تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى

شي جينپيڭ ماڭىزدى ءسوز سويلەدى

لي كىچياڭ، لي جانشۋ، ۋاڭ ياڭ، جاۋ لىجي، حان جىڭ قاتىناستى، ۋاڭ حۋنيڭ باسقاردى

  جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى 5 - ايدىڭ 10 - كۇنى بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى يۋە يۋەۋي تۇسىرگەن

  جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى 5 - ايدىڭ 10 - كۇنى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار جينالىسقا قاتىناستى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 5 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى 5 - ايدىڭ 10 - كۇنى تۇستەن بۇرىن بەيجيڭ حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، بىلاي دەپ باسا دارىپتەدى: جاستىق كوكتەم شەكسىز ءۇمىت تۋىنداتادى، جاستار كوركەم بولاشاق جاراتادى. جاڭا داۋىردەگى جۇڭگو جاستارى تاماشا شاقتا تۋىپ، ماڭىزدى مىندەت ارقالاپ وتىر، ولاردىڭ دارىن - ىسكەرلىگىن ايگىلەيتىن ساحناسى شەكسىز كەڭ، ارماندى جۇزەگە اسىرۋىنىڭ بولاشاعى شەكسىز نۇرلى. جۇڭگو ارمانىن جۇزەگە اسىرۋ − تاريحتىڭ ۇتىلامالى جارىسى، زامانىمىزدىڭ جاستارى ۇلتتىڭ گۇلدەنۋىن جۇزەگە اسىرۋدىڭ جارىس جولىندا ەرلىكپەن العا ۇمتىلۋى كەرەك. كوممۋنيستىك جاستار وداعى سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ ءتۇبىرلى مىندەتىن مىقتاپ يگەرىپ، پارتيا ءۇشىن ادام تاربيەلەۋگە، سانالى تۇردە جاۋاپكەرشىلىك ارقالاۋعا، جاۋاپكەرشىلىكتى ادا ەتۋگە، قالىڭ جاستارمەن جۇرەك توعىستىرۋعا، جۇرەكتىلىكپەن ءوز - وزىنە توڭكەرىس جاساۋعا تاباندى بولىپ، قالىڭ وداق مۇشەلەرىن، جاستاردى مۇراتتى، جاۋاپكەرشىلىك ارقالاۋعا باتىل، جاپاعا ءتوزىمدى، كۇرەس جۇرگىزۋگە پەيىل جاڭا داۋىردەگى جاقسى جاستاردان بولىپ جەتىلۋگە، جاستىق كوكتەمنىڭ بەلسەندىلىك كۇشى مەن جاسامپازدىق قۋاتى ارقىلى ۇلتتى گۇلدەندىرۋدىڭ بۋىرقانعان كوكتەمگى تاسقىنىن قاۋلاتۋعا، جاستىق كوكتەمنىڭ اقىل - پاراساتىمەن جانە ماڭداي تەرىمەن اناعۇرلىم كوركەم جۇڭگو قۇرۋعا ۇمتىلۋعا ىنتىماقتاستىرۋ، باستاۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جينالىسقا قاتىناستى.

  حالىق سارايىنىڭ 2 - قاباتىنداعى قوناعاسى زالى سالتاناتتى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسى“ دەگەن جينالىس بەلگىسى، ارتقى پەردەنىڭ ءدال ورتاسىنا وداق گەربى، وداق گەربىنىڭ استىڭعى جاعىنا ”2022 − 1922“ دەگەن جازۋ ءىلىندى، ەكى جاعىنا بەس - بەستەن 10 قىزىل تۋ قويىلدى.

  جينالىس تۇستەن بۇرىن ساعات 10دا باستالدى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

  دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول، اۋەلى، پارتيا ورتالىق كوميتەتى اتىنان بارلىق كوممۋنيستىك جاستار وداعى مۇشەلەرىن جانە ءار دارەجەلى كوممۋنيستىك جاستار وداعى ۇيىمدارىن، وداق كادرلارىن قىزۋ قۇتتىقتادى جانە ولاردان شىنايى حال سۇرادى.

  شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى دۇنيەگە كەلىسىمەن نازارىن جاستارعا اۋدارىپ، توڭكەرىستىڭ ءۇمىتىن جاستارعا ارتتى. 100 جىلدان بەرى پارتيانىڭ پارمەندى باسشىلىعىندا، كوممۋنيستىك جاستار وداعى اۋەلگى ماقساتتى ۇمىتپاي، بورىشتى ەستە بەرىك ساقتاپ، جاستاردىڭ الدىڭعى لەگىندە ءجۇرىپ، ءبىرىنىڭ ءىزىن ءبىرى باسقان ءار ۇرپاق جاستاردى سەنىمدى بەكەمدەۋگە، پارتياعا تىعىز ىلەسۋگە ۇيىمداستىرىپ جانە جەتەكتەپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا كۇش قوسىپ، جۇڭحۋا ۇلتىنىڭ ۇلى گۇلدەنۋى ۇدەرىسىندە جاستىق كوكتەمنىڭ اسقاق داستانىن جازدى. 100 جىلدان بەرى جۇڭگو كوممۋنيستىك جاستار وداعى قاشاندا پارتيامەن ءبىر نيەتتە بولىپ، پارتياعا ىلەسىپ كۇرەس جۇرگىزىپ، قالىڭ وداق مۇشەلەرىن، جاستاردى ىنتىماقتاستىرىپ، باستاپ، ادالدىقتى پارتيا مەن حالىق ىستەرىندە ايگىلەپ، جاستىق كوكتەمنىڭ جالىنىن ۇلتتىڭ گۇلدەنۋ جورىعىنا ارناپ، داڭق شۇعىلاسىن تاريحتىڭ العا ۇمتىلۋ پاراعىندا ورنەكتەدى. تاريح پەن اماليات جۇڭگو كوممۋنيستىك جاستار وداعىنىڭ جۇڭگو جاستار قوزعالىسىنىڭ ايتسا ايتقانداي ۇزدىك قوسىنى، پارتيانىڭ ايتسا ايتقانداي ادال كومەكشىسى جانە سەنىمدى زاپاس قوسىنى ەكەندىگىن تولىق دالەلدەدى.

  شي جينپيڭ بىلاي دەپ باسا دارىپتەدى: 100 جىلدان بەرى كوممۋنيستىك جاستار وداعى مۇراتىنان تايماي، العا قويعان ماقساتىنان اينىماي، باعالى تاجىريبە قالىپتاستىردى. 100 جىلدىق جورىق كوممۋنيستىك جاستار وداعىنىڭ پارتيانىڭ باسشىلىعىنا تاباندى بولۋ سىندى تابان تىرەر تياناعىن سومدادى، كوممۋنيستىك جاستار وداعىنىڭ مۇرات - سەنىمنەن جازبايتىن ساياسي رۋحىن سومدادى، كوممۋنيستىك جاستار وداعىنىڭ ۇلتتىڭ گۇلدەنۋىنە ات سالىسۋدا ەكپىندەي ىلگەرىلەيتىن كۇشىن سومدادى، كوممۋنيستىك جاستار وداعىنىڭ قالىڭ جاستارعا تامىر تارتقان ومىرشەڭ كۇش قاينارىن سومدادى. بۇل كوممۋنيستىك جاستار وداعىنىڭ بولاشاققا بەت الىپ، تاعى دا تىڭ ەڭبەك سىڭىرۋىندەگى ماڭىزدى بويسۇنۋ ولشەمى.

  شي جينپيڭ بىلاي دەپ اتاپ كورسەتتى: جاڭا جورىقتا، جاستاردى قايتكەندە اناعۇرلىم ويداعىداي ىنتىماقتاستىرىپ، ۇيىمداستىرىپ، جۇمىلدىرىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ جاڭا داۋىردەگى جۇڭگو جاستار قوزعالىسى مەن جاستار قىزمەتى، ءسوز جوق، جاۋاپ بەرۋگە ءتيىستى ماڭىزدى تاقىرىپ. شي جينپيڭ كوممۋنيستىك جاستار وداعىنا مىناداي 4 ءۇمىت ارتتى: ءبىرىنشى، پارتيا ءۇشىن ادام تاربيەلەۋگە تاباندى بولىپ، قاشاندا جۇڭگو جاستارىنىڭ يدەيالىق جاقتا العا باسۋىنا جەتەكشىلىك ەتەتىن ساياسي مەكتەپكە اينالۋ. ساياسي جاقتان كوز جىبەرىپ، يدەيالىق جاقتان ىسكە كىرىسىپ، جاستاردىڭ ەرەكشەلىگىن نەگىزگە الىپ، ولاردىڭ ەرتەرەك مۇرات ورناتۋىنا، ۇلى مۇرات ورناتۋىنا، پارتياعا سەنۋىنىڭ، جۇڭگوشا سوتسياليزمگە دەگەن سەنىمىنىڭ، ماركسيزمگە دەگەن نانىمىنىڭ ىشكى جان دۇنيەسىندە تەرەڭ تامىر تارتۋىنا كومەكتەسۋ كەرەك. پارتيا ىستەرىنىڭ ءىزباسارلارى بولۋ سىندى وسى ءتۇبىرلى ۇلاعاتتى ءىستى تياناق ەتىپ، سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ سىندى ءتۇبىرلى مىندەتتى مىقتاپ يگەرىپ، قالىڭ جاستاردى يدەيادا شىڭدالۋ، امالياتتا شىنىعۋ بارىسىندا جۇڭگولىق بولۋدىڭ جىگەرىن، جالىنىن، سەنىمىن ۇزدىكسىز كۇشەيتۋگە جەتەكتەۋ كەرەك. ەكىنشى، سانالى تۇردە جاۋاپكەرشىلىك ارقالاپ، جاۋاپكەرشىلىكتى ادا ەتىپ، قاشاندا جۇڭگو جاستارىن ماڭگى كۇرەس جاساۋعا ۇيىمداستىراتىن اتويشىل كۇشكە اينالۋ. قالىڭ وداق مۇشەلەرىن، جاستاردى ىنتىماقتاستىرىپ، باستاپ، پارتيا مەن حالىقتىڭ ۇندەۋىنە سانالى تۇردە قۇلاق اسىپ، ”مەملەكەتتىڭ زور ءىسىن“ كوكەيدە ءتۇيىپ، بورىش پەن مىندەتتى ارقالاپ، جاڭا ءداۋىردىڭ جاڭا ورىسىندە ارمان - مۇرات ايگىلەپ، ۇلەس قوسىپ، ناتيجە شىعارىپ، ۇلى مۇرات اياسىنداعى ارمانعا تالپىنۋشى بولۋعا، ۇلى ىستەردىڭ جالىندى كۇشى بولۋعا قۇلشىنۋ كەرەك. ءۇشىنشى، قالىڭ جاستارمەن جۇرەك توعىستىرىپ، قاشاندا پارتيانىڭ جاستارمەن بايلانىس جاساۋداعى ەڭ بەرىك كوپىرىنە، دانەكەرىنە اينالۋ. جاستارعا قىزمەت ەتۋ قىزمەتىنىڭ جان تامىرىمەن تىعىز بايلانىستىرىپ، پارتيانىڭ بيلىك جۇرگىزۋىندەگى جاستار قاۋىمىنىڭ نەگىزىن بەكەمدەۋ جانە كەڭەيتۋ سىندى ساياسي جاۋاپكەرشىلىكتى اتقارىپ، قولدان كەلگەنشە جاستار ءۇشىن ناقتى ىستەر ىستەپ، قيىن ىستەردى شەشىپ، ىرىقتى تۇردە جاستار ويلاعاندى ويلاپ، جاستار اسىققانعا اسىعىپ، جاستارعا ناقتى كومەك كورسەتۋ كەرەك. ءتورتىنشى، ءوز - وزىنە توڭكەرىس جاساۋعا باتىل بولىپ، قاشاندا پارتياعا ءجىتى ىلەسىپ، ءداۋىردىڭ الدىڭعى لەگىندە جۇرەتىن وزات ۇيىم بولۋ. پارتيانىڭ جاپپاي باسشىلىعىن قىزمەتتىڭ جالپى بارىسىندا، ءار سالاسىندا تياناقتاندىرىپ، جۇڭگوشا سوتسياليستىك بۇقارالىق ۇيىمداردىڭ دامۋ جولىمەن ويداعىداي ءجۇرىپ، كوممۋنيستىك جاستار وداعى رەفورماسىنىڭ ىشكەرىلەي دامۋىن ىلگەرىلەتۋ كەرەك. جاستاردىڭ جۇرەك ءلۇپىلىن سەزگىرلىكپەن ءداپ باسىپ يگەرىپ، جاستاردىڭ قىزمەت، تۇرمىس تاسىلىندەگى جاڭا وزگەرىستەرگە، جاڭا ەرەكشەلىكتەرگە نەگىزدەلىپ، وداقتىڭ نەگىزگى ساتى ۇيىمدىق قۇرىلىسىنىڭ جاڭا وي جەلىلەرىن، جاڭا ۇلگىلەرىن قاراستىرىپ، جاستار بىرلەستىگى، وقۋشىلار بىرلەستىگى ۇيىمدارىن وتانشىلدىق، سوتسياليزم تۋىن بيىك ۇستاۋعا جەتەكتەپ، جاستاردىڭ وتانشىلدىق بىرلىكسابىن ۇزدىكسىز بەكەمدەۋ جانە كەڭەيتۋ كەرەك. پارتيانى جاپپاي قاتاڭ جونگە سالۋدىڭ تاجىريبە - ادىستەرىنە سانالى تۇردە تۋرالانىپ، رەفورما جاساۋ، جاڭالىق اشۋ رۋحىمەن جانە قاتاڭ دا شىنايى ستيلمەن وزىندىك قۇرىلىستى كۇشەيتىپ، وداقتى قاتاڭ باسقارىپ، قاتاڭ جونگە سالىپ، جان - جاقتى، جوعارى ولشەممەن شىڭدالۋ بارىسىندا كوممۋنيستىك جاستار وداعىنىڭ اسقاق، ءورشىل داۋىرلىك كەلبەتىن ايگىلەۋ كەرەك.

  شي جينپيڭ بىلاي دەپ باسا دارىپتەدى: العا باسۋعا تالپىنۋ − جاستاردىڭ ەڭ باعالى قاسيەتى ءارى پارتيا مەن حالىقتىڭ ەڭ كوكەي تەستى ءۇمىتى. جاڭا داۋىردەگى كوممۋنيستىك جاستار وداعىنىڭ قالىڭ مۇشەلەرى مۇراتى اسقاق، سەنىمى بەرىك ۇلگىلەردەن بولىپ، ماركسيزم نازارياسىن باستاماشىلدىقپەن ۇيرەنىپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن ورناتىپ، سوتسياليستىك وزەكتى قۇن كوزقاراسىن سانالى تۇردە امالياتتا ايگىلەپ، وتانشىلدىق رۋحتى زور كۇشپەن ساۋلەلەندىرۋ؛ قاجىرلىلىقپەن ۇيرەنۋدىڭ، قايراتتانا جاڭالىق اشۋدىڭ ۇلگىسى بولىپ، باستاماشىلدىقپەن جۇمىس ورنىن تياناق ەتىپ، قابىلەت - ونەرگە قاجىرلىلىقپەن جاتتىعىپ، وزات - تاڭداۋلى بولۋعا ۇمتىلىپ، سالاداعى تىرەكتىلەردەن، جاستاردىڭ اتويشىلارىنان بولۋعا قۇلشىنۋ؛ باتىل كۇرەس جۇرگىزۋدىڭ، شەبەر كۇرەس جۇرگىزۋدىڭ ۇلگىسى بولىپ، باستاماشىلدىقپەن قيىندىقتان تايسالماي العا ۇمتىلىپ، قامال الىپ، قيىندىقتاردى ەڭسەرىپ، بۇرىستىققا يلانباۋ، جىن - شايتاننان قورىقپاۋ، بەلى بەكەم بولۋ؛ قاجىرلىلىقپەن كۇرەس جاساۋدىڭ، قالتقىسىز ءوزىن ارناۋدىڭ ۇلگىسى بولىپ، باستاماشىلدىقپەن حالىقشىلدىق تۇرعىدا بەرىك تۇرىپ، اقىرىن ءجۇرىپ انىق باسىپ، شىندىققا جۇگىنىپ، ناقتى ءىس ىستەپ، جاپادا الدا، راقاتتا ارتتا بولىپ، ماڭگى تاتتانبايتىن بۇراندا شەگە بولۋعا پەيىل بولۋ؛ ءمورالدى قاستەرلەپ، ىزگىلىككە ۇمتىلۋدىڭ، ءتارتىپتى قاتاڭ ساقتاۋدىڭ ۇلگىسى بولىپ، باستاماشىلدىقپەن ۇلى ءمورالدى ايقىنداپ، الەۋمەتتىك ءمورالدى ساقتاپ، جەكە ءمورالدى قاتايتىپ، تارتىپكە، زاڭعا قاتاڭ بويسۇنىپ، وداق مۇشەلەرىنىڭ بورىشىن قاتاڭ اتقارۋ كەرەك. كوممۋنيستىك جاستار وداعىنىڭ قالىڭ مۇشەلەرى ساياسي جاتتىعۋدى مۇقيات قابىلداپ، ساياسي شىڭدالۋدى كۇشەيتىپ، ساياسي العاباسارلىققا تالپىنىپ، پارتيا ۇيىمىنا بەلسەنە جاقىنداسىپ، تولىمدى كوممۋنيستىك پارتيا مۇشەسى بولىپ جەتىلۋدى نىسانا ەتىپ، داڭق ساناۋى كەرەك.

  شي جينپيڭ بىلاي دەپ اتاپ كورسەتتى: وداق كادرلارى پارتياعا ادال بولاتىن ساياسي قاسيەتتى بەرىك سومداپ، مۇراتشىلدىقتىڭ رۋحاني سيپاتىن اسقاقتاتۋ كەرەك. بۇقارالىق لۋشياندى سانالىلىقپەن امالياتتا ايگىلەپ، بۇقارالىق كوزقاراستى بەرىك ورناتىپ، قالىڭ جاستارمەن بىتە قايناسىپ، جاستاردىڭ ”باستىعى“ ەمەس، دوسى بولىپ، جاستاردىڭ قامىن كوبىرەك جەپ، ءوز قامىن ازىراق ويلاۋ كەرەك. جاۋاپكەرشىلىك ارقالاپ، ناقتى ىسكەرلىك كورسەتەتىن قىزمەت ستيلىن جەتىلدىرىپ، قۇر ءسوزدى قويىپ، كوبىرەك ناقتى ءىس تىندىرىپ، جاپالى ورتا مەن نەگىزگى ساتىنىڭ ءبىرىنشى شەبىنە بارىپ جاپا - ماشاقاتقا، قيىندىققا، سالماقتى جۇككە، قاتەرلى ىسكە جۇرەكتىلىكپەن يىق توسەپ، شىنايى، ۇقىپتى ادام بولۋ، تاباندىلىقپەن ءىس تىندىرۋ كەرەك. پاك، تەجەمدى ءمورالدىق جەتىلىمدى نارلەندىرىپ، كوڭىلىندە يمەنۋ، سوزىندە تيىم، ارەكەتىندە تەجەم بولىپ، ەرىك - جىگەردى، توزىمدىلىكتى، ۇستامدىلىقتى ۇزدىكسىز شىنىقتىرىپ، بار ىنتا - پەيىلىمەن كوپتىڭ قامىن ويلايتىن تۋراشىل، كىرشىكسىز ادام بولۋ كەرەك.

  شي جينپيڭ بىلاي دەپ باسا دارىپتەدى: جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جورىعىندا جۇڭگو كوممۋنيستىك پارتياسى اۆانگارد قوسىن، كوممۋنيستىك جاستار وداعى ەكپىندى قوسىن، پيونەرلەر وتريادى زاپاس قوسىن سانالادى. وتريادتقا كىرۋ، وداققا كىرۋ، پارتياعا كىرۋ جاستاردىڭ ساياسي جاقتا العاباسارلىققا تالپىنۋىنداعى ”ءومىر تريلوگياسى“ سانالادى. كوممۋنيستىك جاستار وداعى بۇكىل وداقتىڭ جەتەكشىسى سىندى ساياسي جاۋاپكەرشىلىگىن ويداعىداي اتقارىپ، پيونەرلەر وتريادىنان ۇزدىكتەردى كوممۋنيستىك جاستار وداعىنا قابىلداۋعا كورسەتۋ، كوممۋنيستىك جاستار وداعىنان ۇزدىكتەردى پارتياعا قابىلداۋعا كورسەتۋ قىزمەت مەحانيزمىن ارناعا ءتۇسىرىپ جانە كۇشەيتىپ، پارتيانىڭ، وداقتىڭ، وتريادتىڭ ادام تاربيەلەۋ تىزبەگىنىڭ ءوزارا ۇشتاسۋىن، ءوزارا ساباقتاسۋىن كۇش سالا ىلگەرىلەتۋ كەرەك. ءار دارەجەلى پارتيا ۇيىمدارى جاستاردان پارتيا مۇشەلەرىن باۋلۋعا جانە قابىلداۋعا باسا ءمان بەرۋ، اسىرەسە، تاڭداۋلى كوممۋنيستىك جاستار وداعى مۇشەلەرىنەن پارتيا مۇشەلەرىن باۋلۋعا جانە قابىلداۋعا ءمان بەرىپ، قىزىل بيلىك ءتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: ءار دارەجەلى پارتكومدار (پارتيا باسشىلىق گرۋپپاسى) جاستاردىڭ ءوسىپ - جەتىلۋ زاڭدىلىعى مەن ءداۋىر ەرەكشەلىگىن اسا زور ىنتا - ىقىلاسپەن زەرتتەپ، اسا زور زەيىن - قايراتپەن جاستار قىزمەتىن يگەرىپ، جاس دوستاردىڭ سىرلاسى، جاستار قىزمەتىنە ىنتالى ادام، جاستار قاۋىمىنا جول باستاۋشى بولۋ كەرەك. ءار دارەجەلى پارتيا ۇيىمدارى پارتيا قۇرىلىسى ارقىلى وداق قۇرىلىسىنا جەتەكشىلىك ەتۋ ءتۇزىمى مەحانيزمىن تياناقتاندىرىپ، كوممۋنيستىك جاستار وداعى قىزمەتىندەگى كەلەلى ماسەلەلەردى ۇنەمى اقىلداسىپ شەشىپ، وداق كادرلارىنا ىستىق ىقىلاسپەن كوڭىل ءبولىپ، قاتاڭ تالاپ قويىپ، كوممۋنيستىك جاستار وداعىنىڭ بۇقارالىق ۇيىمدار قىزمەتىنىڭ ەرەكشەلىگى مەن زاڭدىلىعى بويىنشا جاسامپازدىقپەن قىزمەت ورىستەتۋىنە قولداۋ كورسەتۋ كەرەك.

  شي جينپيڭ بىلاي دەپ باسا دارىپتەدى: پارتيا مەن مەملەكەت جونىنەن ايتقاندا بارىنەن دە جاستار ايالاۋعا، ءۇمىت ارتۋعا تاتيدى. جاستار بايتاق دالادا قاۋلاپ ءوسىپ كەلە جاتقان جاس اعاش ىسپەتتى، كۇندەردىڭ كۇنىندە كوك تىرەگەن ءزاۋلىم بايتەرەككە اينالىپ، ءبىر اۋماقتىڭ اسپانىنا تىرەك بولادى. جاستار ءارى جاڭا كوتەرىلگەن كۇن سياقتى، دامىلسىز قۋات جيناپ، ايتەۋىر ءبىر ساتىندە شۇعىلاسى مەن جىلۋىن جەر جۇزىنە شاشادى. پارتيا مەن مەملەكەتتىڭ ءۇمىتى جاستارعا ارتىلادى.

  ۋاڭ حۋنيڭ جينالىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى 100 جىلدان بەرى كوممۋنيستىك جاستار وداعىنىڭ مىزعىماس تاباندىلىقپەن پارتيانىڭ سوزىنە قۇلاق اسىپ، پارتياعا ىلەسكەن جاستىق كوكتەم ساپارىنا ءار قىرىنان قايىرىلا قاراپ، كوممۋنيستىك جاستار وداعىنىڭ پارتيانىڭ باسشىلىعىندا، ءبىرىنىڭ ءىزىن ءبىرى باسقان ءار ۇرپاق وداق مۇشەلەرىن، جاستاردى ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قوسقان ماڭىزدى ۇلەسىن تولىق تۇراقتاندىرىپ، كوممۋنيستىك جاستار وداعى مەن جاستار قىزمەتىنىڭ تاريحي تاجىريبەلەرىن تەرەڭ ءتۇسىندىرىپ، جاڭا داۋىردەگى كوممۋنيستىك جاستار وداعى قىزمەتىن ويداعىداي جاقسى ىستەۋ جونىندە ايقىن تالاپ قويدى، اسا كۇشتى ساياسي، يدەيالىق، ستراتەگيالىق، جەتەكشىلىك سيپاتقا يە. ءبىز مۇقيات ۇيرەنىپ، ۇعىنىپ، ىشكەرىلەي دايەكتىلەندىرۋىمىز، تياناقتاندىرۋىمىز كەرەك.

  كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى، جۇڭحۋا مەملەكەتتىك باس جۇمىسشى ۇيىمى شۋجيچۋىنىڭ ءبىرىنشى شۋجيى چىن گاڭ جينالىستا ءسوز سويلەدى.

  جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار جينالىسقا قاتىناستى.

  ورتالىقتاعى پارتيا، ۇكىمەت، ارميا، بۇقارالىق ۇيىم تاراۋلارىنداعى نەگىزگى جاۋاپتى جولداستار، استاناداعى ءار سالا وداق مۇشەلەرىنىڭ، جاستاردىڭ ۋاكىلدەرى، سونداي - اق ءىشىنارا ەلدەردىڭ جۇڭگودا تۇراتىن ەلشىلەرى، ت.ب بولىپ 1000داي ادام جينالىسقا قاتىناستى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.