سايكەس مەزگىلدەگى تاريحتاعى ەڭ جوعارى ورەنى جاراتتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 5 - ايدىڭ 13 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 5 - ايدىڭ 8 - كۇنىنە دەيىن، شينجياڭ تەمىر جولىنىڭ بيىلعى جۇك تاسىمال مولشەرى جيىنى 72 ميلليون 325 مىڭ 100 تونناعا جەتىپ، سايكەس مەزگىلدەگىدەن ％12.4 ارتىپ، سايكەس مەزگىلدەگى تاريحتاعى ەڭ جوعارى ورەگە جەتكەن.
تەمىر جول جۇك تاسىمال مولشەرى ەكونوميكالىق دامۋدىڭ بارومەترى، بيىل جىل باسىنان بەرى، شينجياڭنىڭ ەكونوميكالىق دامۋىنىڭ ومىرشەڭدىك كۇشى تاسقىنداپ، تەمىر جول تاراۋلارى بازار قاجەتىنە تىعىز ىلەسىپ، جۇك تاسىمال مولشەرىن ورنىقتى جوعارىلاتتى.
”2022 - جىلى شينجياڭ تەمىر جولىنىڭ جۇك تاسىمال مولشەرى 193 ميلليون 500 مىڭ توننا بولادى دەپ جوسپارلاندى. تۇتاس جىلدىق جۇك تاسىمال مولشەرىن ورىنداۋ ءۇشىن، كۇنىنە ورتا ەسەپپەن، ءسوز جوق، 10 مىڭ ۆاگون، 530 مىڭ توننا جۇك تيەۋ - تاسىمالداۋ كەرەك. سوندىقتان ءبىز ساۋدالاۋ ىستەرىن ويداعىداي ىستەپ، زات قاينارىن كەڭ كولەمدە باۋراپ، كومەسكى كۇشتەردى اشىپ، ونىمدىلىكتى جوعارىلاتىپ، سايكەسە قيمىلداپ، جۇك تۇسىرۋگە، كوپ تيەۋگە، تەز تاسىمالداۋعا كەپىلدىك ەتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمال ءبولىمىنىڭ جاۋاپتىسى.
شينجياڭ تەمىر جول ورنالاستىرۋ تاراۋلارى ءار كۇنگى ۆاگونعا تيەۋ سۇرانىسىنا ساي، تاسىمال جوسپارىن يكەمدى كەمەلدەندىرىپ، ءتۇيىندى زات تاسىمالىن ۇيىمداستىرۋدى كۇشەيتتى. جۇك تاسىمال تاراۋلارى قىزمەت ارناۋلى ءبانىن قۇرىپ، ءتۇيىندى كاسىپورىنداردىڭ اۋىس - كۇيىس جاساۋىن كۇشەيتىپ، كاسىپورىندارمەن ءوزارا قامتاماسىز ەتۋ كەلىسىمىنە قول قويۋدى تياناقتاندىرىپ، كاسىپورىنداردىڭ قاربالاس مەزگىلگە سوقپاي دەمالىس بەرۋ سياقتى شارالاردى سايكەستىرۋ ارقىلى تاسىمال مولشەرىنىڭ ورنىقتى ارتۋىن ساقتادى ءارى ”ءبىر كاسىپورىنعا ءبىر شارا“ بەلگىلەپ، تەمىر كەنى، كومىر، مۇناي ونىمدەرى سياقتى ”تاس جول تاسىمالىن تەمىر جول تاسىمالىنا اينالدىرۋ“ بويىنشا جاڭادان ارتتىرىلعان زات قاينارىن تەرەڭدەي اشىپ، جۇك تاسىمالىنىڭ مولشەرىن جوعارىلاتۋعا نەگىز قالادى.
سونىمەن بىرگە، تەمىر جول تاراۋلارى زات تاسىمال نىساناسىن تۇراقتاندىرىپ، دالمە - ءدال ورنالاستىرۋ جاساپ، قولباسشىلىق ەتىپ، وندىرىسكە ۇيىمداستىرۋدى ساپالىلاندىرىپ، ۋاقىتتى ۇتا پويەزگە جۇك تيەۋدى ۇيىمداستىرىپ، كوپ تاسىمالداپ، تەز جەتكىزۋدى ورىنداۋعا قۇلشىندى.
”ءبىز ءۇرىمجى − جياڭجۇنمياۋ تەمىر جولى جۇك تاسىمالىنىڭ مولشەرىن جوعارىلاتۋدى وزەك ەتۋگە تاباندى بولىپ، تەمىر جولدىڭ يقۋاتىن كەڭەيتۋ، جاڭالاۋ ينجەنەرياسىن ىلگەرىلەتۋ جاعدايىمەن ۇشتاستىرىپ، تاسىمالعا ۇيىمداستىرۋ جوباسىن يكەمدى رەتتەپ، قۇرىلىس جۇرگىزۋ جانە كومىر سياقتى كوپ تۇتىنىلاتىن زاتتاردى تاسىمالداۋدى بىردەي اقساتپاۋعا شىنايى كەپىلدىك ەتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ورنالاستىرۋ ورنى ءوندىرىس جوسپارى كەڭسەسىنىڭ ورىنباسار مەڭگەرۋشىسى جاڭ ميڭ.
كوكتەمگى ەگىس زاتتىق ماتەريالدارىن، كومىر، ماقتا سياقتى ءتۇيىندى زاتتىق ماتەريالداردى تاسىمالداۋدى ويداعىداي ىستەۋمەن بىرگە، تەمىر جول تاراۋلارى قۇرىلىس جۇرگىزۋ ۋاقىت كەزەڭىن ۇيلەسىمدى ورنالاستىرىپ، ”ءىرى قۇراما“ جۇمىس ءتاسىلى ارقىلى لانجوۋ − شينجياڭ تەمىر جولىن شوعىرلى جوندەۋ قىزمەتىن ويداعىداي ىستەپ، جەلى جابدىقتارىنىڭ ساپاسىن جوعارىلاتىپ، تاسىمالدىڭ ىركىلىسسىزدىگىنە كەپىلدىك ەتتى.
تەمىر جول قوس وتكەلى ارناسىندىق رولىنىڭ كۇن سايىن كورنەكتىلەنۋىنە ساي، تەمىر جول تاراۋلارى ۇكىمەت، يمپورت - ەكسپورت كاسىپورىندارى، كەدەن سياقتى تاراۋلارمەن ۇشتاسۋدى كۇشەيتىپ، جۇڭگو − ەۆروپا كەزەكشى پويەزدارىن تاسىمالعا ۇيىمداستىرۋ ءتارتىبىن ساپالىلاندىرىپ، جاسىل قابىلداۋ ارناسىن اشىپ، وتكەلدەن وتكەن زات مولشەرىن ورنىقتى ارتتىردى.
سوڭعى جىلدارى التاي − كوكتوعاي − جۇندۇڭ تەمىر جولى، گولمۇد − كورلا تەمىر جولى، قارامايلى − شاۋەشەك تەمىر جولى سياقتى تەمىر جولداردىڭ سالىنۋىنا ىلەسە، شينجياڭ تەمىر جولىنىڭ جول تورى ۇزدىكسىز ۇزارىپ، جۇك تاسىمال مولشەرى ۇزدىكسىز جوعارى ورلەۋگە كوتەرىلدى. 2020 - جىلى زات تاسىمال مولشەرى 174 ميلليون 800 مىڭ تونناعا جەتىپ، سايكەس مەزگىلدەگىدەن ％1. 15 ارتقان؛ 2021 - جىلعى زات تاسىمال مولشەرى 185 ميلليون 600 مىڭ تونناعا جەتىپ، سايكەس مەزگىلدەگىدەن ％2. 6 ارتقان.
