5 - ايدىڭ 10 - كۇنى كۇنەس اۋدانى نارات كورىنىس ءوڭىرى ساياحاتشىلارعا قىزمەت وتەۋ ورتالىعى نىسان قۇرىلىسىنىڭ جۇمىس باسى (ۇشقىش اپپاراتپەن تۇسىرىلگەن). قازىر وسى نىساننىڭ بولات قۇرىلىمدى نەگىزگى تۇلعالىق قۇرىلىسى اياقتادى، سالىنىپ بىتكەننەن كەيىن، كۇنىنە 50 مىڭ (رەت) ساياحاتشى قابىلداي الادى.
□ سۋرەتتى جاڭ ۋىنتيڭ تۇسىرگەن
انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، اۆتونوميالى رايوندىق مادەنيەت جانە ساياحات مەڭگەرمەسى مادەنيەت جانە ساياحات كاسىپ سالاسىنداعى ءتۇيىندى ساۋداگەر شاقىرۋ، قارجى ەنگىزۋ نىسانىنان 424ىن سالالادى، جيىنى 158 ميلليارد 944 ميلليون يۋان قارجى قوسىلادى، تاياۋدا شينجياڭ مادەنيەت جانە ساياحات كاسىپ سالاسىنا قارجى قوسۋ، قارجى قۇراۋ جونىنەن قىزمەت وتەۋ تۇعىرىنا شىعارىلادى ەكەن.
اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ ورىنباسار باستىعى تاڭ ۋىن بىلاي دەپ تانىستىردى: بيىل 2021 - جىلعى نىساندار نەگىزىندە قار - مۇز ساياحاتى، ”ينتەرنەت + ساياحات“ سياقتى 192 نىسان جاڭادان قوسىلدى.
2020 - جىلى شينجياڭ مادەنيەت جانە ساياحات نىساندارىنا جيىنى 28 ميلليارد 874 ميلليون يۋان قارجى قوستى؛ 2021 - جىلى اۆتونوميالى رايوندىق مادەنيەت جانە ساياحات مەڭگەرمەسىنىڭ كەلەلى مادەنيەت - ساياحات كاسىپ سالاسىنا قارجى قوسۋ نىساندارىنا قوسىلعان قارجى 104 ميلليارد 208 ميلليون يۋانعا جەتتى.
اناعۇرلىم كوپ كۇشى مىعىم ساپالى كاسىپورىنداردى شينجياڭنىڭ مادەنيەت - ساياحات كاسىپ سالاسى بايلىعىن اشۋعا جانە جۇمىس جۇرگىزىپ باسقارۋعا قاتىسۋعا باۋراۋ، مادەنيەت - ساياحات جاعىنداعى ءبىر توپ بەلدى كاسىپورىندى جەتىلدىرۋ ءۇشىن، رايونىمىز شىنجىن مادەنيەت شارۋاشىلىعى كورمە - ساۋدا جينالىسى، گۋاڭجوۋ مادەنيەت اۋىس - كۇيىس جينالىسى سياقتى كورمەلەردەن پايدالانىپ، ساۋداگەر شاقىرىپ قارجى ەنگىزۋ قيمىلدارىن ورىستەتىپ، بۇكىل ەلىمىزدىڭ جەر - جەرىندەگى پەيىل بايقاتقان كاسىپورىنداردى شينجياڭعا كەلىپ قارجى قوسىپ، شارۋاشىلىقتى گۇلدەندىرۋگە باۋرادى.
شينجياڭ مادەنيەت جانە ساياحات كاسىپ سالاسىنا قارجى قوسۋ، قارجى قۇراۋ جونىنەن قىزمەت وتەۋ تۇعىرى بۇكىل رايونىمىزداعى ءتۇيىندى مادەنيەت جانە ساياحات كاسىپ سالاسى نىساندارى قامباسى، كاسىپورىندار قامباسى، فينانستىق قىزمەت وتەۋ، ساۋداگەر شاقىرىپ قارجى ەنگىزۋ ساياساتى، مادەنيەت جاسامپازدىعى ونىمدەرى جانە ساياحات تاۋارلارى ءتىزىمى سياقتى مازمۇنداردى قامتيدى، مادەنيەت - ساياحات كاسىپورىندارى مەن نىساندارى ءۇشىن قارجى قوسۋ، قارجى قۇراۋ قىزمەت وتەۋىن ازىرلەيدى، مادەنيەت - ساياحات كاسىپورىندارىنىڭ دامۋىن سۇيەمەلدەيدى.
