− اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە (1)
□ گازەتىمىزدىڭ شولۋشىسى
زاڭمەن باسقارۋ − ەل باسقارۋدىڭ نەگىزگى ءتاسىلى. اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسى شينجياڭدى زاڭمەن جونگە سالۋدى اناعۇرلىم كورنەكتى ورىنعا قويۋدى باسا دارىپتەپ، ”شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، شينجياڭدى زاڭمەن جونگە سالۋدى جاپپاي ىلگەرىلەتىپ، شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتۋ كەرەكتىگىن“ العا قويدى.
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە قوعام ورنىقتىلىعى مەن باياندى تىنىشتىق باس نىساناسىن، ءسوز جوق، مىقتاپ يگەرىپ، شينجياڭدى زاڭمەن جونگە سالۋدى اناعۇرلىم كورنەكتى ورىنعا قويىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا پايدالى بولۋ رولىن اناعۇرلىم ويداعىداي ساۋلەلەندىرىپ، مەملەكەتتى جاپپاي زاڭمەن باسقارۋ تالابىن شينجياڭ قىزمەتىنىڭ ءار سالاسىندا تياناقتاندىرىپ، شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتىپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك.
جاڭا جاعدايداعى شينجياڭ قىزمەتىن ويداعىداي ىستەۋدە، ءسوز جوق، زاڭمەن باسقارۋ تۋىن بيىك ۇستاپ، زاڭمەن باسقارۋ رۋحىن اسقاقتاتىپ، زاڭمەن باسقارۋ پرينسيبىنەن جازباي، قىزمەتتەردى جوسپارلاۋدا زاڭمەن باسقارۋ وي جەلىسىن قولدانىپ، ماسەلەلەردى ءبىر جاقتى ەتۋدە زاڭمەن باسقارۋ ءتاسىلىن قولدانىپ، ءسوز سويلەۋدە، جۇمىس ىستەۋدە زاڭعا ۇيلەسكەن - ۇيلەسپەگەندىگىن ويلاستىرىپ، سانالى تۇردە نەگىزگى زاڭ مەن زاڭدار اياسىندا قيمىل جاساپ، شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتىپ، تاماشا زاڭ ارقىلى شەبەرلىكپەن باسقارىلاتىن قوعامدىق ورتانى بەلسەنە قالىپتاستىرۋ كەرەك.
پارتيا 18 - قۇرىلتايىنان بەرى رايونىمىز زورلىقتى كۇش لاڭكەستىك قىلمىسقا زاڭ بويىنشا قاتاڭ سوققى بەرىپ، ۇشقارىلىقتى الاستاۋ قىزمەتىن ىشكەرىلەي ىلگەرىلەتىپ، قوعامدىق كەلەلى جاعدايدىڭ ۇزدىكسىز ورنىقتى بولۋىن جۇزەگە اسىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ ءۇشىن تىنىش، ىنتىماقتى تاماشا ورتا قالىپتاستىردى. بيىل جىل باسىنان بەرى اۆتونوميالى رايوندىق پارتكوم زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرۋعا كوپ كۇش سالىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن جەدەل جوعارىلاتتى، 56 زاڭ شىعارۋدى جوسپارعا الىپ، جالىندى ومىرشەڭدىككە تولى ءارى جۇيەلى دە ءتارتىپتى تاماشا قوعامدىق جاعداي قالىپتاستىرۋدى ىلگەرىلەتۋگە پارمەندى زاڭدىق تىرەك ۇسىنۋدان، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى جاپپاي ىلگەرىلەتىپ، قوعام ورنىقتىلىعىن قورعاۋدىڭ قۇرىش قورعانىن بەكەمدەۋگە دەيىن، ونان زاڭمەن باسقارۋ ويىن كۇشەيتىپ، زاڭمەن باسقارۋ ءتاسىلىن قولدانىپ، زاڭمەن باسقارۋ ارقىلى شارۋاشىلىق - ساۋدا ورتاسىنىڭ ۇزدىكسىز ساپالىلانۋىن قامتاماسىز ەتۋگە دەيىن ... ءبىر قاتار پارمەندى شارالار مەن ناتيجەلەر رايونىمىزدىڭ شينجياڭدى زاڭمەن جونگە سالۋدى جاپپاي ىلگەرىلەتەتىن، شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتەتىن بەرىك بەكىمى مەن سەنىمىن تولىق ايگىلەدى.
شينجياڭدى زاڭمەن جونگە سالۋدى جاپپاي ىلگەرىلەتۋدە، ءسوز جوق، شي جينپيڭنىڭ زاڭمەن باسقارۋ يدەياسىن جەتەكشى ەتۋ كەرەك. شي جينپيڭنىڭ زاڭمەن باسقارۋ يدەياسى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ءداۋىر تالابىنا ۇيلەسە وتىرىپ زامانعا قاراي دۇنيەگە كەلگەن كەلەلى نازاريالىق جاڭالىق اشۋ جەتىستىگى، سونداي - اق شينجياڭدى زاڭمەن جونگە سالۋدى جاپپاي ىلگەرىلەتۋدىڭ ءتۇبىرلى بويسۇنۋ ولشەمى جانە ارەكەت باعدارناماسى. ءبىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭنىڭ زاڭمەن باسقارۋ يدەياسىنىڭ كەلەلى ءمانىن، وزەكتى يدەياسىن، باي مازمۇنىن، امالياتتىق تالابىن ىشكەرىلەي ۇعىنىپ، مىزعىماس تاباندىلىقپەن شي جينپيڭنىڭ زاڭمەن باسقارۋ يدەياسى ارقىلى شينجياڭنىڭ رەفورما، دامۋ، ورنىقتىلىق قىزمەتتەرىنە جەتەكشىلىك ەتىپ، ۇيرەنۋدىڭ، دايەكتىلەندىرۋدىڭ ناتيجەسىن سوتسياليستىك زاڭمەن باسقارىلاتىن شينجياڭ قۇرۋدىڭ جالىندى امالياتىنا اينالدىرۋىمىز كەرەك.
شينجياڭدى زاڭمەن جونگە سالۋدى جاپپاي ىلگەرىلەتۋدە، ءسوز جوق، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك. ”ءبىر جوبا، ەكى باعدارلامانى“ دايەكتىلەندىرۋدى، تياناقتاندىرۋدى ارقاۋ ەتىپ، شينجياڭدى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى قاتار ىلگەرىلەتۋگە تاباندى بولىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعامدى ءبىر تۇلعالاندىرا قۇرۋعا تاباندى بولىپ، عىلمي جولمەن زاڭ شىعارۋدى، زاڭدى قاتاڭ اتقارۋدى، ءادىليانىڭ ادىلدىگىن، جالپى حالىقتىڭ زاڭعا بويسۇنۋىن ءبىر تۇتاس جوسپارلاپ ىلگەرىلەتىپ، شينجياڭدى زاڭمەن جونگە سالۋدىڭ قابىلەتى مەن دەڭگەيىن جاپپاي جوعارىلاتۋ كەرەك. جەرگىلىكتى زاڭ شىعارۋ قىزمەتىن كۇشەيتىپ جانە جاقسارتىپ، رەفورمانىڭ، دامۋدىڭ، ورنىقتىلىقتىڭ قاجەتىن ارقاۋ ەتە وتىرىپ، ءار ۇلت بۇقاراسىنىڭ تىلەك - قالاۋىنا ۇيلەسىپ، ءتۇيىندى سالالارداعى جەرگىلىكتى زاڭ شىعارۋدى جەدەل ىلگەرىلەتىپ، اقتاڭداقتاردى تولىقتاپ، ءالسىز بۋىنداردى كۇشەيتىپ، جوعارى ساپالى زاڭ شىعارۋ ارقىلى جوعارى ساپالى دامۋدى قامتاماسىز ەتىپ، رەفورمانى تەرەڭدەتۋدى ىلگەرىلەتىپ، قوعام ورنىقتىلىعىن قورعاۋ كەرەك. زاڭمەن باسقارىلاتىن ۇكىمەت قۇرىلىسىن كۇشەيتىپ، زاڭمەن باسقارۋ ارقىلى اكىمشىلىك بيلىككە ەرەجە بەلگىلەۋگە، شەك - شەكارا سىزۋعا تاباندى بولىپ، اكىمشىلىك شەشىم قابىلداۋ ءتارتىبىن ارناعا ءتۇسىرىپ، ۇكىمەتتىڭ ءىس - ارەكەتىن زاڭمەن باسقارۋ ارناسىنا جاپپاي ءتۇسىرۋ كەرەك. مەملەكەت مەنشىگىندەگى مال - مۇلىكتى، مەملەكەت مەنشىگىندەگى كاسىپورىنداردى باسقارۋ جۇيەسى، قازىنالىق باسقارۋ جۇيەسى سياقتى ءتۇيىندى سالالارداعى رەفورمالاۋ، قۇرۋ جۇمىستارىن ىلگەرىلەتىپ، ”سيفرلى ۇكىمەت“ قۇرىلىسىن زور كۇشپەن ىلگەرىلەتۋ كەرەك. زاڭدى قاتاڭ اتقارۋعا تاباندى بولىپ، اكىمشىلىك زاڭ اتقارۋ ءتۇزىلىسى مەن ءادىليا ءتۇزىلىسى رەفورماسىن جەدەلدەتىپ، زاڭ اتقارۋدىڭ، ءادىليانىڭ ساپاسىن، ونىمدىلىگىن جانە الەۋمەتتىك سەنىمدىلىگىن ۇزدىكسىز جوعارىلاتىپ، ءار ۇلت بۇقاراسىنا ءار زاڭ - تۇزىمنەن، ءار زاڭ اتقارۋ شەشىمىنەن، ءار ءادىليالىق دەلودان ادىلدىك پەن تۋراشىلدىقتى سەزىندىرۋ كەرەك. جالپى حالىققا زاڭ جالپىلاستىرۋدى ىلگەرىلەتىپ، شي جينپيڭنىڭ زاڭمەن باسقارۋ يدەياسىن تاربيەنىڭ ماڭىزدى مازمۇنى ەتۋگە تاباندى بولىپ، بۇكىل قوعامدا ىستەردى زاڭ بويىنشا بىتىرەتىن، ىسكە جولىققاندا زاڭعا جۇگىنەتىن، ماسەلەلەردى شەشكەندە زاڭعا سۇيەنەتىن زاڭمەن باسقارۋدىڭ تاماشا اۋقىمىن قالىپتاستىرۋ كەرەك. قوعامدىق باسقارۋدى زاڭمەن باسقارۋ ارناسىنا ءتۇسىرۋدى جاپپاي ىلگەرىلەتىپ، پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، الەۋمەت ات سالىساتىن، زاڭمەن باسقارۋ قامتاماسىز ەتەتىن قوعامدىق باسقارۋ جۇيەسىن كەمەلدەندىرىپ، ءوزىن - ءوزى باسقارۋدى، زاڭمەن باسقارۋدى، مورالمەن باسقارۋدى ۇشتاستىرۋعا تاباندى بولىپ، نەگىزگى ساتىنى زاڭمەن باسقارىپ جونگە سالۋدى كۇشەيتۋ كەرەك.
باسشى كادرلار شينجياڭدى زاڭمەن جونگە سالۋدى جاپپاي ىلگەرىلەتىپ، زاڭمەن باسقارىلاتىن شينجياڭ قۇرۋداعى شەشۋشى تەتىك. باسشى كادرلار سىندى ”شەشۋشى ازشىلىقتى“ مىقتاپ يگەرىپ، ءار دارەجەلى باسشى كادرلاردىڭ شينجياڭدى زاڭمەن جونگە سالۋ قابىلەتىن جوعارىلاتۋ كەرەك. بۇكىل رايونداعى ءار دارەجەلى پارتيالى كادرلار، اسىرەسە، باسشى كادرلار سانالى تۇردە زاڭدى قۇرمەتتەۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىلەرىنەن بولىپ، قىزمەت بيلىگىنىڭ زاڭمەن بەلگىلەنەتىندىگىن ەستە بەرىك ساقتاپ، عىلمي، بايىپتى تۇردە، زاڭ بويىنشا، ەرەجە بويىنشا بيلىگىن قولدانۋ، ءوز ءسوزىن زاڭعا بالاۋدى، بيلىگىمەن زاڭدى باسىپ تاستاۋدى باتىل تيىپ، ءار ۇلت بۇقاراسىن سانالى تۇردە زاڭدى ارداقتاپ، ىزگىلىككە ۇمتىلۋعا، زاڭعا نەگىزدەلە وتىرىپ ارەكەت ەتۋگە جەتەكتەۋ؛ زاڭ بويىنشا شەشىم قابىلداۋدى، زاڭ بويىنشا ءىس ءبىتىرۋدى ماڭىزدى ساياسي ءتارتىپ جانە ساياسي قاعيدا ەتۋگە تاباندى بولىپ، قىزمەتتەردى جوسپارلاۋدا زاڭنىڭ تالابىنا تۋرالانىپ، زاڭدىق دايەكتەردى ءدال تابۋ، قىزمەتتەردى ىلگەرىلەتۋدە زاڭمەن باسقارۋعا نەگىزدەلۋ، تارتىپكە ءمان بەرۋ، قاتاڭ تۇردە نەگىزگى زاڭ مەن زاڭدار، پارتيا ىشىندەگى زاڭ ەرەجەلەر مەن ءتۇرلى ءتۇزىم - قاعيدالار بويىنشا ءىس ءبىتىرۋ كەرەك. ءار دارەجەلى پارتكومدار (پارتيا باسشىلىق گرۋپپالارى) ءوز ءوڭىرىنىڭ، ءوز تاراۋىنىڭ زاڭمەن باسقارۋ قۇرىلىسىنا باسشىلىقتى كۇشەيتىپ، زاڭمەن باسقارۋ ويىنان جانە زاڭمەن باسقارۋ تاسىلىنەن پايدالانىپ قىزمەتتەردى ىلگەرىلەتۋ قابىلەتىن جوعارىلاتۋ كەرەك.
رەفورما، دامۋ، ورنىقتىلىق زاڭمەن باسقارۋدىڭ جەلەپ - جەبەۋىنەن ايرىلا المايدى؛ ەكونوميكانىڭ، قوعامنىڭ دامۋى زاڭمەن باسقارۋدىڭ كۇش - قۋات بەرۋىنە سۇيەنەدى؛ بۇقارانىڭ تىنىش - اماندىعى مەن قۇت - ىرىسى زاڭمەن باسقارۋدىڭ قورعاۋىنا ارقا تىرەيدى. شي جينپيڭنىڭ زاڭمەن باسقارۋ يدەياسىن جەتەكشى ەتىپ، شينجياڭدى زاڭمەن جونگە سالۋدى جاپپاي ىلگەرىلەتىپ، شينجياڭ قىزمەتتەرىنىڭ زاڭمەن باسقارۋ ارناسىندا جۇرگىزىلۋىنە شىنايى كەپىلدىك ەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بەرىك زاڭمەن باسقارۋ قامتاماسىزدىعىن ۇسىنايىق.
