جۇڭگو كوممۋنيستىك پارتياسى ورتالىق كوميتەتى كەڭسەسى «پىكىر» باسىپ تاراتتى
جاڭا داۋىردەگى دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىن كۇشەيتەيىك
شينحۋا اگەنتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «جاڭا داۋىردەگى دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىن كۇشەيتۋ جونىندەگى پىكىردى» (تومەندە قىسقارتىلىپ «پىكىر» دەلىندى) باسىپ تاراتتى ءارى حابارلاندىرۋ تاراتىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرىپ، دەن قويا دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار باسا دارىپتەلدى: دەمالىسقا، زەينەتكە شىققان كادرلار پارتيا مەن مەملەكەتتىڭ قىمباتتى بايلىعى، جاڭا داۋىردەگى جۇڭگوشا سوتسياليزم ۇلى ىستەرىن ىلگەرىلەتەتىن ماڭىزدى كۇش. ساقا كادرلار قىزمەتى پارتيامىز قىزمەتىندە ەرەكشە ماڭىزدى ورىنعا يە، جۇڭگو كوممۋنيستىك پارتياسىنىڭ پارتيا قۇرىلىسىنىڭ ءبىر ەرەكشەلىگى. جاڭا داۋىردەگى دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىن كۇشەيتۋ پارتيانى جاپپاي قاتاڭ باسقارۋ ستراتەگيالىق باعىتىن دايەكتىلەندىرۋ، تياناقتاندىرۋ، جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىن ىشكەرىلەي ىلگەرىلەتۋ، قالىڭ دەمالىسقا، زەينەتكە شىققان كادرلاردى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى ويداعىداي ىنتىماقتاستىرىپ، ۇيىستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ەكىنشى 100 جىلدىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بەلسەنە اقىل - پاراسات جانە كۇش - قۋات ارناۋ جونىنەن ماڭىزدى ءمان الادى.
«پىكىردە» مىنالار اتاپ كورسەتىلدى: ساياسي جاقتان جەتەكتەۋدى كۇشەيتىپ، دەمالىسقا، زەينەتكە شىققان كادرلاردى، پارتيا مۇشەلەرىن جاڭا داۋىردەگى پارتيانىڭ جاسامپاز نازارياسىن ىشكەرىلەي ۇيرەنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن سانالى تۇردە امالياتتا ايگىلەپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا ۇيىمداستىرىپ، جەتەكشىلىك ەتىپ، دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ ۇزدىكسىز پارتيانىڭ سوزىنە قۇلاق اسىپ، پارتياعا ىلەسۋىنە شىنايى كەپىلدىك ەتۋ كەرەك. ۇيىمنىڭ رولىن كۇشەيتىپ، ۇيىمنىڭ قامتىمىن كەڭەيتىپ، ۇيىمدىق تۇرمىستى قاتايتىپ، ”ۇيىمنىڭ ورنالاسۋى جاقسى، القا قۇرىلىسى جاقسى، پارتيا مۇشەلەرى قوسىنى جاقسى، ۇيرەنۋ قيمىلى جاقسى، رولىن ساۋلەلەندىرۋى جاقسى، تۇزىمگە تاباندى بولۋى جاقسىنى“ ولشەم ەتىپ، ۇلگى كورسەتەتىن پارتيا ياچەيكاسىن قۇرۋ قيمىلىن ورىستەتىپ، دەمالىسقا، زەينەتكە شىققان كادرلاردى، پارتيا مۇشەلەرىن ونان ارى ۇيىمداستىرۋ، ۇيىستىرۋ كەرەك. باسقارۋدى، باقىلاۋدى كۇشەيتىپ، داعدىلى باسقارۋدى كۇشەيتىپ، دەمالىسقا، زەينەتكە شىققان كادرلاردان، پارتيا مۇشەلەرىنەن، اسىرەسە، كەزىندە باسشىلىق مىندەت وتەگەن كادرلاردان، پارتيا مۇشەلەرىنەن قاتىستى تارتىپتەرگە، قاعيدالارعا قاتاڭ بويسۇنۋدى تالاپ ەتىپ، دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ پارتيالىلىق كوزقاراسى مەن پارتيا ءتارتىبى تانىمىن ونان ارى كۇشەيتۋ كەرەك. ىنتالاندىرۋدى، قامقورلىق جاساۋدى كۇشەيتىپ، ۇگىتتەۋدى، ماداقتاۋ - سيلاۋدى كۇشەيتىپ، قىزمەت وتەۋدى ويداعىداي ىستەپ، دەمالىسقا، زەينەتكە شىققان كادرلاردىڭ، پارتيا مۇشەلەرىنىڭ ساياسي باسىمدىعىن، تاجىريبە باسىمدىعىن، بەدەل باسىمدىعىن تولىق ساۋلەلەندىرىپ، پارتيانىڭ جاپپاي باسشىلىعىنا تاباندى بولۋ، پارتيا قۇرۋ ۇلى رۋحىن اسقاقتاتۋ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى جونىندەگى حيكايالاردى ويداعىداي بايانداۋ، جوعارى ساپالى دامۋدى ىلگەرىلەتۋ، نەگىزگى ساتىنى باسقارۋدى كۇشەيتۋ، سوتسياليستىك وزەكتى قۇن كوزقاراسىن امالياتتا ايگىلەۋ، ۇرپاقتارعا كوڭىل ءبولۋ قىزمەتىنە بەلسەنە ات سالىسۋ سياقتى جاقتاردى ارقاۋ ەتە وتىرىپ، دەمالىسقا، زەينەتكە شىققان كادرلاردى، پارتيا مۇشەلەرىن پارتيا مەن مەملەكەت ىستەرىنە جاڭا ۇلەس قوسۋعا ۇيىمداستىرۋ، جەتەلەۋ كەرەك.
«پىكىردە» ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن تياناقتاندىرىپ، قىزمەت قوسىنىن كۇشەيتىپ، نەگىزدىك قامتاماسىزدىقتى كەمەلدەندىرىپ، بەلسەنە ءورىس اشا جاڭالىق اشىپ، دەمالىسقا، زەينەتكە شىققان كادرلاردىڭ پارتيا قۇرىلىسىن تىڭعىلىقتى ىستەۋدى پارمەندى قامتاماسىز ەتۋ كەرەكتىگى باسا دارىپتەلدى. ءار دارەجەلى پارتكومدار (پارتيا باسشىلىق گرۋپپاسى) دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتى تۇلعالىق جاۋاپكەرشىلىگىن شىن مانىندە اتقارۋى، پارتكوم (پارتيا باسشىلىق گرۋپپاسى) شۋجيى ءبىرىنشى جاۋاپتى ادامنىڭ قىزمەت جاۋاپكەرشىلىگىن اتقارۋى كەرەكتىگى، دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىنىڭ ءونىمدى جۇمىس مەحانيزمىن، قاراجاتتى قامتاماسىز ەتۋ مەحانيزمىن كەمەلدەندىرىپ، قىزمەت كۇشتەرىن تولىقتاپ، مىقتىلاردان سەپتەپ، دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىنىڭ ينفورماتسيالانۋىن، دالدىگىن، ارناعا ءتۇسۋىن ىلگەرىلەتىپ، دەمالىسقا، زەينەتكە شىققان كادرلاردىڭ پارتيا قۇرىلىسى قىزمەتىنىڭ داۋىرلىك سيپاتىن، باعىتتامالىلىعىن، ناقتى ونىمدىلىگىن ۇزدىكسىز كۇشەيتىپ، پارتيا قۇرىلىسىن جەتەكشى ەتە وتىرىپ جاڭا داۋىردەگى دەمالىسقا، زەينەتكە شىققان كادرلار قىزمەتىنىڭ جوعارى ساپالى دامۋىن ىلگەرىلەتۋ كەرەكتىگى باسا دارىپتەلدى.
