تيانشان تورى   ›   جاڭالىقتار   ›   ماڭىزدى حابارلار

كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ

كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 5 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 5 - ايدىڭ 5 - كۇنى ءماجىلىس اشىپ، كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ءتۇيىندى قىزمەتتەرىن مىقتى، ناقتى يگەرۋدى اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

     ءماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا تاباندى بولىپ، يكەمدى نولگە تۇسىرۋگە تاباندى بولىپ، ساقتانۋ - تىزگىندەۋ شارالارىن ۋاقىتقا، جاعدايعا قاراي ۇزدىكسىز رەتتەپ، ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىككە قول جەتكىزدىك. بيىل 3 - ايدان بەرى بۇكىل ەل بويىنشا جوعارىدان تومەنگە دەيىن ءبىر جاعادان باس، ءبىر جەڭنەن قول شىعارىپ، تىزە قوسا شايقاس جاساۋ ارقىلى ءبىز ۋحاندى قورعاۋ شايقاسىنان بەرگى ساقتانۋ - تىزگىندەۋدىڭ ەڭ قاتاڭ سىناعىنان ءوتىپ، كەزەڭدىك ناتيجەگە قول جەتكىزدىك. اماليات ءبىزدىڭ ساقتانۋ - تىزگىندەۋ باعىتىمىزدى پارتيانىڭ سيپاتى مەن باس ماقساتى بەلگىلەگەندىگىن، ءبىزدىڭ ساقتانۋ - تىزگىندەۋ ساياساتىمىزدىڭ تاريحتىڭ سىنىنان وتە الاتىندىعىن، ءبىزدىڭ ساقتانۋ - تىزگىندەۋ شارالارىمىزدىڭ عىلمي، ءونىمدى ەكەندىگىن دالەلدەپ وتىر. ءبىز ۋحاندى قورعاۋ شايقاسىندا جەڭىسكە جەتتىك، شاڭحايدى قورعاۋ شايقاسىندا دا، ءسوز جوق، جەڭىسكە جەتە الامىز.

  ءماجىلىس مىنالاردى باسا دارىپتەدى: قازىر بۇكىل الەمدە ىندەت جاعدايى ءالى دە جوعارى دەڭگەيدە تۇر، ۆيرۋس ءالى دە توقتاۋسىز وزگەرۋدە، ىندەتتىڭ ەڭ سوڭىندا قايدا باراتىندىعى جايلى ءالى دە اسا زور تۇراقسىزدىق ءومىر سۇرۋدە، تىنىستايتىن، كىدىرىپ تىنىعاتىن كەز ءالى جەتكەن جوق. ەلىمىز حالىق سانى كوپ ءىرى ەل، قارتتاردىڭ سانى كوپ، وڭىرلەردىڭ دامۋى بىركەلكى ەمەس، مەديتسينالىق بايلىقتىڭ جالپى مولشەرى جەتكىلىكسىز، ساقتانۋ - تىزگىندەۋدى بوساڭسىتساق، ءسوز جوق، ادامداردىڭ كەڭ كولەمدە جۇعىمدالۋىنا، قىرۋار سالماقتى ناۋقاستاردىڭ پايدا بولۋى مەن اۋرۋدان ءولۋ جايتىنە اپارىپ سوعىپ، ەكونوميكانىڭ، قوعامنىڭ دامۋى مەن حالىقتىڭ ءومىرىنىڭ حاۋىپسىزدىگى، دەنساۋلىعى اۋىر ىقپالعا ۇشىرايدى. پارتيا ورتالىق كوميتەتى بەلگىلەگەن ىندەتتەن ساقتانۋ - تىزگىندەۋگە قاتىستى باعىت - ساياساتتاردى ىشكەرىلەي، تولىق، جان - جاقتى تانىپ، تانىمنىڭ، دايىندىقتىڭ، قىزمەتتىڭ جەتكىلىكسىز بولۋى سياقتى ماسەلەلەردى باتىل جەڭىپ، نەمقۇرايدى قاراۋ، ەلەپ - ەسكەرمەۋ، وزىنىكىن ءجون ساناۋ سياقتى يدەيالاردى باتىل جويىپ، قاي - قاشان دا وي - سانانى سەرگەك ۇستاپ، ”يكەمدى نولگە ءتۇسىرۋ“ باس باعىتىنا مىزعىماي تاباندى بولىپ، ەلىمىزدىڭ ىندەتتىڭ الدىن الۋعا قاتىستى باعىت - ساياساتتارىن بۇرمالايتىن، ودان كۇمانداناتىن، ونى تەرىسكە شىعاراتىن ءسوز - ارەكەت اتاۋلىمەن باتىل كۇرەس جۇرگىزۋ كەرەك.

  ءماجىلىس مىنالاردى اتاپ كورسەتتى: تاباندىلىق ءتۇبى جەڭىس. قازىر ىندەتتەن ساقتانۋ - تىزگىندەۋ قىزمەتى ”اعىنعا قارسى جۇزەتىن، العا ىلگەرىلەمەسەك كەرى شەگىنەتىن“ شەشۋشى مەزگىلدە جانە ماشاقاتتى كەزەڭدە تۇر، ءار دارەجەلى پارتكومدار مەن ۇكىمەتتەر سەنىمدى بەكەمدەپ، ىندەتكە قارسى اتتانۋ كۇرەسىنىڭ كۇردەلىلىگى مەن جاپالىلىعىن تەرەڭ تانىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، كۇرەسكەرلىك رۋحتى تولىق ساۋلەلەندىرىپ، ىندەتتەن ساقتانۋ - تىزگىندەۋ قورعانىن باتىلدىقپەن بەرىك سوعۋ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن باتىل بەكەمدەۋ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ادا ەتۋ كەرەك.

  ءماجىلىس مىنالاردى باسا دارىپتەدى: ءىشىنارا توپتالۋ سيپاتتى ىندەتتى ءبىر جاقتى ەتۋدى جەدەلدەتىپ، تەكسەرۋگە تيىستىلەرىن تۇگەل تەكسەرىپ، اۋاشالاۋعا تيىستىلەرىن تۇگەل اۋاشالاپ، جيىپ الۋعا تيىستىلەرىن تۇگەل جيىپ الىپ، ەمدەۋگە تيىستىلەرىن تۇگەل ەمدەپ، حىسۋان تەكسەرۋ، ەپيدەميولوگيالىق تەكسەرۋ، اۋاشالاۋعا اپارۋ جانە الەۋمەتتىك اۋماقتا باسقارۋ - تىزگىندەۋ سياقتى ءتۇيىندى بۋىنداردا سايكەسە، بىرلەسە قيمىلداپ، جۇعىمدالۋشىلار مەن حاۋىپ - قاتەرى بار ادامدار شوعىرىن دەر كەزىندە ءبىر - بىرلەپ تەكسەرىپ انىقتاۋعا، باسقارىپ - تىزگىندەۋگە شىنايى كەپىلدىك ەتۋ كەرەك. ساقتانۋ - تىزگىندەۋ قابىلەتى قۇرىلىسىن كۇشەيتىپ، وڭىرلەر ارا سەلبەسە ساقتانۋدى، ولكە ىشىندە ءبىر تۇتاس جوسپارلاۋدى كۇشەيتىپ، ساقتانۋ - تىزگىندەۋگە قاتىستى ادام كۇشىن، زاتتىق ماتەريالداردى جەتەرلىك، تولىق دايىنداپ، ىندەتكە توتەپ بەرۋ دايىندىعىن ويداعىداي ىستەۋ كەرەك. ساقتانۋ - تىزگىندەۋ شارالارىن دەر كەزىندە كەمەلدەندىرىپ، ۆيرۋستىڭ وزگەرۋىنە قاتىستى زەرتتەۋلەردى جانە ونىڭ الدىن الۋ سەرپىنىن ارتتىرىپ، قارا دۇرسىندىكپەن، ءبىر تاياقپەن ايداۋدان اۋلاق بولىپ، بۇقارانىڭ نەگىزگى تۇرمىسىن قامتاماسىز ەتۋدى جانە تۇرمىستىق زاتتىق ماتەريالدارمەن قامداۋدى ءبىر ۋاقىتتا ويداعىداي ىستەپ، بۇقارانىڭ اۋرۋ كورسەتۋ، ەمدەلۋ قاجەتىن ويداعىداي قامتاماسىز ەتۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرىپ، سىرتتان كىرۋدەن ساقتانۋدا ادامنان، زاتتان، قورشاعان ورتادان بىرگە ساقتانۋ تالابىن تىڭعىلىقتى دايەكتىلەندىرىپ، سالانىڭ جاۋاپكەرشىلىگى مەن مەكەمە - ورىننىڭ جاۋاپكەرشىلىگىن ناقتىلاندىرۋ كەرەك. حالىق بۇقاراسىنا تىعىز ارقا سۇيەي وتىرىپ، حالىقتىق شايقاستى ويداعىداي جۇرگىزىپ، ينفورماتسيا جاريالاۋدى كۇشەيتىپ، قوعامنىڭ الاڭداۋشىلىعىنا ىرىقتىلىقپەن جاۋاپ قايتارىپ، قالىڭ بۇقارانى جاۋاپكەرشىلىك تانىمىن، ءوزىن قورعاۋ تانىمىن كۇشەيتۋگە، ساقتانۋ - تىزگىندەۋ جاۋاپكەرشىلىگى مەن بورىشىن سانالى تۇردە ارقالاۋعا، جەكە ادام، وتباسى سياقتىلاردىڭ كۇندەلىكتى ساقتانۋ - قورعانۋ شارالارىن تياناقتاندىرۋعا جەتەكتەپ، يممۋنيتەتتى كۇشەيتۋ ۆاكسيناسىن ەگۋ قىزمەتىن ىلگەرىلەتىپ، بۇقارالىق ساقتانۋدىڭ، بۇقارالىق تىزگىندەۋدىڭ قورعانىس شەبىن بەكەمدەۋ كەرەك.

  ءماجىلىس مىنالاردى اتاپ كورسەتتى: ءار دارەجەلى پارتكومدار، ۇكىمەتتەر جانە قوعامنىڭ ءار جاعى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، سالعىرتسۋ يدەياسىن، شايقاستان قاجۋ نىسايىن، باق سىناۋ ويىن، بوساڭسۋ پيعىلىن جەڭىپ، جاپپاي اتتانىسقا كەلتىرىپ، جان - جاقتى ورنالاستىرۋ جاساپ، ۋاقىت كۇتىپ تۇرمايدى دەيتىن رۋحپەن، مينۋت - سەكۋندتپەن جارىساتىن ارەكەت - قيمىلمەن ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ۇزدىكسىز اتويلاپ الدا ءجۇرىپ، قايسارلىقپەن ايانباي شايقاس جاساپ، جاۋىنگەر قورعاندىق جانە اۆانگارد ۇلگىلىك رولدارىن ساۋلەلەندىرۋى كەرەك. ىندەتكە قارسى اتتانۋ كۇرەسىندە جارىققا شىققان وزات تيپتەر مەن ىزگى ىستەردى ۇگىتتەپ، حابارلاپ، قالىڭ كادرلار مەن بۇقارانى سەنىمدى بەكەمدەپ، قيىندىقتى بىلەك بىرىكتىرە جەڭىپ، ءبىر نيەتپەن ىنتىماقتاسىپ، ىندەتكە قارسى اتتانۋ قىزمەتىن ويداعىداي ىستەۋگە ىنتالاندىرۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.