ما شيڭرۇي اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن باتىل دايەكتىلەندىرىپ، ىندەتتى توسۋدى، ەكونوميكانى ورنىقتىرۋدى، دامۋ حاۋىپسىز بولۋدى شىن مانىندە ورىنداۋ كەرەك
لي يفي ماجىلىسكە قاتىناستى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 9 - كۇنى ۇرىمجىدەن حابارلايدى. اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسى 5 - ايدىڭ 9 - كۇنى تۇستەن كەيىن ءماجىلىس اشتى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ 5 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشقاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ”ىندەتتى توسۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن دايەكتىلەندىرىپ، تياناقتاندىرىپ، مەملەكەتتىك جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى تەلەۆيزور - تەلەفون ءماجىلىسىنىڭ تالابىن مۇقيات زەرتتەپ، تياناقتاندىرىپ، تومەنگى شەكتە ويلاۋعا، جوعارى شەكتە ويلاۋعا تاباندى بولىپ، ەرتە باستان، كىشكەنەدەن، نەگىزدەن باستاپ يگەرىپ، ىندەتتەن ساقتانۋ - تىزگىندەۋ قالتقىسىن باتىلدىقپەن بەرىك سوعىپ، ىندەتتەن ساقتانۋ - تىزگىندەۋدىڭ وڭاي - وسپاق قولعا كەلمەگەن جەتىستىكتەرىن باتىل بەكەمدەپ، ىندەتتىڭ مەڭگەرىلۋىنە، تىزگىندەلۋىنە شىنايى كەپىلدىك ەتىپ، پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى.
ما شيڭرۇي بىلاي دەپ اتاپ كورسەتتى: تۇتاس رايوندا جوعارىدان تومەنگە دەيىن باس شۋجي شي جينپيڭنىڭ ىندەتتەن ساقتانۋ - تىزگىندەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جەتە ۇيرەنىپ، جەتە تانىپ، پارتيا ورتالىق كوميتەتى تۇراقتاندىرعان ىندەتتەن ساقتانۋ - تىزگىندەۋ باعىت - ساياساتتارىن تەرەڭ، تولىق، جان - جاقتى تانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، ”سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا اتقارۋ“ باس تالابىنا، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىنا جانە ”يكەمدى نولگە ءتۇسىرۋ“ باس باعىتىنا تاباندى بولىپ، ”ءار دايىم قام جەپ تۇراتىن“ جاۋاپكەرشىلىك سەزىممەن جانە ۋاقىت كۇتىپ تۇرمايدى دەيتىن رۋحپەن، مينۋت - سەكۋندپەن جارىساتىن ارەكەت - قيمىلمەن ىندەتتەن ساقتانۋ - تىزگىندەۋدىڭ ۇدايىلانعان قىزمەتتەرىن زاڭ بويىنشا عىلمي، دالمە - ءدال، شىنايى، ەگجەي - تەگجەيلى، ويداعىداي ىستەۋ كەرەك.
ءبىرىنشى، ءىشىنارالىق ىندەتتى باتىل، كەسكىن ءبىر جاقتى ەتۋ كەرەك. ءۇرىمجى قالاسىنىڭ ىندەتىن ويداعىداي جەدەل اۋىزدىقتاپ، جەدەل ءبىر جاقتى ەتىپ، وڭىرلەردىڭ سايكەسۋىن كۇشەيتىپ، قوعامدىق جاقتاعى جانە الەۋمەتتىك اۋماقتاعى باسقارۋ - تىزگىندەۋدى ويداعىداي ىستەپ، ەپيدەميولوگيالىق تەكسەرۋ، باسقارۋ - تىزگىندەۋ ساپاسىن، ونىمدىلىگىن جوعارىلاتىپ، جۇعىمدالۋشىلار مەن حاۋىپ - قاتەرى بار ادامدار شوعىرىن دەر كەزىندە اداقتاپ انىقتاۋعا، باسقارىپ - تىزگىندەۋگە شىنايى كەپىلدىك ەتىپ، تۇرمىس، ەمدەلۋ سياقتى قىزمەت وتەۋ قامتاماسىزدىعىن كۇشەيتىپ، ىندەتتىڭ سىرتقا جايىلۋىنان باتىل ساقتانۋ كەرەك.
ەكىنشى، ”سىرتتان كىرۋدەن ساقتانۋ“ قورعانىس شەبىن بەكەمدەۋ كەرەك. شەكارا وتكەلىنىڭ ىندەتتەن ساقتانۋ - تىزگىندەۋ قىزمەت مەحانيزمىن تياناقتاندىرىپ، ”ارناۋلى كەزەكشى پويەزبەن تاسۋ، تۇيىق اينالىمدا باسقارۋ“ جانە ”ادامنان، زاتتان، قورشاعان ورتادان بىرگە ساقتانۋ“ تالابىن تياناقتاندىرىپ، شارا ءتارتىبىن ساپالىلاندىرىپ، قىزمەت دايىندىعىن كۇشەيتىپ، توتەنشە جاعدايعا توتەپ بەرۋ ساقتىق جوباسىن جانە سايكەستى تاربيەلەۋ جاتتىعۋىن ويداعىداي ىستەۋ كەرەك.
ءۇشىنشى، ساقتانۋ - تىزگىندەۋ شارالارىن قاتاڭ، مىقتى تياناقتاندىرۋ كەرەك. ”ءتورت جاقتىڭ“ جاۋاپكەرشىلىگىن قاتايتىپ، ”ىرىقتىلىقپەن مالىمدەۋ، بارعان جەرىندە تەكسەرۋ، جاپپاي سارالاۋ، قاتاڭ باسقارۋ“ شاراسىن تياناقتاندىرىپ، تەمىر جول، تاس جول، اۋەجاي سياقتى جەرلەردە شينجياڭعا كەلگەندەردى مالىمدەۋ، ەكى ولشەمدى كودتى جايمالاۋ، بارعان جەرىندە حىسۋان تەكسەرۋ سياقتى قىزمەتتەردى ويداعىداي ىستەپ، قاراپايىمداستىرۋدان، ءبىر شىبىقپەن ايداۋدان، باسى ارتىق مىندەت - تالاپ قويۋدان باتىل ساقتانۋ؛ زات اينالىمى ىركىلىسسىزدىگىن قامتاماسىز ەتۋ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جەبەۋ شارالارىن تياناقتاندىرىپ، زات تاسىمالىنىڭ، زات اينالىمىنىڭ حاۋىپسىز، ىركىلىسسىز بولۋىنا شىنايى كەپىلدىك ەتۋ كەرەك.
ءتورتىنشى، قاداعالاۋ، ساقتاندىرۋ ساپاسىن، ونىمدىلىگىن جاپپاي جوعارىلاتۋ كەرەك. حىسۋان تەكسەرۋدى ۇدايىلاندىرۋدان بوساڭسىماۋعا تاباندى بولىپ، ءتۇيىندى ادامدار شوعىرىن ءجيى تەكسەرۋدى جانە جوعارى حاۋىپ - قاتەرلى ورىندارداعى، قاتىستى كاسىپتەردەگى قىزمەتكەرلەردى تەكسەرۋدى كۇشەيتىپ، قىزۋ امبولاتورياسىنىڭ الدىن الا تەكسەرۋ، ايىرىپ دياگنوز قويۋ جانە العاشقى دياگنوز قويۋ جاۋاپكەرشىلىگىن قاتايتىپ، قاداعالاۋدىڭ، ساقتاندىرۋدىڭ سەزگىر، ءونىمدى بولۋىنا شىنايى كەپىلدىك ەتۋ كەرەك.
بەسىنشى، ءتۇيىندى الاڭ - ورىندارداعى ساقتانۋ - تىزگىندەۋدى ۇزدىكسىز كۇشەيتۋ كەرەك. مەكتەپتەردىڭ ىندەتتەن ساقتانۋ - تىزگىندەۋىن اناعۇرلىم قاتاڭ، اناعۇرلىم ىجداعاتتى جاقسى ىستەپ، شيپاحانا، قارتتار كۇتىمحاناسى، قاتىناس - تاسىمال الاڭ - بەكەتى سياقتى ءتۇيىندى الاڭ - ورىنداردى جانە ساۋدا سارايى، بازار، زات اينالىمى جيناۋ - جونەلتۋ ورنى سياقتى ءتۇيىندى ورىنداردى قاتاڭ قاداعالاپ، شوعىرلانۋ سيپاتتى ىندەتتىڭ تۋىلۋىنان باتىل ساقتانۋ كەرەك.
التىنشى، جەتەكشىلىك ەتۋدى كۇشەيتىپ، ىندەتتەن ساقتانۋ - تىزگىندەۋ قالتقىسىن بەكەمدەۋ كەرەك. ۇگىت سەرپىنىن ارتتىرىپ، تاراۋلاردىڭ سايكەسۋىن كۇشەيتىپ، ءار ۇلت بۇقاراسىن عىلمي تانىمدى ارتتىرۋعا تاربيەلەپ، جەتەكتەپ، قارتتار شوعىرىنا ۆاكسينا قۇيۋ مولشەرىن بار كۇشپەن جوعارىلاتىپ، جەكەلەردىڭ، وتباسىلاردىڭ كۇندەلىكتى قورعانۋ شارالارىن تياناقتاندىرىپ، يممۋنيتەتتىك كۇشەيتۋ ۆاكسيناسىن قۇيۋ قىزمەتىن ىلگەرىلەتىپ، جۇمىلا ساقتانۋ، جۇمىلا تىزگىندەۋ قورعانىس شەبىن بەكەمدەۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار جانە ۇكىمەتتەر جاۋاپكەرشىلىكتى تياناقتاندىرۋدى كۇشەيتىپ، جايشىلىقتاعى كەزدەگى مەن شايقاس كەزىندەگىنى ۇشتاستىرۋعا قولباسشىلىق ەتۋ جۇيەسىن كەمەلدەندىرىپ، توتەنشە جاعدايلاردى ءبىر جاقتى ەتۋ قابىلەتىن جوعارىلاتىپ، ىندەت تۋىلعاننان كەيىن دەر كەزىندە ءار جاقتىڭ كۇشىن ءبىر تۇتاس جوسپارلاپ ۇلەستىرۋگە شىنايى كەپىلدىك ەتىپ، حاۋىپ - قاتەرى بار ادامدار شوعىرىن اۋاشالاپ باسقارۋ - تىزگىندەۋ، جالپىلىق سارالاپ تەكسەرۋ، ەپيدەميولوگيالىق تەكسەرۋ، قۇتقارۋ - ەمدەۋ سياقتى قىزمەتتەردى جوعارى ءونىمدى جۇرگىزۋ كەرەك. ەپيدەميولوگيالىق تەكسەرۋ جانە تەگىن انىقتاۋ، شوعىرلى اۋاشالاۋ ورىندارىن دايىنداۋ، پايدالانۋ جانە باسقارۋ، قىزمەت وتەۋ، نەگىزگى ساتى قوعامىن باسقارۋ سياقتى نەگىزدىك قابىلەتتى جوعارىلاتىپ، ىندەتتەن ساقتانۋ - تىزگىندەۋ جوباسىن اقاۋسىزداندىرىپ، قۋزاۋ - جەتەكشىلىك ەتۋدى، تەكسەرۋدى جانە رەتتەۋ - تۇزەتۋگە قۋزاۋدى كۇشەيتىپ، ىندەتتەن ساقتانۋ - تىزگىندەۋ شارالارىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاۋ، دامۋ مەن حاۋىپسىزدىكتى ءبىر تۇتاس جوسپارلاۋ، ساقتانۋ - تىزگىندەۋدىڭ تاماشا ونىمدىلىگى ارقىلى ەكونوميكانىڭ، قوعامنىڭ ۇزدىكسىز، ورنىقتى، اقاۋسىز دامۋىنا كەپىلدىك ەتىپ، ىندەتتى توسۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك.
ياڭ فاسىن، مۇقيات جارمۇقامەت، كۇڭ شيڭلۇڭ، ءىلھام سابىر، لۋ شۇيپيڭ قاتارلىلار ماجىلىسكە قاتىناستى. قادەن كابەن ءماجىلىستى باسقاردى، ليۋ سۋشى تۇتاس رايوننىڭ ىندەتتەن ساقتانۋ - تىزگىندەۋ قىزمەتى احۋالىنان مالىمەت بەردى.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنا مۇشە ورىندارداعى نەگىزگى جاۋاپتى جولداستار قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس بەينە ەكران فورماسىندا ءارقايسى ايماقتاردا، وبلىستاردا، قالالاردا، اۋدانداردا، قالالاردا، رايونداردا جانە بيڭتۋاننىڭ ءارقايسى شى، قالا، تۋان - الاڭدارىنا دەيىن اشىلدى.
