سەگىز مىڭ شاقىرىم شالعايداعى زات يەسىنە قايتارىلدى، الىستاعى ٴبىر ٴۇيلى جانداي ەتەنە سۇيىسپەنشىلىك
”جوعالىپ تابىلعان سومكە“ شينجياڭ ورحىعا ”تۋىسشىلاي“ قايتا ورالدى
چاڭ جيابيڭ كەزىندە جوعالىپ تابىلعان سومكەنى ارنايى الىپ كەلدى. (سۋرەتتى گاۋ شۇي تۇسىرگەن)
5 – ايدىڭ 1 – كۇنى تۇستەن كەيىن گۋاڭشيلىق ساياحات جەتەكشىسى چاڭ جيابيڭ شينجياڭ قارامايلى قالاسى ورحى رايونىنداعى ”باتىس بولەكتەگى ۋجىن قالاشىعىندا“ جاڭادان اشىلعان ناۋايحاناعا كەلىپ، ناۋايحانا قوجايىنى وشۇراحۇن قۇربانعا بەتپە ـ بەت العىس ايتتى. چاڭ جيابيڭ قولىنا كونەلەۋ قوڭىر سومكە كوتەرىپ العان ەدى. جارىم جىلدىڭ الدىندا سومكە ورحىدا جوعالىپ كەتكەن؛ بىلتىر جىل سوڭىندا، وشۇراحۇن ونى گۋاڭشيگە جىبەرىپ بەردى؛ قازىر چاڭ جيابيڭ ونى ورحىعا قايتا الىپ كەلدى.
”سومكەنىڭ جوعالىپ قايتا تابىلعانىن ەستىگەن ساتتە، شينجياڭعا كەلىپ اعايعا العىس ايتپاقشى بولدىم“، ـ دەدى چاڭ جيابيڭ.
وشۇراحۇن قارامايلى قالاسى ورحى رايونى ورحى قالاشىعى شاعانساۋ قىستاعىنىڭ تۇرعىنى. بىلتىر 10 ـ ايدىڭ 3 ـ كۇنى چاڭ جيابيڭ ۇيىرمە باستاپ ورحىعا ساياحاتتاي كەلگەندە، ابايسىزدا قول تەلەفون، كۋالىك سياقتى زاتتار سالىنعان سومكەسىن وشۇراحۇننىڭ ٴۇش دوڭگەلەكتى موتوتسيكلىنە ٴتۇسىرىپ الادى. وشۇراحۇن مەن ايەلى بار امالدى ويلاپ يەسىن ىزدەيدى، بىلتىر 12 – ايدىڭ 26 – كۇنى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىندە، سومكەنى اقىرى گۋاڭشيگە جىبەرىپ بەردى.
چاڭ جيابيڭ وسى جولى ناۋايحاناعا كەلدى، سونداي – اق ۇستىنە ”التىن جاتسا دا كوز قىرىن سالماۋ، سەگىز مىڭ شاقىرىمداعى زات ٴوز يەسىنە ورالدى؛ ۇلتتار ىنتىماعى، الىستاعى ٴبىر ٴۇيلى جانداي ەتەنە سۇيىسپەنشىلىك“ دەپ جازىلعان العىس تۋىن الا كەلدى. سومكەنىڭ جوعالىپ قايتا تابىلعانىن ەستىگەن كەزدە، چاڭ جيابيڭ شىنجىنعا قىزمەت ىستەپ جاتقان بولاتىن، ”مەن ٴۇنحات دوستار شەڭبەرىنە جولدادىم، اقپارات قۇرالدارىنداعى دوستارىم بۇل ٴىستى ەستىپ، قاتتى اسەرلەندى. جوعالعانىنا سونشا ۇزاق ۋاقىت بولعان سومكەم سول قالپىندا وزگەرمەي جىبەرىلىپتى، ٴتىپتى ٴبىر پاراق قاعاز دا كەم ەمەس ەكەن“، ـ دەدى ول.
سومكە يەسىنە ورالدى، ٴبىراق ەكى وتباسىنىڭ اڭگىمەسى ەشقاشان اياقتامادى. ”اكەم بۇل ٴىستى ەستىپ، ەكى وتباسىمىز تۋىستاي بارىس ـ كەلىس جاساعانىمىز ٴجون دەدى. ٴبىز اعايدىڭ گۋاڭشيدەگى تۋىسىمىز، اعاي ٴبىزدىڭ شينجياڭداعى تۋىسىمىز“، ـ دەدى چاڭ جيابيڭ.
وسىدان كەيىن ەكى وتباسى ٴۇنحاتتا اڭگىمەلەسىپ، بەينە ەكراندا سويلەسىپ، ۇنەمى حابارلاسىپ تۇردى. وسى رەتكى ”1 ـ مامىر“ دەمالىسىندا، چاڭ جيابيڭ ەرەكشە مانگە يە سومكەنى كوتەرىپ، العىس تۋىن الىپ سان مىڭداعان تاۋ ـ وزەندەردەن ٴوتىپ تۋىسشىلاي كەلدى.
وشۇراحۇننىڭ ورحى رايوندىق وركەنيەت كەڭسەسى جاعىنان ”ماڭايىمىزداعى ىزگى جاندار“ اتاعىمەن سيلانعانىن ەستىگەن چاڭ جيابيڭ قاتتى قۋاندى، ”ىزگى جاندارعا مەيىرىمدى مامىلە جاساۋىمىز، اتايدان ۇيرەنۋىمىز كەرەك“. ورحى رايونىنا ەكى-اق رەت كەلگەنىمەن، چاڭ جيابيڭنىڭ بۇل اراعا دەگەن سۇيىسپەنشىلىگى وتە تەرەڭ، ”اتايدىڭ وسىنداي تاماشا عيماراتتا تۇراتىنىن، بۇل ارانىڭ دامۋىنىڭ وسىنشاما تەز ەكەنىن ويلاماعان ەدىم، شينجياڭنىڭ ادامدارى جاقسى، كورىنىسى كوركەم ەكەن، بۇل ارادان كەتكىم كەلمەدى“.
5 – ايدىڭ 1 - كۇنى چاڭ جيابيڭ ۇسىنىس بويىنشا ”باتىس بولەكتەگى ۋجىن قالاشىعى“ مەن بايياڭحى ۇلكەن اڭعارى كورىنىس ٴوڭىرىنىڭ اشىلۋ سالتىنا قاتىناسقاننان كەيىن ٴسال تەبىرەنىپ: ”وراي بولسا، وسى ارادا قالىپ دامۋدى قالايمىن، شينجياڭنىڭ دامۋ كومەسكى كۇشى وتە زور، ونىڭ ۇستىنە مەنىڭ تاعى ٴبىر تۋىسىم وسى ارادا“، ـ دەدى ول. ( اۆتور: رىن جياڭ، جاڭ شياۋمي)
اۋدارعان: قادىر ماقان
