تيانشان تورى   ›   جاڭالىقتار   ›   شينجياڭ حابارلارى

تاماشا تۇرمىستارىن تامعا بەدەرلەدى

كوشەارىق قىستاعى:

تاماشا تۇرمىستارىن تامعا بەدەرلەدى

انار بۇلت \ شينجياڭ گازەتىنىڭ ءتىلشىسى ءپاريزات ابدۇل

  شۋاقتى كۇننىڭ شۇعىلاسى تاكلاماكان ءشولىنىڭ وڭتۇستىك جيەگىندەگى قىستاق − لوپ اۋدانى شارباع قالاشىعى كوشەارىق قىستاعىنا توگىلىپ تۇر. تۇحان روزىتوحتى اۋلاسىن ايناداي ەتىپ تازالاپ بولعان سوڭ، اۋلا تامىنىڭ ىشكى قابىرعاسىنا سىزىلعان سۋرەتكە كۇلىمسىرەي قاراپ: ”ءبىزدىڭ قازىرگى تۇرمىسىمىز قۇددى مىنا تامداعى سۋرەتتەي باي مازمۇندى“! - دەدى.

  مۇنداي الۋان بوياۋلى سۋرەتتەن كوشەارىق قىستاعىندا جالپى 177سى بار، وسى سەبەپتەن دە ”مادەنيەت بوياۋى ەرەكشە قىستاق“ دەگەن ءسوز وسى قىستاقتىڭ تانىسقىسىنا اينالعان.

  2018 - جىلدان باستاپ، كوشەارىق قىستاعى ”اۋىل شارۋاشىلىعى، مادەنيەت، ساياحاتتى“ توعىستىرا دامىتۋدى ىلگەرىلەتىپ، اۋلالاردى رەتتەپ - وڭاپ، ارتىق - اۋىس اعاش ماتەريالدارىنان پايدالانىپ 8 كيلومەتر كەلەتىن ءجۇزىم كاريدورىن جاسادى، جۇڭگو ارمانى، جۇڭحۋانىڭ تاڭداۋلى ءداستۇرلى مادەنيەتى، ۇلتتار ىنتىماعى سياقتىلاردى نەگىزگى تاقىرىپ ەتىپ، كوركەمونەرلىك شەبەر قولمەن قابىرعا سۋرەت سىزىپ، اق تۇرعان تامدارعا ”جان“ ءبىتىرىپ، قىستاقتارعا الۋان رەڭمەن ءار بەردى.

  ”بۇرىن قىستاق تۇرعىندارى اۋلاسىنىڭ ىشكى - سىرتقى تامدارى الاباجاقتانىپ تۇراتىن، ءبىز اسەمونەر وقىتۋشىلارىن ۇسىنىس ەتىپ، شارۋالاردىڭ تۇرمىسىنا جاناساتىن وسىنداي بوياۋلى سۋرەتتەردى سىزدىردىق“، - دەپ تانىستىردى اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) شارباع قالاشىعى كوشەارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋاڭ ليميڭ.

  45 جاستاعى تۇرسۇنجان تۇرسۇنتوحتىنىڭ تۇرمىسى قۇددى قابىرعا سۋرەتتەگى سياقتى بالداي ءتاتتى، باي مازمۇندى.

  20 جىلدىڭ الدىندا، تۇرسۇنجان اتا - باسىنان جالعاسىپ كەلە جاتقان قولونەردى اكەسىنەن ۇيرەندى. ءار كۇنى ساعات 8دە ول ۇيلەرىندەگى شاعىن شەبەرحانادا ماتاڭ جاساۋعا كىرىسىپ، جاڭعاق ءدانى، مەيىز سياقتى شيكى ماتەريالداردى تاڭداپ الىپ جۋىپ تازالاعاننان تارتىپ، قايناتىپ پىشىنگە كەلتىرىپ، كولىككە تيەگەنگە دەيىنگى جۇمىستار جالعىز ءوزىنىڭ قولىمەن ىستەلەدى. تۇستە تۇرسۇنجان شارباع قالاشىعى بازارىنداعى جايمانىڭ الدىندا ءدال ۋاقىتىندا پايدا بولادى.

  ”بۇرىن ماتاڭنىڭ كيلوگرامىن 25 يۋاننان ساتىپ، ءبىر ايدا 1000 يۋان اينالاسىندا كىرىس تاباتىنمىن“، - دەپ ەسكە الدى تۇرسۇنجان. 2020 - جىلى ول شياڭۋي ماتاڭ زاۆودىن قۇرىپ، ”لىشياڭ شياڭۋي“ ساۋدا ماركاسىن تىزىمگە الدىردى، بۇگىنگى كۇندە زاۆود ۇقساماعان قوراپ، ۇقساماعان دامدەگى 7 ءتۇرلى ماتاڭ ءوندىرىپ، قىستاقتاعى 6 ادامدى جۇمىستاندىرىپ وتىر. ”قازىر ماتاڭ قايناتۋ، تۋراۋ، قوراپتاۋ تۇگەلدەي اۆتوماتتى ىستەلەدى، كۇندىك ساتىلىم سوماسى 2000 يۋان اينالاسىندا، تازا كىرىسىمىز 700 يۋان“، - دەيدى تۇرسۇنجان.

  ۋاڭ ليميڭ تىلشىگە بىلاي دەدى: قىستاق قىستاق تۇرعىندارىن ۇيلەرىنىڭ الدى - ارتىن تازالاپ بوساتقان، 320 مۋ بوس جاتقان جەردى اشىپ، ”ءبىر تاقتا كوكونىس“، ”ءبىر ءتۇپ اعاش“، ”ءبىر تال ساباق“ سياقتى جەمىس - جيدەك، كوكونىس ەگۋ ۇساق كاسىپ سالالارىن اشۋعا جەتەكتەپ، 8800 ءتۇپ قالامشا ەگىپ، اۋلا شارۋاشىلىعىن شارۋالاردىڭ ”ءدىلدا اعاشىنا“ اينالدىردى. بۇدان سىرت، كوشەارىق قىستاعىنداعى 92 جىلىجاي مەن 285 شاعىن دوعاشا لاپاس تا كوپتەگەن قىستاق تۇرعىندارىنىڭ كىرىسىن ارتتىرۋىنداعى ”قۇت ساندىققا“ اينالدى.

  ”جىلىجايدىڭ ىشىنە قىزاناق، قىزىلبۇرىش، بالدىركوك جانە ساڭىراۋقۇلاق تەكتەستەر ەگىلگەن، ەگىمشىلىك تەحنيكاسى، ساتۋدىڭ بارىنە ءبىزدىڭ سەلبەستىك كووپەراتيۆى جاۋاپتى، ءبىر جىلدا ءبىر جىلىجايدان 20 مىڭ يۋان اينالاسىندا كىرىس كىرگىزەمىز، قىستاقتان 28 ادام جۇمىستاندى“، - دەيدى كوشەارىق قىستاعىنىڭ تۇرعىنى روزىتوحتى مامەت.

  2019 - جىلى روزىتوحتى ءوز قىستاعىنداعى 5 قىستاق تۇرعىنىمەن بىرگە لوپ اۋدانى يىنباڭ اۋىل شارۋاشىلىق ونىمدەرى شارۋالار كاسىپتىك سەلبەستىك كووپەراتيۆىن قۇردى. شاندۇڭعا بارىپ كوكونىس ەگۋ تەحنيكاسىن ۇيرەنىپ كەلگەن روزىتوحتى بۇگىنگى كۇندە قىستاقتاعى كوكونىس ەگۋدىڭ مامانىنا اينالدى، ول 7 ۇلكەن جىلىجايدى كوتەرمەگە الىپ، 2021 - جىلى كىرىسىن 170 مىڭ يۋانعا جەتكىزدى. ”بيىل ءبىز 3 ۇلكەن جىلىجايداعى ساڭىراۋقۇلاق تەكتەستەردى كەڭەيتىپ ەگۋگە دايىندالىپ جاتىرمىز، 5 - ايدىڭ باستارىندا ەگۋگە بولادى. مەن تاعى ۇستەمە قۇنى جوعارى، ونىمدىلىگى جاقسى كوكونىس سورتىن ەگىپ، ءتىپتى دە كوپ قىستاق تۇرعىنىن بىرگە بايۋعا باستاماقشىمىن“، - دەيدى روزىتوحتى.

  2020 - جىلى كوشەارىق قىستاعى 2 - توپتاعى مەملەكەتتىك اۋىل - قىستاق ساياحاتى ءتۇيىندى قىستاعىنا تاڭدالدى. 2021 - جىلى بۇكىل قىستاقتاعى ادامداردىڭ جان باسىندىق ورتاشا قولداعى تابىسى 13 مىڭ 300 يۋان بولدى.

  بيىل 4 - ايدا اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) كوشەارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى كاسىپتىك دارىندىلاردى اكەلىپ، قىستاق كوللەكتيۆىمەن سەلبەسىپ شينجياڭ كوشەارىق مادەنيەت، عىلىم - تەحنيكا شەكتى سەرىكتەستىگىن قۇردى. ”سەرىكتەستىك مادەنيەت، عىلىم - تەحنيكا سياقتى قاتىستى كاسىپ سالاسىن جەتىلدىرۋ، ارناۋلى ماركا سومداۋ، جەلىلەس ونىمدەردى جوبالاۋ، ساتۋ سياقتى تاسىلدەردەن پايدالانىپ، كاسىپ سالاسىن دامىتۋدى ىلگەرىلەتىپ، شارۋالاردى جۇمىستاندىرۋدى كەڭەيتىپ، شارۋالاردىڭ كىرىسىن ارتتىرىپ، قىستاق كوللەكتيۆى ەكونوميكاسىن زورايتۋعا كومەكتەستى“، - دەيدى ۋاڭ ليميڭ.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.