− باس شۋجي شي جينپيڭنىڭ جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”جۇڭگو ارمانىن جۇزەگە اسىرۋ − تاريحتىڭ ۇتىلامالى جارىسى، زامانىمىزدىڭ جاستارى ۇلتتىڭ گۇلدەنۋىن جۇزەگە اسىرۋدىڭ جارىس جولىندا ەرلىكپەن العا ۇمتىلۋى كەرەك“. جۇڭگو كوممۋنيستىك جاستار وداعى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ”جاڭا داۋىردەگى جۇڭگو جاستارى تاماشا شاقتا تۋىپ، ماڭىزدى مىندەت ارقالاپ وتىر، ولاردىڭ دارىن - ىسكەرلىگىن ايگىلەيتىن ساحناسى شەكسىز كەڭ، ارماندى جۇزەگە اسىرۋىنىڭ بولاشاعى شەكسىز نۇرلى“ دەپ اتاپ كورسەتىپ، ”پارتيا مەن مەملەكەتتىڭ ءۇمىتى جاستارعا ارتىلادى“! - دەپ باسا دارىپتەدى.
ءداۋىر قاشاندا جاستارعا تاريحي جاۋاپكەرشىلىك جۇكتەيدى. 4 - مامىر قوزعالىسىنان بەرى جۇڭگو جاستارى وتان مەن حالىققا دەگەن تاسقىنداعان ادال جۇرەكپەن، پارتيا باسشىلىق ەتكەن توڭكەرىس، قۇرىلىس، رەفورما ۇلى ىستەرىنە بەلسەندىلىكپەن ات سالىسىپ، حالىق ءۇشىن شايقاسىپ، وتانعا ءومىرىن ارناپ، باقىتتى تۇرمىس ءۇشىن كۇرەسىپ، ەڭ تاماشا جاستىق شاقتارىن وتان مەن حالىققا ارناپ، جۇڭحۋا ۇلتىنىڭ ۇلى گۇلدەنۋ ۇردىسىندە اسقاقتاعان جاستىق كوكتەم تاراۋىن جازدى. اسىرەسە، قالىڭ وداق مۇشەسى، جاستار پارتيانى ءسۇيۋدىڭ، وتاندى ءسۇيۋدىڭ، حالىقتى ءسۇيۋدىڭ شىن ىقىلاستى تالپىنىسىمەن، مىزعىماستان پارتيانىڭ سوزىنە قۇلاق اسۋدىڭ، پارتياعا ىلەسۋدىڭ اينىماس اۋلگى ماقساتىمەن ۇلتتىڭ گۇلدەنۋ جورىعىندا ەرلىكپەن اتويشى بولىپ، بار نيەتپەن ۇلەس قوسىپ، جالىندى قوسىن جانە اتويشى قوسىن رولىن اتقارىپ، جۇڭگو توڭكەرىسىنىڭ جەڭىسى ءۇشىن، وتاننىڭ قۇرىلىسى ءۇشىن، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن، پارتيا مەن مەملەكەت ىستەرىنىڭ تاريحي تابىستارعا قول جەتكىزۋى، تاريحي وزگەرىستەر تۋىلۋى ءۇشىن جاستىق كوكتەمدەرىن ارناپ، ماڭىزدى ەڭبەك ءسىڭىرىپ، ۇلتتىڭ گۇلدەنۋىن جۇزەگە اسىرۋدى جۇڭگو جاستار قوزعالىسىنىڭ ۇزبەي دايەكتىلەنگەن ايبىندى نەگىزگى اعىنىنا اينالدىردى. اماليات جۇڭگو جاستارى ۇلى مۇراتقا يە ءۇمىتتى جاستار ەكەندىگىن، تەرەڭ وتباسى - وتان ىنتا - ىقىلاسىنا يە جاستار ەكەندىگىن، ۇلى جاسامپازدىق قۋاتقا يە جاستار ەكەندىگىن تولىق دالەلدەدى. مەيلى بۇرىن، قازىر، الدە بولاشاقتا بولسىن، جۇڭگو جاستارى قاي - قاشان دا جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن اتويشىل كۇش.
ءار ۇرپاق جاستاردىڭ وزىندىك كەشىرمەسى، وزىندىك ورايى مەن تالەيى بولادى، ءبارى دە ءوزى جاساعان ءداۋىر شارت - جاعدايىندا ءومىر جوباسىن جاساپ، تاريح جاراتادى. زامانىمىزداعى جۇڭگو جاستارى جاڭا داۋىرمەن ءبىر بەتالىستا بىرگە ىلگەرىلەيتىن، بىرگە العا باساتىن ۇرپاق، كوركەيىپ - گۇلدەنگەن زاماندا ومىرگە كەلگەن ولار كەلەلى مىندەت ارقالاپ وتىر. بۇگىن ءبىز ءبىرىنشى 100 جىلدىق كۇرەس نىساناسىن جەڭىسپەن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋدىڭ جاڭا جورىعىنا اتتاندىق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە ءوتتى. بارلىق ۇلى تابىس ۇزدىكسىز كۇرەس جاساۋدىڭ ناتيجەسى، بارلىق ۇلى ءىس بۇرىنعىعا مۇراگەر بولىپ، بولاشاققا جول اشۋ بارىسىندا ىلگەرىلەيدى. جاڭا داۋىردەگى جۇڭگو جاستارى قوزعالىسىنىڭ نەگىزگى تاقىرىبى، جاڭا داۋىردەگى جۇڭگو جاستارى قوزعالىسىنىڭ باعدارى، جاڭا داۋىردەگى جۇڭگو جاستارىنىڭ بورىشى − جۇڭگو كوممۋنيستىك پارتياسىنىڭ باسشىلىعىنا تاباندى بولىپ، حالىقپەن بىرگە ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانى ءۇشىن كۇرەس جاساۋ. جۇڭحۋا ۇلتىنىڭ دامۋى ەڭ جاقسى مەزگىلدە تۇر، ءتىپتى دە ابزال دامۋ ورتاسىنا يە، ءتىپتى دە كەڭ ەسەيۋ كەڭىستىگىنە يە، ءۇمىتتى جۇزەگە اسىرۋدىڭ، دارىندى ايگىلەۋدىڭ تاپتىرماس ورايىن قارسى العان قالىڭ جاستار پارتيانىڭ ءتالىمىن ەستە بەرىك ساقتاپ، ۇلتتى گۇلدەندىرۋدى مۇرات ەتىپ، جاستىق ورالدىڭ ءۇمىتىن اقتاپ، ءداۋىردىڭ ۇمىتىنەن شىعىپ، حالىقتىڭ ۇمىتىنەن شىعىپ، جاستىق كوكتەمنىڭ گۇلىن وتان ءۇشىن، ۇلت ءۇشىن، حالىق ءۇشىن، ادامزات ءۇشىن قاجىماي - تالماي كۇرەس جۇرگىزۋ بارىسىندا جايقالتا اشتىرۋ كەرەك.
”ادام ومىردە ءوزىنىڭ بارلىق ءىسىن ءوزى تىندىرادى، ءار جولى جارتى قادام باسساڭ دا، ۇزاق ۋاقىت جيناقتالا كەلە كەڭ دۇنيەگە جەتەسىڭ“. باس شۋجي شي جينپيڭ بىلاي دەپ اتاپ كورسەتتى: ”العا باسۋعا تالپىنۋ − جاستاردىڭ ەڭ باعالى قاسيەتى ءارى پارتيا مەن حالىقتىڭ ەڭ كوكەي تەستى ءۇمىتى“. جاڭا ۇلى جورىقتا قالىڭ جاستار تاريحي بورىش ارقالاپ، العا ىلگەرىلەۋ سەنىمىن بەكەمدەپ، ۇلى مۇرات ورناتىپ، ۇلى ءمورالدى اسقاقتاتىپ، ەرەن قابىلەت يەسى بولىپ، كەلەلى مىندەت ارقالاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءداۋىر تاسقىنىندا اسقاق جىگەرمەن قايراتتانا ۇمتىلىپ، قايسارلىقپەن العا ىلگەرىلەۋى كەرەك. وتاننىڭ بايتاق دالاسىن قادامدارىمەن ولشەپ، قىراعى جانارلارىمەن جۇڭگو رۋحىن بايقاپ، سەزگىر قۇلاقتارىمەن حالىقتىڭ ءۇنىن تىڭداپ، ادال جۇرەكپەن ءداۋىردىڭ تامىرىن سەزىنىپ، وتانعا تەرەڭ سۇيىسپەنشىلىكتە بولاتىن، حالىقپەن تىنىستاس، تاعدىرلاس بولاتىن سەزىمدى ۇيرەنۋدىڭ تۇتاس بارىسىمەن ساباقتاستىرىپ، ىستەگى تالپىنۋدىڭ بارىسىمەن توعىستىرىپ، ۇلتتى گۇلدەندىرۋدىڭ كەلەلى مىندەتىن ارقالاۋعا پەيىل ءداۋىر جاڭا ادامدارى بولۋعا تالپىنىپ، تولقىن جارۋ بارىسىندا ءورىس اشا العا ىلگەرىلەپ، كەدەرگىلەردى الاستاۋ بارىسىندا الاپ اشىپ، قامال الىپ، قيىنشىلىقتاردى جەڭۋ بارىسىندا كاسىپتە ناتيجە جاراتۋ كەرەك. جاڭا داۋىردەگى قالىڭ كوممۋنيستىك جاستار وداعى مۇشەلەرى ۇلى مۇراتتىڭ، بەرىك سەنىمنىڭ ۇلگىلەرى، قاجىرلىلىقپەن ۇيرەنۋدىڭ، قايسارلىقپەن جاڭالىق اشۋدىڭ ۇلگىلەرى، باتىلدىقپەن كۇرەس جاساۋدىڭ، شەبەرلىكپەن كۇرەس جاساۋدىڭ ۇلگىلەرى، قاجىرلىلىقپەن كۇرەسۋدىڭ، قالتقىسىز ۇلەس قوسۋدىڭ ۇلگىلەرى، ءمورالدى قاستەرلەپ، ىزگىلىككە تالپىنۋدىڭ، تارتىپكە قاتاڭ بويسۇنۋدىڭ ۇلگىلەرى بولىپ، مۇراتتى، جاۋاپكەرشىلىك ارقالاۋعا باتىل، قاجىرلى، كۇرەسشەڭ جاڭا ءداۋىر جاستارى بولىپ قۇلشىنا ەسەيىپ، جاستىق كوكتەمنىڭ قوزعاۋشى كۇشى مەن جاسامپازدىق قۋاتى ارقىلى ۇلتتى گۇلدەندىرۋدىڭ تەلەگەي جاستىق كوكتەم تولقىنىن تاسقىنداتۋ كەرەك.
”پارتيا الاڭسىز بولىڭىز، مەملەكەتتى قۇدىرەتتەندىرۋدە ءبىز بارمىز“، جۇڭگو كوممۋنيستىك پارتياسى قۇرىلعاندىنىڭ 100 جىلدىعىن قۇتتىقتاۋ جينالىسىندا كوممۋنيستىك جاستار وداعى مۇشەلەرى، پيونەرلەر اسقاق جاستىق سەرتىن ايگىلەدى، بۇل جاڭا داۋىردەگى جۇڭگو جاستارى مەن ورەندەرىندە بولۋعا ءتيىستى بەينە. بولاشاق جاستارعا ءتان، ءۇمىت جاستارعا جۇكتەلدى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، سايىپ كەلگەندە، سان ۇرپاقتان - ۇرپاققا جالعاسقان جاستاردىڭ كۇش جالعاپ كۇرەس جۇرگىزۋى بارىسىندا رەالدىققا اينالادى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ءوز مىندەتى ەتكەن، ماڭگى بوساڭسىمايتىن رۋحاني كۇيدى، ماڭگى توقتامايتىن العا ىلگەرىلەۋ بەينەسىن ساقتاپ، ءداۋىر اعىنىندا ەرلىكپەن قاسقايىپ، ءداۋىر اتويشىسى بولۋعا تالپىنعان جاڭا داۋىردەگى جۇڭگو جاستارى، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا سارقىلماس جاستىق كوكتەم كۇشىن ۇستەپ، جاستىق كوكتەمدەرىمەن جانە ماڭداي تەرلەرىمەن دۇنيە ءجۇزىن جالت قاراتاتىن جاڭا كەرەمەتتەردى جاراتا الاتىن بولادى!
(شينحۋا اگەنتتىگىنىڭ 5 - ايدىڭ 12 - كۇنى بەيجيڭنەن بەرگەن حابارى)
