شينجياڭ قىزمەتى ءۇشىن بەتالىستى ايقىنداپ، جول قاراستىرىپ، جاڭا تاراۋ اشتى
− اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ماجىلىسىنەن ەستەلىك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي
جازعىتۇرىم، 5 - اي، گۇل - بايشەشەكتەر قۇلپىرا اشىلعان. 5 - ايدىڭ 14 - ، 15 - كۇندەرى بۇكىل رايونداعى ءار ۇلت كادر - بۇقاراسى اسىعا كۇتكەن اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى ۇرىمجىدە اشىلىپ، شينجياڭ قىزمەتى ءۇشىن ىشكەرىلەگەن تۇردە بەتالىستى ايقىنداپ، جول قاراستىرىپ، جاڭا تاراۋ اشتى.
شينجياڭ حالىق سارايى قىزۋ مەرەيلى، سالتاناتتى بەينەگە شومدى. اۆتونوميالى رايوندىق پارتكومنىڭ شينجياڭنىڭ دامۋى جونىندە تەرەڭ وي جۇگىرتۋى مەن جوسپارلاۋى، ماجىلىسكە قاتىناسقانداردىڭ ىستىق ىقىلاستى ءۇمىتى، جوعارىدان تومەنگە دەيىنگىلەردىڭ ءبىر نيەتپەن قۇلشىنا العا ىلگەرىلەيتىن سەنىمى مەن بەكىمى ماجىلىسكە بوياۋى قانىق اۋەن سيلادى.
اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتى اتىنان قىزمەتتەن بايانداما جاساپ، شينجياڭدى زاڭمەن جونگە سالۋدى جاپپاي ىلگەرىلەتۋدى كورنەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى تىعىز ارقاۋ ەتە وتىرىپ، 13 جاقتاعى ءتۇيىندى قىزمەت جونىندە جۇيەلى بايىمداۋ جاسادى.
كوپشىلىك زەيىن قويا، مۇقيات تىڭداپ، ەگجەي - تەگجەيلى زەردەلەي وقىپ، ىجداعاتپەن ەستەلىك الدى. باياندامانى تىڭداپ وتىرعان جۇرت ءجىتى قاداعالايتىن تۇستارعا، ءتۇيىندى جەرلەرگە كەلگەندە ءالسىن - ءالى قىزۋ شاپالاق سوعىپ وتىردى.
باياندامانىڭ جاسالۋىنا ىلەسە، شينجياڭنىڭ زاڭمەن باسقارۋ ارقىلى رەفورماعا، دامۋعا، ورنىقتىلىققا جەتەكشىلىك ەتۋىنىڭ، شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتۋىنىڭ جول كارتاسى اناعۇرلىم ايقىندالا ءتۇستى.
كوپشىلىك بۇنىڭ باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن اناعۇرلىم تولىق، جان - جاقتى تياناقتاندىرۋ ەكەندىگىن، بيىل جىل باسىنان بەرى اۆتونوميالى رايوندىق پارتكومنىڭ قىزمەت وي جەلىسىنىڭ ونان ارى جوعارى دەڭگەيگە كوتەرىلۋى جانە ايگىلەنۋى ەكەندىگىن، ونان دا ماڭىزدىسى، تيانشان الابىندا كورىنىس بەرگەن شىت جاڭا رايمەن ۇندەسىپ، ءوزارا ساي كەلگەندىگىن شىنايى سەزىندى.
ءىس جۇزىندە اۆتونوميالى رايوندىق پارتكومنىڭ وسى رەتكى ءماجىلىستى ويداعىداي اشۋ ءۇشىن قىرۋار قىزمەت ىستەگەندىگىن كوپشىلىك كورىپ - ءبىلىپ وتىر − اۆتونوميالى رايوندىق پارتكومداعى نەگىزگى باسشىلار باستاماشى بولىپ تەكسەرۋ - زەرتتەۋ جۇرگىزىپ، تيانشان الابى، قالالار مەن اۋىل - قىستاقتار، زاۆود، كاسىپورىن سياقتىلاردى ىشكەرىلەي ارالاپ، ناقتى جاعدايدى ىشكەرىلەي ۇعىسىپ، جان - جاقتى يگەردى؛ ءتۇرلى ماجىلىستەر اشىپ ورنىقتىلىق، ەكونوميكا، سۋ يگىلىگى سياقتى ارناۋلى قىزمەتتەردى اقىلداسىپ، پىكىر - ۇسىنىس تىڭداپ، دۇرىس تۇسىنىك، سىندارلى كوزقاراستاردى توپتادى؛ جالپى ءماجىلىس حۇجاتتارىن كوپ رەت اقىلداسىپ، كەمەلدەندىرىپ، پارتيا ورتالىق كوميتەتىنىڭ تالابىنا اناعۇرلىم ۇيلەسۋگە، شينجياڭنىڭ ءىس جۇزىندىگىنە جاناسۋعا، ءار ۇلت حالقىنىڭ قاجەتىنە ساي كەلۋگە كۇش سالدى.
مىعىم دايىندىق بولعاندىقتان دا، وسى رەتكى ماجىلىستە تۇراقتانعان شينجياڭنىڭ رەفورما، دامۋ، ورنىقتىلىق قىزمەتتەرىنىڭ وي جەلىسى اناعۇرلىم ايقىن، بەتالىسى اناعۇرلىم انىق بولدى. اۆتونوميالى رايوندىق ءادىليا مەڭگەرمەسىنىڭ باستىعى ءانۋار سەيىت بىلاي دەدى: ”باياندامانىڭ دەڭگەيى بيىك، بەتالىسى ايقىن، شارالارى ناقتى بولىپ، يدەيانى بىرلىككە كەلتىرىپ، كۇشتەردى شوعىرلاندىردى، ءبىزدى ايرىقشا جىگەرلەندىردى“.
گرۋپپالار جيىنىنداعى تالقى رايى ايرىقشا دۋماندى بولدى. كوپشىلىك جۇرەكپەن تۇيسىنە، وي تارازىسىنا سالا وتىرىپ اقتارىلا اسەرلەرىن سويلەپ، جاعدايعا تالداۋ جاساپ، بولاشاقتى جوسپارلادى.
سەنىم، بەتالىس، جىگەرلەنە ۇمتىلۋ، تياناقتاندىرۋ... ماجىلىسكە قاتىناسقاندار ءجيى - ءجيى اۋىزعا العان سوزدەر جينالىستىڭ سالماعىنىڭ اۋىرلىعىن، جوسپارلارىنىڭ ناقتىلىعىن كورسەتىپ وتىردى.
”جاڭا داۋىردەگى پارتيانىڭ شينجياڭدى جونگە سالۋ جالپى جوباسى ءبىر ولشەم سىزعىش، شينجياڭنىڭ ءتۇرلى قىزمەتتەرىنىڭ بارلىعىن وسى سىزعىشپەن ولشەۋىمىز كەرەك“. تولى اۋداندىق پارتكومنىڭ شۋجيى مان يۇيحۋ مىنانى ءبىلدىردى: ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ جونىندە اناعۇرلىم تەرەڭ تانىم، اناعۇرلىم ءدال تۇسىنىك قالىپتاستىردىق، تياناقتاندىرۋىمىز دا، ءسوز جوق، اناعۇرلىم جان - جاقتى بولادى.
”مىزعىماس تاباندىلىقپەن شي جينپيڭنىڭ زاڭمەن باسقارۋ يدەياسى ارقىلى شينجياڭنىڭ رەفورما، دامۋ، ورنىقتىلىق قىزمەتتەرىنە جەتەكشىلىك ەتۋ كەرەك“. تارىم داشۋەسىنىڭ باستىعى جاڭ ايپيڭ ءماجىلىس شينجياڭدى زاڭمەن جونگە سالۋدى اناعۇرلىم كورنەكتى ورىنعا قويىپ، قوعام ورنىقتىلىعى، ەكونوميكانى دامىتۋ، حالىق تۇرمىسىن قامتاماسىز ەتۋ سياقتى ءتۇرلى قىزمەتتەردى جان - جاقتى ورنالاستىردى، ءسوز جوق، شينجياڭدا جاڭا جاعداي جارىققا شىعارادى دەپ قارادى.
”ءماجىلىستىڭ وي جەلىسى شينجياڭنىڭ ءىس جۇزىندىگىنە ايرىقشا ۇيلەسەدى، اسا كۇشتى باعىتتامالىق سيپاتقا جانە ناقتى جەتەكشىلىك سيپاتقا يە، ءبىزدىڭ كەلەسى قادامداعى قىزمەتتەردى ورىستەتۋىمىزدىڭ پارمەندى جەتەكشىسى بولىپ تابىلادى“، - دەدى ىلە قازاق اۆتونوميالى وبلىستىق پارتكومنىڭ شۋجيى پۋ شۋەمەي.
”ماقۇلداندى“! 5 - ايدىڭ 15 - كۇنى تۇستەن بۇرىن قىزۋ شاپالاق ءۇنى ىشىندە جالپى ءماجىلىس قارارى ماقۇلداندى. ءماجىلىس تۇراقتاندىرعان ءتۇرلى قىزمەتتەردىڭ نىسانا - مىندەتتەرى ناقتى شارالارعا ەگجەي - تەگجەيلى جىكتەلىپ، تيانشان الابىندا تياناقتاندىرىلادى.
...
جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، سۇيىسپەنشىلىكپەن، ءونىمدى تۇردە ويداعىداي ىستەۋ؛
اناعۇرلىم كوپ ناقتى شارالار، مىعىم شارالار قولدانىپ، بازار تۇلعالارىنىڭ دامۋىنداعى تۇساۋ - تەجەمدەردى تۇبىرىنەن جويۋ؛
سۋ بايلىعىن پايدالانۋدىڭ ونىمدىلىگى قانشا جوعارى بولسا، شينجياڭنىڭ دامۋ ءورىسى دە سونشالىق كەڭ بولادى؛
قازىنادان عىلىم - تەحنيكاعا باعىتتالاتىن ۇسىنىلىمدى ارتتىرىپ، كاسىپورىنداردى زەرتتەۋ - اشۋعا ۇسىنىلىمدى ارتتىرۋعا جەتەكتەپ، بۇكىل قوعامدى دامىتۋ قاراجاتىنىڭ ءوسۋىن زەرتتەۋگە جانە سىناق ەتۋگە باستاۋ؛
كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ مەن جۇمىستاندىرۋدى جەبەۋ سىندى ەكى ۇلكەن ءىستى تاباندىلىقپەن ويداعىداي يگەرۋ؛
...
ءىستىڭ ورىندالۋىنىڭ ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. ماجىلىسكە قاتىناسقان ءاربىر ادام ءماجىلىستىڭ ورنالاستىرۋىن قايتكەندە ناقتى شاراعا اينالدىرىپ، ءىس جۇزىندىك ونىمدىلىككە قول جەتكىزۋگە بولاتىندىعى جايلى وي جۇگىرتتى.
ءانۋار سەيىت بىلاي دەدى: شينجياڭدى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى قاتار ىلگەرىلەتۋگە تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى، مامانداندىرۋدى ىلگەرىلەتىپ، زاڭ اتقارۋدى، ءادىليانى ارناعا ءتۇسىرۋ قۇرىلىسىن كۇشەيتۋ كەرەك.
پۋ شۋەمەي بىلاي دەدى: سىرتقا ەسىك اشۋدىڭ دەڭگەيىن كوتەرۋدى تياناق ەتىپ، قورعاس ەكونوميكالىق اشۋ رايونىندا 100 ميلليارد يۋاندىق دەڭگەيدەگى كاسىپ سالاسى باقشاسىن جەدەل تۇلعالاپ، ”بەس ۇلكەن ورتالىقتىڭ“ اشىق تۇعىرىن ويداعىداي قۇرىپ، شينجياڭنىڭ باتىسقا ەسىك اشۋ قاقپاسىن قالىپتاستىرۋ كەرەك.
ەندى عانا 2021 - جىلعى اۆتونوميالى رايوننىڭ عىلىم - تەحنيكا سيلىعىنىڭ ەرەكشە دارەجەلى سيلىعىنا يە بولعان جۇڭگو عىلىم اكادەمياسىنىڭ اكادەميگى شياۋ ۋىنجياۋ بىلاي دەدى: جىبەك جولى جاڭالىق اشۋدى زەرتتەۋ مەكەمەسىن قۇرۋدى جەدەل ىلگەرىلەتىپ، ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ نىساناسىن جانە بايلىق پەن قورشاعان ورتانىڭ باياندى دامۋىن كوزدەي وتىرىپ، شينجياڭنىڭ جوعارى ساپالى دامۋى ءۇشىن ۇلەس قوسۋ كەرەك.
...
جاڭا جورىق ادامدى قايراتتانا العا ۇمتىلۋعا جەبەيدى، جاڭا بورىش جاۋاپكەرشىلىك ارقالاۋعا شاقىرادى. اۆتونوميالى رايوندىق 10 - كەزەكتى پارتكوم ءۇشىنشى جالپى ءماجىلىسىن قوزعاۋشى كۇش ەتكەن شينجياڭداعى ءار ۇلت كادر - بۇقاراسى كوكىرەك تولى نىق سەنىممەن، ارشىندى قاداممەن العا باسىپ، شينجياڭنىڭ اناعۇرلىم تاماشا بولاشاعىنا قۇلشىنا جول اشادى!
