندار بولاتىندىعىن تەرەڭ بىلەمىز. جۇڭحۋا ۇلتىنىڭ ۇلى گۇلدەنۋىن ىسكە اسىرۋ نىساناسىنا جاقىنداعان سايىن، سالعىرتسىماۋىمىز، قايتا ەسەلەپ قۇلشىنۋىمىز، قالىڭ جاستاردى وسى ءۇشىن كۇرەسۋگە جۇمىلدىرا ءتۇسۋىمىز كەرەك. تۇتاس قوعامدىق كۇشتەگى ەڭ بەلسەندى، ەڭ جالىندى كۇش رەتىندە، جاڭا ءداۋىر جۇڭگو جاستارى پارتيانىڭ ءتالىمىن ەستە بەرىك ساقتاپ، ۇلتتىڭ گۇلدەنۋىن مۇرات ەتىپ، باتىلدىقپەن ءداۋىردىڭ الدىڭعى لەگىندە جۇرەتىن اتويشى، ءورىس اشۋشى، ۇلەس قوسۋشى بولىپ، جۇڭگو ارمانىن جۇزەگە اسىرۋ جاندى امالياتىندا جاستىق ارمانعا قۇلاش جايىپ، كۇرەس جۇرگىزۋگە بەلدى بەكەم بايلاۋ بارىسىندا جاڭا ءداۋىردىڭ جاستىق جىرىن جازىپ، دۇنيەنى تامساندىراتىن تىڭ حيكىمەتتەر جاراتۋى كەرەك.

  باس شۋجي شي جينپيڭ بىلاي دەپ تەرەڭ اتاپ كورسەتتى: ”جاستار قىزمەتىندە قازىرگىنى مىقتى يگەرۋ، بۋىندى جالعاۋ، بولاشاققا بەت الۋ كەرەك، بۇل پارتيا مەن مەملەكەتتىڭ بولاشاعى مەن تاعدىرىنا قاتىستى ءىس“. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتۋدە، ءسوز جوق، باستان - اياق قالىڭ جاستارعا ۋاكىل بولىپ، قالىڭ جاستاردىڭ قولداۋىنا يە بولىپ، قالىڭ جاستارعا سۇيەنىپ، وراسان زور كۇشپەن جاستار قىزمەتىن جاقسى ىستەپ، پارتيا ىستەرىنىڭ ۇرپاقتارعا جالعاسۋىنا شىنايى كەپىلدىك ەتۋ، جۇڭحۋا ۇلتىنىڭ ماڭگى تىنباي دامۋىنا شىنايى كەپىلدىك ەتۋ كەرەك. ءار دارەجەلى پارتكومدار مەن ۇكىمەتتەر، ءار دارەجەلى باسشى كادرلار، سونداي - اق تۇتاس قوعام جاستارعا تولىق سەنىم ارتۋى، جاستارعا ىنتالىلىقپەن كوڭىل ءبولۋى، جاستارعا قاتاڭ تالاپ قويۋى، جاستاردىڭ ارمان - تىلەگىنە نازار اۋدارۋى، جاستاردىڭ دامۋىنا كومەكتەسۋى، جاستاردىڭ شارۋاشىلىق قۇرۋىنا قولداۋ كورسەتۋى، جاس دوستاردىڭ سىرلاسى، جاستار قىزمەتىنە دەن قويۋشى، جاستار قاۋىمىنىڭ جول باستاۋشىسى بولۋى كەرەك. كوممۋنيستىك جاستار وداعى − پارتيانىڭ جاستار قىزمەتىنىڭ ماڭىزدى كۇشى، جاستارعا جەتەكشىلىك ەتۋ، ۇيىستىرۋ، جاستاردى ۇيىمداستىرۋ، جۇمىلدىرۋ، جاستارمەن بايلانىس جاساۋ، قىزمەت وتەۋ قىزمەت جاۋاپكەرشىلىگىن ارقالاعان، ءسوز جوق، ”پارتيا تۋى نۇسقاعان باعىت وداق تۋىنىڭ باعىتى“ دەگەنگە تاباندى بولىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتۋگە تاباندى بولىپ، پارتيا بيلىك جۇرگىزۋىنىڭ جاستار قاۋىمى نەگىزىن بەكەمدەۋدى جانە كەڭەيتۋدى ساياسي جاۋاپكەرشىلىك ساناپ، وزەكتى ارقاۋ ەتۋدى، كەلەلى جاعدايعا قىزمەت ەتۋدى قىزمەتتىڭ نەگىزگى جەلىسى ەتىپ، قىزمەت وي جەلىسىن ۇزدىكسىز جاڭالاپ، جاستاردى ۇيىستىرۋ قۋاتىن، ۇيىمداستىرۋ قۋاتىن، ۇندەۋ قۋاتىن نىعايتۋ كەرەك.

  جاڭا ءداۋىر ارمانعا قۇلاش سەرمەۋشىلەردىڭ ءداۋىرى، سونداي - اق قالىڭ جاستاردىڭ ارمانىن ورىندايتىن ءداۋىر. جاڭا داۋىرمەن ءبىر بەتالىستا بىرگە ىلگەرىلەيتىن، بىرگە العا باساتىن زامانىمىزداعى جۇڭگو جاستارى كوركەيىپ - گۇلدەنگەن زاماندا ومىرگە كەلگەن، ولار كەلەلى مىندەت ارقالاپ وتىر؛ جۇڭحۋا ۇلتىنىڭ دامۋىنىڭ ەڭ جاقسى مەزگىلىندە تۇرعان ولار مۇراتىن، تالپىنىسىن پارتيا مەن مەملەكەتتىڭ ىستەرىمەن توعىستىرعاندا عانا، ەسىل ساتتەردىڭ ءۇمىتىن اقتاي الادى، ءداۋىردىڭ ءۇمىتىن اقتاي الادى، حالىقتىڭ ءۇمىتىن اقتاي الادى. قالىڭ جاستار ماركسيزم جونىندەگى نانىمدى، جۇڭگوشا سوتسياليزم جونىندەگى سەنىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى جونىندەگى سەنىمدى ورناتىپ، جۇڭگولىققا ءتان ەرىك - جىگەرىن، قايرات - قارىمىن، سەنىمىن ۇزدىكسىز كۇشەيتىپ، وتان ءۇشىن، حالىق ءۇشىن ماڭگى كۇرەس جاسايتىن، قالتقىسىز ادالدىقپەن ۇلەس قوساتىن بەرىك مۇرات ورناتۋ كەرەك؛ سوتسياليستىك وزەكتى قۇن كوزقاراسىن سانالىلىقپەن ورناتىپ جانە امالياتتا ايگىلەپ، اناعۇرلىم اسقاق، اناعۇرلىم ءورىستى، اناعۇرلىم دەڭگەيلى ومىرگە تالپىنۋدى مۇرات ەتۋ كەرەك؛ وزىپ شىعۋعا باتىل بولىپ، ناتيجە جاراتۋعا باتىل بولىپ، زەردەلەرى مەن اقىل - پاراساتتارى ارقىلى مەملەكەتكە ۇلەس قوسىپ، ءورىس اشا ىلگەرىلەۋ ارقىلى قوعامعا قىزمەت ەتۋ كەرەك؛ كۇرەس جاساۋ سىندى جاستىق كوكتەمنىڭ ەڭ ايشىقتى اجارىن جارقىراتىپ، جاستىق كوكتەمنىڭ جارىس جولىندا قايراتتانا ۇمتىلىپ، شىنداپ كىرىسىپ ناقتى ىستەۋ بارىسىندا ىستەردەن ناتيجە شىعارىپ، جاستىق كوكتەمدى وتان ءۇشىن، ۇلت ءۇشىن، حالىق ءۇشىن، ادامزات ءۇشىن قاجىماي - تالماي كۇرەس جۇرگىزۋ بارىسىندا گۇل - بايشەشەكتەي قۇلپىرتۋ كەرەك.

  جاستار گۇلدەنسە مەملەكەت گۇلدەنەدى، جاستار كۇشەيسە مەملەكەت كۇشەيەدى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، سايىپ كەلگەندە، ۇرپاقتان - ۇرپاققا جالعاسقان جاستاردىڭ كۇش جالعاپ كۇرەس جۇرگىزۋى بارىسىندا رەالدىققا اينالادى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇدەرە العا باسىپ، قايراتتانا ىسكەرلىك كورسەتىپ، ءىس جۇزىندىك ارەكەتىمىزبەن پارتيا 20 - قۇرىلتايىنىڭ جەڭىسپەن اشىلۋىن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا جاڭا تاريحي ۇلى ىستەردى سومدايىق!

(شينحۋا اگەنتتىگىنىڭ 5 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.