اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى اشىلدى
اۆتونوميالى رايوندىق پارتكومنىڭ تۇراقتى كوميتەتى ءماجىلىستى باسقاردى، ما شيڭرۇي قىزمەتتەن بايانداما جاسادى ءارى ءسوز سويلەدى
«جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى ءۇشىنشى جالپى ءماجىلىسىنىڭ شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋ جونىندەگى قارارىن» قاراپ ماقۇلدادى
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءۇشىنشى جالپى ءماجىلىسى 5 - ايدىڭ 14 - كۇنىنەن 15 - كۇنىنە دەيىن ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەتتەن بايانداما جاسادى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 15 - كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتىنىڭ ءۇشىنشى جالپى ءماجىلىسى 5 - ايدىڭ 14 - كۇنىنەن 15 - كۇنىنە دەيىن ۇرىمجىدە اشىلدى. ءماجىلىستىڭ نەگىزگى مىندەتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنىپ، دايەكتىلەندىرىپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى كوزدە ۇستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، زاڭمەن باسقارىلاتىن شينجياڭ قۇرىلىسىن جاپپاي ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، باسقارۋ جۇيەسى مەن باسقارۋ قابىلەتىن وسىزامانداندىرۋدى تىڭعىلىقتى ىلگەرىلەتىپ، قوعام ورنىقتىلىعى مەن باياندى تىنىشتىقتى قۇلشىنا ىلگەرىلەتىپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى قۇلشىنا ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ.
ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. ءماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 - كەزەكتى كوميتەتى ءۇشىنشى جالپى ءماجىلىسىنىڭ شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا ىلگەرىلەتۋ جونىندەگى قارارىن» قاراپ ماقۇلدادى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەتتەن بايانداما جاسادى ءارى جالپى ءماجىلىستىڭ رۋحىن دايەكتىلەندىرۋ، تياناقتاندىرۋ جونىندە ءسوز سويلەدى؛ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ەكونوميكالىق قىزمەت ارناۋلى تاقىرىبىندا ءسوز سويلەدى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەردى، باس شۋجي شي جينپيڭ شينجياڭنىڭ ورنىقتىلىعىن، دامۋىن كوكەيىندە ساقتاپ، شينجياڭداعى ءار ۇلت حالقىنا سۇيىسپەنشىلىكپەن كوڭىل ءبولىپ، شينجياڭ قىزمەتىن ستراتەگيالىق تۇرعىدان باعامداپ جانە جوبالاپ، ءبىرسىپىرا ماڭىزدى ءسوز سويلەپ، ءبىرسىپىرا ماڭىزدى نۇسقاۋ، بەكىتۋ جاساپ، شينجياڭ قىزمەتىنە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. پارتيا ورتالىق كوميتەتىنىڭ شينجياڭ قىزمەتى جونىندەگى ستراتەگيالىق ورىن تۇراقتاندىرۋى مەن ستراتەگيالىق وي جۇگىرتۋىن تەرەڭ ءتۇسىنىپ، باتىلدىقپەن جاۋاپكەرشىلىك ارقالاپ، بورىشتى، اۋىر مىندەتتى ورىنداپ، جاڭا جورىقتا بۇكىل رايونداعى ءار ۇلت كادرلارى مەن بۇقاراسىن ىنتىماقتاستىرىپ، باستاپ، بۇلجىماستان باس شۋجي شي جينپيڭ نۇسقاعان دۇرىس بەتالىستى بويلاپ ارشىندى قاداممەن العا ىلگەرىلەپ، شينجياڭنىڭ رەفورماسىنىڭ، دامۋىنىڭ، ورنىقتىلىعىنىڭ ءىس جۇزىندىك ناتيجەلەرىمەن بۇكىل رايونداعى ءار ۇلت حالقىن باقىتقا كەنەلتۋگە قۇلشىنۋ كەرەك.
ماجىلىس 13 جاقتاعى ءتۇيىندى قىزمەتتەرگە ورنالاستىرۋ جاسادى: ءبىرىنشى، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، شينجياڭدى زاڭمەن جونگە سالۋدى جاپپاي ىلگەرىلەتىپ، شينجياڭ قىزمەتتەرىنىڭ زاڭمەن باسقارۋ ارناسىندا جۇرىلۋىنە شىنايى كەپىلدىك ەتۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن جونگە سالۋدى اناعۇرلىم كورنەكتى ورىنعا قويىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولىپ، ءار دارەجەلى باسشى كادرلاردىڭ شينجياڭدى زاڭمەن جونگە سالۋ قابىلەتىن ۇزدىكسىز جوعارىلاتىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك. ەكىنشى، سوتسياليستىك زاڭمەن باسقارۋ تۋىن بيىك ۇستاپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن باتىل قورعاۋ كەرەك. ساياسات - شارالار مەن ءادىس - تاسىلدەردى ونان ارى ساپالىلاندىرىپ، زاڭ بويىنشا قاتاڭ سوققى بەرۋدىڭ تەگەۋرىندى كۇيىن ساقتاۋدان اۋىتقىماي، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى، ارنايىلاندىرۋدى ىلگەرىلەتىپ، حاۋىپ - قاتەردەن ساقتانۋ - تىزگىندەۋ جانە ورنىقتىلىقتى قورعاۋ قىزمەتى مەحانيزمىن اقاۋسىزداندىرىپ، كەمەلدەندىرىپ، ءتۇرلى قوعامدىق قايشىلىقتاردى جويۋ قىزمەتىن زاڭ بويىنشا، ەرەجە بويىنشا ويداعىداي ىستەۋ كەرەك. ءۇشىنشى، زاڭمەن باسقارۋ تاسىلىنەن پايدالانىپ سىرتپەن بولعان كۇرەستى ورىستەتىپ، سىرتپەن بولعان كۇرەس قابىلەتىن كۇش سالا جوعارىلاتىپ، شينجياڭ ءۇنىن كوپ ارنامەن تاراتىپ، ”كىرگىزۋ“ ارقىلى ەسىك اشۋدى كەڭەيتىپ، ”شىعارۋ“ ارقىلى اۋىس - كۇيىستى تەرەڭدەتىپ، حالىقارالىق قوعامنىڭ شينجياڭ جونىندەگى تانىمىن كۇشەيتۋ كەرەك. ءتورتىنشى، پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، ۇلتتار ىنتىماعىن ۇزدىكسىز بەكەمدەۋ، دامىتۋ كەرەك. جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋ - ءتۇسىندىرۋ مەن ۇگىت تاربيەسىن كۇشەيتىپ، مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن جانە جالپىلاستىرىپ قولدانۋدى جاپپاي ىلگەرىلەتىپ، ۇلتتاردىڭ ارالاسۋ، ىشتەسۋ، توعىسۋ دانەكەرىن اقاۋسىزداندىرۋ، كەمەلدەندىرۋ كەرەك. بەسىنشى، پارتيانىڭ ءدىن قىزمەتى نەگىزگى باعىتىنا تاباندى بولىپ، شينجياڭدا ءىسلام ءدىنىن جۇڭگوشالاندىرۋدى ىشكەرىلەي ىلگەرىلەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ”ءۇش قوسىن“ قۇرىلىسىن كۇشەيتىپ، ءىسلام ءدىنىن جۇڭگوشالاندىرۋ ءدىني ءپان يدەيا قۇرىلىسىن تەرەڭدەتىپ، ءدىن قىزمەتىن زاڭمەن باسقارۋ قۇرىلىسىن كۇشەيتۋ كەرەك. التىنشى، يدەولوگيا قىزمەتىنە باسشىلىق ۇقىعىن مىقتى يگەرىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ، شينجياڭدى مادەنيەتپەن نارلەندىرۋ ينجەنەرياسىن جاپپاي ىشكەرىلەي اتقارۋ كەرەك. سوتسياليستىك وزىق مادەنيەتتى جەتەكشى ەتۋگە تاباندى بولىپ، يدەولوگيا قىزمەتى جاۋاپكەرشىلىك ءتۇزىمىن تياناقتاندىرىپ، مەكتەپتەردىڭ يدەيا - ساياسي تاربيەسىن كۇشەيتىپ، شينجياڭدى مادەنيەتپەن نارلەندىرۋ ينجەنەرياسىنىڭ تياناقتانۋىن، ناقتىلانۋىن ىلگەرىلەتۋ كەرەك. جەتىنشى، ءونىمدى قارجى قوسۋدىڭ شەشۋشى رولىن تولىق ساۋلەلەندىرىپ، عىلىم - تەحنيكادا جاڭالىق اشۋ جاعىنان جەتەكتەۋدى كۇشەيتىپ، وسى زامانعى كاسىپ سالاسى جۇيەسى مەن نەگىزدىك قۇرىلعىلار جۇيەسىن جەدەل قۇرۋ كەرەك. ىشكى سۇرانىستىڭ ەكونوميكانىڭ ارتۋىن جەدەلدەتۋ قۋاتىن شىن مانىندە ارتتىرىپ، عىلىم - تەحنيكانىڭ جەتەكتەۋ رولىن كورنەكتىلەندىرىپ، نازاردى قاتىناس، ەنەرگيا، سۋ يگىلىگى، حابارلاسۋ، قالا - قالاشىق سياقتى سالالارعا شوعىرلاندىرىپ، نەگىزدىك قۇرىلعىلار قۇرىلىسى سەرپىنىن ارتتىرىپ، وسى زامانعى ەگىن، مال شارۋاشىلىعىنىڭ دامۋ ورەسىن جوعارىلاتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋى مەن تيبىن وزگەرتىپ، دارەجەسىن جوعارىلاتۋدى ىلگەرىلەتىپ، وسى زامانعى قىزمەت وتەۋ كاسىبىن بەلسەندى دامىتۋ كەرەك. سەگىزىنشى، جاڭا دامۋ ارناسىنا بەلسەنە قىزمەت وتەپ جانە توعىسىپ، شينجياڭنىڭ سىرتقا ەسىك اشۋ سەرپىنىن ارتتىرىپ، ءتۇرلى بازار تۇلعالارىن دامىتۋ، زورايتۋ كەرەك. جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتىپ، باتىسقا ەسىك اشۋدىڭ كەڭدىگى مەن تەرەڭدىگىن ۇلعايتىپ، بۇكىل ەلدەگى ءبىر تۇتاس اشىق ۇلكەن بازارمەن بەلسەنە توعىسىپ، ءتۇرلى بازار تۇلعالارىنىڭ دامۋ ومىرشەڭدىگىن زور كۇشپەن قاۋلاتىپ، اشىق ەكونوميكالىق ءتۇزىلىستى دامىتۋ قۇرىلىسىن ىلگەرىلەتۋ كەرەك. توعىزىنشى، ەكولوگيالىق ورتانى قورعاۋ قۇرىلىسىن كۇشەيتىپ، سۋ بايلىعىنىڭ ەكونوميكا، قوعام، ەكولوگيا قۇرىلىسىنداعى شەشۋشى رولىن عىلمي ءبىر تۇتاس جوسپارلاپ ساۋلەلەندىرىپ، شينجياڭنىڭ باياندى دامۋىنا قامتاماسىزدىق ازىرلەۋ كەرەك. سۋ ۇنەمدەۋ، سۋ ساقتاۋ، سۋ رەتتەۋ جۇيەسىن قۇرۋدى نەگىزگى قامتاماسىزدىق ينجەنەرياسى ەتىپ، سۋ بايلىعىن ورنالاستىرۋعا باسشىلىق ەتۋ ءتۇزىلىسى مەن باسقارۋ مەحانيزمىن رەتتەپ، كەمەلدەندىرىپ، ءوڭىر اتتاعان كەلەلى سۋ بايلىعىن ورنالاستىرۋ ينجەنەرياسى مەن سۋ بايلىعىن رەتتەۋ - ساقتاۋ قابىلەتى قۇرىلىسىن جۇيەلى ىلگەرىلەتىپ، سۋ بايلىعىن شوعىرلى، ۇنەمدى پايدالانۋدى جۇيەلى كۇشەيتىپ، ەكولوگيالىق ورتانى قورعاۋ قۇرىلىسىن جۇيەلى تۇردە ويداعىداي يگەرۋ كەرەك. ونىنشى، حالىقتى وزەك ەتۋگە تاباندى بولىپ، جۇمىستاندىرۋدى كەڭەيتۋ، كىرىستى ارتتىرۋدى جەبەۋ، حالىق تۇرمىسىنا تيىمدىلىك جاساۋ قىزمەتتەرىن امالىن تاۋىپ ويداعىداي ىستەپ، ءار ۇلت بۇقاراسىنىڭ قۇت - ىرىسىن ۇزدىكسىز ارتتىرۋ كەرەك. جۇمىستاندىرۋدى الدىمەن ويلاستىرۋ ستراتەگياسىن كۇشەيتىپ، جۇمىستاندىرىپ، كىرىستى ارتتىرۋدى ورنىقتى كەڭەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ءتۇيىلىستىرۋدى ىلگەرىلەتىپ، نەگىزگى الەۋمەتتىك قىزمەت وتەۋ مەن قوعامدىق قامتاماسىزداندىرۋ ورەسىن جوعارىلاتىپ، الەۋمەتتىك حاۋىپسىزدىك ساقتانۋ - قورعانۋ تورىن ءجيى، بەرىك توقۋ كەرەك. ون ءبىرىنشى، نازاردى جاڭا داۋىردەگى بيڭتۋاننىڭ بورىش - مىندەتىنە شوعىرلاندىرىپ، بيڭتۋاننىڭ وڭتۇستىككە قاراي دامۋىن ىلگەرىلەتۋدە ماندىك ىلگەرىلەۋشىلىككە قول جەتكىزۋدى جەبەپ، بيڭتۋاننىڭ رەفورمانى تەرەڭدەتۋىن زور كۇشپەن ىلگەرىلەتىپ، بيڭتۋان مەن جەرگىلىكتى ورىننىڭ توعىسپالى دامۋىن جەبەۋ كەرەك. ون ەكىنشى، جۇڭگوشا سوتسياليستىك ساياسي تۇزىمگە تاباندى بولىپ، حالىق قۇرىلتايىنىڭ زاڭ شىعارۋ، باقىلاۋ، ۋاكىلدىك رولى مەن ساياسي كەڭەستىڭ ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، اقىل - كەڭەس بەرۋ رولىن اناعۇرلىم ويداعىداي ساۋلەلەندىرىپ، ۇلكەن بىرلىكساپ قىزمەتى ارناسىن كۇش سالا قالىپتاستىرىپ، بۇقارالىق توپتار مەن ۇيىمداردىڭ رولدارىن اناعۇرلىم ويداعىداي ساۋلەلەندىرۋىن قولداپ، جالپى بارىستىق حالىق دەموكراتياسىن دامىتىپ، ءارقايسى جاقتاردىڭ كۇش - قۋاتىن ۇيىستىرۋ كەرەك. ون ءۇشىنشى، جاڭا داۋىردەگى پارتيا قۇرىلىسىنىڭ جالپى تالابىن جاپپاي تياناقتاندىرىپ، پارتيانى جاپپاي قاتاڭ باسقارۋعا تاباندى بولىپ، دۇرىس ادام تاڭداۋ، ادام ىستەتۋ بەتالىسى ارقىلى تاماشا ساياسي ەكولوگيا قالىپتاستىرۋ كەرەك. پارتيانىڭ ساياسي قۇرىلىسىن باسشىلىققا الىپ، شينجياڭنىڭ پارتيا قۇرىلىسىن جاپپاي كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان ءار ۇلت كادر - دارىندىلارى قوسىنىن قۇرىپ، پارتيانىڭ نەگىزگى ساتى ۇيىمى قۇرىلىسىن كۇشەيتىپ، ورتالىقتىڭ 8 ءتۇرلى بەلگىلەمەسىن جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ اتقارىپ، شىرىكتەسۋگە قارسى تۇرۋ كۇرەسىن ىشكەرىلەي ورىستەتىپ، ورنىقتىلىق بارىسىندا ىلگەرىلەپ، شينجياڭدى باياندى كوركەيتۋ قىزمەتتەرىن ويداعىداي ىستەۋ كەرەك.
ءماجىلىس مىنالاردى باسا دارىپتەدى: وڭتۇستىك شينجياڭ قىزمەتىن ماڭىزدىنىڭ ماڭىزدىسى ەتۋگە تاباندى بولىپ، ورتالىقتىڭ وڭتۇستىك شينجياڭنىڭ دامۋىن قولداۋداعى تيىمدىلىك ساياساتتارىن جاپپاي تياناقتاندىرىپ، بۇكىل رايوننىڭ كۇش - قۋاتىنىڭ ساياساتتىق دەمەۋ، قازىنا قۋاتىن ءبولۋ، كادر - دارىندىلار ارقىلى قامتاماسىز ەتۋ، سۋ بايلىعىن ورنالاستىرۋ سياقتى جاقتاردا قولداۋ سەرپىنىن ارتتىرۋىن ءبىر تۇتاس جوسپارلاپ، وڭتۇستىك شينجياڭنىڭ رەفورما، دامۋ، ورنىقتىلىق قىزمەتتەرىنىڭ جاڭا ىلگەرىلەۋشىلىككە قول جەتكىزۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: بيىل جىل باسىنان بەرى بۇكىل رايوننىڭ ەكونوميكالىق اينالىمى جالپى جاقتان ورنىقتىلىق بارىسىندا ىلگەرىلەپ، ورنىقتىلىق بارىسىندا جاقسارىپ، تۇتاس جىلدىق نىسانا - مىندەتتەردى ورىنداۋعا بەرىك نەگىز قالادى. ەكونوميكالىق، قوعامدىق دامۋ مەن ورنىقتىلىقتى قورعاۋ قىزمەتتەرىن ءبىر تۇتاس جوسپارلايتىن قىزمەت بەتالىسىن ورناتىپ، اۋقىمنىڭ وزگەرىسىن جاپپاي، دالمە - ءدال يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ستراتەگيالىق تاباندىلىقتى ساقتاپ، دامۋ سەنىمىن كۇشەيتىپ، اۋىل شارۋاشىلىعى ءوندىرىسى، ونەركاسىپتە ارتۋدى ورنىقتىرۋ، قىزمەت وتەۋ كاسىبىنىڭ ومىرشەڭدىگىن كۇشەيتۋ، كەلەلى نىسان قۇرىلىسى، اشىق تۇعىر قۇرىلىسى، جاسىل، تومەن كومىر قىشقىل گازدى دامۋ، شارۋاشىلىق - ساۋدا ورتاسىن ساپالىلاندىرۋ، قازىنا - فينانس، حالىق تۇرمىسىن قامتاماسىزداندىرۋ، جاقسارتۋ، ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگى سياقتى قىزمەتتەردى كۇش سالا ويداعىداي يگەرۋ كەرەك.
ءماجىلىس مىنالاردى باسا دارىپتەدى: دۇرىس ناتيجە كوزقاراسىن ورناتىپ جانە امالياتتا ايگىلەپ، حالىقتى باقىتقا كەنەلتۋدى ەڭ ۇلكەن ناتيجە ساناپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ەڭبەك ماعان جازىلماسا دا بولادى“ دەيتىن رۋحاني دەڭگەيدى جانە ”ەڭبەك كورسەتۋدە مەن بولماسام بولمايدى“ دەيتىن ساياسي جاۋاپكەرشىلىكتى ساقتاپ، ”ءاردايىم قام جەپ تۇراتىن“ جاۋاپكەرشىلىك سەزىممەن فورماشىلدىقتان، تورەشىلدىكتەن باتىل ساقتانىپ، شىن مانىندە يدەيانى ازات ەتىپ، رەفورمالاۋ، جاڭالىق اشۋ سەرپىنىن ارتتىرىپ، شىنايى يگەرىپ، ناقتى ىستەپ، شىندىققا جۇگىنىپ، ناقتى ىستەپ، ”قاراقۋ“، ”سۇر ءمۇيىزتۇمسىق“ وقيعالارىنىڭ تۋىلۋىنان ساقتانىپ، قالىڭ كادر - بۇقارانى ىنتىماقتاستىرىپ، باستاپ، ءبىر نيەتپەن سەلبەسىپ، قايسارلىقپەن ايانباي كۇرەسىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ اناعۇرلىم نىق قادام باسۋىن قۇلشىنا ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكى كەلەلى جاعدايدى“ ەستەن شىعارماي، ”مەملەكەتتىڭ زور ىستەرىن“ كوكەيدە ساقتاپ، پارتيا قۇرۋ ۇلى رۋحىن اسقاقتاتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا شينجياڭنىڭ اناعۇرلىم كوركەم بولاشاعىن قۇلشىنا اشۋ كەرەك.
وسى رەتكى جالپى ماجىلىسكە اۆتونوميالى رايوندىق پارتكومنىڭ مۇشەلەرىنەن 74 ادام، كانديدات مۇشەلەردەن 15 ادام قاتىناستى.
اۆتونوميالى رايوندىق پارتكومنىڭ مۇشەسى ەمەس، كانديدات مۇشەسى ەمەس ولكە دارەجەلى باسشى جولداستار؛ اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى؛ اۆتونوميالى رايونعا (ورتالىققا) توتە قاراستى ورىندار، بيڭۋاننىڭ ورگاندارى مەن توتە قاراستى ورىندارى، اۆتونوميالى رايوننىڭ ايماق، وبلىس، قالالارى، اۋدان، قالا، رايوندارى جانە بيڭتۋاننىڭ شى، قالالارى، 19 ولكە - قالانىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى سياقتىلارداعى جاۋاپتى جولداستار ماجىلىسكە سىرتتاي قاتىناستى.
