تيانشان تورى   ›   جاڭالىقتار   ›   شينجياڭ حابارلارى

رايونىمىز 41 ءتۇرلى شارا شىعارىپ، قىزمەت وتەۋ سالاسىنداعى قيىنشىلىقتا قالعان كاسىپتەردىڭ قالپىنا كەلۋىن، دامۋىن جەبەدى

  انار بۇلت \ شينجياڭ گازەتىنىڭ ءتىلشىسى شى شين 5 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، بازار تۇلعالارىنىڭ قيىنشىلىق وتكەلىنەن وتۋىنە قولداۋ كورسەتىپ، بازاردىڭ مەجە مەرزىمىن ورنىقتىرىپ، ەكونوميكانىڭ ورنىقتى اينالىمىن جەبەۋ ءۇشىن، رايونىمىزدىڭ ءىس جۇزىندىك جاعدايىمەن بىرلەستىرە وتىرىپ، اۆتونوميالى رايوندىق دامۋ جانە رەفورما كوميتەتى سياقتى 14 تاراۋ بىرلەسىپ «اۆتونوميالى رايوننىڭ قىزمەت وتەۋ سالاسىنداعى قيىنشىلىقتا قالعان كاسىپتەرىنىڭ قالپىنا كەلۋىن، دامۋىن جەبەۋ جونىندەگى ءبىرقانشا ساياساتتىق شارالاردى» (تومەندە قىسقارتىلىپ «ءبىرقانشا ساياساتتىق شارا» دەلىندى) باسىپ تاراتىپ، 41 ءتۇرلى شارا شىعارىپ، قىزمەت وتەۋ سالاسىنداعى قيىنشىلىقتا قالعان كاسىپتەردىڭ قالپىنا كەلۋىن، دامۋىن جەبەگەن.

  وسى شارالاردا جالپىلىق تيىمدىلىك جاساپ قيىنشىلىقتان ارىلتۋ، سۇيەمەلدەۋ شاراسى دا، اس - سۋ كاسىبى، بولشەك ساتۋ كاسىبى، ساياحات كاسىبى، سۋ جول، تاس جول، تەمىر جول تاسىمال كاسىبى جانە حالىقتىق اۆياتسيا كاسىبى سياقتى تۇرلىشە كاسىپتەرگە باعىتتالعان سۇيەمەلدەۋ ساياساتى دا بار.

  قىزمەت وتەۋ كاسىبى جونىنەن جالپىلىق تيىمدىلىك جاساپ قيىنشىلىقتان ارىلتۋ، سۇيەمەلدەۋ شاراسىن الىپ قاراعاندا، نەگىزىنەن قازىنالىق سالىق ساياساتى، جۇمىستانۋدى سۇيەمەلدەۋ ساياساتى، ءۇي جالداۋ اقىسىن ازايتۋ نەمەسە كەشىرىم ەتۋ ساياساتى، فينانستىق قولداۋ كورسەتۋ ساياساتى سياقتى ناقتى شارالاردى قامتىعان.

  اس - سۋ كاسىبىنە قاراتا، «ءبىرقانشا ساياساتتىق شارادا» جۇمىسسزدىق قامسىزداندىرۋ قاراجاتىن كەشىكتىرىپ تاپسىرۋ ساياساتىن، قامسىزداندىرۋ ورگاندارىنىڭ ونىمدەرى مەن قىزمەت وتەۋىن ساپالىلاندىرۋ جانە تاپسىرىسپەن ساتىپ الۋ سياقتى ينتەرنەت تۇعىرى كاسىپورىندارى اس - سۋ ساۋداگەرلەرىنە قىزمەت وتەۋ اقى ولشەمىن تومەندەتۋگە جەتەكتەۋ، قاتىستى اس - سۋ كاسىپورىندار تيجاراتىنىڭ وزىندىك قۇنىن تومەندەتۋ سياقتى شارالاردى اتقارۋدى ايقىن بەلگىلەدى؛ بولشەك ساتۋ كاسىبىنە قاراتا قولدانىلعان شارالار اۋدان كولەمىندەگى ساۋدا جۇيەسى قۇرىلىسىن ورىستەتۋ، فينانس قۇرىلىمدارىن شاعىن، ۇساق كاسىپورىندار مەن جەكە تيجاراتشىلارعا سەنىمدى قارىز اقشا تاراتۋ سياقتى شارالاردى قامتىعان؛ ساياحات كاسىبىنە قاراتا قولدانىلعان شارالار ساياحات كووپەراتيۆىنىڭ ساياحات قىزمەت وتەۋ ساپاسىنا كەپىلدىك قاراجاتىن ۋاقىتشا قايتارىپ سۇيەمەلدەۋ ساياساتىن جالعاستى اتقارۋ، ءتۇيىندى ساياحات كاسىپورىندار نىسانىنىڭ قارجى قۇراۋ سۇرانىس قامباسىن قۇرۋ سياقتىلاردى قامتىعان؛ سۋ جول، تاس جول، تەمىر جول تاسىمال كاسىبىنە قاراتا قولدانىلعان شارالار 2022 - جىلى تەمىر جول تاسىمال كاسىپورىندارى ارتقان قۇن سالىعىن الدىن الا تولەۋدى ءبىر جىل ۋاقىتشا توقتاتۋ، 2022 - جىلعى جولاۋشى كەمەسى، الەۋمەتتىك جولاۋشىلار تاسىمالى، مەترو، قالا ارالىق رەليستى جەڭىل پويەز، تاكسي، ۇزاق جولدى جولاۋشىلار تاسىمالى، كەزەكشى اۆتوموبيل سياقتى قاتىناس تاسىمالعا قىزمەت وتەۋدە ارتقان قۇن سالىعىن الماۋ سياقتىلارى قامتيدى؛ حالىقتىق اۆياتسياعا قاراتا قولدانىلعان شارالار نەگىزىنەن 2022 - جىلى اۆياتسيا تاسىمال كاسىپورىندارى ارتقان قۇن سالىعىن الدىن الا تولەۋدى ءبىر جىل ۋاقىتشا توقتاتۋ، شينجياڭ ىشىندەگى تارماق لەنيا ۇشاقتارىنا جالعاستى تيجارات قوسىمشا قاراجاتىن بەرۋ، حالىقتىق اۆياتسيانى دامىتۋ قورىن تياناقتاندىرۋ، اۆتونوميالى رايوننىڭ حالىقتىق اۆياتسيا نەگىزدىك قۇرىلعىسىنا قولداۋ كورسەتۋ سياقتىلاردى قامتىعان.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.