انار بۇلت \ شينجياڭ گازەتىنىڭ ءتىلشىسى ياۋ گاڭ 5 - ايدىڭ 19 - كۇنى بۇراتالادان حابارلايدى. 5 - ايدىڭ 19 - كۇنى تۇستەن بۇرىن 2022 - جىلعى ”جۇڭگو ساياحات كۇنى“ شينجياڭ بولىمشە ءماجىلىس الاڭى قيمىلى جانە ”جىبەك جولى مەرۋەرتى· سايرام كولى“ جەرگىلىكتى ەرەكشەلىككە يە، ياعني اشىق تۇردەگى يگىلىك لاتاريا بەلەتىن تۇڭعىش تاراتۋ سالتى بۇراتالا موڭعۇل اۆتونوميالى وبلىسى سايرام كولى كورىنىس وڭىرىندە باستالدى.
بيىلعى ”جۇڭگو ساياحات كۇنىنىڭ“ نەگىزگى تاقىرىبى ”جۇڭحۋا مادەنيەتىن سەزىنىپ، تاماشا ساپاردان ءلاززاتتانۋ“. باستالۋ سالتى ينتەرنەت جەلىسىنەن تىس ساياحاتتى باستان كەشىرۋ مەن ينتەرنەت جەلىسىندە تانىستىرۋدى ءوزارا ۇشتاستىرۋ تاسىلىمەن جۇرگىزىلدى، سونداي - اق بەيزاتتىق مادەنيەت مۇرالار كورمەسى ”كورمەلىك قويىلىمى، ساياحات تاۋار كورمەسى، ەرەكشە ءدامدى تاعامدار كورمەسى، ءان - ءبي كونسەرتى“ سياقتى قيمىلدار وتكىزىلىپ، شينجياڭنىڭ مادەنيەت جانە ساياحات بايلىعىن تولىق ايگىلەپ، كوپتەگەن ساياحاتشىلاردى وزىنە باۋرادى.
جۋىق جىلداردان بەرى بۇراتالا موڭعۇل اۆتونوميالى وبلىسى شينجياڭدى ساياحاتپەن گۇلدەندىرۋ ستراتەگياسىن ارقاۋ ەتىپ، سەيىل - سەرۋەن حالىقتىق تۇسەلحانا، اراساندا دەنساۋلىق كۇتىمدەۋ، جەر باۋىرلاي ۇشۋ، قۇمدى شولدە دالا اۆتوكولىگىمەن جۇرۋ، ءوز اۆتوكولىك لاگەرى سياقتى ءبىر توپ ساياحات كاسىپ كۇيىن تۇلعالاپ، ”تۇنىق سۋ، جاسىل تاۋ − باعالى بايلىق“ ۇستانىمىن امالياتتا ايگىلەپ، سايرام كولىن باستاماشى، اراسان - سايرام ساياحاتىن ءبىر تۇلعالاندىرۋدى وزەك ەتىپ، ”سايرام كولىندە ساياحاتتاپ، اراساندا دەنساۋلىق كۇتىمدەۋ“ كاسىپ سالاسىن بىرلەستىرە دامىتۋدى ىلگەرىلەتىپ، ساياحات ەكونوميكاسىنىڭ جوعارى قارقىنمەن ارتۋىن ۇزدىكسىز ساقتادى. 2021 - جىلى بۇراتالا وبلىسى قابىلداعان ساياحاتشى مەن ساياحات كىرىسى جەكە - جەكە ％80.4 جانە ％143 ارتىپ، ساياحات كاسىبى جەرگىلىكتى ورىن ەكونوميكاسىنىڭ جوعارى ساپالى دامۋىن ىلگەرىلەتۋدىڭ قوزعاۋشى كۇشىنە اينالدى.
باستاۋ سالتىندا قاتىستى ورىندار ”اۆتونوميالى رايون دارەجەلى كەشكى مادەنيەت جانە ساياحات تۇتىنۋ شوعىرلانعان ءوڭىر“، ”اۆتونوميالى رايون دارەجەلى ساياحات، سەيىل - سەرۋەن كوشە اۋماعى“، ”اۆتونوميالى رايون دارەجەلى شاڭعى ساياحات دەمالىس ورنى“، ”مەملەكەت دارەجەلى A دارەجەلى ساياحات حالىقتىق تۇسەلحانا، B دارەجەلى ساياحات حالىقتىق تۇسەلحانا“ ۋاكىلدەرىنە جەكە - جەكە ماڭدايشالىق بەردى، 12 - ماۋسىمدىق ”تولعامدىلاردىڭ باتىسقا ساياحاتى“ ينتەرنەتتە تانىستىرۋ جانە ”شينجياڭدى ءسۇيۋ · اۋىلدى ساياحاتتاۋ“ 10 مىڭ ادامدىق ءوز اۆتوكولىگىمەن تيانشاندى ساياحاتتاۋ قيمىلى اۆتوكولىك ۋاكىلدەرىنە تۋ ۇسىندى.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمين بىلاي دەدى: تۇتاس شينجياڭنىڭ جەر - جەرى ساياحات ماركا قۇرىلىسىن تۇتقا ەتىپ، دەنساۋلىق كۇتىمدەۋ ساياحاتىنان ۇلگى كورسەتۋ بازاسىن، ساياحات سەيىل - سەرۋەن كوشە اۋماعىن، مادەنيەت جانە ساياحات تۇتىنۋ شوعىرلانعان ءوڭىر، كەشكى مادەنيەت جانە ساياحات تۇتىنۋ شوعىرلانعان ءوڭىر، سارا ونىمدەر كورىنىس ءوڭىرى، سارا ونىمدەر حالىقتىق تۇسەلحاناسى سياقتى ءبىر توپ مەملەكەت جانە اۆتونوميالى رايون دارەجەلى مادەنيەت، ساياحات ماركاسىن تۇلعالاپ، كاسىپ سالاسىنىڭ دامۋ باسەكەلىك قۋاتىن جوعارىلاتىپ، ساياحات ساپاسىن جوعارىلاتىپ، ساياحاتتىڭ جوعارى ساپالى دامۋىن جۇزەگە اسىردى.
