مەملەكەتتىك جانە اۆتونوميالى رايوندىق ”حالىق رازى مەملەكەت قىزمەتكەرلەرىنىڭ“ تەكسەرۋ وبيەكتىسى، لوپ اۋداندىق پارتكومنىڭ تۇراقتى مۇشەسى، ورىنباسار اكىم زۋ دۇڭگى مەرەكە كەزىندە كارى ـ قۇرتاڭ، ٴالسىز، اۋرۋ ـ سىرقاۋ، مۇگەدەك بۇقارادان ىرىقتى تۇردە حال سۇراپ، جەرگىلىكتى بۇقارامەن ىرىقتى تۇردە تۋىس بولىپ، ولارعا پارتيا مەن ۇكىمەتتىڭ مەيىر ـ شاپاعاتىن جانە قامقورلىعىن جەتكىزدى. ول قالتقىسىز ۇلەس قوسۋ ارقىلى پارتيالى كادرلاردىڭ جاۋاپكەرشىلىك ارقالاۋىن ۇزدىكسىز ايگىلەۋدە ...
شينجياڭعا كومەكتەسۋ قىزمەتى ورىستەتىلگەننەن بەرى، شينجياڭعا كومەكتەسەتىن كوپتەگەن كادر ـ دارىندىلار حوتانعا كەلىپ قىزمەت ىستەپ، حوتانداعى ٴار ۇلت كادرلارىنىڭ، بۇقارانىڭ سەنىمى مەن قۇرمەتىنە يە بولدى. بەيجيڭ قالاسىنان 10 ـ توپتا شينجياڭعا كومەككە كەلگەن كادرلاردىڭ ٴبىر مۇشەسى بولعان زۋ دۇڭگى دەنساۋلىعى ناشار ايەلىمەن باتىلدىقپەن قوشتاسىپ، جاسى 80نەن اسقان اناسىنان الىستاپ، تاماشا قىزمەت ورتاسىن تاستاپ، ۇيىمنىڭ ۇندەۋىنە بەلسەنە ٴۇن قوسىپ، شينجياڭعا كومەكتەسۋدى، جاپا ـ ماشاقاتتى، ۇلەس قوسۋدى تاڭدادى، دۋماندى استانادان باتىس بولەك شەكاراداعى شاعىن قالا شينجياڭنىڭ لوپ اۋدانىنا كەلىپ، شينجياڭعا كومەكتەسۋدىڭ قاراپايىم ٴارى جايشىلىقتاعىعا ۇقسامايتىن ٴومىرىن باستادى.
زۋ دۇڭگى بۇقاراعا حال سۇراۋ اقشاسىن بەرۋدە.
5 ـ ايدىڭ 3 ـ كۇنى باستان ـ اياق بۇقارامەن تىلەكتەس بولىپ كەلگەن زۋ دۇڭگى دەن قويا دايىنداعان تارتۋلارىن الىپ، لوپ قالاشىعى تاپان قىستاعى، باقىت قىستاعى، باشچاپال قىستاعى جانە بوشكەن قىستاعى سياقتى جەرلەرگە بارىپ بۇقارادان حال سۇرادى. ول ٴار وتباسىنا بارعاندا بۇقارانىڭ وتباسى جاعدايىن ەگجەي ـ تەگجەيلى سۇراپ ٴارى ولار جولىققان قيىنشىلىقتاردى شەشۋگە ەڭ الدىمەن بەل شەشە كىرىستى، ول ٴوز جانىنان اقشا شىعارىپ قىستاق تۇرعىندارىنىڭ اۋلاسىن جاڭالاۋىنا، قوي قورا جانە دارەتحانا سالۋىنا كومەكتەسىپ، ٴىس جۇزىندىك ارەكەتى ارقىلى پارتيا مەن ۇكىمەتتىڭ قامقورلىعىن ٴاربىر بۇقارانىڭ جۇرەگىنە ۇيالاتتى.
بارعان جەرىندە زۋ دۇڭگى بالالار زۋ اكە، جاستار زۋ اعاي، قۇرداستارى زۋ اعا دەپ اتاپ، بارلىق جەردە القاۋ مەن ماقتاۋعا يە بولدى، ونىڭ شىنايى قامقورلىق جاساۋى، ايالاۋى، بۇقاراعا بەيجيڭ مەن لوپ حالقىنىڭ ٴبىر ٴۇيلى جانداي قىمباتتى سۇيىسپەنشىلىگىن تەرەڭ سەزىندىردى.
(ابىلەميت ابدوللا) (جۇڭگو گازەتىنىڭ شينجياڭ تىلشىلەر پۋنكتىنەن)
اۋدارعان: قادىر ماقان
