رايونىمىزداعى ءار ۇلت كادر - بۇقاراسى اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن مۇقيات ۇيرەندى، دايەكتىلەندىردى −
شينجياڭنىڭ اناعۇرلىم كوركەم بولاشاعىن جاراتۋعا كۇش سالامىز
□ انار بۇلت \ شينجياڭ گازەتىنىڭ تىلشىلەرى
”دامۋ جوباسى ادامدى جىگەرلەندىرەدى، ءبىزدىڭ اسقاق جىگەرمەن قايراتتانا ۇمتىلىپ، جاڭا ساپاردا شينجياڭنىڭ اناعۇرلىم كوركەم بولاشاعىن كۇش سالا اشۋ سەنىمىمىز بەن بەكىمىمىزدى اناعۇرلىم بەكەمدەي ءتۇستى“. بىرنەشە كۇننەن بەرى بۇكىل رايونىمىزداعى ءار ۇلت كادر - بۇقاراسى اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، ءبىر اۋىزدان مىنالاردى ءبىلدىردى: يدەيا مەن ارەكەتتى جالپى ءماجىلىستىڭ رۋحىمەن شىن مانىندە بىرلىككە كەلتىرىپ، جۇمىس ورنى ءىس جۇزىندىگىن تياناق ەتىپ، بورىش، مىندەت ارقالاپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوسىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الامىز.
جالپى ماجىلىستە، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋدى اناعۇرلىم كورنەكتى ورىنعا قويۋ كەرەكتىگى باسا دارىپتەلدى. بۇل ساۋان قالالىق ءادىليا مەكەمەسى پارتيا باسشىلىق گرۋپپاسىنىڭ شۋجيى باي يۇيحۇڭعا جاۋاپكەرشىلىگىنىڭ اۋىر ەكەندىگىن سەزىندىردى، ول بىلاي دەدى: ”ساۋان قالاسى الەۋمەتتىك زاڭمەن قامداۋدى ۇزدىكسىز كۇشەيتىپ، قالا، اۋىل (قالاشىق)، قىستاق (الەۋمەتتىك اۋماق) ءۇش دارەجەلى الەۋمەتتىك زاڭدىق قىزمەت وتەۋ ورتالىعىن، پۋنكىتىن، كەڭسەسىن شەپ ەتىپ، قامالداردى تالقانداپ، ءۇش دارەجە بىرلەسىپ قيمىلداپ، ولشەمدى، دالمە - ءدال، قولايلى الەۋمەتتىك زاڭدىق قىزمەت وتەۋدى بۇقارانىڭ جانىنا جەتكىزەدى“.
جالپى ماجىلىستە، پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، جاندى، ءونىمدى تۇردە ويداعىداي ىستەپ، ۇلتتار ىنتىماعىن ۇزدىكسىز بەكەمدەۋ، دامىتۋ كەرەكتىگى العا قويىلدى. بۇل شاپشال سىبە اۆتونوميالى اۋدانى شيلي شەشە وتباسىلىق قىزمەت وتەۋ ورتالىعىنىڭ جاۋاپتىسى تان جىنلياندى ايرىقشا شابىتتاندىردى، ول بىلاي دەدى: ”ۇلتتار ىنتىماعى − ءار ۇلت حالقىنىڭ جان تامىرى، كوپشىلىك جۇرەكتەس بولىپ، بىرگە كۇرەس جۇرگىزسە بولعانى، ءبىزدىڭ تۇرمىسىمىز اناعۇرلىم تاماشا بولادى“.
بايىنعولىن موڭعۇل اۆتونوميالى وبلىستىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى (مادەني ەسكەرتكىش مەكەمەسى) پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى يۇي شۋيىڭ مىنالاردى ءبىلدىردى: جالپى ءماجىلىس شينجياڭدى مادەنيەتپەن نارلەندىرۋ ينجەنەرياسىن جان - جاقتى، ىشكەرىلەي اتقارۋ جونىندە ايقىن تالاپ قويدى، مۇنى ويداعىداي تياناقتاندىرۋىمىز كەرەك. مادەنيەت قىزمەتىنە سوتسياليستىك وزەكتى قۇن كوزقاراسىمەن جەتەكشىلىك ەتۋگە تاباندى بولىپ، مادەنيەت ارقىلى ادامدى يلاندىرىپ، مادەنيەت ارقىلى ادامدى تاربيەلەپ، وسى زامانعى الەۋمەتتىك مادەنيەت قىزمەت وتەۋ جۇيەسىن ورناتىپ، اقاۋسىزداندىرىپ، حالىققا مادەنيەت ارقىلى تيىمدىلىك جەتكىزۋ قيمىلدارىنىڭ مازمۇنىن بايىتىپ، مادەني ەسكەرتكىشتەر مەن بەيزاتتىق مادەنيەت مۇرالارىن قورعاۋدى كۇشەيتىپ، ”ءتورت ساراي، ءبىر پۋنكتتى“ تەگىن اشۋ، ادەبيەت - كوركەمونەر ويىندارى توبىنىڭ نەگىزگى ساتىعا بارىپ كونسەرت قويۋى سياقتى قىزمەتتەردى ويداعىداي ىستەپ، بۇقارانى مول رۋحاني ازىقپەن قامدايمىز.
جالپى ءماجىلىس عىلىم - تەحنيكادا جاڭالىق اشۋعا بارىنشا ءمان بەرىپ، عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكالىق زەرتتەۋ - اشۋعا ۇسىنىلىم سەرپىنىن ارتتىرىپ، مەملەكەت دارەجەلى جوعارى، جاڭا تەحنيكالىق كاسىپ سالالارىن اشۋ رايونى قۇرىلىسىن كۇشەيتىپ، جوعارى، جاڭا تەحنيكالى كاسىپورىندار توبىن زورايتىپ، وڭىرلىك جاڭالىق اشۋ قۋاتىن جوعارىلاتۋدى باسا دارىپتەدى. بۇل شينجياڭ ۋاڭيۋان بيولوگيالىق عىلىم - تەحنيكا توبىنىڭ القا باستىعى چىن گاڭلياڭنىڭ سەنىمىن ەسەلەپ ارتتىردى، ول مىنانى ءبىلدىردى: بۇدان كەيىن توبىمىز عىلىم - تەحنيكادا جاڭالىق اشۋعا جەتەكشىلىك ەتۋدى كۇشەيتىپ، سورتتى وزەك ەتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى ارقاۋ ەتىپ، جابدىق تەحنيكاسى مەن عىلىم - تەحنيكاعا ۇسىنىلىمدى ونان ارى كۇشەيتىپ، كاسىپ سالاسى قۇرىلىمىنىڭ دارەجەسىن ۇزدىكسىز جوعارىلاتىپ، شينجياڭنىڭ وسى زمانعى مال شارۋاشىلىعىنىڭ جوعارى ساپالى دامۋىن ىلگەرىلەتۋگە كۇش قوسادى.
”جالپى ءماجىلىس ءبىزدىڭ ءىس تىندىرىپ، ناتيجە شىعارۋ جىگەر - قايراتىمىزدى ايرىقشا سەرپىلتتى“! ءۇرىمجى − سانجى كەدەنى باقىلاۋ - باسقارۋ 1 - ءبولىمىنىڭ ورىنباسار باستىعى لي پىڭ مىنانى ءبىلدىردى: ”جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەل ىلگەرىلەتىپ، باتىسقا ەسىك اشۋدىڭ كەڭدىگى مەن تەرەڭدىگىن ۇلعايتۋ“ سىندى تالاپپەن تىعىز بايلانىستىرىپ، باقىلاۋ - باسقارۋدى كۇشەيتىپ، قىزمەت وتەۋدى ساپالىلاندىرىپ، جۇڭگو − ەۆروپا كەزەكشى پويەزىنىڭ جوعارى ونىممەن ءجۇرۋىن جەبەۋ ارقىلى قاراستى وڭىردەگى ەرەكشە كاسىپ سالالارىنىڭ دامۋىن جەتەكتەپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساۋدانىڭ ىركىلىسسىزدىگىن جەبەپ، ءۇرىمجى حالىقارالىق قۇرلىقتىق پورت اۋماعى قۇرىلىسىن بار كۇشپەن ىلگەرىلەتىپ، شينجياڭنىڭ اشىق ەكونوميكالىق ءتۇزىلىسىنىڭ دامۋىن جەبەۋگە كەدەننىڭ كۇشىن قوسۋ كەرەك.
”جالپى ءماجىلىس ەكولوگيالىق ورتانى قورعاۋ قۇرىلىسىن جۇيەلى تۇردە ويداعىداي يگەرۋدى باسا دارىپتەپ، ءبىزدىڭ كۇرەس بەتالىسىمىزدى اناعۇرلىم ايقىنداپ بەردى“. التاي ايماقتىق پارتكومنىڭ مۇشەسى ەربول زاقان مىنانى ءبىلدىردى: شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، تۇنىق سۋ، جاسىل تاۋ − باعالى بايلىق، قارلى دالا، مۇزدى القاپ تا باعالى بايلىق ۇستانىمىن بەرىك ورناتىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋ مەن جۇيەلى وڭاۋعا تاباندى بولىپ، وزەن - كول باستىعى ءتۇزىمىن، ورمان باستىعى ءتۇزىمىن جاپپاي تياناقتاندىرىپ، تابيعي ورماندى، جايلىمدى، سازدىقتى قورعاۋ سەرپىنىن ارتتىرىپ، لاستانۋدان ساقتانۋ جانە وڭاۋدان قامال الۋ شايقاسىن ىشكەرىلەي ويداعىداي جۇرگىزىپ، اسپانى اشىق، تاۋى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.
الەۋمەتتىك اۋماق − بۇقاراعا قىزمەت وتەۋدىڭ ەڭ الدىڭعى شەبى. موري قازاق اۆتونوميالى اۋدانى موري قالاشىعى ميڭجۋ الەۋمەتتىك اۋماعى پارتيا باس ياچەيكاسىنىڭ شۋجيى فاڭ ليڭ مىنانى ءبىلدىردى: الەۋمەتتىك اۋماق قىزمەتكەرى رەتىندە، جالپى ءماجىلىستىڭ رۋحى بويىنشا بۇقارانى مازالاعان ىستەردى، ۋايىمداتقان ىستەردى، الاڭداتقان ىستەردى شىن مانىندە ويداعىداي شەشەمىن. ”قاراستى اۋماقتا كونە، ەسكى شاعىن اۋماقتار كوپ، بيىل ءبىز ءاربىر شاعىن اۋماققا زاريادتاۋ باعاناسىن ورناتىپ، ءاربىر عيماراتتىڭ كىرەبەرىس ەسىكتەرىن اۋىستىرىپ، تۇرعىندار تۇرمىسىنىڭ قولايلى بولۋىنا مۇمكىندىك جاساۋدى جوسپارلاپ وتىرمىز“.
”ءبىز جالپى ءماجىلىستىڭ رۋحى بويىنشا، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە جۇمىستاندىرۋدى جەبەۋ سىندى ەكى ءىرى ءىستى بۇلجىماستان ويداعىداي يگەرىپ، بۇقارانىڭ قۇت - ىرىسىن ۇزدىكسىز ارتتىرامىز“. كەريا اۋدانى ارال اۋىلى ۋانفاڭ قىستاعى پارتيا ياچەيكاسىنىڭ شۋجيى ءماتتۇردى ءماتسىدىق بىلاي دەدى: ”راۋشان گۇلى قىستاعىمىزداعى ەرەكشە كاسىپ سالاسى، سونداي - اق كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەگى تىرەكتى كاسىپ سالاسى، ءبىز ءونىم مولشەرى مەن ساپانى جوعارىلاتۋمەن بىرگە، ەكى كاسىپتىك سەلبەستىك كووپەراتيۆىنەن ويداعىداي پايدالانىپ، راۋشان گۇلىنىڭ كاسىپ سالاسى تىزبەگىن ۇزارتىپ، شارۋالاردىڭ ۇزدىكسىز كىرىستەرىن ورنىقتى ارتتىرۋىنا شىنايى كەپىلدىك ەتەمىز“.
ارماندا شەك بولمايدى، جول اشىپ العا ىلگەرىلەيىك. قىزىلسۋ قىرعىز اۆتونوميالى وبلىسى اۋىل - قىستاقتى گۇلدەندىرۋ مەكەمەسىنىڭ ورىنباسار باستىعى چىن گاڭ مىنانى ءبىلدىردى: بۇدان بىلاي قامال الىپ، قيىندىقتاردى جەڭىپ، كەدەيلىكتەن ارىلتۋدان قامال الۋ نىساندارىنىڭ باسىمدىعىن ۇزدىكسىز كەڭەيتىپ، قيىنشىلىعى بار بۇقاراعا كومەكتەسۋ - سۇيەمەلدەۋ سەرپىنىن ارتتىرىپ، ەگىنشى - مالشىلاردىڭ جۇمىستانۋ ارناسى بولۋىنا، كاسىپ سالاسىنىڭ دامۋىنا، كىرىستى ارتتىرۋدىڭ قامتاماسىز بولۋىنا، اۋىل - قىستاقتى گۇلدەندىرۋ جولىندا اناعۇرلىم جىلدام، اناعۇرلىم ورنىقتى جۇرۋىنە، اناعۇرلىم شالقىعان جاڭا تۇرمىس كەشىرۋىنە مۇمكىندىك جاسايمىز.
(ءتىلشى جاڭ يانفاڭ، قاتىناسقان تىلشىلەر لي ياڭ، جاڭ يۇنمەي، رىن جياڭ، ليۋ شياڭ، چىن چياڭۋي، جاڭ تيڭ، ءپاريزات ابدۇل، سۇڭ ۋيگو، ەرىكتى ءتىلشى شى چيان، لي نا)
