تيانشان تورى   ›   ۇيرەنۋ   ›   شولۋ

باتىلدىقپەن جاۋاپكەرشىلىك ارقالاۋ جاستىق شاقتىڭ ەڭ كوركەم بەينەسى

□ گازەتىمىزدىڭ شولۋشىسى

  جاستاردا جىگەر - قايرات بولسا، بولاشاقتا ىسكەر بولادى! بيىل 4 - مامىر جاستار مەرەكەسى كەلۋ قارساڭىندا، باس شۋجي شي جينپيڭ جۇڭگو حالىق داشۋەسىندە قىزمەت تەكسەرگەندە بىلاي دەپ اتاپ كورسەتتى: جاڭا ءداۋىردىڭ جاڭا ساپارىن تياناق ەتكەن جۇڭگو جاستارىنىڭ كۇرەس نىساناسى مەن العا باسۋ بەتالىسىن ءبىر تۇيىنگە جيناقتاۋعا بولادى، بۇل قاجىماس تاباندىلىقپەن پارتيانىڭ ۇنىنە قۇلاق اسىپ، پارتياعا ىلەسىپ، ۇلتتىڭ گۇلدەنۋ كەلەلى مىندەتىن ارقالايتىن ءداۋىر جاڭا ادامى بولىپ جەتىلىپ شىعۋعا قۇلشىنۋ.

  مەيلى بۇرىن، قازىر، الدە بولاشاقتا بولسىن، جۇڭگونىڭ جاستارى قاي - قاشان دا جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن اتويشىل كۇش. ”جاپون شاپقىنشىلارىنا قارسى تۇرىپ وتاندى قۇتقارۋ، ۇلتتىڭ ءومىر ءسۇرۋىن كوزدەۋ“ ماقساتىنداعى ەرلىكپەن كۇرەس جاساۋدان ”ىنتىماقتاسىپ، جۇڭحۋانى گۇلدەندىرەيىك“ دەگەن ەل بىرلىگىنەن بەرىك قامال ورناتۋعا دەيىن، ودان ”ۇلتتىڭ گۇلدەنۋ كەلەلى مىندەتىن ارقالايتىن ءداۋىر جاڭا ادامى بولىپ جەتىلىپ شىعۋعا قۇلشىنۋعا“ دەيىن سان ۇرپاق جۇڭگو جاستارى داۋىرمەن تىلەكتەس، مۇراتتاس، وتان حالقىمەن تىنىستاس، تاعدىرلاس بولىپ، قاجىماي - تالماي كۇرەس جۇرگىزۋ ارقىلى وتباسى جانە وتانشىلدىق سۇيىسپەنشىلىكتى كوكەيىنە تەرەڭ ۇيالاتىپ، جاستىقتىڭ اسەم بوياۋىن ايگىلەۋدە. توقتاۋسىز جوڭكىلگەن ءومىر وزەنىندە ءار بۋىن جاستاردىڭ تۇگەلدەي وزدەرىنە تاۋەلدى تاعدىرى مەن ورايى بار، الايدا قاجىماي - تالماي كۇرەس جۇرگىزىپ، باتىلدىقپەن جاۋاپكەرشىلىك ارقالاۋ جاستىق شاقتىڭ ەڭ كوركەم بەينەسى.

  جاستىق دەگەن نە؟ جاستىق دەگەنىمىز 27 جاستاعى لي داجاۋ جازعان ”ءوزىمىزدىڭ جاستىق كوكتەمىمىزبەن جاستىق كوكتەمدەي جايناعان وتباسىن، جاستىق كوكتەمدەي كوركەيگەن مەملەكەت، جاستىق كوكتەمدەي جالىندى ۇلت، جاستىق كوكتەمدەي تاماشا ادامزات سومدايىق...“ دەگەن قايرات - جىگەرى، 22 جاستاعى لەي فىڭنىڭ حالىق ءۇشىن قىزمەت ىستەۋدەي قالتقىسىز ۇلەس قوسۋدى ءومىرى ارقىلى امالياتىندا ايگىلەۋى، 18 جاستاعى چىن شياڭرۇڭنىڭ وتان ءۇشىن جان قيعان كىرشىكسىز ماحابباتى؛ جاڭا داۋىرگە، جاڭا جورىققا كوز سالساق، جاستىق دەگەنىمىز ءتىپتى دە كوپ ”90 - جىلدىڭ تۇلەكتەرىنىڭ“، ”2000 - جىلدىڭ تۇلەكتەرىنىڭ“ قاراپايىم قىزمەت ورنىندا شۇعىل، قيىن، قاتەرلى، ماڭىزدى مىندەتتەردى اتقارۋ بارىسىندا جاڭالىق اشۋ، شارۋاشىلىق قۇرۋدىڭ تولقىنىندا باتىلدىقپەن جاۋاپكەرشىلىك ارقالاپ، اتويلاپ الدا جۇرگەن اسقاق ارىنى... سوناۋ بوران - شاشىندى كونە جۇڭگودان جۇڭگوشا سوتسياليستىك جاڭا داۋىرگە دەيىن مۇراتى، سەنىمى، جاۋاپكەرشىلىگى بار جۇڭگو جاستارى جۇڭگو كوممۋنيستىك پارتياسى تۋىنىڭ جەتەكشىلىگىندە باستان - اياق جاستىق كوكتەمىن جۇڭحۋا ۇلتىنىڭ ۇلى گۇلدەنۋ تاريحي بارىسىمەن تىعىز بايلانىستىرىپ، اسقاق ارىنمەن ەكپىندەي ىلگەرىلەۋدىڭ تالايلاعان جاستىق جىرىن جازدى.

  زامانىمىزداعى جۇڭگو جاستارى جاڭا داۋىرمەن ءبىر بەتالىستا بىرگە ىلگەرىلەيتىن، بىرگە العا باساتىن ۇرپاق، كوركەيىپ - گۇلدەنگەن زاماندا ومىرگە كەلگەن ولار كەلەلى مىندەت ارقالاپ وتىر. جۇڭگوشا سوتسياليستىك جاڭا ءداۋىر قالىڭ جاستارعا ءتىپتى دە تاماشا دامۋ ورتاسىن، ءتىپتى دە كەڭ ەسەيىپ - ەرجەتۋ كەڭىستىگىن ازىرلەپ وتىر. جاستار ءىرى ىستەر تىندىرۋدىڭ، كەسەك تابىستارعا جەتۋدىڭ مۇمكىندىگى زور وسى ۇلى داۋىردە، ءومىرىنىڭ ەڭ كوركەم ساتىندە تۇك بىتىرمەي شالقادان جاتاتىن ”زاۋىقسىز جاس“ بولۋعا استە بولمايدى، قايتا جالىندى دا جىگەرلى، كۇش - قۋاتى تولىسقان ”جالىندى جاستار“ بولۋ كەرەك، كوكتەمى جايناپ، جازى دۋمانعا بولەنگەن كوركەم كورىنىس جاراتىپ قانا قويماي، مەملەكەتتى بايىتىپ، قۇدىرەتتەندىرۋ مەن ۇلتتىڭ گۇلدەنۋ كەلەلى مىندەتىن ارقالاۋى كەرەك.

  ”قالىڭ جاستاردىڭ وتانىمىزدىڭ بايتاق دالاسىن ارشىندى قاداممەن ارالاپ، جۇڭگو رۋحىن ءوز كوزدەرىمەن كورىپ، حالىقتىڭ لەبىزىن ەت قۇلاعىمەن ەستىپ، ءداۋىر تىنىسىن ىنتا - ىقىلاسىمەن ءتۇيسىنىپ، وتانمەن ەتەنە، حالىقپەن تىنىستاس ورتاق تاعدىر سۇيىسپەنشىلىگىن وقۋدىڭ جالپى بارىسىنا ساباقتاستىرۋىن، كاسىپتىك تالپىنىسىنا توعىستىرۋىن ءۇمىت ەتەمىن“. باس شۋجي شي جينپيڭ زامانىمىزداعى جاستاردىڭ كۇرەس جولىنا ايقىن بەتالىس كورسەتتى. بۇگىنگى جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، سان مىڭداعان جاستاردىڭ كەۋدە كەرە العا شىعىپ، اۋىر مىندەتتى باتىلدىقپەن ارقالاپ، بەلسەندى ىسكەرلىك كورسەتۋىن ايرىقشا قاجەت ەتەدى. جاڭا جورىقتا جاستار ”كۇللى دۇنيەگە كوز سالاتىن“ سەنىم جانە دارىنى ارقىلى جۇڭگولىققا ءتان ەرىك - جىگەرىن، قاجىر - قايراتىن، سەنىمىن ۇزدىكسىز نىعايتىپ، ءوزىنىڭ ارمان، تالپىنىسىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كۇرەس بارىسىمەن توعىستىرىپ، جاڭا جورىقتا ەكپىندەي ىلگەرىلەۋ، جاڭا داۋىردە ەسە قوسۋ بارىسىندا اقىل - پاراساتىن، كۇش - قۋاتىن ارناپ، جاستىق كوكتەمىنىڭ جاۋاپكەرشىلىگىن ايگىلەۋ كەرەك.

  تەك ءاربىر جاستىڭ كوكەيىندە ارمان، كوزىندە جالىن بولسا، كوركەم جاستىقتىڭ وتى مازداپ جاناتىن بولادى. جاڭا داۋىردەگى جۇڭگو جاستارى، ءسوز جوق، پارتيانىڭ ءتالىمىن ەستە بەرىك ساقتاپ، ۇلتتى گۇلدەندىرۋدى مۇرات ەتىپ، ەسىل شاقتى زايا جىبەرمەي، ءداۋىردىڭ ءۇمىتىن اقتاپ، حالىقتىڭ ءۇمىتىن اقتاپ، جاستىق شاقتىڭ جارىس جولىندا ەكپىندەي العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە قول جەتكىزەتىنىنە كامىل سەنەمىز!

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.