اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى
جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى
شينجياڭنىڭ ەكونوميكالىق جاعدايى مەن ەكونوميكالىق قىزمەتىنە تالداۋ جاسادى جانە ونى اقىلداستى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 16 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشىپ، 4 - ايدىڭ 29 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، دايەكتىلەندىردى، ءبىرىنشى ماۋسىمداعى اۆتونوميالى رايوننىڭ ەكونوميكالىق اينالىم احۋالىنان جاسالعان مالىمەتتى تىڭداپ، قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى بيىل جىل باسىنان بەرگى ەلىمىز ەكونوميكاسىندا وڭاي - وسپاق قولعا كەلمەگەن ناتيجەلەردى تولىق تۇراقتاندىرىپ، قازىرگى ەكونوميكالىق قىزمەتتى ويداعىداي ىستەۋدە ءدوپ كەلگەن سىن - سايىستارعا ىشكەرىلەي تالداۋ جاساپ، ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ سىندى ماڭىزدى تالاپتى ايقىن العا قويدى ءارى ءتۇيىندى ورنالاستىرۋ جاسادى، بۇل ءبىزدىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، تۇتاس جىلدىق ەكونوميكالىق، قوعامدىق دامۋدىڭ مەجەلى نىساناسىن قۇلشىنا جۇزەگە اسىرۋىمىز جونىنەن كەلەلى جەتەكشىلىك مانگە يە. بيىل جىل باسىنان بەرى بۇكىل رايوندا جوعارىدان تومەنگە دەيىن ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتتەرىن تىڭعىلىقتى تۇردە ويداعىداي ىستەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ەكونوميكانىڭ اينالىم كۇيى ورنىقتىلىق بارىسىندا جاقسارىپ، تۇتاس جىلدىق بەلگىلەنگەن نىسانا - مىندەتتەردى ورىنداۋعا بەرىك نەگىز قالادى. ”ەكىنى تۇراقتاندىرۋدىڭ“ شەشۋشى ماڭىزىن تەرەڭدەي ۇعىنىپ، ”ەكىنى قورعاۋدى“ باتىل ورىنداپ، شي جينپيڭنىڭ ەكونوميكا يدەياسىن جەتەكشى ەتۋگە تاباندى بولىپ، شىن مانىندە يدەيا مەن ارەكەتتى پارتيا ورتالىق كوميتەتىنىڭ ەكونوميكالىق جاعداي جونىندەگى تۇجىرىمىمەن جانە ەكونوميكالىق قىزمەت جونىندەگى كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىممەن ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەپ، ورنىقتى دا اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك.
ءماجىلىس مىنالاردى اتاپ كورسەتتى: قازىرگى ەكونوميكالىق دامۋ جاعدايىن عىلمي، دالمە - ءدال يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋلارى بويىنشا، شينجياڭنىڭ ءىس جۇزىندىك جاعدايىمەن تىعىز بايلانىستىرىپ، كۇش سالۋ بەتالىسىن ايقىنداپ، ولقىلىقتاردى، ءالسىز تۇستاردى تولىقتاپ، ارتىقشىلىقتاردى، باسىمدىقتاردى كۇشەيتىپ، سەنىمدى بەكەمدەپ، قامال الىپ قيىندىقتاردى جەڭىپ، تۇتاس جىلدىق نىسانا - مىندەتتەردى قۇلشىنا ورىنداۋ كەرەك. ەگىن، مال شارۋاشىلىعى ءوندىرىسىن كورنەكتىلەندىرە ويداعىداي يگەرىپ، شارۋالارعا تيىمدىلىك جاساۋ، اۋىل شارۋاشىلىعىنا كومەكتەسۋ ساياساتىن تياناقتاندىرىپ، استىق ءوندىرۋ قابىلەتىن ورنىقتى جوعارىلاتىپ، ماقتا كاسىپ سالاسىنىڭ باسىمدىققا يە ورنىن بەكەمدەپ، مال شارۋاشىلىعىنىڭ ورنىقتى دامۋىن جەبەۋ كەرەك. ونەركاسىپتىڭ ورنىقتى ارتۋىن كورنەكتىلەندىرە ويداعىداي يگەرىپ، وڭىرلىك ورىن جانە بايلىق باسىمدىعىن تولىق ساۋلەلەندىرىپ، كاسىپورىندارعا تيىمدىلىك جاساۋ ساياساتىن تياناقتاندىرىپ، كاسىپ سالاسى دامۋىنىڭ جاڭا قوزعاۋشى قۋاتىن زور كۇشپەن جەتىلدىرىپ، وزىق جابدىق جاساۋ كاسىبىن بەلسەنە دامىتىپ، عىلىم - تەحنيكادا جاڭالىق اشۋدى كۇشەيتىپ، ەرەكشە، باسىمدىققا يە كاسىپ سالالارىنىڭ جەدەل دامۋىن ىلگەرىلەتۋ كەرەك. كەلەلى نىساندار قۇرىلىسىن كورنەكتىلەندىرە ويداعىداي يگەرىپ، ءونىمدى قارجى قوسۋدى بەلسەنە كەڭەيتىپ، نىسانداردى بارىنشا يگەرىپ، ءىرى نىسانداردى يگەرىپ، نەگىزدىك قۇرىلعىلار قۇرىلىسىن جاپپاي كۇشەيتىپ، ساياساتتاردىڭ سايكەسۋىن جانە فاكتورلار قامتاماسىزدىعىن كۇشەيتۋ كەرەك. قىزمەت وتەۋ كاسىبىنىڭ جىلدام قالپىنا كەلۋىن كورنەكتىلەندىرە ويداعىداي يگەرىپ، تۇتىنۋدىڭ جەتەكتەۋ، باستاماشىلدىق رولىن تولىق ساۋلەلەندىرىپ، مادەنيەت پەن ساياحاتتىڭ توعىسا دامۋىن ىلگەرىلەتىپ، ساۋدا زات اينالىمى كاسىپ سالاسىنىڭ جەدەل دامۋىن جەبەپ، جاڭا كاسىپ كۇيلەرىن، جاڭا ۇلگىلەردى بەلسەنە جەتىلدىرۋ كەرەك. سىرتقا ەسىك اشۋ قىزمەتىن كورنەكتىلەندىرە ويداعىداي يگەرىپ، جىبەك جولى ەكونوميكالىق بەلدەۋى وزەكتى رايونىنىڭ ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن جەدەلدەتىپ، سىرتقى ساۋدادا ارتۋدى ورنىقتىرۋ شارالارىن ءونىمدى جۇرگىزۋ كەرەك. ساۋداگەر شاقىرىپ قارجى ەنگىزۋ قىزمەتىن كورنەكتىلەندىرە ويداعىداي يگەرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىنداردىڭ زاڭدى ۇقىق - مۇددەسىن قورعاپ، شينجياڭعا كومەكتەسۋدىڭ باسىمدىعىنان ويداعىداي پايدالانىپ، ءىرى كاسىپورىندارمەن، نىساندارمەن بايلانىس ورناتۋ، قىزمەت وتەۋ، قامتاماسىز ەتۋ مەحانيزمىن كەمەلدەندىرۋ كەرەك. ءتۇيىندى سالالارداعى رەفورمانى كورنەكتىلەندىرە ويداعىداي يگەرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، سيفرلى ۇكىمەتتى، سەنىمدى ۇكىمەتتى جەدەلدەتە قۇرىپ، فاكتوردى بازارلاندىرۋ سياقتى رەفورمالاردى جەدەلدەتىپ، بازار تۇلعالارىنىڭ اقاۋسىز دامۋىن جەبەۋ كەرەك. قازىنا - سالىق، فينانس قىزمەتتەرىن كورنەكتىلەندىرە ويداعىداي يگەرىپ، ”ۇنەمشىلدىكپەن تۇرمىس كەشىرۋ“ يدەياسىن بەرىك ورناتىپ، ”ءۇشتى قامتاماسىزداندىرۋدىڭ“ تومەنگى شەگىن بەكەمدەپ، جۇيەلىك حاۋىپ - قاتەر تۋىلماۋىنىڭ تومەنگى شەگىن باتىل ساقتاۋ كەرەك. حالىق تۇرمىسىن قامتاماسىزداندىرۋ قىزمەتىن كورنەكتىلەندىرە ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ جانە جۇمىستانۋدى جەبەۋ سىندى ەكى ءىرى ءىستى تاباندىلىقپەن ويداعىداي يگەرىپ، جوعارى مەكتەپ تۇلەكتەرى سياقتى ءتۇيىندى قاۋىمدى جۇمىستاندىرۋدى كۇش سالا ويداعىداي يگەرىپ، وقۋ - اعارتۋ، ەمدەۋ قامسىزداندىرۋى، قوعامدىق قامسىزداندىرۋ، تۇرعىن ءۇي سياقتى ءىس جۇزىندىك ماسەلەلەردى كۇش سالا شەشىپ، جالپىعا ءتيىمدى، نەگىزدىك، تومەنگى شەكتى ساقتاۋ سيپاتىنداعى حالىق تۇرمىسى قىزمەتتەرىن دالمە - ءدال ويداعىداي ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
