□ انار بۇلت \ شينجياڭ گازەتىنىڭ ءتىلشىسى جاۋ شييا
مەملەكەتتى قۇدىرەتتەندىرۋدە، ءسوز جوق، الدىمەن وقۋ - اعارتۋدى قۇدىرەتتەندىرۋ كەرەك. وقۋ - اعارتۋ مەملەكەت شارۋاشىلىعى مەن حالىق تۇرمىسىنا سايادى، حالىق بۇقاراسىنىڭ باقىتتى تۇرمىسقا جانە تاماشا بولاشاققا دەگەن تىلەگىن ارقالاپ وتىر.
پارتيا 18 - قۇرىلتايىنان بەرى رايونىمىز باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تياناقتاندىرىپ، وقۋ - اعارتۋدى الدىمەن دامىتۋدى شينجياڭدى ورنىقتىرۋ، شينجياڭدى گۇلدەندىرۋ بيىگىنە قويىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن شىن مانىندە كۇشەيتتى، تۇتاس رايوننىڭ وقۋ - اعارتۋ ىستەرى تاريحي سيپاتتى ىلگەرىلەۋشىلىككە قول جەتكىزىپ، ءار ۇلت بۇقاراسىنىڭ وقۋ - اعارتۋ جاعىنداعى تابىس سەزىمى مەن باقىت سەزىمى كورنەكتى كۇشەيدى.
ونەگە كورسەتىپ، ادام تاربيەلەۋ كەلەلى ءىسىن ويداعىداي ىستەدى
تاياۋدا اۆتونوميالى رايوننىڭ جوعارى مەكتەپتەردىڭ يدەيا - ساياسي نازاريا الەۋمەتتىك تاڭداپ وقىلاتىن ساباعىنىڭ 2022 - جىلعى كوكتەمگى وقۋ ماۋسىمىنداعى ”كلاسسيكالىق شىعارمالارمەن جاستىق كوكتەمدى نۇرلاندىرۋ ساباقحاناسى“ اتىنداعى 2 - ساباعى شينجياڭ داشۋەسىندە وتكىزىلدى.
شينجياڭ داشۋەسى پارتكومىنىڭ ورىنباسار شۋجيى، پروفەسسور مىڭ فانلي باس شۋجي شي جينپيڭنىڭ جاستىق شاعىنداعى ەسەيىپ - ەرجەتۋ كەشىرمەسىن نەگىزگى جەلى ەتىپ، باس شۋجي شي جينپيڭنىڭ ”بيلىك دەگەنىمىز حالىق، حالىق دەگەنىمىز بيلىك“ ۇستانىمىن باتىل ساقتاعاندىعىن ءارى امالياتتا ايگىلەگەندىگىن جان - جاقتى، كوپ تۇرعىدان ءتۇسىندىردى.
”جاڭا ءداۋىر جوعارى مەكتەپ وقۋشىسى رەتىندە، ىسىلعان قابىلەتتى جەتىلدىرىپ، قوعامدىق جاۋاپكەرشىلىكتى ىرىقتىلىقپەن ارقالاپ، پارتيا، وتان، حالىق ءۇشىن كوبىرەك ۇلەس قوسامىن“، - دەدى ساباقتان كەيىن شينجياڭ داشۋەسىنىڭ وقۋشىسى احات نامەت تەبىرەنە.
”كلاسسيكالىق شىعارمالارمەن جاستىق كوكتەمدى نۇرلاندىرۋ ساباقحاناسىن“ اۆتونوميالى رايوندىق پارتكوم وقۋ - اعارتۋ قىزمەت كوميتەتى ۇيىمداستىرعان، اۆتونوميالى رايوننىڭ جوعارى مەكتەپتەرىندەگى وقۋشىلارعا باعىتتاي اشقان يدەيا - ساياسي نازاريالىق الەۋمەتتىك تاڭداپ وقىلاتىن ساباق. 2017 - جىلعى كوكتەمگى وقۋ ماۋسىمىندا ساباق باستاعاننان بەرى 80 نەشە تانىمالى مامان، وقىمىستى جانە جوعارى مەكتەپ پارتكومىنىڭ شۋجيلەرى ”ايگىلى وقىتۋشى بۇلتتىق ساباقحاناسىنا“ جانە ”شۋجيلەر بۇلتتىق ساباقحاناسىنا“ كىرىپ ساباق ءوتتى، وقىتۋشى - وقۋشىدان 340 نەشە مىڭ ادام - رەت قامتىپ، شينجياڭداعى جوعارى مەكتەپتەردىڭ يدەيا - ساياسي ساباعىندا رەفورما جاساپ، جاڭالىق اشۋداعى پارمەندى شاراسى مەن كورنەكتى ماركاسىنا اينالدى.
يدەيا - ساياسي نازاريا ساباعى − ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋداعى شەشۋشى ساباق. يدەيا - ساياسي ساباعىن ويداعىداي جۇرگىزۋدەگى ەڭ ءتۇبىرلىسى پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ سىندى وسى ءتۇبىرلى ماسەلەنى ويداعىداي شەشۋ بولىپ تابىلادى.
پارتيا 18 - قۇرىلتايىنان بەرى رايونىمىز شي جينپيڭ جاڭا ءداۋىر جۇڭگوشا سوتسياليزم يدەياسىمەن رۋحتى سومداپ، ادام تاربيەلەۋگە، توراڭعى رۋحىمەن ادام تاربيەلەۋگە، شينجياڭدى گۇلدەندىرىپ، شەكارانى بەكەمدەۋ ءۇشىن قىزمەت وتەۋگە تاباندى بولىپ، وتاندى سۇيەتىن، شينجياڭدى سۇيەتىن، جاۋاپكەرشىلىك ارقالاپ، ۇلەس قوساتىن سوتسياليزم قۇرىلىسشىلارى مەن ءىزباسارلارىن قۇلشىنا باۋلىدى.
وقۋشىلاردى اسەرلەندىرگەندە عانا وقۋشىلاردى جەتەكتەۋگە بولادى. رايونىمىز ”يدەيا - ساياسي ساباعىن“ جانە ”ساباق يدەيا - ساياسيىن“ ءونىمدى توعىستىرۋدى كۇش سالا ىلگەرىلەتىپ، يدەيا - ساياسي ساباعى وقىتۋشىلارى قوسىنىن باۋلۋدى كۇشەيتىپ، قالىڭ وقىتۋشىلاردى كاسىپتى دەن قويا زەرتتەۋگە، وزىندىك قابىلەتىن جالىقپاي جەتىلدىرۋگە جەتەكتەپ، يدەيا - ساياسي ساباعىنىڭ يدەيالىق سيپاتىن، نازاريالىق سيپاتىن جانە باۋرامدىلىق قۋاتىن، باعىتتامالىلىق سيپاتىن ۇزدىكسىز كۇشەيتىپ، ۇلتتى گۇلدەندىرۋ ماڭىزدى مىندەتىن ارقالاي الاتىن ءداۋىر جاڭا ادامدارىن باۋلىدى.
شينجياڭ شىفان داشۋەسى جاڭا ءداۋىر وركەنيەت امالياتى پارتيا تاريحىن ۇيرەنۋ تاربيەسى بازاسىن قۇرىپ، بازانى سۇيەنىش ەتىپ، يدەيا - ساياسي ساباعى امالياتتىق وقىتۋىن تەرەڭدەتىپ، كوزبەن كورىپ سەزىنۋگە بولاتىن وقىتۋ جاعىنا كۇش سالىپ، يدەيا - ساياسي ساباعى وقىتۋىنىڭ باۋرامدىلىعىن، اسەرلەندىرۋ قۋاتىن جانە ناقتى ونىمدىلىگىن كۇشەيتىپ، ۇلكەن يدەيا - ساياسي ارنا قالىپتاستىرۋعا بەرىك تۇعىر ازىرلەدى؛ شينجياڭ داشۋەسى ”ساباق مىنبەسىندە باتىلدىقپەن جاۋاپكەرشىلىك ارقالاۋ“ سياقتى نەگىزگى تاقىرىپتىق قيمىل وتكىزىپ، يدەيا - ساياسي ساباعى وقىتۋشىلارىنىڭ ساياسي جاۋاپكەرشىلىك ارقالاۋىن كۇشەيتىپ، يدەيا - ساياسي جاقتان ادام تاربيەلەۋدىڭ بارلىق ادامدى قامتىعان، جالپى بارىستىق، جان - جاقتىلى ۇلكەن ارناسىن قالىپتاستىرىپ، وقىتۋشىلاردىڭ ونەگە كورسەتىپ ادام تاربيەلەۋدى، تاعىلىم ايتۋدى، ءبىلىم بەرۋدى، كۇدىك - كۇماندى ءتۇسىندىرۋدى كۇندەلىكتى وقۋ - وقىتۋ قىزمەتىنە ءسىڭىرۋىن دارىپتەدى؛ شينجياڭ اۋىل شارۋاشىلىق كاسىپتىك - تەحنيكالىق شۋەيۋانى مەكتەپتەگى يدەيا - ساياسي ساباعى وقىتۋشىلارىنىڭ مامىلەسىن ％10 جوعارىلاتۋدى ايقىنداپ، يدەيا - ساياسي ساباعى وقىتۋشىلارىنىڭ تابىس سەزىمى مەن باقىت سەزىمىن ۇزدىكسىز كۇشەيتتى.
ارناۋلى، قوسىمشا مىندەتتەگى يدەيا - ساياسي ساباعى وقىتۋشىلارىنا ۇزدىكتەردى تاڭداپ، مىقتىلاردى سەپتەدى، يدەيا - ساياسي ساباعى وقىتۋىن زەرتتەۋ قۇرىلىمدارى قۇرىلىسىن جانە يدەيا - ساياسي ساباعى وقىتۋشىلارىنىڭ وقىتۋ قابىلەتىن جەتىلدىرۋدى كۇشەيتتى... كەزەكتە رايونىمىز ارناۋلى مىندەتتى نەگىز ەتكەن، ارناۋلى مىندەت پەن قوسىمشا مىندەتتى ۇشتاستىرعان ساپالى دا تاڭداۋلى يدەيا - ساياسي وقۋ - اعارتۋ قىزمەت كۇشىن قالىپتاستىرۋدى ىلگەرىلەتتى. تۇتاس رايونداعى جوعارى مەكتەپتەردە ارناۋلى مىندەتتەگى يدەيا - ساياسي ساباعى وقىتۋشىلارى جالپى 1524 ادام، ارناۋلى مىندەتتەگى جەتەكشى 2723 ادام بولىپ، وقىتۋ قاجەتىن نەگىزىنەن قاناعاتتاندىردى.
ءار دارەجەلى، ءار ءتۇرلى وقۋ - اعارتۋ سايكەستى دامىدى
4 - ايدىڭ 23 - كۇنى وقىتۋ بايقاۋى قيمىل اپتالىعىندا ءپايزاۋات اۋدانى شاپتول قالاشىق سەنترلى بالاباقشاسىنداعى بالدىرعاندار «جۇرەگىمىز پارتيا دەپ سوعادى»، «وتاننىڭ گۇلى» سياقتى ءان - بيلەرىمەن ەسەيىپ - ەرجەتۋ جانە العا باسۋ بارىستارىن ايگىلەدى.
بالالاردىڭ تاماشا بەينەسىنە قاراپ، وتاعاسى ايگۇل ابدىرەيىم قۋانىشتى كوڭىل كۇيىن بىلاي دەپ جەتكىزدى: ”بالام بالاباقشاعا كىرگەننەن كەيىن بۇرىنعىدان دا يبالى بولا ءتۇستى، پۋتۇڭحۋانى مەنەن جاقسى سويلەيدى، وتباسىمىزداعى ’بالا وقىتۋشى‘“.
شاپتول قالاشىعىندا 21 قىستاق بار، بۇگىندەرى قىستاق سايىن بالاباقشا بار، ەرتەگى الەمىندەي قۇرىلىستاردا مۋزيكا ءۇيى، قيمىل ءۇيى، ءبي ءۇيى سياقتى يقۋاتتار تولىق، دالالىق قيمىل الاڭدارىندا ۇلكەن ويىنشىقتار كوزدىڭ جاۋىن الادى، بالالار ەركىن اسىر سالىپ، شاتتىققا شومعان.
پارتيا 18 - قۇرىلتايىنان بەرى رايونىمىزدىڭ وقۋ - اعارتۋدى الدىمەن دامىتۋدى ەڭ ۇلكەن حالىق تۇرمىسى ينجەنەرياسى ەتىپ، ۇسىنىلىم تەبىنىن ءۇرتىس، ۇزدىكسىز ارتتىرۋىنىڭ ارقاسىندا ءار دارەجەلى، ءار ءتۇرلى وقۋ - اعارتۋ سايكەستى دامىدى.
− تۇتاس رايوننىڭ اۋىل - قىستاقتارىندا بالاباقشا جاسىنداعى بالالاردىڭ ”بالاباقشاعا كىرۋگە تيىستىلەرى تۇگەلدەي كىردى“. ”ءبىر بالاباقشانىڭ كەم بولۋىنا بولمايدى، ءبىر بالانى دا قاتاردان قالدىرۋعا بولمايدى“ دەگەن تالاپ بويىنشا، 2017 - جىلى تۇتاس شينجياڭدا ساپاسى جاقسى، ورتاسى جاقسى، قۇرىلعىلارى كەمەلدى جاڭادان سالىنعان جانە جاڭالانىپ، كەڭەيتىلىپ سالىنعان 4408 اۋىل - قىستاق بالاباقشاسى جاپپاي پايدالانۋعا بەرىلىپ، اۋىل - قىستاقتاردىڭ مەكتەپكە دەيىنگى 3 جىلداعى وقۋ جاسىنداعى بالالاردىڭ ۇيلەرىنىڭ جانىندا بالاباقشاعا تەگىن كىرۋى جۇزەگە اسىرىلدى. بىلتىر جىل سوڭىنا دەيىن رايونىمىزدا مەكتەپكە دەيىنگى تاربيە بويىنشا بالالاردىڭ بالاباقشاعا جالپى كىرۋ مولشەرى ％98.19كە جەتتى؛
− مىندەتتى وقۋ - اعارتۋدىڭ نەگىزىنەن بىركەلكىلىگى جالپى بەتتىك جۇزەگە استى. اۆتونوميالى رايون وقۋشى سانىنىڭ نورمادان ارتىپ كەتۋ جايتىن كۇش سالا جويىپ، اۋىل - قالاشىقتاردىڭ جاتاقتى تۇزىمدەگى مەكتەپتەرى مەن اۋىل - قىستاقتاردىڭ شاعىن كولەمدى مەكتەپتەرى قۇرىلىسىن كۇشەيتىپ، اۋىل - قىستاق مەكتەپتەرىنىڭ وقۋ - اعارتۋدى ينفورماتسيالاندىرۋ قۇرىلىسىن ىلگەرىلەتتى، مىندەتتى وقۋ - اعارتۋ مەكتەپتەرىنىڭ وقىتۋ جۇرگىزۋ شارت - جاعدايى كورنەكتى جاقسارىپ، وقۋ - وقىتۋ ساپاسى ورنىقتى جوعارىلادى.
2021 - جىلى تۇتاس رايوننىڭ 96 اۋدانى (قالا، رايون) اۋدان وڭىرىندەگى مىندەتتى وقۋ - اعارتۋدىڭ نەگىزىنەن تەپ - تەڭ دامۋى بويىنشا مەملەكەتتىك قۋزاۋ - جەتەكشىلىك ەتۋ باعالاۋى بەكىتۋىنەن تۇتاس تۇلعالىق جاقتان ءوتتى؛
− جوعارى دارەجەلى كاسىپتىك وقۋ - اعارتۋ جالپى بەتتىك ورنالاسۋدى جۇزەگە اسىردى. اۆتونوميالى رايون كاسىپتىك مەكتەپتەردى قۇرۋ جانە ورنالاستىرۋ، رەتتەۋ تەبىنىن كۇش سالا ارتتىرىپ، ىلگەرىندى - كەيىندى 12 جوعارى دارەجەلى كاسىپتىك مەكتەپتى جاڭادان قۇرىپ، جوعارى دارەجەلى كاسىپتىك مەكتەپتەردى 31گە مولايتىپ، جوعارى دارەجەلى كاسىپتىك وقۋ - اعارتۋدىڭ ايماق، وبلىس دەڭگەيىندە جالپى بەتتىك ورنالاسۋىن جۇزەگە اسىردى. 2019 - جىلى شينجياڭ تيانشان كاسىپتىك - تەحنيكالىق شۋەيۋانى تولىق كۋرس دارەجەسىندەگى كاسىپتىك مەكتەپ دەڭگەيىنە كوتەرىلدى، 2020 - جىلى شينجياڭ تيانشان كاسىپتىك - تەحنيكالىق داشۋەسى بولىپ اتى وزگەرتىلدى، بۇل رايونىمىزدىڭ ورتا دارەجەلى كاسىپتىك مەكتەپ، ارناۋلى كۋرستاعى جوعارى دارەجەلى كاسىپتىك مەكتەپتەن كاسىپتىك تولىق كۋرس وقۋ - اعارتۋىنا دەيىنگى وقىتۋ جۇرگىزۋ ارناسىن العاشقى قادامدا قالىپتاستىرعاندىعىن ايگىلەدى.
− جوعارى دارەجەلى وقۋ - اعارتۋدىڭ جالپىلىق قۋاتى اناعۇرلىم جوعارىلادى. جوعارى دارەجەلى وقۋ - اعارتۋدىڭ تۇرلەر بويىنشا دامۋى جەدەل ىلگەرىلەپ، شينجياڭ داشۋەسى مەملەكەتتىڭ ”قوس بىرەگەي“ داشۋەسى قاتارىنا قوسىلدى. تۇتاس شينجياڭدا دەربەس شۋەيۋانداردىڭ ءبولىنىپ قۇرىلۋى جالپى بەتتىك ىلگەرىلەپ، جوعارى دارەجەلى وقۋ - اعارتۋ بايلىعى وڭتۇستىك شينجياڭعا قاراي جەدەل ورنالاسىپ، ءتۇر قۇرىلىمى كۇن سايىن كەمەلدەنىپ، وقىتۋ جۇرگىزۋ كولەمى ءۇرتىس كەڭەيىپ، ءتۇيىندى ءپان، بىرەگەي تولىق كۋرس كاسىبى جانە عىلمي زەرتتەۋدە جاڭالىق اشۋ قۋاتى قۇرىلىسى تىڭ سەرپىلىستى جۇزەگە اسىرىپ، جوعارى دارەجەلى وقۋ - اعارتۋدىڭ ىشكى مازمۇندىق دامۋى جاڭا بەينەنى قارسى الدى.
وقۋ - اعارتۋدىڭ ادىلدىك شۇعىلاسى ءاربىر بالانى يگىلىككە كەنەلدىردى
سانجى قالالىق 10 - باستاۋىش مەكتەپ وسى قالاداعى ساپالى مەكتەپ، 2018 - جىلى بۇل مەكتەپ سانجى قالاسى اشىلى قازاق اۋىلدىق سەنترلى مەكتەبىمەن ”ورتاق تۇلعاعا“ اينالدى. 4 جىلدان بەرى ەكى مەكتەپ ساباق رەفورماسى، وقىتۋ باسقارۋى، ساباقحانا وقىتۋى، مەكتەپتىڭ وزىندە ءبىلىم اسىرۋ سياقتى جاقتاردا ساپالى بايلىقتى بىرگە ءبولىسۋدى جۇزەگە اسىرىپ، 10 - باستاۋىش مەكتەپتەن جيىنى 20 وقىتۋشى سەنترلى مەكتەپتە كەزەكپەن ساباق ءوتتى.
”وسى مەكتەپتە جالپى 1100 وقۋشى بار، بارلىعى جەرگىلىكتى ديقان، مالشىنىڭ بالالارى. بالالاردىڭ ۇيلەرىنىڭ ماڭىندا ساپالى وقۋ - اعارتۋ بايلىعىنان يگىلىكتەنۋىن ءۇمىت ەتەمىز“، - دەدى اشىلى قازاق اۋىلى سەنترلى مەكتەبىنىڭ باستىعى پان جياندۇڭ. جۋىق جىلداردان بەرى مەكتەپتىڭ وقىتۋ ساپاسى ۇزدىكسىز جوعارىلاپ، قالا، اۋىل، مەكتەپتەر اراسىنداعى پارىقتاردىڭ ازايعانىن ەل - جۇرت كورىپ وتىر، ديقان، مالشىلار اۋىل - قىستاقتاعى مەكتەپتەردەن بالالارىن الاڭسىز وقىتادى.
اۋىل - قىستاقتاعى مەكتەپتەر مەن قالاداعى مەكتەپتەر بىردەي بولدى، مۇنداي وزگەرىس رايونىمىزدىڭ مىندەتتى وقۋ - اعارتۋدى بىركەلكى دامىتۋدى ۇزدىكسىز ىلگەرىلەتۋىنىڭ ارقاسى.
مىندەتتى وقۋ - اعارتۋدى بىركەلكى دامىتۋدى ىلگەرىلەتۋ − وقۋ - اعارتۋدىڭ ادىلدىگىن جەبەۋدىڭ ماڭىزدى بەينەسى. جۋىق جىلداردان بەرى رايونىمىز وقۋ - اعارتۋ ۇسىنىلىمىن ارتتىرىپ، مەكتەپ قۇرۋ شارت - جاعدايىن جاقسارتۋمەن بىرگە، قالا، اۋىل مىندەتتى وقۋ - اعارتۋىن ءبىر تۇلعالاندىرىپ دامىتۋدى ءبىر تۇتاس جوسپارلاپ ىلگەرىلەتىپ، ءتۇزىلىس - مەحانيزمدە جاڭالىق اشىپ، وقىتۋشىلار قوسىنى قۇرىلىسىن كۇشەيتىپ، ولقىلىقتاردى تولىقتاۋعا كۇش سالىپ، وقۋ - اعارتۋدىڭ ءادىل نۇر شۇعىلاسى تيانشان الابىن نۇرلاندىردى.
مەملەكەتتىڭ قارجىلاي كومەكتەسۋ ساياساتىنىڭ ارقاسىندا، قاشقار داشۋەسىنىڭ وقۋشىسى گۇلميرا (جاناما اتى) داشۋە ءبىتىرۋ الدىندا تۇر. داشۋەنىڭ 1 - جىلدىعىنا تۇسەردەن بۇرىن گۇلميرانىڭ اكەسى ناۋقاس سەبەبىنەن قايتىس بولادى، وتباسىندا ەكونوميكالىق قيىنشىلىق بار بولاتىن. داشۋەگە كەلگەن سوڭ كلاس جەتەكشىسى كومەكتەسىپ گۇلميراعا 3000 يۋان وقۋعا كومەك قاراجاتىن ءوتىنىش ەتەدى، داشۋە كەزىندە مىنەزدى دە ءبىلىمدى ول ىلگەرىندى - كەيىندى مەملەكەت جانە اۆتونوميالى رايون جاعىنان 20 مىڭ يۋاننان استام وقۋعا كومەك قاراجاتىنا يە بولادى. ”مەملەكەتتىڭ قارجىلاي كومەكتەسۋ ساياساتىنا العىس ايتامىن، مەنىڭ الاڭسىز ۇيرەنىپ، باتىلدىقپەن ارمانعا قانات قاعۋىما مۇمكىندىك بەردى“، - دەدى گۇلميرا اسەرلەنىپ.
”ءبىر وقۋشىنى دا وتباسىنىڭ ەكونوميكالىق قيىنشىلىعى سەبەبىنەن وقۋدان قالدىرۋعا بولمايدى“. بۇل پارتيا مەن ۇكىمەتتىڭ بەرگەن ايبىندى ۋادەسى. پارتيا 18 - قۇرىلتايىنان بەرى رايونىمىز مەكتەپكە دەيىنگى تاربيەدەن تارتىپ اسپيرانتتىق اعارتۋعا دەيىنگى بارىستى تۇتاس قامتىعان وقۋشىلارعا جان - جاقتىلى قارجىلاي كومەك بەرۋ ساياسات جۇيەسىن ورناتىپ، ءارقايسى وقۋ - اعارتۋ ساتىسىن، ۇكىمەت قۇرعان، حالىق باسقارۋىنداعى مەكتەپتەردى، وتباسىندا ەكونوميكالىق قيىنشىلىعى بار وقۋشىلاردى تۇتاس قامتۋ سىندى ”ءۇشتى تۇتاس قامتۋدى“ جۇزەگە اسىردى. مەملەكەتتىڭ قارجىلاي كومەكتەسۋ ساياساتىنىڭ نەگىزىندە، اۆتونوميالى رايون رايون جاعدايىن، وقۋ - اعارتۋ جاعدايىن نەگىز ەتە وتىرىپ، ورتا دارەجەلى كاسىپتىك مەكتەپتەردە جاتاق اقىسىن الماۋ، وقۋ ماتەريالدارى قاراجاتىنا كومەك قاراجات بەرۋ ساياساتىن، جوعارى مەكتەپتىڭ دايىندىق كلاستارىن وقيتىن وقۋشىلاردىڭ وقۋ قاراجاتىنا جانە جاتاق قاراجاتىنا كومەك قاراجات بەرۋ ساياساتىن جانە اسپيرانتتىق وقۋعا سيلىق قاراجاتىن بەرۋ سياقتى كوپتەگەن جەرگىلىكتى قارجىلاي كومەك بەرۋ ساياساتىن جولعا قويدى. ساندى مالىمەتكە قاراعاندا، تەك 2021 - جىلدىڭ وزىندە رايونىمىز ءار دارەجەلى، ءار ءتۇرلى وقۋشىلارعا 8 ميلليارد 299 ميلليون يۋان كومەك قارجىسىن ءتۇسىرىپ، تيىمدىلىك جەتكىزگەن وقۋشى 6 ميلليون 749 مىڭ 800 ادام - رەت بولعان.
جاڭا تاريحي باستامادا رايونىمىز وقۋ - اعارتۋدى وسىزامانداندىرۋدى جەدەل ىلگەرىلەتىپ، حالىق رازى بولاتىن وقۋ - اعارتۋدى قۇلشىنا ويداعىداي جۇرگىزىپ، وقۋ - اعارتۋ ارقىلى حالىققا تيىمدىلىك جاساۋدىڭ نۇر شۇعىلاسىمەن حالىق تۇرمىسىنا اناعۇرلىم مول جىلۋ سيلايدى.
