تيانشان تورى   ›   جاڭالىقتار   ›   ماڭىزدى حابارلار

شي جينپيڭ گەرمانيانىڭ زۇڭليى شولتسپەن بەينە ەكراندا ديدارلاستى

  5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە گەرمانيانىڭ زۇڭليى شولتسپەن بەينە ەكراندا ديدارلاستى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە گەرمانيانىڭ زۇڭليى شولتسپەن بەينە ەكراندا ديدارلاستى.

□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

  شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 9 - كۇنى تۇستەن كەيىن گەرمانيانىڭ زۇڭليى شولتسپەن بەينە ەكراندا ديدارلاستى.

  شي جينپيڭ بىلاي دەپ اتاپ كورسەتتى: كەزەكتە حالىقارالىق جاعدايدا ۇزدىكسىز كۇردەلى وزگەرىستەر تۋىلىپ، بۇكىل الەم حاۋىپسىزدىكتە، دامۋدا ءدوپ كەلگەن قيىنشىلىق پەن سىن - سايىستار كورنەكتى كوبەيدى، اۋمالى - توكپەلى داۋىرگە اناعۇرلىم كوپ ورنىقتىلىق پەن تۇراقتىلىق ۇستەۋ توتەنشە قاجەت بولىپ وتىر. جۇڭگو مەن گەرمانيا ماڭىزدى ىقپال كۇشكە يە ءىرى ەل. كەزەكتەگى جاعدايدا، جۇڭگو مەن گەرمانيا ەكى ەل قارىم - قاتىناسىنىڭ اقاۋسىز، ورنىقتى دامۋىن ساقتاۋدى، جۇڭگو − گەرمانيا قارىم - قاتىناسىنىڭ ورنىقتىلىق، سىندارلىلىق، باستاماشىلدىق رولىن ويداعىداي ساۋلەلەندىرۋدى ايرىقشا قاجەت ەتەدى، بۇل ەكى ەل حالقىنا ءتيىمدى بولىپ عانا قالماستان، دۇنيە ءجۇزىنىڭ بەيبىتشىلىگىنە، تىنىشتىعىنا دا ماڭىزدى ۇلەس قوسادى.

  شي جينپيڭ بىلاي دەپ باسا دارىپتەدى: وتكەن 50 جىلدان بەرى جۇڭگو − گەرمانيا قارىم - قاتىناسى جوعارى دەڭگەيلى اينالىمدى ساقتادى، ەكى جاق ناقتى ىستەر سەلبەستىگىن ۇزدىكسىز تەرەڭدەتۋ ارقىلى بىرگە دامۋدى، ءوزارا تابىسقا جەتۋدى جۇزەگە اسىردى، مۇنداعى شەشۋشى تەتىك − ءوزارا قۇرمەت ەتۋگە، سەلبەسىپ تەڭ يگىلىككە كەنەلۋگە تاباندى بولۋ، وسى قىمباتتى تاجىريبە مەن ماڭىزدى پرينسيپكە باستان - اياق اينىماي تاباندى بولۋ كەرەك. جۇڭگو جاقتىڭ جۇڭگو − گەرمانيا قارىم - قاتىناسىن دامىتۋداعى اۋەلگى ماقساتى وزگەرمەيدى، گەرمانيا جاقپەن سەلبەستىكتى كۇشەيتۋدەگى شىنايى تىلەگى وزگەرمەيدى، جۇڭگو مەن گەرمانيانىڭ ءتىپتى دە كوپ ءمان - ماعىنالى ءىرى ىستەردى بىرگە تىندىراتىندىعى جونىندەگى سەنىمى وزگەرمەيدى. ەكى جاق تىلدەسۋ، سەلبەسۋ نەگىزگى اۋەنىنە تاباندى بولىپ، ەكى جاقتى تىلدەسۋ، سەلبەسۋ مەحانيزمىنەن ويداعىداي پايدالانىپ، كليمات وزگەرىسىنە توتەپ بەرۋ، ماكرولىق ەكونوميكا ساياساتى، فينانس ورنىقتىلىعى، ەنەرگيا حاۋىپسىزدىگى، استىق حاۋىپسىزدىگى، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعى سياقتى ءتۇرلى سالالاردا تىلدەسۋ وتكىزىپ، جۇڭگو − گەرمانيا قارىم - قاتىناسىنىڭ ىشكى ءمانىن ۇزدىكسىز بايىتۋ كەرەك. ءوزارا تيىمدىلىك جەتكىزىپ، سەلبەسۋدىڭ كومەسكى كۇشىن ىشكەرىلەي اشىپ، جاسىل، قورشاعان ورتانى قورعاۋ، قىزمەت وتەۋ ساۋداسى، جاساندى زەردە، سيفرلاندىرۋ سياقتى جاڭا تەحنيكا سالاسىنداعى سەلبەستىكتى بەلسەندى كەڭەيتۋ كەرەك. جۇڭگو جاڭا دامۋ ارناسىن قۇرۋدى جەدەلدەتىپ، گەرمانيانى قامتىعان ءار ەلدى ءتىپتى دە كەڭ بازار ورايىمەن قامدايدى. ناعىز كوپ جاقتىلىقتى دارىپتەپ، حالىقارالىق ادىلدىكتى، تۋراشىلدىقتى قورعاپ، بىرلەسكەن مەملەكەتتەر ۇيىمىنىڭ حالىقارالىق ىستەردەگى ۇيتقىلىق ورنىن بىرگە قورعاپ، حالىقارالىق قارىم - قاتىناستىڭ نەگىزگى ولشەمىن قورعاپ، اشىق الەمدىك ەكونوميكا قۇرۋدى ىلگەرىلەتىپ، بۇكىل الەمنىڭ تەپە - تەڭ، سايكەستى، سيىسىمدى دامۋىن جەبەۋ كەرەك. گەرمانيا جاقتىڭ الەمدىك دامۋ باستاماسى مەن الەمدىك حاۋىپسىزدىك باستاماسىن بەلسەنە قولداپ جانە وعان ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىن قارسى الامىز.

  شي جينپيڭ بىلاي دەپ باسا دارىپتەدى: جۇڭگو مەن ەۆروپا جان - جاقتى ستراتەگيالىق سەرىكتەس، جۇڭگو مەن ەۆروپا ءبىر - ءبىرى ءۇشىن وراي، جۇڭگو مەن ەۆروپانىڭ ورتاق مۇددەسى الاۋىزدىقتان باسىم تۇرادى. جۇڭگو جاق ەۆروپا وداعىنىڭ ستراتەگيادا دەربەس بولۋىن قولدايدى. جۇڭگو − ەۆروپا قارىم - قاتىناسى 3 - جاققا باعىتتالماعان، باعىنىشتى ەمەس، تەجەۋىنە دە ۇشىرامايدى. بۇل ەكى جاق ۇزاق ۋاقىت تاباندى بولۋعا ءتيىستى ستراتەگيالىق ورتاق تانىم. ەكى جاق ديالەكتيكالىق، ۇزاق بولاشاقتىق تۇرعىعا تاباندى بولۋى، ءبىرىن - ءبىرى قۇرمەتتەۋگە تاباندى بولۋى، دۇرىس تانىمنان بۇلجىماۋى، بايلانىس جاساۋدى كۇشەيتۋى، ءوزارا سەنىمدى نىعايتۋى ءتيىس. وڭىرلىك ساياسي داعدارىس الدىندا، تىلدەسۋدى جانە سەلبەسۋدى دارىپتەپ، جۇڭگو − ەۆروپا قارىم - قاتىناسىنىڭ ورنىقتىلىعى ارقىلى حالىقارالىق جاعدايدىڭ كۇردەلى وزگەرىسىنە توتەپ بەرۋ؛ ىندەتتەن كەيىنگى جاندانۋ سىندى قيىن ماسەلە الدىندا، ستراتەگيالىق ءتۇيىلىسۋ مەن ساياساتتىق سايكەسۋدى كۇشەيتىپ، دامىتىپ، جۇڭگو − ەۆروپا سەلبەستىگىنىڭ اشىقتىعى ارقىلى دۇنيە ءجۇزى ەكونوميكاسىنىڭ ورنىقتى ارتۋىن ىلگەرىلەتۋ؛ الەمدىك سىن - سايىستار الدىندا، نازاردى كليمات وزگەرىسى، باياندى دامۋ سياقتى ادامزاتتىڭ بولاشاعىنا قاتىستى سالاعا شوعىرلاندىرىپ، جۇڭگو − ەۆروپا تىلدەسۋىنىڭ كەڭ كولەمدىلىگى ارقىلى الەمدىك جونگە سالۋدىڭ ىشكەرىلەي دامۋىن جەبەۋ كەرەك. گەرمانيا جاقتىڭ جۇڭگو − ەۆروپا قارىم - قاتىناسىنىڭ ورنىقتى، اقاۋسىز دامۋى ءۇشىن بەلسەندى ىقپال كورسەتۋىن ءۇمىت ەتەمىن.

  شولتس مىنالاردى ءبىلدىردى: جۋىق جىلداردان بەرى گەرمانيا − جۇڭگو قارىم - قاتىناسىنىڭ دامۋى توتەنشە جاقسى بولدى، ەكى جاق تاماشا ءداستۇردى جالعاستىرۋى، ەكى ەل قارىم - قاتىناسىنىڭ تاماشا دامۋ ارىنىن ۇزدىكسىز ىلگەرىلەتۋى كەرەك. گەرمانيا جاق جۇڭگو جاقپەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن بىرگە قۇتتىقتاپ، ءارقايسى جىكتەگىلەرمەن تىعىز بايلانىستى، بارىس - كەلىستى ساقتاپ، جاڭا كەزەكتى گەرمانيا − جۇڭگو ۇكىمەتتەرى كەڭەسىن ويداعىداي وتكىزىپ، الەمدىك قامداۋ تىزبەگىن ورنىقتىرۋ، ماكرولىق ەكونوميكا ساياساتىن سايكەستىرۋ سياقتى ماڭىزدى كەڭەس تاقىرىبى ۇستىندە تىلدەسۋ وتكىزۋگە شىنايى كەپىلدىك ەتىپ، ساۋدا - قارجى قوسۋ، كليمات وزگەرىسى، ىندەتكە قارسى اتتانۋ، دەنساۋلىق ساقتاۋ - ەمدەۋ، وقۋ - اعارتۋ، مادەنيەت سياقتى كەڭ سالالارداعى سەلبەستىكتى كۇشەيتۋدى قالايدى. گەرمانيا جاق جۇڭگو جاقتىڭ جوعارى دەڭگەيلى سىرتقا ەسىك اشۋدى كەڭەيتۋگە كۇش سالۋىن قارسى الادى، بۇل گەرمانيا جاققا اناعۇرلىم كوپ وراي اكەلەدى. گەرمانيا جاق جۇڭگو جاقپەن بىرگە كوپ جاقتى سالاداعى بايلانىس جاساۋدى، سايكەسۋدى كۇشەيتىپ، ەۆروپا − جۇڭگو قارىم - قاتىناسىنىڭ بەلسەندى دامۋىن ىلگەرىلەتۋدى قالايدى.

  ەكى ەلدىڭ باسشىلارى تاعى ۋكراينا جاعدايى جونىندە ىشكەرىلەي بۇكپەسىز پىكىر اۋىستىردى. شي جينپيڭ بىلاي دەپ باسا دارىپتەدى: جۇڭگو جاق باستان - اياق بەيبىتشىلىك جاعىندا تۇرىپ، ءىستىڭ وزىندەگى دۇرىس - بۇرىستى، ورىندى - ورىنسىزدىقتى نەگىزگە الىپ، دەربەس، ءوز - وزىنە قوجايىن بولا وتىرىپ تۇجىرىم جاساپ كەلەدى ءارى وزىندىك تاسىلمەن راقايلاستىرىپ، كەڭەسۋدى جەبەپ، جاعدايدى باسەڭدەتۋدى ىلگەرىلەتىپ كەلەدى. ۋكراينا داعدارىسى ەۆروپانىڭ حاۋىپسىزدىگىن تاعى ءبىر رەت شەشۋشى كەزەڭگە تىرەدى. قاقتىعىستىڭ ۋشىعۋىنان، كەڭەيۋىنەن، وڭاۋ قيىنعا سوعۋ جاعدايىنا اپارىپ سوعۋدان بار كۇشپەن ساقتانۋ كەرەك. ەۆروپا جاق تاريحي جاۋاپكەرشىلىك ارقالاۋىمەن جانە ساياسي اقىل - پاراساتىمەن ەۆروپانىڭ ۇزاق ۋاقىتتىق تىنىشتىعىن كوزدە ۇستاپ، جاۋاپكەرشىلىك ارقالاۋ تاسىلىمەن ماسەلەنى شەشۋدى ىلگەرىلەتۋدى قاراستىرۋى كەرەك. ەۆروپانىڭ حاۋىپسىزدىگى ەۆروپالىقتاردىڭ ءوز قولىندا بولۋعا ءتيىس. جۇڭگو جاق ەۆروپا جاقتىڭ راقايلاستىرىپ، كەڭەسۋدى جەبەۋ بارىسىندا بەلسەندى رول اتقارىپ، ەڭ سوڭىندا تەپە - تەڭ، ءونىمدى، باياندى بولعان ەۆروپا حاۋىپسىزدىك جۇلگەسىن ورناتۋدى ىلگەرىلەتۋىن قولدايدى. جۇڭگو جاق حالىقارالىق قوعامنىڭ راقايلاستىرىپ، كەڭەسۋدى جەبەۋگە پايدالى بارلىق قۇلشىنىستارىن قارسى الادى، قاتىستى جاقتار رەسەي مەن ۋكراينا ەكى جاقتىڭ كەلىسسوز ارقىلى بەيبىتشىلىكتى جۇزەگە اسىرۋىن قولداۋى كەرەك.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ديدارلاسۋعا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.