284 ءتۇرلى تيىمدىلىك جەتكىزۋ شاراسى ناقتى پايدا كورسەتەدى
انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 5 - ايدىڭ 19 - كۇنى 12 - رەتكى ”جۇڭگو ساياحات كۇنى“، تۇتاس شينجياڭنىڭ جەر - جەرى 902 ءتۇرلى مادەنيەت، ساياحات قيمىلىن، 284 ءتۇرلى تيىمدىلىك جاساۋ شاراسىن اتقارادى ەكەن.
بيىلعى ”جۇڭگو ساياحات كۇنىنىڭ“ نەگىزگى تاقىرىبى ”جۇڭحۋا مادەنيەتىن سەزىنىپ، تاماشا ساياحاتتان ءلاززاتتانۋ“. شينجياڭداعى بولىمشە جينالىس ورنى بولعان بۇراتالا موڭعۇل اۆتونوميالى وبلىسى سايرام كولى كورىنىس وڭىرىندە باستالۋ سالتى، قوناقتاردىڭ سەزىنۋ ساياحاتى، ”شينجياڭدى ءسۇيۋ. مەكەندى ساياحاتتاۋ“ بويىنشا 10 مىڭ ءوز كولىگىمەن تيانشاندى ساياحاتتاۋ، بەيزاتتىق مادەنيەت مۇرالارى كورمەسى، فوتو سۋرەت جارىسى، جۇڭگو شينجياڭ 14 - كەزەكتى سايرام كولىن اينالۋ تاس جول مارافون جارىسى سياقتى قيمىلداردى وتكىزەدى. ينتەرنەت جەلىسىنەن تىسقارىدا ساياحاتتاۋ، ينتەرنەت جەلىسىندە تانسىتىرۋ ارقىلى شينجياڭنىڭ ساياحات بايلىعىن جان - جاقتى تانىستىرىپ، مادەنيەت مايەگىن ايگىلەيدى.
سونىمەن قاتار، تۇتاس شينجياڭنىڭ جەر - جەرى باي مازمۇندى، الۋان ءتۇرلى قيمىل وتكىزەدى. ىلە قازاق اۆتونوميالى وبلىسى جۇڭگو. شينجياڭ نارات ساحاراسى مادەنيەت - ساياحات مەرەكەسىن، 2022 ىلە. حالىقارالىق ساياحات اڭعارى قورعاس 11 - كەزەكتى لاۆاندا مادەنيەتى حالىقارالىق ساياحات مەرەكەسىن وتكىزىپ، ”تاڭداۋلى ءداستۇرلى مادەنيەتتى كورىنىس وڭىرلەرىنە جەتكىزۋ“ كونسەرتى سياقتى قيمىلداردى ورىستەتەدى؛ ءۇرىمجى قالاسى شينجياڭ بايىرعى ەكولوگيالىق باقشا كورىنىس ءوڭىرى جالپى حالىقتىق دوۋيىن جارىسىن، ءداستۇرلى جازبا كوشىرمەسى مادەنيەت كوركەمونەر كورمەسىن وتكىزەدى؛ تارباعاتاي ايماعى 16 - كەزەكتى شينجياڭ تارباعاتاي شاعانتوعاي تاۋ گۇلى مەرەكەسى، جايلاۋ مۋزيكا مەرەكەسى سياقتىلاردى وتكىزەدى.
ىندەتتەن ساقتانۋ - تىزگىندەۋ قىزمەتىن ويداعىداي ىستەۋ العى شارتىندا، رايونىمىزدىڭ كورىنىس وڭىرلەرى كەشىرىم ەتۋ، باعاسىن ارزانداتۋ سياقتى تيىمدىلىك جاساۋ شارالارىن اتقارىپ، مادەنيەت جانە ساياحات تۇتىنۋ بەلەتىن تاراتادى. 5 - ايدىڭ 19 - كۇنى شينجياڭ بايىرعى ەكولوگيالىق باقشاسى كورىنىس ءوڭىرى ەسىك بەلەتىن جارىم باعا ارزانداتادى، قارامايلى قالاسى ورقى رايونى باتىس بولىك ۋجىن قالاشىعى 100 يۋاندىق جاتىن ورىن ورنىنا تولەۋ بەلەتىن تاراتادى؛ بۇراتالا وبلىسىنداعى بارلىق كورىنىس وڭىرلەرى، تارباعاتاي ايماعىنداعى 68 كورىنىس ءوڭىرى، ۇلۇقشات اۋدانىنداعى كورىنىس وڭىرلەرىنىڭ ءبارى، قارامايلى قالاسى قارامايلى رايونىنداعى A دارەجەلى 9 ساياحات كورىنىس ءوڭىرى، ءپايزاۋات اۋدانىنداعى توراڭعى ەكولوگيالىق باقشاسى كورىنىس ءوڭىرى جانە ورمان ساياحاتى ەكولوگيالىق باقشاسى كورىنىس ءوڭىرى سياقتىلاردىڭ ءبارى ەسىك بەلەتىن كەشىرىم ەتەدى. ساياحات كووپەراتيۆتەرى دە جەلىلەس تيىمدىلىك جاساۋ قيمىلدارىن العا قويادى. قارامايلى قالاسى شينجياڭ توفىڭ حالىقارالىق ساياحات كووپەراتيۆى ”سولتۇستىك باعىت“ جەمەنەي − قاناس ءوز كولىگىمەن 4 كۇندىك ساياحاتىن، ”وڭتۇستىك باعىت“ G219 تاس جولى − ءتورجايلاۋ − قاراجون − مايتاۋ ءوز كولىگىمەن 5 كۇندىك ساياحاتىن ％10 ارزانداتۋدى العا قويدى ءارى شينجياڭ ىشىندە، مەملەكەت ىشىندە اقشا ورنىنا جۇرەتىن قۇندى قاعاز تاراتادى.
