انار بۇلت \ شينجياڭ گازەتىنىڭ ءتىلشىسى ءپاريزات ابدۇل، حوتان ايماقتىق توعىسپالى مەديا ورتالىعىنان دۇڭ رۇيچياڭ 5 - ايدىڭ 16 - كۇنى حوتاننان حابارلايدى. 5 - ايدىڭ 16 - كۇنى ”حوتان كەشكى بازارى“ نىسانى قۇرىلىس باستادى. جيىنى 800 ميلليون يۋان قارجى قوسىلعان وسى مادەنيەت - ساياحات، ساۋدا جالپى تۇلعالىق نىسانى ”حوتان كەشكى بازارى“ ماركاسى مەن بازاردىڭ دارەجەسىن جوعارىلاتادى، قۇرىلعاننان كەيىن رايونىمىزداعى كولەمى ەڭ ۇلكەن، يقۋاتى ەڭ كەمەلدى، كاسىپ كۇيى ەڭ باي كەشكى بازار شوعىرىنا جانە مادەنيەت - ساياحات جاڭا جەر بەلگىسىنە اينالادى.
بۇل نىسان حوتان قالاسىنا ورنالاسقان، جالپى قۇرىلىس جەر اۋدانى 71 مىڭ شارشى مەتر، 3 نەگىزگى تۇلعالىق قۇرىلىس جانە ءبىر ەرتە زامان قۇرىلىسىنا ەلىكتەپ جاسالعان كوشەدەن قۇرالعان، بۇرىننان بار ءدامدى تاعام تۇرلەرىنەن سىرت، تاعى قاس تاسى بازارىن، التىن بازارىن جانە تۋانچىڭ كونە بازارىن قامتيدى، سالىنىپ بولعاننان كەيىن حوتاننىڭ جاڭا قالا ”قوناق زالىنا“، سونداي - اق جىبەك جولى ەكونوميكالىق بەلدەۋىندەگى ماڭىزدى ساياحات نىساناسىنا جانە مادەنيەت، ەكونوميكا - ساۋدا اۋىس - كۇيىس بەكەتىنە اينالادى.
شينجياڭ جۇڭجي قارجى قوسۋ توبى شەكتى سەرىكتەستىگىنىڭ مەڭگەرۋشىسى ياڭ تيڭۋىن تانىستىرىپ بىلاي دەدى: ”حوتان كەشكى بازارى“ نىسانى ءدامدى تاعامدار، زات ساتىپ الۋ، سەيىل - سەرۋەن، كوڭىل اشۋ، حالىقتىق تۇسەلحانا، ويىن كورسەتۋ سياقتى كاسىپ كۇيى مەن يقۋاتتى ارقاۋ ەتىپ، كەڭىستىكتىك كورىنىس ورنالاستىرۋ، كورمەگە قويۋ، ساۋىق - سايران قۇرىلعىلارى، تولىق كەسكىندى كورىنىس، زەردەلى جاۋاپتاسۋ، ويىن كورسەتۋ سياقتى تاسىلدەر ارقىلى تاريحي وركەنيەتتى زامانا سالتىمەن توعىستىرادى، ساياحاتشىلار جىبەك جولى مادەنيەتىنىڭ ءتىلسىم كۇشىن سەزىنىپ، قىزىعىنا شومادى، ول تاۋلىك بويى بۇكىل كورىنىسىنە ەلىتەتىن شينجياڭداعى تۇڭعىش مادەنيەت - ساياحات قالاسىنا اينالادى.
”حوتان كەشكى بازارى“ نىسانىن جۇڭگونىڭ ايگىلى قۇرىلىس جوبالاۋ شەبەرى، جۇڭگو تەحنيكالىق عىلىمدار اكادەمياسىنىڭ اكادەميگى، شينجياڭ حالىقارالىق ۇلكەن بازارىنىڭ باس جوبالاۋشىسى ۋاڭ شياۋدۇڭ جوسپارلاۋ، جوبالاۋعا جەتەكشىلىك ەتكەن، شينجياڭ جۇڭجي قارجى قوسۋ توبى شەكتى سەرىكتەستىگى قارجى قوسىپ قۇرادى، شينجياڭ مادەنيەت - ساياحاتقا قارجى قوسۋ توبى شەكتى سەرىكتەستىگى اينالىمعا سالىپ، باسقارادى.
جۋىق جىلداردان بەرى بايىرعى حوتان كەشكى بازارى مەن حوتان كەشكى بازارى (حۋانحۋ دۇكەنى) ۋاكىلدىك ەتكەن ”حوتان كەشكى بازارى“ تيانشان الابىندا اتاعى جەر جارىپ، شينجياڭنىڭ ءدامدى تاعامدارى مەن ساياحاتىنىڭ تانىسقىسىنا اينالۋمەن بىرگە، شينجياڭنىڭ كەشكى ەكونوميكاسىنداعى ماركانىڭ بىرىنە اينالدى. ”حوتان كەشكى بازارىنىڭ“ دارەجەسىن ءوسىرۋ قۇرىلىسى شينجياڭنىڭ مادەنيەتىنىڭ، ساياحاتىنىڭ قالا ەكونوميكاسىمەن جوعارى ساپالى توعىسپالى دامۋىن اناعۇرلىم ىلگەرىلەتىپ، شينجياڭنىڭ مادەنيەت - ساياحات كاسىپ سالاسى بايلىعىنىڭ قۇنىن جاڭالاپ، ساپاسىن ءوسىرىپ، ونىمدىلىگىن ارتتىرادى.
