5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعاندىعىنىڭ 70 جىلدىعىن قۇتتىقتاۋ جينالىسىندا جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندە بەينە ەكراندا ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعاندىعىنىڭ 70 جىلدىعىن قۇتتىقتاۋ جينالىسىندا جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندە بەينە ەكراندا ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن
شينحۋا اگەنتتىگىنىڭ 5 - ايدىڭ 18 - كۇنى بەيجيڭنەن بەرگەن حابارى. 5 - ايدىڭ 18 - كۇنى مەملەكەت ءتوراعاسى شي جينپيڭ جۇڭگو حالىقارالىق ساۋدانى جەبەۋ كوميتەتى قۇرىلعاندىعىنىڭ 70 جىلدىعىن قۇتتىقتاۋ جينالىسىندا جانە الەمدىك ساۋدانى، قارجى قوسۋدى جەبەۋ جونىندەگى باسشىلار ماجىلىسىندە بەينە ەكراندا ارناۋ ءسوز سويلەدى.
شي جينپيڭ بىلاي دەپ اتاپ كورسەتتى: جۇڭگو حالىقارالىق ساۋدانى جەبەۋ كوميتەتى 1952 - جىلى قۇرىلعاننان بەرى، جۇڭگونى تياناق ەتىپ، دۇنيە ءجۇزىن بەتكە الىپ، جۇڭگو، شەتەل كاسىپورىندارىنىڭ مۇددە دانەكەرىن شيراتۋدا، حالىقارالىق ەكونوميكا - ساۋدا بارىس - كەلىسىن ىلگەرىلەتۋدە، مەملەكەتتەر قارىم - قاتىناسىنىڭ دامۋىن جەبەۋدە ماڭىزدى رول اتقاردى. جۇڭگو حالىقارالىق ساۋدانى جەبەۋ كوميتەتىنىڭ 70 جىلدىق بارىسى جۇڭگونىڭ سىرتقا ەسىك اشۋدى ۇزدىكسىز كەڭەيتۋىنىڭ ماڭىزدى بەينەسى، سونداي - اق ءار ەل كاسىپورىندارىنىڭ دامۋ ورايىنان بىرگە يگىلىكتەنۋىنىڭ، ءوزارا تيىمدىلىك جەتكىزىپ تەڭ يگىلىككە كەنەلۋدى جۇزەگە اسىرۋىنىڭ ماڭىزدى كۋاسى.
شي جينپيڭ بىلاي دەپ باسا دارىپتەدى: كەزەكتە 100 جىلدىق وزگەرىس پەن عاسىرلىق ىندەت قاباتتاسىپ، ەكونوميكانىڭ جاھاندانۋى كەرى اعىسقا ءدوپ كەلىپ، دۇنيە ءجۇزى جاڭا الاساپىران وزگەرىس مەزگىلىنە ءوتتى. ءار ەل ونەركاسىپ - ساۋدا سالاسىنىڭ بەيبىتشىلىككە، دامۋعا دەگەن ءۇمىت - تىلەگى اناعۇرلىم كوكەي تەستى بولىپ، ادىلدىككە، تۋراشىلدىققا دەگەن ءۇنى اناعۇرلىم كۇشەيىپ، سەلبەسىپ تەڭ يگىلىككە كەنەلۋگە دەگەن تالپىنىسى اناعۇرلىم تەزدەي ءتۇستى. شي جينپيڭ مىناداي 4 ۇسىنىس قويدى:
ءبىرىنشى، كۇش - قۋاتتى شوعىرلاندىرىپ ىندەتتى جەڭۋ كەرەك. جاڭا تيپتى ايدارشا ۆيرۋس وكپە قابىنۋ ىندەتى دامىلسىز قايتالانىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا اۋىر حاۋىپ ءتوندىرىپ، دۇنيە ءجۇزى ەكونوميكاسىنىڭ دامۋىنا اۋىر ىقپال جاسادى. حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ۆاكسينا زەرتتەۋ - اشۋ، ءوندىرۋ، ۇلەستىرۋ جونىندەگى حالىقارالىق سەلبەستىكتى بەلسەنە ورىستەتىپ، الەمدىك الەۋمەتتىك دەنساۋلىق ساقتاۋ ىستەرىن جونگە سالۋدى كۇشەيتىپ، ىندەتكە قارسى اتتانۋدىڭ كوپ قاباتتى قورعانىس شەبىن بىرگە قۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋ كەرەك.
ەكىنشى، ساۋدانى، قارجى قوسۋدى قايتا سەرپىلتۋ كەرەك. ىندەتتەن ساقتانۋ - تىزگىندەۋ مەن ەكونوميكالىق دامۋدى ءبىر تۇتاس جوسپارلاپ، ءار ەلدىڭ ماكرولىق ەكونوميكا ساياساتىن سايكەستىرۋدى كۇشەيتۋ كەرەك. بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جاپپاي ىلگەرىلەتىپ، دۇنيە ءجۇزى ەكونوميكاسىنىڭ قوزعاۋشى كۇشتى اۋىستىرۋىن، تاسىلىنە بۇرىلىس جاساۋدى، قۇرىلىمىن رەتتەۋدى ىلگەرىلەتىپ، دۇنيە ءجۇزى ەكونوميكاسىن ۇزاق ۋاقىت اقاۋسىز، ورنىقتى دامۋ ارناسىنا ءتۇسىرۋ كەرەك. دۇنيە جۇزىلىك ساۋدا ۇيىمىن ۇيتقى ەتكەن كوپ جاقتى ساۋدا ءتۇزىلىسىن قولداپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاپ، سەلبەستىك اياسن كەڭەيتىپ، دامۋ جەتىستىكتەرىنىڭ ءار ەل حالقىنا ءتىپتى دە جاقسى تيىمدىلىك جەتكىزۋىنە مۇمكىندىك جاساۋ كەرەك.
ءۇشىنشى، جاڭالىق اشۋ ارقىلى دەم بەرۋگە تاباندى بولۋ كەرەك. جاڭالىق اشۋدىڭ ارتۋ كومەسكى كۇشىن اشىپ، ءبىلىم مەنشىك ۇقىعىن قورعاۋدى بىرگە كۇشەيتىپ، تولىق ات سالىسۋ، ورتاق تانىم ۇيىستىرۋ نەگىزىندە ەرەجە جاساپ، عىلىم - تەحنيكانىڭ دامۋىنا اشىق، ءادىل، ادىلەتتى، كەمسىتپەيتىن ورتا تۇلعالاۋ كەرەك. جاڭالىق اشۋ اۋىس - كۇيىسى سەلبەستىگىن تەرەڭدەتىپ، عىلىم - تەحنيكانىڭ ەكونوميكامەن تەرەڭدەي توعىسۋىن ىلگەرىلەتىپ، جاڭالىق اشۋ جەتىستىكتەرىنەن بىرگە يگىلىكتەنۋدى كۇشەيتىپ، ءبىلىم، تەحنيكا، دارىندى سياقتى جاڭالىق اشۋ فاكتورلارىنىڭ اينالۋىنا تۇساۋ بولاتىن قامالداردى قۇلشىنا تالقانداۋ كەرەك.
ءتورتىنشى، الەمدىك جونگە سالۋدى كەمەلدەندىرۋ كەرەك. شىن مانىندەگى كوپ جاقتىلىققا تاباندى بولىپ، بىرگە اقىلداساتىن، بىرگە قۇراتىن، بىرگە يگىلىكتەنەتىن الەمدىك جونگە سالۋ كوزقاراسىن امالياتتا ايگىلەپ، الەمدىك بايلىقتى ىسكە قوسىپ، الەمدىك سىن - سايستارعا توتەپ بەرىپ، الەمدىك دامۋدى جەبەۋ كەرەك. پىكىرلەسۋگە، قارسىلاسپاۋعا، قامال تۇرعىزۋعا ەمەس، قامالدى شاعۋعا، بايلانىستى ۇزۋگە ەمەس، توعىسۋعا، سيىسىمدى بولۋعا، قاقپايلاماۋعا تاباندى بولىپ، ءادىل دە تۋراشىل بولۋ ۇستانىمى ارقىلى الەمدىك جونگە سالۋ جۇيەسىن جاڭارتۋعا جەتەكتەۋ كەرەك.
شي جينپيڭ بىلاي دەپ باسا دارىپتەدى: جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، جۇڭگونىڭ ايقارا اشىلعان ەسىگى تەك ونان ارى اشىلا تۇسەدى. جۇڭگو بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز تۇلعالاپ، «وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمىن» جوعارى دەڭگەيدە اتقارىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، بۇكىل الەمنىڭ ونەركاسىپ - ساۋدا سالاسىنا اناعۇرلىم كوپ بازار ورايىن، قارجى قوسۋ ورايىن، ارتۋ ورايىن ازىرلەيدى. قول ۇستاسىپ، بەيبىتشىلىككە، دامۋعا، سەلبەستىككە، بىرگە يگىلىككە كەنەلۋگە تاباندى بولىپ، كەزەكتەگى دۇنيە ءجۇزى ەكونوميكاسى، سونداي - اق حالىقارالىق ساۋدا مەن قارجى قوسۋ ءدوپ كەلىپ وتىرعان ماسەلەلەردى بىرگە شەشىپ، اناعۇرلىم كوركەم بولاشاققا بىرگە اتتانايىق.
