وقۋ - اعارتۋ بايلىعى دەگەندەي بىركەلكى بولماعان جەرلەردە ىستىق نۇكتەلىك مەكتەپتەر سايكەستى اۋماقتارعا بىتىراي قوسىلادى
□ انار بۇلت ＼ شينجياڭ گازەتىنىڭ ءتىلشىسى جاۋ شييا
جۋىقتا اۆتونوميالى رايوندىق وقۋ - اعارتۋ مەڭگەرمەسى شينجياڭ ءوندىرىس - قۇرىلىس بيڭتۋانى وقۋ - اعارتۋ مەكەمەسىمەن بىرلەسىپ «2022 - جىلعى مىندەتتى وقۋ - اعارتۋ ساتىسىنداعى مەكتەپتەرگە وقۋشى قابىلداۋ، وقۋعا ءتۇسۋ قىزمەتىن ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) تاراتىپ، بيىلعى مىندەتتى وقۋ - اعارتۋ ساتىسىنداعى مەكتەپتەرگە وقۋشى قابىلداۋ، وقۋعا ءتۇسۋ قىزمەتى جونىندە ورنالاستىرۋ جاسادى.
مەكتەپتەر اۋماقتارعا ءبولىنىپ وقۋشى قابىلدايدى، وقۋشىلار وزىنە جاقىن جەردە وقۋعا تۇسەدى
وقۋشى قابىلداۋ ءىس - ارەكەتىن ارناعا ءتۇسىرۋ جاعىندا «حابارلاندىرۋدا» مىنالار اتاپ كورسەتىلدى: جەر - جەر مىندەتتى وقۋ - اعارتۋ ساتىسىنداعى تۇرعىلىقتى حالىقتىڭ وقۋ جاسىنداعى بالالارىنىڭ جاعدايىن انىقتاۋ، تەكسەرۋ ءتۇزىمىن ورناتىپ، وقۋشى قاينارىنىڭ تارالۋ جاعدايىن تالداۋدى كۇشەيتىپ، ”مەكتەپتەر اۋماقتارعا ءبولىنىپ وقۋشى قابىلداۋ، وقۋشىلار وزىنە جاقىن جەردە وقۋعا ءتۇسۋ“ باس نىساناسى بويىنشا، قاراستى اۋماقتاعى وقۋ جاسىنداعى بالالار مەن وسپىرىمدەردىڭ سانى، مەكتەپتەردىڭ ورنالاسۋى جانە كولەمى، اكىمشىلىك اۋماقتارعا ءبولىنۋى، كلاستاعى وقۋشى نورماسى جونىندەگى بەلگىلەمە، جول قاتىناسى جاعدايى سياقتى فاكتورلارعا نەگىزدەلە وتىرىپ، مىندەتتى وقۋ - اعارتۋ ساتىسىنداعى مەكتەپتەردىڭ اربىرىنە ارناپ وقۋشى قابىلدايتىن اۋماقتىڭ كولەمىن عىلمي بەلگىلەپ، مىندەتتى وقۋ - اعارتۋ بويىنشا ەمتيحانسىز، وزىنە جاقىن جەردە وقۋعا ءتۇسۋ ساياساتىمەن جاپپاي قامتۋعا شىنايى كەپىلدىك ەتۋ كەرەك. وقۋ - اعارتۋ بايلىعى سالىستىرمالى بىركەلكى جەرلەردە ءبىر مەكتەپكە باعىتتاپ اۋماق بەلگىلەۋدى بىرتىندەپ اتقارۋ، وقۋعا ءتۇسۋدىڭ مەجەسىن لايىقتى ورنىقتىرۋ ىنتالاندىرىلادى؛ وقۋ - اعارتۋ بايلىعى ايتارلىقتاي بىركەلكى ەمەس جەرلەردە كوپ مەكتەپكە باعىتتاپ اۋماق بەلگىلەۋ بەلسەندى، ورىندى تۇردە ىلگەرىلەتىلەدى، سونداي - اق ناقتى جاعدايعا قاراي ىستىق نۇكتەلىك مەكتەپتەر جاقىن جەردە وقۋعا ءتۇسۋ تالابى بويىنشا سايكەستى اۋماقتارعا بىتىراي قوسىلىپ، كەزدەيسوق تارتىپپەن ورىن بەلگىلەۋ ءتاسىلى ارقىلى وقۋعا ءتۇسۋ قولدانىلىپ، اۋماقتار اراسىنداعى ساپالى وقۋ - اعارتۋ بايلىقتارىنىڭ جالپى جاقتان بىركەلكى بولۋى ىلگەرىلەتىلەدى.
باستاۋىش مەكتەپكە وقۋعا تۇسۋدە جايشىلىقتا تىركەۋمەن وقۋعا ءتۇسۋ قولدانىلسا، ورتالاۋ مەكتەپكە وقۋعا تۇسۋدە جايشىلىقتا تىركەۋمەن نەمەسە باعىتتامالى تۇردە تىكەلەي جوعارىلاپ وقۋ تاسىلىمەن وقۋعا ءتۇسۋ قولدانىلادى. ءار ءتۇرلى ەمتيحاندار، بەتپە - بەت ەمتيحاندار الۋمەن، بەتپە - بەت سويلەسۋمەن، باسقالاي ءارقانداي قوسىمشا شارتتارمەن وقۋشىلاردى تاڭداۋعا قاتاڭ تيىم سالىنادى، وقۋشىلاردى تاڭداپ قابىلداۋ ماقساتىندا ءار ءتۇرلى باۋلۋ كۋرستارىن ۇيىمداستىرۋعا نەمەسە وعان قاتىناستىرۋعا بولمايدى.
«حابارلاندىرۋدا» مىنالار ايقىندالدى: وقۋشى قابىلداۋ قىزمەتىندە زاڭدى، ەرەجەنى دايەك ەتۋگە تاباندى بولۋ، پرينسيپتىك جاقتان باستاۋىش مەكتەپكە وقۋعا ءتۇسۋ جاسى ”ەكى بىردەيلىك“ تالابىن قاناعاتتاندىرۋى، ياعني ءبىر اۋدان (قالا، رايون) ىشىندە باستاۋىش مەكتەپكە وقۋعا ءتۇسۋ جاسى بىردەيلىكتى ساقتاۋ، اتا - اناسىمەن بىرگە كوشكەن بالالار مەن جەرگىلىكتى نوپوستاعى وقۋشىلاردىڭ وقۋعا ءتۇسۋ جاسى بىردەيلىكتى ساقتاۋ، سونداي - اق وقۋعا ءتۇسۋ جاسى ەڭ كەشىككەندە 7 جاستان اسپاۋى كەرەك.
ۇكىمەت باسقارۋىنداعى مەكتەپتەر مەن حالىق باسقارۋىنداعى مەكتەپتەر قاتار وقۋشى قابىلدايدى
«حابارلاندىرۋدا» مىنالار اتاپ كورسەتىلدى: ازاماتتاردى قاتار قابىلداۋدى جاپپاي تياناقتاندىرىپ، حالىق باسقارۋىنداعى مىندەتتى وقۋ - اعارتۋ ساتىسىنداعى مەكتەپتەردىڭ وقۋشى قابىلداۋ جۇمىسىن تەكسەرىپ - بەكىتۋشى جەردىڭ ءبىر تۇتاس باسقارۋىنا وتكىزۋگە، ولاردىڭ ۇكىمەت باسقارۋىنداعى مەكتەپتەرمەن قاتار وقۋشى قابىلداۋىنا تاباندى بولۋ، مەكتەپ تۇرعان اۋدانداعى (قالا، رايون) وقۋشىلاردىڭ وقۋعا ءتۇسۋ قاجەتىن الدىمەن قاناعاتتاندىرۋ كەرەك، مەكتەپ تۇرعان اۋداننان (قالا، رايون) جەتكىلىكتى وقۋشى قابىلداي الماسا، سونداي - اق تەكسەرىپ بەكىتۋشى ورگان ايماق (وبلىس، قالا) دارەجەسىنەن نەمەسە شى، قالادان جانە ودان جوعارى ۇكىمەتتىڭ وقۋ - اعارتۋ اكىمشىلىك تاراۋلارىنان بولسا، تەكسەرىپ بەكىتۋشى ورگان قاراستىلىعىنداعى وڭىردەن لايىقتى تۇردە اۋدان اتتاپ وقۋشى قابىلداۋىنا بولادى، رايوندارعا بولىنگەن قالالاردان اتتاپ وقۋشى قابىلداۋعا بولمايدى، تىزىمدەلگەندەر سانى وقۋشى قابىلداۋ جوسپارىنان اسىپ كەتسە، كومپيۋتەردە كەزدەيسوق تارتىپپەن قابىلدانادى.
ءارقايسى مەكتەپتەر وقۋشى قابىلداعاندا، ءسوز جوق، قاتاڭ تۇردە مىندەتتى وقۋ - اعارتۋ ساتىسىنداعى مەكتەپتەردىڭ كلاستارىنا بەلگىلەنگەن نورما بويىنشا وقۋشى قابىلداۋى كەرەك، مىندەتتى وقۋ - اعارتۋ ساتىسىنداعى مەكتەپتەردىڭ باستاپقى جىلدىقتار ءۇشىن ۇلكەن نورمالى كلاستار قوسۋىنا بولمايدى، 56 ادامنان كوپ ۇلكەن نورمالى كلاستاردى بىرتىندەپ سەيىلتىپ، باستاۋىش مەكتەپتىڭ ءار كلاسىنداعى وقۋشىنى 45تەن، ورتالاۋ مەكتەپتىڭ ءار كلاسىنداعى وقۋشىنى 50دەن اسىرماي وقۋشى قابىلداۋ بەلسەنە ىلگەرىلەتىلەدى.
اتا - اناسىمەن بىرگە كوشكەن بالالاردىڭ وقۋعا ءتۇسۋ شارتى ساپالىلاندىرىلادى، ىقشامدالادى
«حابارلاندىرۋدا» مىنالار العا قويىلدى: اتا - اناسىمەن بىرگە كوشكەن بالالاردىڭ وقۋعا ءتۇسۋ شارتىن ساپالىلاندىرىپ، ىقشامداپ، اتا - اناسىمەن بىرگە كوشكەن بالالاردىڭ وقۋعا ءتۇسۋى ءۇشىن سۇرالاتىن انىقتاما ماتەريالدار مەن ۋاقىت شەگى تۋرالى تالاپتىڭ بەلگىلەمەگە ۇيلەسپەيتىندەرىن جاپپاي اداقتاپ، كۇشىنەن قالدىرىپ، «تۇرۋ كۋالىگى تۋرالى ۋاقىتشا ەرەجەدە» بەلگىلەنگەن شارتتارعا ۇيلەسەتىن، اتا - اناسىمەن بىرگە كوشكەن بالالاردىڭ كوشىپ كەلگەن جەردە مىندەتتى وقۋ - اعارتۋ قابىلداۋىن شىنايى قامتاماسىز ەتىپ، اتا - اناسىمەن بىرگە كوشكەن بالالاردىڭ مىندەتتى وقۋ - اعارتۋ قابىلداعاننان كەيىن كوشىپ كەلگەن جەرىندە ورتالاۋ مەكتەپ ءبىتىرۋ ەمتيحانىنا قاتىناسۋى تۋرالى ساياساتتى مۇقيات تياناقتاندىرۋ كەرەك.
ادەتتەگى وقۋ - اعارتۋدى قابىلداي الاتىن وقۋ جاسىنداعى مۇگەدەك بالالار مەن وسپىرىمدەردىڭ وزىنە جاقىن جەردە، قولايلى جاعدايدا كلاستا ىلەسىپ وقۋى زاڭ بويىنشا قامتاماسىز ەتىلەدى، وقۋ جاسىنداعى باسقا مۇگەدەك بالالاردىڭ ءبىلىم الۋ ۇقىعى ارنايى ءبىلىم بەرەتىن مەكتەپتەردە وقۋ، بالالار يگىلىك قۇرىلىمدارىنىڭ (ازامات جاسىنا تولماعانداردى قۇتقارۋ، ولارعا كومەكتەسۋ، ولاردى قورعاۋ قۇرىلىمدارىن قامتيدى) ارنايى ءبىلىم بەرەتىن كلاستارىندا وقۋ، ۇيىنە بارىپ ءبىلىم بەرۋ سياقتى كوپ ءتۇرلى تاسىلدەرمەن قامتاماسىز ەتىلەدى. قۇربانداردىڭ پەرزەنتتەرىنە، مىندەت وتەپ جاتقان اسكەريلەردىڭ پەرزەنتتەرى مەن باسقا دا ءتۇرلى قامقورلىق جاسالاتىن وبيەكتىلەرگە جەر - جەر مەملەكەتتىڭ قاتىستى بەلگىلەمەلەرى بويىنشا وقۋ - اعارتۋدا قامقورلىق جاساۋ ساياساتىن شىنايى تياناقتاندىرۋى كەرەك.
سونىمەن بىرگە «حابارلاندىرۋدا» وقۋعا ءتۇسۋ ءتارتىبىن ساپالىلاندىرۋ، وقۋعا ءتۇسۋ ماتەريالدارىن جيناۋدى ارناعا ءتۇسىرۋ تالاپ ەتىلدى. ماتەريالدى، ءسوزسىز، قاجەت بولماسا بەرمەۋ، ينفورماتسيانى، ءسوزسىز، قاجەت بولماسا جيناماۋ پرينسيبى بويىنشا، ءسوز جوق، وقۋشىلار وقۋعا تۇسۋدە دايىنداۋعا ءتيىستى وقۋعا ءتۇسۋ انىقتامالارى جونىندە ءتىزىم جاساپ، تىزىمدەلۋگە قاجەتتى ماتەريالداردى، تىزىمدەلەتىن ۋاقىتتى جانە ءبىتىرۋ ءتاسىلىن الدىن الا ايقىنداعان جانە كەڭىنەن ۇگىتتەگەن ءجون. مەكتەپكە دەيىنگى تاربيە تاريحى، جوسپارلى تۋۋ تۋرالى انىقتاما، قالىپتى وقۋ جاسىنان اسىپ كەتكەندىگى جونىندەگى انىقتاما سياقتى ورىنسىز ماتەريالدار جاپپاي اداقتالىپ كۇشىنەن قالدىرىلادى؛ اۋرۋدىڭ الدىن الۋ ۆاكسينالارىن ەكتىرگەندىگى جونىندەگى انىقتاما وقۋعا تۇسۋگە تىزىمدەلۋدىڭ العى شارتى بولىپ سانالمايدى، ونى وقۋ باستالعاننان كەيىن وقۋشىنىڭ تاپسىرۋىنا دەر كەزىندە تالاپ ەتۋگە بولادى. ينفورماتسيا جيناۋ قىزمەتى وقۋشى قابىلداعان، وقۋعا تۇسكەن كەزدە ءبىر جولدا جينالۋى ءتيىس، ءتۇرلى APPلاردان، شاعىن باعدارلامالىق جاساقتامادان پايدالانىپ وقۋشىلاردىڭ قاتىستى ينفورماتسيالارىن كەلسە - كەلمەس قايتالاپ جيناي بەرۋگە بولمايدى.
