− اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىنىڭ گۋاڭدۇڭدا، جىجياڭدا ۇيرەنۋدە بولىپ، اۋىس − كۇيىس جاساۋىنا شولۋ
انار بۇلت \ شينجياڭ گازەتىنىڭ ءتىلشىسى لي ياڭ
جۋجياڭ وزەنى جاعالاۋىندا، چيانتاڭجياڭ وزەنى بويىندا اق جاڭبىر سەبەلەپ، بايتاق دالاعا زايىرلى دا تاسقىنداعان ومىرشەڭدىك كۇش سيلادى.
بيىككە شىعىپ، الىسقا كوز جىبەرىپ، اقىل - پاراسات، كۇش - قۋات الىپ، ۇيرەنۋدە، تەكسەرۋدە بولىپ، شينجياڭنىڭ جوعارى ساپالى دامۋىنا اناعۇرلىم كوپ دەمەۋشى كۇش قابىلدادى.
5 - ايدىڭ 6 - كۇنىنەن 5 - ايدىڭ 11 - كۇنىنە دەيىن، اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى گۋاڭدۇڭ ولكەسىندە، جىجياڭ ولكەسىندە ۇيرەنۋدە، تەكسەرۋدە بولدى. بۇل رايونىمىزدا جوعارى ساپالى دامۋدى ىلگەرىلەتۋدىڭ شەشۋشى مەزگىلىندە ۇيىمداستىرىلعان ءبىر رەتكى جوعارى دەڭگەيلى، جوعارى ءونىمدى سىرتقا شىعىپ ۇيرەنۋ، تەكسەرۋ قيمىلى، اۆتونوميالى رايوندىق پارتكومنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى كوزدە ۇستاپ، شينجياڭنىڭ جوعارى ساپالى دامۋىن اناعۇرلىم جوعارى دەڭگەيدە ىلگەرىلەتۋدەگى ماڭىزدى شاراسى.
6 كۇن ۋاقىتتا ۋاكىلدەر ۇيىرمەسىندەگىلەر گۋاڭدۇڭ ولكەسىنىڭ، شىنجىن قالاسىنىڭ، جىجياڭ ولكەسىنىڭ نەگىزگى باسشىلارىنا امانداسىپ، اڭگىمە ءماجىلىس اشىپ، جان - جاقتى سەلبەسۋ كەڭەسىن وتكىزدى؛ تىڭشۇن، حۋاۋي، ۋيپينحۇي، جۇڭگو پيڭ - ان، زىگۋاڭ حىڭيۋە سياقتى تانىمالى كاسىپورىنداردا، فينانستىق عىلىم - تەحنيكادا جاڭالىق اشۋ قۇرىلىمدارىندا ناقتىلى قىزمەت تەكسەردى... جول بويى دامىل تاپپاي، سۋىت ساپاردا بولدى.
”ۇلگىلەر دۇرىس سارالانعان، نىساندار جاقسى تاڭدالعان، تاجىريبەلەر ۇيرەنۋگە تاتيدى“، ”وي سالدى“، ”ولجالى ساپار بولدى“... بۇل ساپاردا ءۇستىرت ارالاپ وتە شىقپاي، قايتا پايىپتىلىقپەن زەر سالىپ، ”قۇندى تاجىريبە“ قابىلدادى؛ سىرتتاي شولىپ جونەلە بەرمەي، قايتا كىشى پەيىلدىكپەن ءتالىم الىپ، جەتە ۇيرەنىپ، جان - جاقتى ءتۇسىندى. بۇل كوز ايانى اشقان ءبىر رەتكى ۇيرەنۋ ساپارى ءارى جان جۇيەگە اسەر ەتكەن ءبىر رەتكى تولعانىس ساپارى.
يدەيانى ازات ەتىپ، وزاتتارعا تۋرالانعان تولعانىس ساپارى
كوش باستاۋشىلاردىڭ جولىمەن ءجۇرىپ، ەكپىندەي ىلگەرىلەۋ جولىن اشتى.
وسى رەتكى ۇيرەنۋ، تەكسەرۋ قيمىلىندا گۋاڭدۇڭ، جىجياڭ ەكى ولكەنى تۇراقتاندىرۋدىڭ ءمانى تەرەڭ.
گۋاڭدۇڭ ولكەسى ەلىمىزدىڭ ەكونوميكاداعى ءبىرىنشى ۇلكەن ولكەسى، 2021 - جىلى وڭىرلىك ءوندىرىس جالپى ءونىم قۇنى 12 تريلليون 400 ميلليارد يۋان بولىپ، GDPى ءۇرتىس 33 جىل بۇكىل ەل بويىنشا ءبىرىنشى ورىندى يەلەدى، ەكونوميكالىق جالپى مولشەرى دۇنيە جۇزىندەگى ％90تىڭ ۇستىندەگى مەملەكەتتىكىنەن اسىپ ءتۇستى.
جىجياڭ ولكەسىنىڭ قۇرلىق جەر اۋدانى ۇلكەن بولماعانىمەن، الايدا ەكونوميكالىق قورى ”مول“، 2021 - جىلى ءوندىرىس جالپى ءونىم قۇنى 7 تريلليون 350 ميلليارد يۋانعا جەتتى.
رەفورمانىڭ جارشىسى بولدى، جاقسى سالت باستاماسىن اشتى. ەكى ولكە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، كوپتەگەن وزىق ادىستەر مەن تابىستى تاجىريبەلەردى جارىققا شىعاردى، الەم حالقىن جالت قاراتقان شۇعىلالى تابىستاردى جاراتتى، جوعارى ساپالى دامۋدىڭ تيپتىك ۋاكىلى.
5 - ايدىڭ 9 - كۇنى شىنجىن ليانحۋاشان باقشاسى.
دىڭ شياۋپيڭنىڭ مىس ءمۇسىنىنىڭ جانارىنان جالىن شاشىرايدى، ارشىندى قاداممەن العا تارتقان بەينەسى ”رەفورما جاساۋ، ەسىك اشۋ ادىمىن ۇلكەندەۋ الۋ كەرەك“ دەگەن ءمان بەرىپ تۇر.
ۋاكىلدەر ۇيىرمەسىنىڭ مۇشەلەرى سالماقتى بەينەمەن، باسپالداقتى ورلەي شىعىپ، ءۇن - ءتۇنسىز تۇرىپ، ىززەت - قۇرمەتپەن قارادى.
يدەيالىق جاقتاعى بوگەتتەردى بۇزىپ، رەفورمادا قامال الۋعا جەتەكشىلىك ەتتى، دامۋداعى قيىن ماسەلەلەردى رەفورما ادىسىمەن شەشتى. جوعارى ساپالى دامۋ جولىندا ”يدەيانى ازات ەتۋ“ ءالى دە كەزەك كۇتتىرمەيتىن شۇعىل جۇمىس سانالادى.
”كوپتەگەن ىستەردە، ءبىز ءالى ىستەۋگە بولاما، جوق پا دەگەندى تالقىلاپ جاتقان كەزىمىزدە باسقالار الدەقاشان كىرىسىپ كەتەدى نەمەسە تىندىرىپ بولادى. بۇل، اۋەلى، قابىلەت ماسەلەسى ەمەس، قايتا يدەيالىق بۇعاۋدان ءالى ارىلماعاندىق“، - دەدى اۆتونوميالى رايوندىق عىلىم - تەحنيكا مەڭگەرمەسىنىڭ باستىعى پارحات جالەل.
”جاڭا جاعدايدا جوعارى ساپالى دامۋدى ىلگەرىلەتۋدىڭ جاۋاپكەرشىلىگى اۋىر. يدەيانى جاپپاي ازات ەتۋ ارقىلى ەكونوميكانىڭ جوعارى ساپالى دامۋىن ىلگەرىلەتۋ شينجياڭ جونىنەن ەرەكشە كوكەي تەستى“، - دەدى تۇرپان قالالىق پارتكومنىڭ ورىنباسار شۋجيى، قالا باستىعى قايسار قيۇم تەرەڭ تولعانىپ.
جوعارى ءونىمدى اكىمشىلىك ىستەر ورتاسىن قالىپتاستىرۋدا گۋاڭدۇڭ ولكەسى ”يۋەشيلە“ تۇعىرىن قۇردى، ”يۋەكاڭمانىڭ“ كۇندىك پايدالانۋ ەڭ جوعارى مولشەرى 266 ميلليون رەتكە جەتتى، ”يۋەشىڭشىعا“ ناقتى اتىمەن تىركەلگەن قولدانۋشى 170 ميلليونعا تايادى، ”يۋەشاڭتۇڭعا“ تىركەلگەن كاسىپورىندار 11 ميلليوننان استى؛ ابزال قارجى قوسۋ ورتاسىن جاراتتى، جىجياڭ ولكەسىندە جاڭادان قۇرىلعان ％85 كاسىپورىن ەسىكتەن شىقپاي - اق تيجارات كۋالىگى مەن رۇقسات كۋالىگىن الا الاتىن بولدى، 2021 - جىلى تۇتاس جىلدا ناقتى ارتقان بازار تۇلعاسى 652 مىڭ، جاڭادان ارتقان جارناسى بازارعا شىعارىلعان سەرىكتەستىك 110، جەكە تۇردەگى اعا جۇلدەگەر كاسىپورىن 35 بولدى؛ تاماشا دارىندىلار ورتاسىن جاراتتى، جۇڭشين گۋاڭجوۋ ءبىلىم بازارى بۇكىل ەلىمىز بويىنشا شەتەل دارىندىلارىنىڭ جاڭالىق اشىپ، شارۋاشىلىق قۇرۋى جونىنەن العاشقى ”سابىلتپاي“ قىزمەت وتەۋ ورتالىعىن قۇرىپ، ”القىمداعان“ تەحنيكالاردان قامال العان دارىندىلارعا نىسان جالپى ۇسىنىلىمىنىڭ ％30ى بويىنشا كومەك قاراجات بەردى...
باتىلدىقپەن ”سەركە“، ”بۇيداگەر“ بولىپ، كوز ايانى اشىپ، باتىلدىقپەن اتوي سالساق، يدەيانى ازات ەتۋدىڭ ءورىسى كەڭ بولادى.
پارىقتى دالمە - ءدال تاۋىپ، دەرەۋ ارەكەتتەنىپ، باسىپ وزۋدىڭ ۇمتىلىس ساپارى
5 - ايدىڭ 10 - كۇنى ساعات 23، حاڭجوۋ، ۋاكىلدەر ۇيىرمەسى تۇرعان جەر.
ءتۇن ورتاسىندا قىزۋ تالقىعا تۇسكەن، ەرەكشە كۇيگە ەنگەن ”وي توعىسۋى“ ءجۇرىلىپ جاتتى، بۇل ۋاكىلدەر ۇيىرمەسىندەگى مۇشەلەردىڭ وزدىكتەرىنەن وتكىزگەن ”اڭگىمە ءماجىلىسى“.
”دامىعان ولكە، قالالارمەن بولعان زور پارىق الدىندا، ءبىزدىڭ قاراپ وتىرۋىمىزعا، ءتىپتى، توسىپ وتىرۋىمىزعا بولمايدى!“، - دەدى اقسۋ ايماقتىق پارتكومنىڭ ورىنباسار شۋجيى، ءۋالي مەكەمەسىنىڭ ءۋاليى دىلشات سايىم.
گۋاڭدۇڭدا، جىجياڭدا تۇرىپ شينجياڭعا كوز جىبەردى. ۇقساماعان تۇرعىدان وي جۇگىرتىپ، تەرەڭ تولعاندى.
سالىستىرۋ بارىسىندا پارىقتاردى تابۋ كەرەك، بىزدەگى پارىق تەگى قايدا؟ قايتكەندە قايراتتانا ۇمتىلىپ، تەڭەلۋگە بولادى؟
”شينجياڭ جىبەك جولى ەكونوميكالىق بەلدەۋىنىڭ وزەكتى رايونى، ءبىرقىدىرۋ ەرەكشە ساياساتتان يگىلىكتەنۋدە، گۋاڭدۇڭمەن، جىجياڭمەن سالىستىرعاندا، ءبىز ساياساتتان تولىق، جاندى پايدالانىپ، رەفورمانى تەرەڭدەتىپ، جاڭالىق اشۋ جاعىندا اناعۇرلىم باتىل بولۋىمىز كەرەك“.
”گۋاڭدۇڭ ولكەسى 40 نەشە جىلدىڭ الدىندا مەشەۋ، شەتكەرى اۋىل شارۋاشىلىعىن نەگىز ەتكەن ولكە بولاتىن، تەڭىز جاعالاۋىنا ورنالاسقان، شياڭگاڭمەن، اۋمىنمەن ىرگەلەس وڭىرلىك ابزالدىلىعى، ساياسات ابزالدىلىعى سياقتىلاردان تولىق پايدالانۋ ارقىلى باسىپ وزىپ، قارىشتاپ دامىدى. شينجياڭدا ەرەكشە وڭىرلىك ورىن ابزالدىلىعى، بايلىق ابزالدىلىعى، ساياسات ابزالدىلىعى بار، الدا تۇرىپ جوسپارلاپ، ءتۇرلى ابزالدىلىقتاردى جالپىلىق ءبىر تۇتاس جوسپارلاپ، دامۋ قوزعاۋشى قۋاتىنا اينالدىرۋ كەرەك.
”مەيلى تىڭشۇندە، حۋاۋيدا، الدە زىگۋاڭ حىڭيۋەدە، جىجياڭ تاجىريبەحاناسىندا بولسىن، بارلىعى، ءسوز جوق، جاڭالىق اشۋدى دامۋعا جەتەكشىلىك ەتەتىن ءبىرىنشى قوزعاۋشى كۇش ەتۋ كەرەك دەيتىن تەرەڭ اسەرگە يە بولدى. دامۋى قانشا كەنجە وڭىرلەر، دامۋعا جاڭالىق اشۋ ارقىلى دەم بەرۋ ستراتەگياسىن سولعۇرلىم اتقارۋ كەرەك“.
”سيفرلى ەكونوميكانىڭ ۇلكەن ءۇردىسى كەلىپ جەتتى، گۋاڭدۇڭ ولكەسىنىڭ 2020 - جىلعى سيفرلى ەكونوميكاسىنىڭ ارتقان قۇن كولەمى شامامەن 5 تريلليون 200 ميلليارد يۋان بولدى، شينجياڭنىڭ سيفرلى ەكونوميكاسىنىڭ دامۋى تەڭىز جاعالاۋىنداعى دامىعان ولكە، قالالارمەن سالىستىرعاندا كولەمى ءبىرشاما شاعىن، ءبىز ’سيفرلانۋ ارقىلى نەگىزدى كۇشەيتۋ‘ ينجەنەرياسىن جەدەل اتقارىپ، سيفرلى ەكونوميكانىڭ ناقتى ەكونوميكاعا قاراتىلعان جاڭالانىپ دارەجەسىن كوتەرۋ، تيبىن جاڭالاپ دەڭگەيىن ءوسىرۋ رولىن ساۋلەلەندىرۋىمىز كەرەك“.
”ەكى ولكە كادرلارىمەن اۋىس - كۇيىس جاساۋ بارىسىندا ءار دارەجەلى كادرلاردىڭ ەكونوميكا زاڭدىلىعىنا قانىق ەكەندىگىن، دامۋ وي جەلىسىنە توقتالعاندا جۇيەلى، قيسىندى سويلەيتىندىگىن ايقىن سەزىندىك. سالىستىرا ايتقاندا، ءبىزدىڭ كادرلارىمىزدا ەكونوميكانى يگەرۋ، دامۋدى يگەرۋ جاعىندا قابىلەت داعدارىسى ءومىر ءسۇرىپ وتىر، قابىلەت دەڭگەيىن جوعارىلاتۋعا مۇقتاج بولىپ وتىر“.
...
جوسپاردى تۇراقتاندىرعاننان كەيىن بارىپ ارەكەتتەنىپ، قايراتتا تەڭەلۋگە ۇمتىلۋ كەرەك. كوپشىلىك ءبىر اۋىزدان بىلاي دەپ قارادى: ەكونوميكالىق نەگىزدى، قالا كولەمىن كوشىرىپ الۋعا بولمايدى، الايدا يدەيانى جاڭالاۋ، باتىلدىقپەن رەفورما جۇرگىزۋ، جىگەرلەنە ەكپىندەي ىلگەرىلەۋدى بارلىق جەر، ءسوز جوق، ىستەۋى ءتيىس. تەك تەز قارمانىپ، رۋحتى سەرپىلتىپ، ەسەلەپ قۇلشىنعاندا عانا بولاشاقتا ناتيجەگە قول جەتكىزۋگە بولادى.
اۋىس - كۇيىس جاساپ، سەلبەسىپ، دامۋدى بىرگە جوبالاعان تابىس ساپارى
شينجياڭنىڭ گۋاڭدۇڭمەن، جىجياڭمەن ەجەلدەن بەرى سۇيىسپەنشىلىگى تەرەڭ، دوستىعى قويۋ.
گۋاڭدۇڭ ولكەسى شينجياڭعا باعىتتامالى كومەكتەسۋدى باستان - اياق ماڭىزدى ساياسي جاۋاپكەرشىلىك رەتىندە قارادى. 2021 - جىلى شينجياڭعا كومەكتەسۋ بويىنشا 3 ميلليارد 438 ميلليون يۋان قارجى ءبولىپ، شينجياڭعا كومەكتەسۋ بويىنشا 144 نىسان اتقاردى. كادر - دارىندىلار جاعىنان كومەك كورسەتۋ جاعىندا ”دالمە - ءدال، ۇزاق ءونىمدى بولۋدى“ كورنەكتىلەندىرىپ، كاسىپ سالاسى جاعىنان كومەك كورسەتۋ جاعىندا ”تيبىن جاڭالاپ دارەجەسىن ءوسىرۋدى“ كورنەكتىلەندىرىپ، حالىق تۇرمىسى ارقىلى كومەك كورسەتۋ جاعىندا ”ولقىلىقتاردى تولىقتاپ، ءالسىز تۇستاردى كۇشەيتۋدى“ كورنەكتىلەندىرىپ، ارالاسۋ، ىشتەسۋ، توعىسۋ جاعىندا ”توعىسۋدى، ىقپالداسۋدى“ كورنەكتىلەندىرىپ، شينجياڭعا كومەكتەسۋدىڭ گۋاڭدۇڭ ەرەكشەلىگىنە يە، كومەك قابىلداعان جەرلەردىڭ ءىس جۇزىندىگىنە ۇيلەسەتىن جولىن اشتى.
جىجياڭ ولكەسى شينجياڭعا باعىتتامالى كومەكتەسۋدى كورنەكتى ورىنعا قويىپ، ناقتى قارجى ءبولىپ، شىنايى سۇيىسپەنشىلىگىن، ادال نيەتىن ارناپ، شىنايى يگەرىپ، ناقتى ىستەۋگە تاباندى بولدى. بىلتىر ەكى ولكە، رايون ۇكىمەتتەرى «8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جىجياڭ ولكەسىنىڭ ”X+1“، ” ۇجىم فورماسى“ بويىنشا شينجياڭنىڭ اقسۋ ايماعى مەن بيڭتۋان 1 - شىسىنا باعىتتامالى كومەكتەسۋدى جاڭالىق اشا ىلگەرىلەتۋدى اتقارۋ جونىندەگى جوباسىن» بىرگە جاريالاپ، جاڭا داۋىردەگى شينجياڭعا كومەكتەسۋ قىزمەتىنىڭ تەرەڭدەۋىن، ناقتىلانۋىن اناعۇرلىم ىلگەرىلەتتى.
اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى بارعان جەرلەرىندە جەرگىلىكتى ورىنداعى پارتيا، ۇكىمەت ورىندارىنىڭ نەگىزگى باسشىلارىمەن قىزمەت كەڭەسىن وتكىزدى.
”ءبىر جاعىنان كىشى پەيىلدىلىكپەن ۇيرەنىپ ءتالىم العالى، ءبىر جاعىنان العىس ايتىپ، ريزالىعىمىزدى بىلدىرگەلى كەلدىك“. اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى شىن نيەتپەن لەبىز ءبىلدىرىپ اعىنان اقتارىلدى.
”شينجياڭمەن اۋىس - كۇيىستى، سەلبەستىكتى ۇزدىكسىز تەرەڭدەتىپ، ءوزارا تولىقتاۋ ابزالدىلىعىن ساۋلەلەندىرىپ، جوعارى ساپالى دامۋدى بىرگە قاراستىرۋدى قالايمىز“، گۋاڭدۇڭ، جىجياڭ ەكى ولكە قۇشاقتارىن ايقارا اشىپ، تەڭ يگىلىككە كەنەلۋدى كۇتتى.
5 - ايدىڭ 7 - كۇنى تۇستەن كەيىن، حۋاحاۋ مادەنيەت عىلىم - تەحنيكا (گۋاڭجوۋ) شەكتى سەرىكتەستىگى. بۇل سەرىكتەستىكتىڭ القا باستىعى لۋ شياۋحۇڭ ەرەكشە اسەرلەنىپ، تەكسەرۋ ۇيىرمەسىنە سەرىكتەستىكتىڭ سيفرلاندىرۋ ارقىلى شينجياڭنىڭ مال شارۋاشىلىعىنىڭ دامۋىنا كۇش ۇستەۋ جەتىستىكتەرىن ەگجەي - تەگجەيلى تانىستىردى.
جارتى ايدىڭ الدىندا لۋ شياۋحۇڭ ”جىبەك جولى · گۋاڭدۇڭ ساۋدا ساپارى − شينجياڭ سىندى جاقسى جەرگە كەلۋ“ ”گۋاڭدۇڭ ولكەسىندەگى ءىشىنارا ءتۇيىندى كاسىپورىندار تەكسەرۋ ۇيىرمەسىنىڭ مۇشەسى رەتىندە شينجياڭعا كەلەدى. سەرىكتەستىك ءۇرىمجى قالاسىمەن سيفرلى اكىمشىلىك ىستەر قۇرىلىسى سياقتى جاقتاردا سەلبەستىك نيەتىن جاساستى. ”وسى رەتكى ۋاكىلدەر ۇيىرمەسىنىڭ ساپارلاي كەلۋى ورايىنان پايدالانىپ، ءبىز كوپتەگەن ايماق، وبلىس، قالالاردىڭ باسشىلارىمەن بايلانىس جاساپ، يمپورت - ەكسپورت سيفرلى ساۋداسى، مادەنيەت، ساياحات سياقتى جاقتاردا اناعۇرلىم كوپ سەلبەستىك ورىستەتەمىز“، - دەدى لۋ شياۋحۇڭ.
ۋاكىلدەر ۇيىرمەسىنىڭ مۇشەلەرى ءاربىر تەكسەرۋ تۇيىندەرى، ءار رەتكى اڭگىمە ءماجىلىس ورايىنان تولىق پايدالانىپ، ءوزارا بايلانىس ءتاسىلىن قالدىرىپ، كەڭەستى، سەلبەستىكتى تەرەڭدەتتى. اڭگىمە ءماجىلىس اياقتاعاننان كەيىن، ءىشىنارا ايماق، وبلىس، قالا، مەڭگەرمە، مەكەمەلەردىڭ جاۋاپتىلارى ”ەرىكتى قيمىل“ باستاۋدى اسىعا كۇتتى.
”ءبىز شىنجىن جىڭۋي (توبى) شەكتى سەرىكتەستىگىمەن سەلبەستىك ورىستەتىپ، مىس نەگىزدى جاڭا ماتەريال كاسىپ سالاسى تىزبەگىن ۇزارتتىق“، - دەدى ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي.
”ءبىز گۋاڭجوۋ ۋىنيۋان جىشيڭ عىلىم - تەحنيكا شەكتى سەرىكتەستىگىن 7 - كەزەكتى جۇڭگو − ازيا − ەۆروپا كورمەسىنە قاتىناسىپ، شوفەرسىز جۇرگىزۋ تەحنيكاسىن شينجياڭعا اكەلۋگە ۇسىنىس ەتتىك“، - دەدى اۆتونوميالى رايوندىق ساۋدا مەڭگەرمەسىنىڭ باستىعى ءىلحام وسمان.
حۋاۋي ۇرىمجىدە سيفرلى ەكونوميكا، سيفرلى ۇكىمەت، سيفرلى قوعام سياقتى كاسىپتەرگە قوسىلاتىن بايلىق ۇسىنىلىمىن كۇشەيتۋدى جوسپارلادى، جۇڭگو ەلەكتروندى عىلىم - تەحنيكا توبى سەرىكتەستىگى 7 - زەرتتەۋ ورنى شينجياڭمەن زەردەلى قالا قۇرىلىسى، ارميا مەن حالىق توعىسقان كاسىپ سالاسى جونىندە سەلبەستىك ورىستەتۋدى جوسپارلادى، جىجياڭ ولكەسى ەنەرگيا توبى، شىنجىن تەحنيكا داشۋەسى تاياۋ مەزگىلدە شينجياڭعا كەلىپ تەكسەرۋ جۇرگىزۋدى جوسپارلادى...
ساباقحانا گۋاڭدۇڭدا، جىجياڭدا بولدى، ەمتيحان الاڭى شينجياڭدا بولدى. ءىس تىندىرىپ، شارۋاشىلىق قۇرۋ سەنىمىن بەكەمدەپ، كونەسىن قالدىرىپ، جاڭاسىن ورناتۋعا باتىل بولىپ، ناقتى ىستەپ، جاۋاپكەرشىلىك ارقالاۋ قادامىن باستى. تيانشان الابىندا شاپشاڭ قيمىلداپ، جەلكەن جايا ەكپىندەي ىلگەرىلەۋدىڭ تولاسسىز تولقىنى جوڭكىلدى.
