تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز اپاتتان ساقتانۋ، اپات زيانىن ازايتۋ ۇگىت تاربيە قيمىلىن كەڭ كولەمدە ورىستەتتى

  انار بۇلت \ شينجياڭ گازەتىنىڭ ءتىلشىسى ياڭ شۋحان 5 - ايدىڭ 12 - كۇنى ۇرىمجىدەن حابارلايدى. 5 - ايدىڭ 12 - كۇنى 14 - رەتكى مەملەكەتتىك اپاتتان ساقتانۋ، اپات زيانىن ازايتۋ كۇنى، نەگىزگى تاقىرىبى ”اپاتتىڭ حاۋىپ - قاتەرىن ازايتىپ، كورىكتى مەكەندى قورعاۋ“، 5 - ايدىڭ 7 - كۇنىنەن 13 - كۇنىنە دەيىن اپاتتان ساقتانۋ، اپات زيانىن ازايتۋ اپتالىعى. وسى مەزگىلدە رايونىمىزدىڭ جەر - جەرى بارىنشا ءمان بەرىپ، كەڭ كولەمدە اتتانىسقا كەلتىرىپ، باي دا الۋان ءتۇرلى اپاتتان ساقتانۋ، اپات زيانىن ازايتۋ ۇگىت تاربيەسى قيمىلدارىن ۇيىمداستىرىپ، ورىستەتتى.

  ”كۇسان كەن كاسىبى نۇسقاۋ تاپسىرىپ الدى...“ 5 - ايدىڭ 12 - كۇنى كۇشار قالاسىندا كۇردەلى تىزبەكتى اپات ينفورماتسيالاندىرىلعان جاتتىعۋ ءجۇرىلىپ جاتتى، جاتتىعۋ ۇلكەن ەكران ارقىلى دەر كەزىندە اۆتونوميالى رايوندىق توتەنشە جاعدايعا توتەپ بەرۋدى باسقارۋ مەڭگەرمەسىنە قايىرىلا جەتكىزىلىپ، ات سالىسقان جاتتىعۋشىلار ساقتىق دابىلى بويىنشا احۋال جاريالاپ، دەر كەزىندە ۇدايى باقىلاۋ - ولشەۋ، كوشىرىپ قاتەردەن اراشالاۋ، ساقتانۋ - توتەپ بەرۋ، حاۋىپتەن قۇتقارۋ - كومەكتەسۋ سياقتى سايكەستى شارالاردى قولداندى.

  يەڭەسار اۋدانىنىڭ جاڭا اۋىل شارۋاشىلىق قوسىمشا ونىمدەرى بازارىندا ءورت ءسوندىرۋ - ورتتەن ساقتانۋ قىزمەتكەرلەرى ۇگىت تۇيىندەرىن بەلگىلەۋ، كەرمە تۋ ءىلۋ، كەڭەس تۇعىرىن ورناتۋ سياقتى فورمالار ارقىلى ارى - بەرى وتكەن بۇقاراعا اپاتتان ساقتانۋ، اپات زيانىن ازايتۋ، ءوزىن قۇتقارۋ، ءوزارا قۇتقارۋ بىلىمدەرىن جالپىلاستىرىپ، اناعۇرلىم كوپ ادامنىڭ اپاتتان ساقتانۋ، اپات زيانىن ازايتۋ تانىمى مەن ءوزىن قۇتقارۋ قابىلەتىن جوعارىلاتۋىنا مۇمكىندىك جاسادى.

  شينجياڭ اۋەجاي (توبى) شەكتى جاۋاپكەرلىك سەرىكتەستىگى ءۇرىمجى حالىقارالىق اۋەجايى بولىمشە سەرىكتەستىگى حاۋىپسىزدىكتى تەكسەرۋ باس پۋنكتىنىڭ ەرەكشە جۇمىستى تەكسەرۋ كەڭسەسى كەزەك - گرۋپپانى بىرلىك ەتىپ، قىزمەتكەرلەردى ۇيىمداستىرىپ، بوراندى اۋا رايىندا، جەر سىلكىنىسىندە قاشىپ قۇتىلۋ سياقتى توتەنشە جاعدايعا توتەپ بەرۋ جاتتىعۋىن ورىستەتىپ، بارلىق قىزمەتكەرلەردىڭ شىرعالاڭنىڭ توسىندىعى مەن حاۋىپتىلىگىنە بولعان تانىمىن كۇشەيتىپ، بارلىق قىزمەتكەرلەردىڭ قاشىپ قۇتىلۋ، بىتىراۋ قابىلەتىن جوعارىلاتتى.

  ”مالىمەت باس قولباسشى، جەر سىلكىنىسىنەن بولعان دۇمپۋدەن تۋىلعان قاتەرلى حيميالىق زاتتاردىڭ اعۋ شىرعالاڭى ءبىر جاقتى ەتىلىپ بولدى... “ 5 - ايدىڭ 12 - كۇنى ساعات 17 مولشەرىندە جۇندۇڭ ەكونوميكالىق، تەحنيكالىق اشۋ رايونىنا ورنالاسقان شينجياڭ يحۋا حيميا - ونەركاسىپ شەكتى سەرىكتەستىگىنىڭ ۆەرا ۇنتاعى زاۆودىندا جەر سىلكىنىسى تۋدىرعان قوسالقى شىرعالاڭعا بايلانىستى توتەنشە جاعدايعا توتەپ بەرۋ جاتتىعۋى ءجۇرىلىپ جاتتى. توسىننان ”جەر سىلكىنىسى“ اپاتىنىڭ تۋىلۋىنا ىلەسە، سيگنال داۋىسى شىعىپ، 18 جۇمىسشى دەرەۋ اسپاپتى جاۋىپ، توك كوزىن ۇزگەن سوڭ تارتىپپەن بىتىرادى.

  5 - ايدىڭ 12 - كۇنى التاي ايماقتىق ورماندا ءورت ءسوندىرۋ، ورتتەن ساقتانۋ تارماق اترەتىنىڭ ءورت ءسوندىرۋ، ورتتەن ساقتانۋ كوماندير - جاۋىنگەرلەرى التاي كاسىپتىك - تەحنيكالىق شۋەيۋانىنا كەلىپ، اپاتتان ساقتانۋ، اپات زيانىن ازايتۋ بىلىمدەرىنەن لەكسيا سويلەپ، توسىن تۋىلاتىن اپاتتاردان توتەنشە جاعدايعا توتەپ بەرۋ بويىنشا قاتەردەن ساقتانۋ سياقتى ساباقتارعا جاتتىقتىرۋ ورىستەتىپ، مەكتەپتەگى وقىتۋشى - وقۋشىلاردىڭ اپاتتان ساقتانۋ، اپات زيانىن ازايتۋ تانىمى مەن توتەنشە جاعدايدا قاشىپ قۇتىلۋ شەبەرلىگىن جوعارىلاتتى.

  بىرنەشە كۇننەن بەرى بۇراتالا وبلىسىنداعى جەر - جەر اپاتتان ساقتانۋ، اپات زيانىن ازايتۋ كۇنى جەلىلەس ۇگىت قيمىلدارىن كەڭ كولەمدە ورىستەتىپ، اپاتتان ساقتانۋ، اپات زيانىن ازايتۋ بىلىمدەرىن ونان ارى جالپىلاستىرىپ، بۇقارانىڭ اپاتتان ساقتانۋ، اپات زيانىن ازايتۋ تانىمىن كۇشەيتتى. اراسان اۋداندىق توتەنشە جاعدايعا توتەپ بەرۋدى باسقارۋ مەكەمەسى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تاراۋلارىمەن بىرلەسىپ حاربوح قالاشىعىنىڭ دۇڭدۋبۋحى قىستاعىندا ”اپاتتىڭ حاۋىپ - قاتەرىن ازايتىپ، كورىكتى مەكەندى قورعايىق“ نەگىزگى تاقىرىبىنداعى قيمىل ورىستەتتى، الاتاۋ قالاسى اپاتتان ساقتانۋ، اپات زيانىن ازايتۋ كۇنى شۇعىل جاعدايعا توتەپ بەرۋ، قۇتقارۋ - كومەكتەسۋ ناقتى سوعىستىق جاتتىعۋىن ورىستەتتى، بۇراتالا وبلىستىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتىنىڭ ۇگىت قىزمەتكەرلەرى بۇراتالا قالاسى جينشيۋ باستاۋىش مەكتەبىنە بارىپ، اپاتتان ساقتانۋ، اپات زيانىن ازايتۋ ۇگىتىن مەكتەپ اۋلاسىنا جەتكىزۋ قيمىلىن ورىستەتتى.

جاۋاپتى رەداكتور : الىمبەك نۇرالين

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.