قاراقاش اۋدانى كاسىپ سالاسى مەن قالانى توعىستىرۋ باقشاسى:
تۇتاس كاسىپ سالاسى تىزبەگى 4500دەن استام ادامدى جۇمىستاندىردى
انار بۇلت \ شينجياڭ گازەتىنىڭ ءتىلشىسى ءپاريزات ابدۇل
5 - ايدىڭ باسى، قاراقاش اۋدانى ءوندىرىس پەن قالانى توعىستىرۋ باقشاسىن ارالاپ كەلەمىز، تارام - تارام سىمداي تارتىلعان كۇرە جولدار، جۇلدىزداي سامسىعان عيماراتتار، زاۆودتار، قىزمەت تۇعىرلارىندا قاربالاس جۇمىس ىستەپ جاتقان بەينەلەر ءبىر - بىرىمەن جاراسىم تاۋىپ، اسەم مەلوديا قالىپتاستىرعانداي سەزىمگە بولەيدى.
تاكلاماكان ءشولىنىڭ جيەگىنە ورنالاسقان قاراقاش اۋدانى كەزىندە ەكولوگياسىنىڭ ناشارلىعى، كاسىپ سالاسى نەگىزىنىڭ السىزدىگى سەبەپتى دامۋى كەنجە بولاتىن. بەرتىنگى جىلدارى قاراقاش اۋدانى ساۋداگەر شاقىرىپ قارجى ەنگىزۋدى كاسىپ سالاسىن دامىتۋدىڭ دەمەۋشىسى ەتۋگە تاباندى بولىپ، كاسىپ سالاسى قۇرىلىمىن ۇزدىكسىز ساپالىلاندىرىپ، جەرگىلىكتى ورىننىڭ ءىس جۇزىندىك جاعدايىنا ۇيلەسەتىن وسى زامانعى كاسىپ سالاسى جۇيەسىن بەلسەنە قۇرىپ، بايپاق شارۋاشىلىعى تۇتاس كاسىپ سالاسى تىزبەگىن، ەلەكترون تۇتاس كاسىپ سالاسى تىزبەگىن نەگىز ەتكەن كاسىپ سالاسى مەن قالانى توعىستىرۋ باقشاسىن قۇرىپ، جەرگىلىكتى ورىننىڭ ەكونوميكالىق دامۋىن، بۇقارانىڭ كىرىستى ارتتىرىپ اۋقاتتانۋىن ءونىمدى جەبەدى.
شينجياڭ باليم ەمدەۋ اسپاپتارى شەكتى سەرىكتەستىگى 2020 - جىلى 3 - ايدا قاراقاش اۋدانى كاسىپ سالاسى مەن قالانى توعىستىرۋ باقشاسىندا قارجى قوسىپ زاۆود قۇرعان، سەرىكتەستىك ىشكى وڭىرلەردەن حالىقارالىق وزىق دەڭگەيدەگى بىرەۋىنە بەسەۋى تىركەلگەن، بىرەۋىنە ەكەۋى تىركەلگەن، تولىق اۆتوماتتاسقان N95 ماسكىسىن جانە ساقتانۋ، قورعانۋ كيىمدەرىن ءوندىرۋ جەلىسىن ەنگىزىپ، جەرگىلىكتى ورىننىڭ مەديتسينالىق ماسكى ءوندىرۋ بوستىعىن تولىقتادى.
”وسى ماشينامەن ماسكىلەر اۆتوماتتى تۇردە وندىرىلەدى. جۇمىسشىلار تەك ماسكىنىڭ قۇلاققا ىلەتىن ءجىبىن تەكسەرىپ، ماسكىنى قوراپتاسا بولعانى، قازىر كۇنىنە ءبىر رەتتىك مەديتسينالىق ماسكىدان 400 مىڭى وندىرىلەدى. بۇدان سىرت، قورعانۋ كيىمى، حىسۋان تەكسەرۋ سىناماسى قالبىرى سياقتىلاردى دا وندىرەمىز“، - دەدى شينجياڭ باليم ەمدەۋ اسپاپتارى شەكتى سەرىكتەستىگىنىڭ باسالقاسى وبۇلاسەن وبۇلقاسىم.
”كاسىپ سالاسى ارقىلى قالانىڭ ومىرشەڭدىك قۋاتىن ارتتىرۋ، قالا ارقىلى كاسىپ سالاسىن گۇلدەندىرۋ“، كاسىپ سالاسىنىڭ دامۋىن جوعارى ولشەممەن ىلگەرىلەتۋ كاسىپ سالاسى مەن قالانى توعىستىرا دامىتۋ ستراتەگياسىن اتقارۋدىڭ كەپىلى بولدى. قاراقاش اۋداندىق كاسىپ سالاسى مەن قالانى توعىستىرۋ باقشاسى پارتيا قىزمەت كوميتەتىنىڭ ورىنباسار شۋجيى، مەڭگەرۋشىسى اسقار ءماتنۇر تىلشىگە: ”كاسىپ سالاسى مەن قالانى توعىستىرۋ باقشاسى توقىماشىلىق، كيىم - كەشەك، ەلەكترون كاسىبى، بايپاق شارۋاشىلىعى سياقتى كاسىپ سالالارىنا ساۋداگەر تاڭداۋدى ارقاۋ ەتىپ، كۇشتى شوعىرلاندىرا وتىرىپ، باسەكەلىك قۋاتقا يە تۇتاس كاسىپ سالاسى تىزبەگى باقشا رايونىن قۇردى. قازىرگە دەيىن 21 كاسىپورىن باقشا رايونىنا ىرگە تەۋىپ، توقىماشىلىق كاسىپ سالاسى باقشا رايونىن، ەلەكترون كاسىبى باقشا رايونىن، بايپاق كاسىپ سالاسى باقشا رايونىن العاشقى ادىمدا قالىپتاستىردى“، - دەدى.
حوتان ليڭحاي ەلەكترون شەكتى جاۋاپكەرشىلىك سەرىكتەستىگىنىڭ ءوندىرىس سەحىنا كىرگەندە، ءتىلشى كوك ءتۇستى قىزمەت كيىمىن كيگەن جۇمىسشىلاردىڭ دانەكەرلەۋ، قۇراستىرۋ، تەكسەرۋ، سۇرىپتاۋ، قوراپتاۋ سياقتى بۋىنداردا جۇمىستى ءبولىسىپ سەلبەسىپ، ءتارتىپتى ىستەپ جاتقاندىعىن كوردى.
ليڭحاي ەلەكترون شەكتى جاۋاپكەرشىلىك سەرىكتەستىگىنىڭ باس ديرەكتورى جۋ جيگۋاڭ بىلاي دەپ تانىستىردى: سەرىكتەستىگىمىز 2020 - جىلى 10 - ايدا قاراقاش اۋدانى كاسىپ سالاسى مەن قالانى توعىستىرۋ باقشاسىنا كەلىپ ورنالاستى، باتەريا، زاريادتاۋىش، تىڭداعىش، اق ماگنيتتى لابا سياقتى ەلەكتروندى ونىمدەردى ارناۋلى زەرتتەپ اشاتىن، وندىرەتىن جانە ساتاتىن تۇتاس كاسىپ تىزبەگى بار كاسىپورىن، ونىمدەرىمىز افريكا، ءۇندىستان، شىعىس وڭتۇستىك ازيا سياقتى جەرلەرگە ساتىلادى.
قاراقاش اۋدانى كاسىپ سالاسى مەن قالانى توعىستىرۋ باقشاسى جەرگىلىكتى كاسىپ سالاسىن كولەمدەنىپ دامۋعا باستاپ، جاڭا كاسىپ سالالارىن، جاڭا كاسىپ كۇيلەرىن تۋىنداتىپ، 4500دەن استام ادامدى جۇمىستاندىردى.
ياۋا اۋىلى جايتەرەك قىستاعىنىڭ تۇرعىنى وبۇل ماحمۇت ەجەلدەن سىچۋاندا كاۋاپ ساۋداسىمەن شۇعىلداناتىن، اۋىلىندا باقشا رايونى قۇرىلىپ، ءبىرتالاي كاسىپورىننىڭ ورنالاسقاندىعىنان حابار تاپقاننان كەيىن، اۋىلىنا قايتىپ، ليڭحاي ەلەكترون شەكتى جاۋاپكەرشىلىك سەرىكتەستىگىنە جۇمىسقا ورنالاستى.
”3 ايدىڭ الدىندا مەن زاۆود باستىعى بولىپ سايلاندىم، باستىسى، ءتۇرلى ەلەكتروندى ونىمدەردىڭ ساپاسىن تەكسەرۋگە، سەحتاعى 800 نەشە ادامدى باسقارۋعا جاۋاپتىمىن“. قازىر وبۇلدىڭ ايلىق ەڭبەكاقىسى 7500 يۋان بولىپ، بانكەدە 100 مىڭ يۋان امانات اقشاسى بار، الدا توي جاساۋ ءۇشىن اۋداننان ءۇي ساتىپ الماق.
”كاسىپ سالاسى مەن قالانى توعىستىرۋ باقشاسىندا قۇرۋ جوسپارلانعان كاسىپ سالاسىن دامىتۋ رايونى، سايكەستى تۇرمىس رايونى، بينشۇي ساۋدا رايونى، سونداي - اق اۋىل - قىستاق دەمالىس رايونى بىرتىندەپ تۇلعالاندى. الدا ءبىز ’قالانى‘ دامىتۋعا كۇش سالىپ، كاسىپ سالاسى شوعىرىن جەدەل زورايتۋ ارقىلى قاتىناس قولايلى، قىزمەت پەن تۇرعىن ءۇي تەڭگەرىلگەن، قىزمەت وتەۋى كەمەلدى كاسىپ سالاسى مەن قالانى توعىستىرۋ باقشاسىن قۇرامىز“، - دەدى اسقار.
