تيانشان تورى   ›   جاڭالىقتار   ›   ماڭىزدى حابارلار

جاڭا داۋىردەگى جاستىق جىرىن شىعانداتتى

− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاستارعا جانە جاستار قىزمەتىنە كوڭىل بولگەندىگىنەن ەستەلىك

□ شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە، دۇڭ بوتيڭ، جاڭ يان

  جاستىق شاق − ءومىردىڭ پاتشاسى، ءومىردىڭ كوكتەمى، ءومىردىڭ ساۋلەتى.

  ”جاستار كوركەيسە مەملەكەت كوركەيەدى، جاستار قۇدىرەتتەنسە مەملەكەت قۇدىرەتتەنەدى“.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرى دامۋىنىڭ ۇشقىنىن ۇرپاقتان - ۇرپاققا جالعاۋدىڭ، ءىزباسار ادامى بولۋدىڭ بيىگىندە تۇرىپ، جاستاردىڭ ءوسىپ - جەتىلۋىنە، دارىندى بولۋىنا كوڭىل ءبولىپ، جاستار قىزمەتىنىڭ دامۋىن، العا باسۋىن جوبالاپ، قالىڭ جاستاردى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ءداۋىر تاسقىنىندا اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسۋعا ىنتالاندىردى.

شىنايى ءۇمىت، ىقىلاستى ماڭىزدى تاپسىرما −

باس شۋجي شي جينپيڭ جاستاردىڭ قايراتتانا ىلگەرىلەۋ جولىنا جەتەكشىلىك ەتتى

  ”جاستىق ورالدى پارتياعا ارنايمىز، حالىقتىڭ ءۇمىتىن اقتايمىز“، ”گۇلدەنۋدىڭ تىرەگى، مەملەكەتتى قۇدىرەتتەندىرۋدىڭ اتويشىسى بولامىز“... 2022 - جىلى 4 - ايدىڭ 25 - كۇنى بەيجيڭ جۇڭگۋانسۇنداعى جۇڭگو حالىق داشۋەسىنىڭ مەكتەپ اۋلاسىن جاس شاكىرتتەردىڭ ايبىندى سەرتى جاڭعىرتىپ تۇردى.

  4 - مامىر جاستار مەرەكەسى كەلۋ قارساڭىندا باس شۋجي شي جينپيڭ وسىناۋ جۇڭگو كوممۋنيستىك پارتياسى قۇرعان العاشقى جاڭاشا جۇيەلى داشۋەگە كەلىپ، تەرەڭ ىقىلاسپەن قالىڭ جاستارعا ءۇمىت ارتتى: ”پارتيانىڭ ءتالىمىن ەستە بەرىك ساقتاپ، ۇلتتى گۇلدەندىرۋدى مۇرات ەتىپ، ەسىل شاقتى زايا جىبەرمەي، ءداۋىردىڭ ءۇمىتىن اقتاپ، حالىقتىڭ ءۇمىتىن اقتاپ، جاستىق شاقتىڭ جارىس جولىندا ەكپىندەي العا ۇمتىلىپ، زامانىمىزداعى جاستاردىڭ ەڭ جاقسى ناتيجەسىنە جەتۋگە قۇلشىنىڭدار“!

  100 جىلدىق گۇل داۋرەن، جاستىق شاق جاساسىن. ”جاستىق ارمان، جاستىق ومىرشەڭدىك، جاستىق كۇرەس جۇڭگو رۋحى مەن جۇڭگو كۇشىنىڭ ومىرشەڭدىگى سانالادى“.

  1919 - جىلى ۇزدىك جاس زيالىلار اتويشى بولعان 4 - مامىر قوزعالىسى ۇيقىدا جاتقان بايتاق دالانى وياتىپ، ۇلى ويانۋ ءداۋىرىنىڭ شىمىلدىعىن ءتۇردى؛

  1921 - جىلى ورتاشا جاسى 28 جاستاعى ءبىر توپ جاس جۇڭگو كوممۋنيستىك پارتياسىن قۇرىپ، جۇڭگو توڭكەرىسىنىڭ نۇرلى جولىن اشىپ، جەر ءجۇزىن جاڭارتۋدىڭ ۇلى ءدۇبىرىن تۋدىردى؛

  1922 - جىلى جۇڭگو سوتسياليستىك جاستار وداعى قۇرىلىپ، جۇڭگونىڭ مۇراتتى جاستارىنىڭ باسىن قوسىپ، پارتيانىڭ قادامىنا ءجىتى ىلەسىپ، ۇلتتى گۇلدەندىرۋدىڭ بولاشاعى جونىندە ىزدەنىس جاسادى؛

  ...

     تاريح كىتابىن پاراقتاپ وتىرساڭىز، ءبىرىنىڭ سوڭىنان ءبىرى ىلەسكەن ءار بۋىن جۇڭگو جاستارى وتان مەن حالىققا دەگەن ادال جۇرەكپەن پارتيانىڭ باسشىلىعىندا توڭكەرىستىڭ، قۇرىلىستىڭ، رەفورمانىڭ ۇلى ىستەرىنە بەلسەنە ات سالىسىپ، جاستىق ورالىمەن جاستىق كوكتەمدەي جايناعان جۇڭگونى، جاستىق شاقتاي جالىندى ۇلتتى سومداپ، جۇڭگو جاستار قوزعالىسىنىڭ ايبىندى تاراۋىن جازدى.

  جاستىق جالىن − 100 جىلدىق ۇلى پارتيانىڭ تۋا ءبىتتى ايقىن گەنى.

  ”پارتيامىز قول جەتكىزگەن بارلىق تابىستارعا جاستاردىڭ جالىندى ىقىلاسى مەن ۇلەسى سىڭگەن“. باس شۋجي شي جينپيڭ بىلاي دەپ ىشكەرىلەي اتاپ كورسەتتى: قالىڭ جاستارعا ۋاكىل بولۋ، قالىڭ جاستاردىڭ قولداۋىنا قول جەتكىزۋ، قالىڭ جاستارعا ارقا سۇيەۋ − پارتيامىزدىڭ تولاسسىز جەڭىستەن - جەڭىسكە جەتۋىنىڭ ماڭىزدى كەپىلى.

  جاستار بايىرعى ۇلتتىڭ گۇلدەنۋگە قادام تاستاۋىنىڭ ومىرشەڭ كۇشى.

  2013 - جىلى 5 - ايدىڭ 4 - كۇنى پارتيا 18 - قۇرىلتايىنان كەيىنگى العاشقى 4 - مامىر مەرەكەسىندە باس شۋجي شي جينپيڭ جۇڭگو عارىش عىلىم - تەحنيكاسى توبى سەرىكتەستىگىنىڭ جۇڭگو كەڭىستىك تەحنيكاسىن زەرتتەۋ مەكەمەسىنە كەلىپ، تاقىرىپتىق وداق كۇنى قيمىلىنا قاتىناستى.

  ”ەلىمىز جاستارى ىزگى ارمانعا تالىقپاي تالپىنىپ، قاشاندا جۇڭحۋانى كوركەيتۋدىڭ تاريحي ۇردىسىمەن تىعىز بايلانىسىپ كەلەدى“. جاستىق ىنتاعا تولى جۇزدەر الدىندا باس شۋجي شي جينپيڭ جۇڭگو جاستار قوزعالىسىنىڭ ءداۋىر تاقىرىبىن ايقىن اشىپ كورسەتتى: ”جۇڭگو ارمانى ءبىزدىڭ ارمانىمىز، ونان دا ماڭىزدىسى، ءسىز جاستاردىڭ ارماندارىڭىز. جۇڭحۋا ۇلتىنىڭ ۇلى گۇلدەنۋى تۇبىندە قالىڭ جاستاردىڭ قول ۇستاسا كۇرەس جۇرگىزۋى بارىسىندا جۇزەگە اسادى“.

  ءار ۇرپاقتىڭ وزىنە ءتان ورايى، ءار بۋىن جاستاردىڭ وزدەرىنە ءتان بورىشى بولادى.

  باس شۋجي شي جينپيڭ جاس شاكىرتتەرگە ىقىلاستى ءۇمىت ارتتى. ول جاس دوستارعا بىلاي دەدى: جوعارى مەكتەپتە وقيتىن وقۋشىلاردىڭ بارلىعى 20 جاس شاماسىندا، وسى عاسىردىڭ ورتا شەنىندە وسىزامانداندىرۋ نەگىزىنەن جۇزەگە اسقاندا، كوپشىلىگىڭ 60 جاسقا دا ىلىنە قويمايسىڭدار، دەمەك، سەندەر جانە سان مىڭ جاستار ”قوس 100 جىلدىق“ كۇرەس نىساناسىن جۇزەگە اسىرۋدىڭ جالپى بارىسىنا ارالاساتىن بولاسىڭدار.

  جاستاردىڭ قولداۋىنا قول جەتكىزگەندىك بولاشاققا قول جەتكىزگەندىك.

  پارتيا 18 - قۇرىلتايىنان بەرى باس شۋجي شي جينپيڭ قاشاندا ”پارتيا ىستەرىنىڭ ۇشقىنىن ۇرپاقتان - ۇرپاققا جالعاۋعا شىنايى كەپىلدىك ەتۋ، جۇڭحۋا ۇلتىنىڭ ماڭگىلىك دامۋىنا شىنايى كەپىلدىك ەتۋ“ سىندى تەرەڭ ويدى تياناق ەتىپ، جاستاردىڭ ءوسىپ - جەتىلۋىنە جەتەكشىلىك ەتتى جانە جاستار قىزمەتىن ورنالاستىردى.

  جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا، ”جاستار − وتانىمىزدىڭ بولاشاعى، ۇلتىمىزدىڭ ۇكىلەگەن ءۇمىتى، سونداي - اق پارتيامىزدىڭ بولاشاعى مەن ءۇمىتى“ دەپ ارنايى اتاپ كورسەتتى.

  پارتيا 19 - قۇرىلتايى بايانداماسىندا، جاستار جانە جاستار قىزمەتى جونىندە ارنايى توقتالدى؛

  4 - مامىر قوزعالىسىنىڭ 100 جىلدىعىن ەسكە ءتۇسىرۋ جينالىسىندا، ”جاستىق كوكتەمنىڭ وتان ءۇشىن، حالىق ءۇشىن، ۇلت ءۇشىن، ادامزات ءۇشىن ۇلەس قوسۋ بارىسىندا اناعۇرلىم شۇعىلالى نۇر شاشۋىنا مۇمكىندىك جاسايىق“ دەگەن ۇلى ۇندەۋ جاريالادى؛

  پارتيا قۇرىلعاندىعىنىڭ 100 جىلدىعىن قۇتتىقتاۋ سالتاناتىندا، ”بولاشاق جاستاردىكى، ءۇمىت جاستاردا“ دەپ تەرەڭ سۇيىسپەنشىلىككە تولى ىنتالاندىرۋ جاسادى...

  تالاي - تالاي ماڭىزدى ورىنداردا قايتا - قايتا باسا دارىپتەگەن باس شۋجي شي جينپيڭ ءار ۋاقىت جادىنان شىعارماي، بۇكىل پارتيانى بىرگە جاستارعا جاقىنداسۋعا، جاستارعا قۇلاق تۇرۋگە، جاستارعا كوڭىل بولۋگە، جاستارعا قامقورلىق جاساۋعا، جاستاردى تاربيەلەۋگە، جاستارعا جەتەكشىلىك ەتۋگە باستادى.

  جاڭبىر جاۋىپ تۇرعانداعى مىنا كورىنىستەن سانسىز جاس جىلى شۋاق سەزىندى.

  2016 - جىلى 4 - ايدىڭ 26 - كۇنى باس شۋجي شي جينپيڭ جۇڭگو عىلىم - تەحنيكا داشۋەسىنە كەلدى. قىزمەت تەكسەرۋ اياقتاۋعا تاياپ، كىتاپحانادان شىققاندا جاۋىن قۇيىپ كەتەدى.

  باس شۋجي شي جينپيڭ جاۋىپ تۇرعان جاڭبىرعا قاراماي ءوزىن اتتاندىرىپ سالۋعا كەلگەن وقۋشىلاردىڭ اراسىنا كەلىپ، ءبىر - بىردەن قول الىستى. بۇل ارەكەت وسىلاي 10 نەشە مينۋت جالعاسىپ، جاڭبىر باس شۋجيدىڭ كيىمى مەن اياق كيىمىن سۋعا شىلقىتتى...

  سوندا تۇرعان جاس شاكىرتتەر: ”باس شۋجيدىڭ الاقانى جىلى، پارمەندى، كىسىگە قۋات بەرەدى ەكەن“ دەستى.

  ”ءار جىلى 4 - مامىردىڭ الدى - ارتىنداعى وسى ءبىر ۋاقىتتى مەن جاستارعا ارنايمىن“ − بۇل باس شۋجي شي جينپيڭنىڭ وزىنە بەكىتكەن ءبىر پرينسيپ ەدى.

  ۋيميڭحۋ كولىنىڭ جاعاسىندا جاستىق كوكتەم جىر ءمۇشايراسىن تىڭداۋدان چيڭحۋا باقشاسىنىڭ ىشىندە تەحنيكالىق تاجىريبەنى قاراپ شىققانعا دەيىن، عارىش قالاسىنداعى جاستىق كوكتەممەن ديالوگتان چاۋحۋ كولىنىڭ جاعاسىندا جاستارمەن كەڭەس قۇرعانعا دەيىن... ءار جولعى جاستاردىڭ مەرەكەسىندە، مەيلى قانشا قاربالاس بولسىن، باس شۋجي شي جينپيڭ قالايدا جاستاردىڭ اراسىنا كەلىپ كوپشىلىكپەن ىقىلاستى پىكىرلەسىپ، جاستاردىڭ جۇرەك ۇنىنە قۇلاق ءتۇرىپ، جاستاردىڭ جۇرەك ءلۇپىلىن سەزىنەدى.

  جاس وقىتۋشىلاردىڭ جۇڭحۋا ۇلتىنىڭ ”ارمان قۇراماسىن“ جاساقتايتىن ارمانعا قانات قاعۋشىلاردان بولۋىن ءۇمىت ەتتى؛ جاس ەڭبەكشىلەردى ”تەحنيكالىق شەبەرلىكپەن دارىندى بولۋ، تەحنيكالىق شەبەرلىكپەن وتاننىڭ ءۇمىتىن اقتاۋ جولىمەن جۇرۋگە“ ىنتالاندىردى؛ جاس ەرىكتىلەردى ”ءىس جۇزىندىك ارەكەتتەرىمەن جاڭا داۋىردەگى لەي فىڭ حيكايالارىن جازۋعا“ شابىتتاندىردى؛ جاس وفيتسەر - اسكەرلەردى ”جاتتىعۋدىڭ ۇزدىگى، تەحنيكانىڭ مايتالمانى، جاۋىنگەرلىك ونەرگە جاتىلۋدىڭ ۇلگىسى“ بولۋعا قۋزادى...

  باس شۋجي شي جينپيڭنىڭ اق نيەتتى سوزدەرى، ىقىلاستى تاپسىرماسى جاڭا داۋىردەگى جاستاردى ءداۋىردىڭ اۋىر مىندەتىن ارقالاپ، جۇڭگو ارمانىن جۇزەگە اسىرۋ ءۇشىن قاجىماس تاباندىلىقپەن، تالىقپاس ارىنمەن قايسار كۇرەس جۇرگىزۋگە جەتەكتەدى.

شىن پەيىلىمەن ايالاۋ، داۋىرمەن بىرگە العا باسۋ −

باس شۋجي شي جينپيڭ جاستار قىزمەتىنىڭ جوعارى ساپالى دامۋىنا جەتەكشىلىك ەتتى

  2014 - جىلى 12 - ايدىڭ 20 - كۇنى جۇڭحۋا مادەنيەتىنىڭ ءبىر رەتكى جاندى ”اشىق ساباعى“ اۋمىن داشۋەسى حىڭچين مەكتەپ رايونىندا وتكىزىلدى.

  اۋمىننىڭ وتان قۇشاعىنا ورالعاندىعىنىڭ 15 جىلدىعى قارساڭىندا، باس شۋجي وسى جەرگە كەلىپ، ۇسىنىسپەن وقىتۋشى - وقۋشىلاردىڭ ”جۇڭحۋانىڭ ءداستۇرلى مادەنيەتى جانە زامانىمىزداعى جاستار“ تاقىرىپتىق سالونىنا قاتىناستى.

  ”مەن دە جۇڭحۋا مادەنيەتىنىڭ ىنتالى قولداۋشىسىمىن، ادال ۇيرەنۋشىسىمىن“. باس شۋجي شي جينپيڭ ءوزىنىڭ ۇيرەنۋدە باستان كەشكەندەرىمەن ءبولىستى: ءوسپىرىم كەزىمنەن قازىرگە دەيىن قولىم بوساي قالسا بولدى قولىما ءبىر كىتاپ الىپ پاراقتاي جونەلەمىن، ءار جولى كىتاپ اشقان سايىن پايداسىن سەزىنەمىن. باستاۋىش مەكتەپتەگى كەزىمدە «سۋ بويىندا» مەن «ءۇش پاتشالىق قيساسىن» وقىدىم. كەيىن 7 جىل ەگىنشى بولعانىمدا دا ءارقاشان ۇيرەنۋمەن، ءبىلىم جيناۋمەن بولدىم. قازىرگە دەيىن مۇرسا تيسە بولعانى، جۇڭحۋا مادەنيەتىنىڭ اسىل قامباسىنىڭ ەسىگىن اشامىن، ءالى كۇنگە ”قولىما ءبىر كىتاپ تۇسسە بويىمدى شەكسىز قۋانىش كەرنەيدى“.

  ونەگە كورسەتىپ باۋلۋ ايتىپ ۇيرەتكەننەن ارتىق. ءتول كەشىرمە، تىكەلەي ءتۇيسىنۋ سىندى شىنايى پىكىرلەسۋ ىلعي دا جاستارعا تەرەڭ وي سالادى.

  2014 - جىلى 5 - ايدىڭ 4 - كۇنى باس شۋجي شي جينپيڭ بەيجيڭ داشۋەسىنە كەلىپ وقىتۋشى - وقۋشىلارمەن اڭگىمە ءماجىلىس وتكىزدى. دوكتورانت چين چۇڭ ءوزىنىڭ وقۋ تاۋىسقان سوڭ الدىمەن شەتەلگە شىعىپ پوستدوكتورلىق زەرتتەۋمەن شۇعىلدانىپ، سودان كەيىن ەلگە ورالىپ جاڭا ءدارى زەرتتەۋ - اشۋمەن اينالىساتىندىعىن ايتتى.

  باس شۋجي ءوزىنىڭ جاس كەزىندە شەتەلگە شىعۋ، قىزمەت ىستەۋ تاڭداۋلارىنا ءدوپ كەلگەنىن، ءبىراق ەڭ سوڭىندا ”ءبىراز بىردەڭە ىستەيىن“ دەگەن ويمەن ەل ىشىندە قالۋدى تاڭداعاندىعىن، مەملەكەت پەن حالىق ءۇشىن قىزمەت ەتۋ كەرەك ەكەندىگىن ايتا كەلىپ، ”سەنىم، ارمان ورناتقان، كۇرەس جاساعان، ءوزىن ارناعان ءومىر عانا ءماندى ءومىر ەسەپتەلەدى“، - دەدى.

  تەرەڭ ماعىنالى سوزدەر چين چۇڭدى بارىنشا اسەرلەندىردى. كەيىن ول جۇڭگو تەڭىز - مۇحيت داشۋەسىنە قايتىپ، وسپەگە قارسى ءدارى - دارمەكتەردى زەرتتەۋ - اشۋمەن اينالىسادى.

  ”ءدال قازىر جاستىق كوكتەم كۇرەس جاساۋعا ارنالادى، كەلەشەكتە جاستىق كوكتەم ەسكە الۋعا ارنالادى“. باس شۋجي شي جينپيڭ ۇنەمى جاس دوستارعا ءوزىنىڭ ەسەيۋ اڭگىمەلەرىن ايتىپ، جاستاردى ارمانعا كۇرەسپەن جەتۋگە جىگەرلەندىرەدى.

  ءوزىن باۋلۋدى بايىمداعاندا، باس شۋجي ”ءومىردىڭ تۇيمەسىن ءاۋ باستان دۇرىس تۇيمەلەۋ كەرەك“ دەگەن جاندى تەڭەۋمەن جاستاردى دۇرىس قۇن بەتالىسىن قالىپتاستىرۋعا جەتەكتەدى.

  ۇيرەنۋدى تىلگە تيەك ەتكەندە، باس شۋجي تاۋعا شىعىپ قوي جايىپ، ۋاقىت شىعارىپ كىتاپ وقىعان زيالى جاس كەزدەرىن ەسكە الىپ، جاستاردىڭ ۇيرەنۋدىڭ التىن مەزگىلىندە تۇرعاندىعىن، ارماندى ۇيرەنۋدەن باستاۋ، ىستە ونەرىنە سۇيەنىپ تابىسقا جەتۋ كوزقاراسىن ورناتۋ كەرەك ەكەندىگىن باسا دارىپتەدى.

  دەنە شىنىقتىرۋدى اۋىزعا العاندا، باس شۋجي ءوزىنىڭ قىزىعاتىن سپورت تۇرلەرىن تانىستىرىپ، جاستاردى ۇيرەنۋدى جاقسى ۇستاۋمەن بىرگە، دەنساۋلىقتى دا قۋاتتى ەتۋگە شابىتتاندىردى.

  الەمگە نازار اۋدارعان باس شۋجي ءار ەل جاستارىنىڭ دۇنيەگە وزگەنىڭ ارتىقشىلىعىن كورە ءبىلۋ، ءوزارا ۇلگى الۋ، ءبولىسۋ كوزقاراسىمەن قاراپ، تۇرلىشە وركەنيەتتەردىڭ اۋىس - ءتۇيىسىن، ءوزارا ۇلگى الۋىن، جاراسىمدى بىرگە ءومىر ءسۇرۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن ورناتۋعا بەلسەندىلىكپەن ۇلەس قوسىپ، كۇش ۇستەۋلەرىن ءۇمىت ەتتى...

  سەنىمدى بەكەمدەۋدەن سەنىم ورناتۋعا دەيىن، ادام بولىپ ءوزىن جەتىلدىرۋدەن ءبىلىم الىپ كاسىپ تاڭداۋعا دەيىن، ءتان مەن جاننىڭ ساۋلىعىنان جاڭالىق اشىپ كۇرەس جاساۋعا دەيىن... باس شۋجي شي جينپيڭ زامانىمىزداعى جاستاردىڭ جەتىلۋىنىڭ، دارىندى بولۋىنىڭ ەرەكشەلىگى مەن زاڭدىلىعىنا تەرەڭدەي زەرتتەۋ جۇرگىزىپ، جاستار تۇسىنە الاتىن، ساناسىنا ۇيالايتىن ءسوز ارقىلى ولاردى ءومىردىڭ ءار قادامىن دۇرىس باسۋعا جەتەكتەدى.

  2022 - جىلى 4 - ايدىڭ 21 - كۇنى جاڭا جۇڭگو تاريحىنداعى العاشقى ارنايى جاستار قاۋىمى جونىندەگى اق تىستى كىتاپ − «جاڭا داۋىردەگى جۇڭگو جاستارى» رەسمي جاريالانىپ، پارتيا 18 - قۇرىلتايىنان بەرگى جۇڭگو جاستارىنىڭ دامۋ ىستەرىندە قول جەتكەن وراسان زور تابىستاردى وبيەكتيۆ تۇردە كورسەتتى.

  2018 - جىلى 7 - ايدىڭ 2 - كۇنى بەيجيڭ جۇڭنانحاي، باس شۋجي شي جينپيڭ جۇڭگو كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەستى.

  وسىدان بىرنەشە كۇن بۇرىن كوممۋنيستىك جاستار وداعىنىڭ 18 - قۇرىلتايى جابىلدى. باس شۋجي شي جينپيڭ قۇرىلتايدىڭ تابىسقا قول جەتكىزگەندىگىن، سايلانعان جۇڭگو كوممۋنيستىك جاستار وداعى ورتالىق كوميتەتىنىڭ جاڭا كەزەكتى باسشىلىق القاسىن قۇتتىقتادى، سونىمەن بىرگە تەرەڭ ماعىنالى تۇردە بىلاي دەدى: ”پارتيا ورتالىق كوميتەتى سىزدەردەن وتە زور ءۇمىت كۇتەدى. سىزدەردىڭ باستاماشىلدىقپەن نازاريا ۇيرەنىپ، سەنىمدى كۇشەيتىپ، ساياسيدى دارىپتەپ، تەجەمدى قاتايتىپ، رەفورمانى جەبەپ، تياناقتاندىرۋدى يگەرىپ، ستيلدى تۇزەتىپ، قاعيداعا بويسۇنىپ، جاڭا داۋىردەگى كوممۋنيستىك جاستار وداعىنىڭ تاماشا وبرازىن سومداۋلارىڭىزدى ءۇمىت ەتەمىن“.

  جاستار ۇنەمى جاڭارۋى؛ جاستار قىزمەتى دە، ءسوز جوق، داۋىرمەن تەڭ ىلگەرىلەۋى كەرەك.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جاستار قىزمەتىن ەل باسقارۋدىڭ ماڭىزدى ورنىنا قويىپ، رەفورمالاۋ، جاڭالىق اشۋ رۋحى ارقىلى جاستار قىزمەتىندە تاريحي تابىسقا قول جەتكىزۋدى، تاريحي وزگەرىس تۋدىرۋدى ۇزدىكسىز ىلگەرىلەتتى.

  ”جاستار قىزمەتىندە قازىرگىنى مىقتى يگەرۋ، بۋىندى جالعاۋ، بولاشاققا بەت الۋ كەرەك“؛

  ”جاستار قايدا بولسا، وداق ۇيىمى سول جەردە قۇرىلادى؛ جاستاردا قانداي قاجەت بولسا، وداق ۇيىمى سوعان باعىتتاي قىزمەت ىستەۋى كەرەك“؛

  ”وداق قىزمەتىن ىستەۋدە، ’قاھارمان بالا كەزدەن باستاپ سومدالادى‘ دەگەن قيسىندى ەستە بەرىك ساقتاۋ كەرەك“؛

  ”كوممۋنيستىك جاستار وداعى − پارتيانىڭ قولعاناتى جانە زاپاس قوسىنى، قاشاندا العاباسارلىعىن ساقتاۋ كەرەك“؛

  ”جاستاردى نەگىز ەتۋگە تاباندى بولىپ، جاستارعا سۇيىسپەنشىلىكتى كۇش سالا ارتتىرىپ، جاستاردىڭ دوسى بولۋ، جاستاردىڭ ’ۇلىعى‘ بولماۋ“؛

  ...

     ستراتەگيالىق ورىننان نىسانا - مىندەتكە دەيىن، قىزمەت جاۋاپكەرشىلىگىنەن جول - تاسىلگە دەيىن، باس شۋجي شي جينپيڭ جاستار قىزمەتىنە ءبىر قىدىرۋ جاڭا يدەيا، جاڭا كوزقاراس، جاڭا تۇجىرىم العا قويىپ، پارتيامىز قانداي جاستاردى باۋليدى، جاستاردى قالاي باۋليمىز دەگەن سياقتى ءبىر قىدىرۋ كەلەلى نازاريالىق جانە ءىس جۇزىندىك ماسەلەلەرگە تەرەڭدەي جاۋاپ بەرىپ، جاڭا جاعدايداعى پارتيانىڭ جاستار قاۋىمى قىزمەتىن ويداعىداي ىستەۋىنە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.

  2015 - جىلى 7 - ايدا باس شۋجي شي جينپيڭ پارتيا تاريحىنداعى العاش رەتكى ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسىن اشۋعا باسشىلىق ەتىپ، كوممۋنيستىك جاستار وداعىن ىشكەرىلەي رەفورمالاۋدىڭ شىمىلدىعىن اشتى. «كوممۋنيستىك جاستار وداعى ورتالىق كوميتەتىنىڭ رەفورما جوباسى»، «مەملەكەتتىك جاستار بىرلەستىگى رەفورما جوباسى»، «وقۋشىلار بىرلەستىگى، وقۋشىلار ۇيىمى رەفورما جوباسى»، «ورتالىق كوممۋنيستىك جاستار وداعى مەكتەبى رەفورما جوباسى» سياقتىلار ىركەس - تىركەس باسىپ تاراتىلدى، ءبىر قىدىرۋ كەلەلى رەفورما شارالارى كوممۋنيستىك جاستار وداعىنىڭ ساياسي سيپاتىن، العاباسارلىق سيپاتىن، بۇقارالىق سيپاتىن ۇزدىكسىز كۇشەيتتى.

  2017 - جىلى 4 - ايدا باس شۋجي شي جينپيڭنىڭ تىكەلەي جەتەكشىلىگىمەن جاسالعان جاڭا جۇڭگو تاريحىنداعى تۇڭعىش جاستاردى دامىتۋ جوباسى «جاستاردى دامىتۋدىڭ ورتا، ۇزاق مەزگىلدىك جوباسى (2016 − 2025)» جاريالانىپ، جاستاردى پارتيا باسقارۋ پرينسيبى مەن جاستاردى الدىمەن دامىتۋ ۇستانىمى ايقىندالىپ، جاستاردى دامىتۋ جونىندە بيىك دەڭگەيلى ستراتەگيالىق جوبا جاسالدى.

  پارتيا ورتالىق كوميتەتىنىڭ جاستار قىزمەتىنە كورسەتكەن جولىن بويلاپ، ءار دارەجەلى وداق ۇيىمدارى مەن وداق كادرلارىنىڭ ساياسي دەڭگەيى، ساياسي قابىلەتى كورنەكتى جوعارىلاپ، پارتيا ءۇشىن جاۋاپكەرشىلىك ارقالاپ، جاۋاپكەرشىلىكتى ادا ەتۋ، جۇمىستى ۇستىنە الىپ، قامىن ويلاۋ سىندى سانالىلىقتارى ۇزدىكسىز كۇشەيدى. جاستارعا قىزمەت وتەۋ قىزمەت مەحانيزمى ساپالىلانىپ، امالدىڭ بارىنشا جاستاردى ۋايىمنان ارىلتىپ، قيىنشىلىعىن شەشىپ، جاستاردى جاڭا داۋىردە ۇلەس قوسۋعا كەڭ كولەمدە ۇيىمداستىردى، جۇمىلدىردى.

  قازىر ورتالىقتان جەرگىلىكتى ورىنعا دەيىنگى جاستار قىزمەت مەحانيزمى نەگىزىنەن ورناتىلدى، جۇڭگوشا ەرەكشەلىككە يە جاستاردى دامىتۋ ساياسات جۇيەسى العاشقى قادامدا قالىپتاستىرىلدى.

ارمان شاقىرادى، قاجىماي - تالماي كۇرەسۋ −

قالىڭ جاستار جاڭا جورىقتا ەرلىكپەن ۇزدىكتىككە ۇمتىلىپ، ۇلەس قوسىپ، ەڭبەك ءسىڭىردى

  2022 - جىلى 4 - ايدىڭ 8 - كۇنى تۇستەن بۇرىن حالىق سارايىنىڭ 2 - قاباتىنداعى قوناعاسى زالىندا اشەكەيلى شامدار جارقىراپ، جاستىقتىڭ لەبى ەستى.

  باس شۋجي شي جينپيڭ وسى ارادا ماداقتالىپ - سيلانعان بەيجيڭ قىسقى وليمپيادا سپورت جارىسىندا، مۇگەدەكتەر قىسقى وليمپيادا سپورت جارىسىندا كورنەكتى ۇلەس قوسقان كوللەكتيۆتەردىڭ ۋاكىلدەرىن، كورنەكتى ۇلەس قوسقان جەكەلەردى جانە جۇڭگو دەنە تاربيە ۋاكىلدەر ۇيىرمەسىنىڭ مۇشەلەرىن ىقىلاسپەن قابىلدادى ءارى كوپشىلىكپەن ەستەلىك سۋرەتكە ءتۇستى.

  مەملەكەتتىك قىسقا ارالىققا تەز سىرعاناۋ كومانداسىنىڭ سپورتشىسى ۋ داجيڭدى كورگەندە، باس شۋجي شي جينپيڭ كۇلىمسىرەپ: ”ءبىز العاش رەت 8 جىلدىڭ الدىندا 2014 - جىلعى سوچي قىسقى وليمپيادا سپورت جارىسىندا كەزدەسكەن ەدىك“، - دەدى.

  ”سولاي، باس شۋجي، ءسىزدىڭ باستان - اياق كوڭىل ءبولىپ جانە شابىتتاندىرىپ كەلە جاتقانىڭىزعا العىس ايتامىن“، - دەدى ۋ داجيڭ اسەرلەنە جاۋاپ قايتارىپ.

  ”ومىردە قانشا رەت شايقاس ورايى كەلەدى دەيسىڭ، ايانباي شايقاسۋعا تاتيدى. قاتتى ايازعا سۇيەك قارىر شىداماسا، توزبەسە، مەيحۋا گۇلى اڭقىتا الماس، جۇپار ءيىسىن وزگەشە“ − قىسقى وليمپيادا سپورت جارىسى اشىلۋ قارساڭىندا، باس شۋجي ۋ داجيڭ مەن ساپتاستارىن وسىلاي جىگەرلەندىرگەن ەدى.

  كىشكەنتاي دوپشىلارمەن يىق قاعىستى، قىزدار ۆولەيبول قۇراماسىنىڭ جەڭىسپەن ورالۋىن تىلەدى، قىسقى وليمپيادا سپورت جارىسى ساڭلاقتارىنا جاۋاپ حات قايتاردى... باس شۋجي شي جينپيڭنىڭ كوڭىل بولۋىمەن، قولداۋىمەن جۇڭگو جاستارى دەنە تاربيە باسەكەسى الاڭىندا ايانباي الىسىپ، ەكپىندەي ىلگەرىلەدى.

  شەشۋشى جەڭىس جارىس الاڭىندا عانا بولمايدى. جاستىق كوكتەم شەكسىز كەڭىستىككە قۇلاش سەرمەيدى.

  2021 - جىلى 6 - ايدىڭ 23 - كۇنى باس شۋجي شي جينپيڭ بەيجيڭ عارىشقا ۇشۋدى مەڭگەرۋ ورتالىعىنا بارىپ، شىنجوۋ 12 - ءنومىرلى الەم كەمەسىنىڭ عارىشكەرلەرىمەن ىقىلاستى تۇردە سويلەستى. سول كەزدە وسى ”اسپان - جەر ديالوگىنا“ دەمەۋشى بولعان عارىش عىلىم - تەحنيكا قىزمەتكەرلەرىنىڭ كوبى ”80 - جىلداردىڭ تۇلەكتەرى“، ”90 - جىلداردىڭ تۇلەكتەرى“ ەدى، ولار ادامدارعا جاس بۋىننىڭ تاسقىنداعان كۇشىن كورسەتتى. ورتالىقتىڭ دارىندىلار قىزمەتى ماجىلىسىندە باس شۋجي وسى ءبىر ءىستى ەسكە الىپ: ”كوبى 30 − 40 جاستارداعى جاستار ەكەن، ايتسە دە ءبارى ماڭىزدى جۇمىس ورىندارىندا جاۋاپكەرشىلىك ارقالاپ وتىر“.

  ”موزى“، ”تيانۋىن“، ”چاڭى“، ۇلتتىڭ گۇلدەنۋى ارمانىن امانات ەتكەن وسى ىستەردىڭ بارلىق جەرىنەن جاس عىلىم - تەحنيكا دارىندىلارىنىڭ قاراسىن كورۋگە بولادى − بەيدوۋ جاساندى سەرىك جۇمىس توبىنىڭ وزەكتى قىزمەتكەرلەرىنىڭ ورتاشا جاسى 36 جاس، كۆانتتىق عىلىم جۇمىس توبىنداعىلاردىڭ ورتاشا جاسى 35 جاس، جۇڭگو تيانيان FAST زەرتتەۋ - اشۋ جۇمىس توبىنداعىلاردىڭ ورتاشا جاسى نەبارى 30 جاس...

  ”ءبىز جاستاردىڭ جاڭالىق اشۋىنا، جاسامپازدىعىنا سۇيىنىشپەن قاراپ، ماقتاۋ ايتىپ، ولاردىڭ ومىردە تارتىمدى تابىسقا جەتۋىنە بەلسەنە قولداۋ كورسەتىپ، جاستار قول جەتكىزگەن تابىس پەن ناتيجەگە القاۋ، بارەكەلدى ايتۋىمىز كەرەك“.

  باس شۋجي شي جينپيڭنىڭ كوڭىل بولۋىندە، ىنتالاندىرۋىندا، جاڭا داۋىردەگى جۇڭگو جاستارى كوكىرەك تولى اسقاق سەزىممەن، بوران - شاشىنعا قاراماي، توسەلۋگە توزىمدىلىك كورسەتىپ، شىڭدالۋدان سۇرىنبەي ءوتىپ، جۇڭحۋا ۇلتىنىڭ جالىندى دا دارىندى، اسقاق بەينەمەن العا باسقان تاماشا كورىنىسىنە اينالدى.

  2021 - جىلى 7 - ايدىڭ 21 - كۇنى شيزاڭدا قىزمەت تەكسەرگەن، تەكسەرۋ - زەرتتەۋ جۇرگىزگەن باس شۋجي شي جينپيڭ لينجى قالاسىنىڭ گالا قىستاعىنا باردى.

  قىستاقتىڭ حالىققا قولايلى قىزمەت وتەۋ ورتالىعىندا ”90 - جىلداردىڭ تۇلەگى“ جوعارى مەكتەپ بىتىرگەن وقۋشى قىستاق باستىعى حۋاڭ حايفىن باس شۋجيگە كەزدەسكەندە اسەرلەنگەندىگىنەن جۇرەگى لۇپىلدەي سوقتى. چاۋشاندىق بۇل قىز گۋاڭدۇڭدا داشۋە بىتىرگەننەن كەيىن اق جاعالى قىزمەتتەن باز كەشىپ، ارمان ارقالاپ قارلى القاپتاعى ۇستىرتكە جول تارتقان.

  ”بولاشاقتا وسىندا قالاسىڭ با؟“ دەپ سۇرادى باس شۋجي شي جينپيڭ.

  ”قالامىن، باس قۇراپ الدىم، جۇبايىم كورشى قىستاقتا تۇرادى، شيزاڭعا بىرگە كەلگەمىز“، - دەدى حۋاڭ حايفىن تارتىنا كۇلىپ.

  ”تەڭىز جاعاسىنان ۇستىرتكە كەلىپسىڭ، بۇل جەر ادام قاجەت ەتەدى، وسى ارادا جاقسى ىستە“، - دەدى باس شۋجي شي جينپيڭ ونى شابىتتاندىرىپ.

  ىقىلاستى سوزدەر كوكتەم سامالىنداي جان الەمىن ايمالاپ ءوتتى. حۋاڭ حايفىن باسىن يزەي بەردى، كوزىنە باقىت جاسى ىركىلدى.

  كەدەيلىكتەن ارىلتۋدان قامال الۋ شايقاسىنىڭ مايدانىنان اۋىل - قىستاقتى گۇلدەندىرۋدىڭ قۇتتى قونىسىنا دەيىن سانسىز جاس كەۋدە كەرە العا شىعىپ، جەكە باسىنىڭ كۇرەسىنىڭ ”كىشكەنتاي نىساناسىن“ پارتيا مەن مەملەكەتتىڭ ”ۇلى جوباسىنا“ توعىستىرىپ، ماڭداي تەرىن وتاننىڭ بايتاق جەرىنە توگىپ، ايتسا - ايتقانداي ءداۋىر اۆانگاردى بولدى.

  وتاننىڭ باتىس سولتۇستىگىندە قۇربان تۇڭعىت ءشولىنىڭ شەت - شەگىنە كوز جەتپەيدى.

  ءار كۇنى تۇستەن بۇرىن ساعات 10دا ”90 - جىلداردىڭ تۇلەگى“ ياڭ شيڭ مۇناي الۋ جۇمىس اۋماعىنا ءدال ۋاعىندا كەلەدى. ول ەستەلىك داپتەرىن اشىپ، اسپاپتان كوز ايىرمادى، مۇناي الۋ ماشيناسى ريتىممەن جوعارى - تومەن ىرعالىپ، ”سىقىر - سىقىر“ ەتىپ، جاستىق كوكتەم جىرىن ۇيقاستىرىپ تۇرعانداي.

  يەسىز قۇلازۋ قۇمدى شولگە عانا جاراسادى، ال ومىردە قۇلازۋعا مۇرسات جوق.

  2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان ياڭ شيڭ جانە 110 نەشە وقۋشى شينجياڭنىڭ نەگىزگى ساتىسىنا بارىپ جۇمىس ىستەۋدى باتىلدىقپەن تاڭدادى.

  باس شۋجي شي جينپيڭ ولارعا جاۋاپ حات جازىپ، وقۋشىلاردىڭ ومىردەگى تاڭداۋىن قولدادى ءارى ولاردى ”جەكە مۇرات تالپىنىسىن پارتيا مەن مەملەكەت ىستەرىنە توعىستىرىپ، پارتيا ءۇشىن، وتان ءۇشىن، حالىق ءۇشىن كوبىرەك ۇلەس قوسۋعا“ شابىتتاندىردى.

  قاراپايىم بولسا دا ءمانى تەرەڭ، قىسقا بولسا دا ىقىلاسى مول ەدى. جۇڭگو ارمانى جولىنداعى جاستىق كوكتەمنىڭ وكىنىشى بولمايدى.

  ”مەكتەپ بىتىرگەننەن كەيىن حالىق ەڭ قاجەت ەتەتىن جەرگە بارىپ، ىزگىلىكتەرىڭمەن، مەيىرىمدىلىكتەرىڭمەن حالىقتى، اسىرەسە، نەگىزگى ساتىداعى بۇقارانى باقىتقا كەنەلتىڭدەر“، ”نەگىزگى ساتىعا جانە حالىقتىڭ اراسىنا بارىپ، ەڭبەك ەتىپ، ۇلەس قوسىپ، جاستىق كوكتەمنىڭ بايشەشەگىن وتان ەڭ قاجەت ەتكەن جەردە جايناتىڭدار“. بەيجيڭ داشۋە شوۋگاڭ شيپاحاناسىندا پراكتيكا ىستەپ جاتقان شيزاڭ داشۋەسى مەديتسينا شۋەيۋانىنىڭ وقۋشىلارى، حىبەي باۋديڭ شۋەيۋانىنان باتىس بولىكتىڭ وقۋ - اعارتۋىنا كومەككە بارعان مەكتەپ بىتىرگەن وقۋشىلار قاتارلىلار تۇگەلدەي باس شۋجيدىڭ وسىنداي ىقىلاسقا تولى تاپسىرماسى جازىلعان جاۋاپ حاتىن تاپسىرىپ الدى.

  قالىڭ جاستار باس شۋجي شي جينپيڭنىڭ ءتالىمىن ەستە بەرىك ساقتاپ، شەكارا ءوڭىر مەن نەگىزگى ساتىنى ەڭ جاقسى ساباقحانا ەتىپ، شىڭدالۋ بارىسىندا بوران - شاشىندى باستان وتكەرىپ، دارىندارىن ءوسىرىپ، كۇش - قۋاتتارىن سومداپ، ءداۋىردىڭ ۇمىتىنەن شىعاتىن، تاريحتىڭ ۇمىتىنەن شىعاتىن جاستىق كوكتەم تاراۋىن جازۋدا.

  ”قالىڭ جاستار مەن وسپىرىمدەرگە پارتيانىڭ قامقورلىعى مەن سوتسياليستىك ۇلى شاڭىراقتىڭ مەيىرىن تولىق سەزىندىرۋ كەرەك“ − 2019 - جىلى ءۇمىت ينجەنەرياسى اتقارىلعاندىعىنىڭ 30 جىلدىعى بايلانىسىمەن باس شۋجي شي جينپيڭ ءۇمىت ينجەنەرياسىنا وسىلاي ءۇمىت ارتىپ، جاڭا داۋىرگە قادام قويعاندا كوممۋنيستىك جاستار وداعىنىڭ ءۇمىت ينجەنەرياسى سىندى وسى ءبىر ءىستى اناعۇرلىم جاقسى ىستەپ، قۇلشىنا جاستار مەن وسپىرىمدەرگە جاڭا دەم بەرىپ، جاڭا ءۇمىت ۇرىعىن سەبۋى كەرەكتىگىن باسا دارىپتەدى.

  پارتيا تۋى نۇسقاعان باعىت وداق تۋىنىڭ باعىتى؛ پارتيا ۇندەۋ تاستاسا، وداق ارەكەتكە كىرىسەدى .

  ”قالىڭ جاستاردى رەفورمانى، ەسىك اشۋدى تەرەڭدەتۋ، ەكونوميكالىق، قوعامدىق دامۋدى جەبەۋ بارىسىندا جالىندى قوسىن رولىن تولىق ساۋلەلەندىرۋگە كەڭ كولەمدە ۇيىمداستىرۋ، جۇمىلدىرۋ كەرەك“. باس شۋجي شي جينپيڭ كوممۋنيستىك جاستار وداعىنىڭ پارتيا مەن مەملەكەت قىزمەتىنىڭ كەلەلى جاعدايىن مىقتاپ ارقاۋ ەتىپ، قىزمەتتىڭ كىرىسۋ ءتۇيىنىن، بىرلەستىرۋ ءتۇيىنىن، كۇش سالۋ ءتۇيىنىن ءداپ باسىپ تابۋىنا ايقىن باعدار كورسەتتى.

  جۇڭگو جاستارى 4 - مامىر مەدالىنىڭ يەگەرلەرىن سارالاۋ، تاڭداۋ، مەملەكەت بويىنشا العا ۇمتىلعان، ىزگىلىككە تالپىنعان جاقسى جاستاردى كورسەتۋ، تاڭداۋ قيمىلى... سوتسياليستىك وزەكتى قۇن كوزقاراسىن اسقاقتاتۋدى ارقاۋ ەتىپ، كوممۋنيستىك جاستار وداعى ۇزدىك جاس تيپتەردى كەڭىنەن تاڭداپ، ورناتىپ، ۇلگىنىڭ كۇشى ارقىلى جاستاردى قايراتتانا تولىسۋعا شابىتاندىردى؛ ”گۇلدەندىرۋ ساۋىتى“ مەملەكەتتىك جاستار كاسىپتىك تەحنيكالىق جارىسى، ”جاستىق كوكتەم جاسامپازدىعى“ جۇڭگو جاستارىنىڭ جاڭالىق اشۋ، شارۋاشىلىق قۇرۋ جارىسى... جاڭالىق اشۋدى، شارۋاشىلىق قۇرۋدى ارقاۋ ەتىپ، كوممۋنيستىك جاستار وداعىنىڭ تۇعىر ورناتىپ، دەم بەرۋىندە قالىڭ جاستار مەملەكەتتى قۇدىرەتتەندىرۋ جولىندا جاستىق كوكتەم كەلبەتىن بارىنشا ايگىلەدى؛ ىندەتكە قارسى اتتانۋدىڭ ءبىرىنشى شەبىندە جاس ەكپىندىلەر قوسىنىن ۇيىمداستىردى، كەدەيلىكتەن ارىلتۋدان قامال الۋ شايقاسى مايدانىندا جالىندى قوسىن رولىن ساۋلەلەندىردى... قالىڭ جاستار جاڭا داۋىردە كەڭ - بايتاق دالادا اقىل - پاراساتى مەن كۇش - قۋاتىن ارناۋدا.

  ”جاستىق كوكتەمدە كۇرەسەمىز! جاستىق كوكتەمىمدى پارتياعا ارنايمىن! پارتيا الاڭسىز بولسىن، مەملەكەتتى قۇدىرەتتەندىرۋدە مەن بارمىن“!

  2021 - جىلى 7 - ايدىڭ 1 - كۇنى پارتيانىڭ تۋعان كۇنى، جاستىق كوكتەم جالىندادى.

  100 جىلدىڭ الدىنداعى كەزدى ەسكە تۇسىرسەك، نانحۋ كولىنىڭ جاعاسىندا زۇلمات بوران - شاشىنداردا جاستىق جالىنى لاۋلاعان ءبىر توپ جاس قىزىل قايىقتا جۇڭگوعا جەتەكشىلىك ەتەتىن عاسىرلىق الىس ساپاردى باستادى.

  100 جىلدىق ءىرى پارتيا كەمەل شاعىنا كەلدى.

  بۇگىنگى تاڭدا قىزىل تۋ جەلبىرەدى، ساپار ارايلاندى، ”الىپ كەمە“ ەتىپ بەزەندىرىلگەن تيان - انمىن الاڭىندا باس شۋجي شي جينپيڭ بولاشاققا قول جەتكىزەتىن ءداۋىردىڭ وكتەم ءۇنىن تاراتتى −

  ”جاڭا داۋىردەگى جۇڭگو جاستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتى ەتىپ، جۇڭگولىق بولۋ جىگەرىن، جالىنىن، سەنىمىن كۇشەيتىپ، ءداۋىردىڭ ءۇمىتىن اقتاۋى، ەسىل شاقتاردىڭ ءۇمىتىن اقتاۋى، پارتيا مەن حالىقتىڭ ىقىلاستى ءۇمىتىن اقتاۋى كەرەك“!

(شينحۋا اگەنتتىگىنىڭ 5 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.