لي كىچياڭ حورۆاتيانىڭ زۇڭليى پلەنكوۆيچپەن ءوزارا قۇتتىقتاۋ تەلەگرامماسىن جولدادى
شينحۋا اگەنتتىگىنىڭ 5 - ايدىڭ 13 - كۇنى بەيجيڭنەن بەرگەن حابارى. 5 - ايدىڭ 13 - كۇنى مەملەكەت ءتوراعاسى شي جينپيڭ حورۆاتيا رەسپۋبليكاسىنىڭ زۇڭتۇڭى ميلانوۆيچپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن حورۆاتيا ديپلوماتيالىق قارىم - قاتىناس ورناتقان 30 جىلدان بەرى، ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاسادى، ەكى ەلدىڭ قارىم - قاتىناسى حالىقارالىق اۋمالى - توكپەلى وزگەرىستەردىڭ سىنىنان ءوتتى. ەكى جاقتىڭ بىرگە قۇلشىنۋىندا جۇڭگو مەن حورۆاتيانىڭ ساياسي ءوزارا سەنىمى بەكەمدەلىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگى بەلسەندى جەتىستىكتەرگە قول جەتكىزىپ، ەكى ەل حالقىنا قۇت - ىرىس كەلدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سايىسى الدىندا، جۇڭگو مەن حورۆاتيا ىندەتكە قول ۇستاسا قارسى اتتانىپ، ەكى ەل دوستىعىنىڭ جاڭا ونەگەلى اڭگىمەسىن جازدى.
شي جينپيڭ بىلاي دەپ باسا دارىپتەدى: مەن جۇڭگو − حورۆاتيا قارىم - قاتىناسىنىڭ دامۋىنا ايرىقشا ءمان بەرەمىن، ميلانوۆيچ زۇڭتۇڭمەن بىرگە قۇلشىنىپ، ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، ەكى ەلدىڭ ساياسي ءوزارا سەنىمدىلىگىن بەكەمدەپ، دامۋ ستراتەگياسىن ءتۇيىلىستىرۋدى كۇشەيتىپ، جۇڭگو مەن حورۆاتيا قارىم - قاتىناسىنىڭ اناعۇرلىم زور دامۋدى جۇزەگە اسىرۋىنا بىرگە جەتەكشىلىك ەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
ميلانوۆيچ مىنالاردى ءبىلدىردى: حورۆاتيا مەن جۇڭگو ديپلوماتيالىق قارىم - قاتىناس ورناتقاننان بەرى، ەكى ەلدىڭ ءار سالاداعى ءوزارا تيىمدىلىك جەتكىزۋ سەلبەستىگىنىڭ ونىمدىلىگى كورنەكتى بولدى. ەكى جاقتىڭ ۇزدىكسىز قول ۇستاسا قۇلشىنىپ، سەرىكتەستىك قاتىناستى تەرەڭدەتىپ، سەلبەستىك سالاسىن كەڭەيتىپ، ەكى ەل قارىم - قاتىناسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتەتىندىگىنە سەنەمىن.
سول كۇنى مەملەكەتتىك كەڭەستىڭ زۇڭليى لي كىچياڭ حورۆاتيانىڭ زۇڭليى پلەنكوۆيچپەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو مەن حورۆاتيانىڭ ناقتى ىستەر سەلبەستىگى اسا ءونىمدى بولدى، پەرەزاس ۇلكەن كوپىرى، سەني جەل ەلەكتر ستانسياسى سياقتى ءوزارا تيىمدىلىك جەتكىزىپ، ورتاق يگىلىككە كەنەلۋ نىساندارى جۇڭگو مەن حورۆاتيا، جۇڭگو مەن ەۆروپا سەلبەستىگىنىڭ ۇلگىسىن ورناتتى. جۇڭگو جاق حورۆاتيا جاقپەن تىلدەسۋدى، اۋىس - كۇيىستى كۇشەيتىپ، ءداستۇرلى دوستىق قارىم - قاتىناستى بەكەمدەپ، ناقتى ىستەر سەلبەستىك سالاسىن كەڭەيتىپ، ەكى جاقتى قارىم - قاتىناستىڭ تەرەڭدەۋىن، ناقتىلانۋىن ۇزدىكسىز ىلگەرىلەتۋدى قالايدى. پلەنكوۆيچ مىنالاردى ءبىلدىردى: 30 جىلدان بەرى حورۆاتيا مەن جۇڭگونىڭ قارىم - قاتىناسى ىشكەرىلەي دامىدى. حورۆاتيا جاق بەلسەندى رولىن اناعۇرلىم ساۋلەلەندىرىپ، حورۆاتيا − جۇڭگو قارىم - قاتىناسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتىپ، ەكى ەل حالقىنا جانە ۇرپاقتارعا باقىت جاراتادى.
