− پارتيا 18 - قۇرىلتايىنان بەرگى شينجياڭنىڭ دامۋ جەتىستىكتەرى جونىندە جالپى شولۋ
شينحۋا اگەنتتىگىنىڭ تىلشىلەرى
”مەن تالاي جەرگە باردىم، ەڭ كوركەمى تاعى ءبىزدىڭ شينجياڭ...“
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭداعى ءار ۇلت پەرزەنتتەرى زەيىن - زەردەنى، كۇش - قۋاتتى ۇيىستىرىپ، ىنتىماقتاسا ىلگەرىلەپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىنان جازباي، شينجياڭنىڭ ەكونوميكالىق، قوعامدىق دامۋىن تىڭعىلىقتى ىلگەرىلەتتى.
تاۋى التىن، سۋى كۇمىس التاي تاۋىنان ايباتتى دا اسقار پامير ۇستىرتىنە دەيىن، قۇلان جورتقان جوڭعار ويپاتىنان جاسىل القاپ قورشاعان تاكلاماكان شولىنە دەيىن، بۇگىنگى شينجياڭ قوعام ۇزدىكسىز ورنىقتى بولۋ بارىسىندا جوعارى ساپالى دامۋ جولىنا قادام تاستاپ، ءار ۇلت بۇقاراسى اناردىڭ دانىندەي تىعىز ۇيىسىپ، تاماشا مەكەندى بىرگە قۇردى.
شينجياڭدى ورنىقتىرىپ، شينجياڭدى گۇلدەندىرىپ، ”قۇرىش قورعاندى“ بىرگە سالدى
شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق كەلەلى جاعدايىنا سايادى، وتاننىڭ تۇتاستىعىنا، ۇلتتار ىنتىماعىنا، مەملەكەتتىڭ حاۋىپسىزدىگىنە سايادى، جۇڭحۋا ۇلتىنىڭ ۇلى گۇلدەنۋىنە سايادى.
قازىر شينجياڭداعى ۇلكەندى - كىشىلى كوشەلەردى ارالاساڭىز، بارلىق جەردەن تىنىش تا بەرەكەلى بەينەنى سەزىنەسىز. بۇل تابىس وڭاي - وسپاق قولعا كەلگەن ەمەس.
پارتيا 18 - قۇرىلتايىنان بەرى، شينجياڭ قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، قوعامدىق كەلەلى جاعدايدىڭ ءۇرتىس ورنىقتى بولۋىن، ۇزاق ۋاقىت ورنىقتى بولۋىن باتىل قورعاپ، سوتسياليستىك زاڭمەن باسقارۋ تۋىن بيىك ۇستاپ، زورلىقتى كۇش لاڭكەستىك قىلمىستارىنا قاتاڭ سوققى بەرۋمەن بىرگە، قاينارىنان جونگە سالۋعا ءمان بەرىپ، لاڭكەستىك، ءدىني ۇشقارىلىق تۋىلاتىن توپىراقتى ەڭ جوعارى شەكتە الاستاپ، ازاماتتاردىڭ نەگىزگى ۇقىق - مۇددەلەرىنىڭ زيانعا ۇشىراماۋىن ەڭ جوعارى دارەجەدە قامتاماسىز ەتتى. ۋاقىت بۇگىنگە جەتكەندە، شينجياڭدا زورلىقتى كۇش لاڭكەستىك دەلولارى ءبىر مەزەت كوپ تۋىلۋ، ءجيى تۋىلۋ جاعدايىندا تۇبەگەيلى بۇرىلىس بولىپ، قوعامنىڭ كەلەلى جاعدايى ورنىعىپ، ءار ۇلت بۇقاراسىنىڭ حاۋىپسىزدىك سەزىمى زور دارەجەدە جوعارىلادى.
نەگىزگى ساتى ورنىقتى بولسا، شينجياڭ تىنىش بولادى.
2014 - جىلدان باستاپ، شينجياڭ ”حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ“ قىزمەتىن ۇزدىكسىز ورىستەتىپ، ءار جىلى ءار دارەجەلى ورگانداردىڭ كادرلارىنان قۇرالعان قىزمەت اترەتتەرىن اۋىل - قىستاقتارعا، مال شارۋاشىلىق وڭىرلەرگە تاڭداپ جىبەردى. قىستاقتا تۇرعان كادرلار سۋ تامشىلارىنىڭ تەڭىزگە قوسىلعانىنداي، جاۋاپكەرشىلىك ارقالاپ، ىسكەرلىك كورسەتۋ جاۋاپناماسىن كەدەيلىكتەن ارىلتۋدان قامال الۋدان اۋىل - قىستاقتى گۇلدەندىرۋگە دەيىنگى وراسان زور وزگەرىستەر بارىسىندا جازىپ، حالىقتىڭ جۇرەگىنە ۇيالاتتى.
شينجياڭ ۇيعۇر اۆتونوميالى رايوندىق باس جۇمىسشى ۇيىمىنىڭ كادرى ساۋ باۋرۇڭ اتۇش قالاسى ءۇستىن اتۇش قالاشىعى بوستان قىستاعىندا قىستاقتا تۇرعان ءبىرىنشى شۋجي مىندەتىن ارقالاعان كەزىندە كەدەيلەردى سۇيەمەلدەۋ قاراجاتىن قولعا كەلتىرىپ، قىستاقتا شارۋاشىلىق قۇرۋ باقشاسىن تۇلعالاپ، ايەلدەردىڭ ەسىك الدىنان تەحنيكا ۇيرەنىپ، جۇمىستانىپ، قوس قولدارىنا سۇيەنىپ كەدەيلىكتەن ارىلىپ، كىرىسىن ارتتىرۋىنا مۇمكىندىك جاسادى. 2021 - جىلدىڭ اياعىندا ول مىندەتتەن بوساعاندا، بۇكىل قىستاقتاعىلار قىستاق اۋزىندا ونىمەن قۇشاقتاسىپ، كوزدەرىنە ىستىق جاس الىپ، وعان دەگەن العىستارىن ءبىلدىردى.
سونىمەن بىرگە شينجياڭ اۋىل - قىستاق پارتيا ۇيىمى جانە قىستاق كادرلارى قوسىنى قۇرىلىسىن ونان ارى كۇشەيتتى، قىستاق كادرلارىنىڭ اراسىندا جاستار مولايىپ، ءتىپتى دە كوپ جاس كۇشتەر نەگىزگى ساتىدا ۇلەس قوسىپ، ناتيجە جاراتتى.
تىڭ يگەرۋ كوركەيسە، شەكارا ءوڭىر تىنىش بولادى.
پارتيا 18 - قۇرىلتايىنان بەرى، شينجياڭ ءوندىرىس - قۇرىلىس بيڭتۋانى ”تىڭ يگەرىپ، شەكارانى قورعاۋدان“ ”قالا سالىپ، شەكارانى قورعاۋعا“ قاراي جەدەل بۇرىلىس جاساپ، قالا - قالاشىقتاندىرۋدى دانەكەر، جاڭاشا ونەركاسىپتەندىرۋدى جەتەكشى، اۋىل شارۋاشىلىعىن وسىزامانداندىرۋدى نەگىز ەتكەن دامۋ ارناسىن قالىپتاستىرۋدى ىلگەرىلەتىپ، شەكارا ءوڭىردى تىنىشتاندىرىپ، شەكارانى بەكەمدەيتىن ورنىقتىرعىشتى، ءار ۇلت بۇقاراسىن ۇيىستىراتىن الىپ دومنا پەشتى، وزىق وندىرگىش كۇش پەن وزىق مادەنيەتتەن ۇلگى كورسەتەتىن رايوندى قۇلشىنا تۇلعالادى.
شينجياڭنىڭ دامۋىن سوتسياليستىك ۇلى شاڭىراقتىڭ قالتقىسىز قولداۋىنان بولە قاراۋعا بولمايدى.
بەيجيڭ جولى، شىنجىنچىڭ، شاڭحاي كاسىپ سالاسى باقشاسى... تيانشان الابىن ارالاساڭىز، تۋىسقان ولكە، قالالاردىڭ اتىمەن اتالعان جولداردى، باقشا رايونىن، مەكتەپتەردى جانە شيپاحانالاردى ۇنەمى كەزدەستىرەسىز. شينجياڭعا كومەكتەسكەن ولكە، قالالاردىڭ، مەملەكەتتىك مينيسترلىك، كوميتەتتەردىڭ، ورتالىق كاسىپورىندارىنىڭ قالتقىسىز كومەگىن، سونداي - اق شينجياڭعا كومەكتەسكەن كادرلاردىڭ قاجىرلىلىقپەن ىستەگەن ەڭبەكتەرىن شينجياڭداعى ءار ۇلت حالقى ماڭگى ۇمىتپايدى.
شينجياڭ قارجى، نىسانداردى حالىق تۇرمىسىنا بەيىمدەۋگە، نەگىزگى ساتىعا بەيىمدەۋگە، ءتۇيىندى وڭىرلەرگە بەيىمدەۋگە تاباندى بولىپ، ”ۇيىرمە قۇراۋ ۇلگىسىندە“ شينجياڭعا كومەكتەسۋدىڭ وقۋ - اعارتۋعا، ەمدەۋگە، مادەنيەت - ساياحاتقا، اۋىل - قىستاقتى گۇلدەندىرۋگە، ەڭبەك شوعىرلى كاسىپ سالالارىنا قاراي ۇزارۋىن ۇزدىكسىز تەرەڭدەتىپ، كەڭەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتتى.
ءوزارا قارايلاسىپ، كورىكتى مەكەندى بىرگە قۇردى
”اسفالت جول ەسىك الدىنا دەيىن كەلدى، مەكتەپ، ەمحانا، مادەنيەت الاڭى سياقتىلاردىڭ بارلىعى سالىنىپ بولدى“. حوتان ايماعى كەريا اۋدانى ءداريابويى اۋىلىنىڭ باستىعى ريزۋانگۇل ءمۇتالىپ تىلشىگە ءداريابويىنىڭ جاڭا كەلبەتىن ماقتانىشپەن وسىلاي دەپ تانىستىردى.
ءداريابويىنىڭ كونە جۇرتى تاكلاماكان ءشولىنىڭ قويناۋىندا، ءار جىلدىڭ 7 ايىندا قۇمدى بوران اۋا رايىندا تۇراتىن، جەرى قۇنارسىز، ءونىمى تومەن، شارت - جاعدايى جاپالى جەر بولاتىن. وسىنداي جاعدايدى وزگەرتۋ ءۇشىن، 2018 - جىلدان بەرى قىستاق تۇرعىندارى پارتيا مەن ۇكىمەتتىڭ كومەگىندە تۇگەلدەي جاڭا ورىنعا كوشىپ، سۋ، ەلەكتر، ينتەرنەت تارتىلعان جاڭا ۇيلەرگە كوشىپ كىردى. كوشىپ كەلگەن بۇقارانىڭ كىرىسىن ارتتىرۋىنا كومەكتەسۋ ءۇشىن، ۇكىمەت تاعى قىستاق تۇرعىندارىن باستاپ باعىمشىلىق سەلبەستىك كووپەراتيۆىن قۇرىپ، قۇمدى ءشول ساياحاتىن جولعا قويىپ، قىستاق تۇرعىندارىنىڭ تۇرمىسىن بارعان سايىن جاقسارتتى.
جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتى قاعىس قالدىرۋعا بولمايدى.
2020 - جىلدىڭ اياعىندا وڭتۇستىك شينجياڭداعى ەڭ سوڭعى 10 كەدەي اۋداننىڭ كەدەيلىك قالپاعىنىڭ الىنۋىنا ىلەسە، شينجياڭ مۇلدەم كەدەيلىككە قوش ايتتى. قازىرگى تاڭدا شينجياڭ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدا. 2021 - جىلى شينجياڭنىڭ كەدەيلىكتەن ارىلعان ايماقتارىنداعى اۋىل - قىستاق تۇرعىندارىنىڭ جان باسىندىق قولداعى كىرىسى 14 مىڭ 798 يۋانعا جەتىپ، سايكەس مەزگىلدەگىدەن ％08. 12 ارتتى.
حالىق تۇرمىسى ەڭ ۇلكەن ساياسي.
2020 - جىلى اتۇش قالاسىنداعى جۇمىس كۇتىپ جۇرگەن ايەل ءنۇرايلا وسمان ۇكىمەتتىڭ ۇيىمداستىرۋىندا شاندۇڭ، گۋاڭدۇڭ قاتارلى جەرلەرگە ەكسكۋرسيالاۋعا، ۇيرەنۋگە باردى، قايتىپ كەلگەننەن كەيىن 150 مىڭ يۋان كومەكتەسۋ - سۇيەمەلدەۋ قاراجاتىمەن وتباسىلىق قىزمەت وتەۋ سەرىكتەستىگىن قۇردى. 2 جىلدان بەرى سەرىكەستىكتىڭ جۇمىسى تازالىق ىستەۋ، بوبەك انا، وتباسى كۇتۋشىسى سياقتى 20 نەشە قىزمەت وتەۋ تۇرىنە كەڭەيىپ، 80 نەشە ادامدى ورنىقتى جۇمىستاندىردى.
ايەلدەردىڭ ۇقىق - مۇددەسىن قامتاماسىز ەتۋ قىزمەتىنىڭ ۇزدىكسىز كۇشەيۋىنە ىلەسە، شينجياڭداعى قالىڭ ايەلدەر ءار سالادا بارعان سايىن ماڭىزدى رولدارىن ساۋلەلەندىرىپ، قوعامداعى ورنى، وتباسىنداعى ورنى كورنەكتى جوعارىلادى. ساندى مالىمەتتە كورسەتىلۋىنشە، 2019 - جىلى شينجياڭنىڭ قالا، قالاشىقتارىندا 480 مىڭ 900 ادام تىڭنان جۇمىستانعان، مۇنىڭ ىشىندە ايەلدەر 228 مىڭ 100 ادام.
عاسىرلىق ۇلى جوسپار وقۋ - اعارتۋدى نەگىز ەتەدى.
پارتيا 18 - قۇرىلتايىنان بەرى، شينجياڭ مەكتەپتەردىڭ ءبىلىم بەرۋ شارت - جاعدايىن ۇزدىكسىز جاقسارتۋ ارقىلى ءار دارەجەلى، ءار ءتۇرلى وقۋ - اعارتۋدىڭ اناعۇرلىم جوعارى دەڭگەيدە جالپىلاسۋىن، اناعۇرلىم جوعارى ساپادا دامۋىن جۇزەگە اسىرۋدى جاپپاي ىلگەرىلەتتى، مەكتەپكە دەيىنگى تاربيە بويىنشا بالاباقشاعا ءتۇسۋدىڭ جالپى مولشەرى، توعىز جىلدىق مىندەتتى وقۋ - اعارتۋدىڭ بەكەمدەلۋ مولشەرى، ورتا مەكتەپ ساتىسىنداعى وقۋعا ءتۇسۋدىڭ جالپى مولشەرى جەكە - جەكە ％19. 98كە، ％69. 95كە، ％87. 98كە جەتتى.
ۇلت جانە ءدىن قىزمەتىن جاقسى ىستەۋ شينجياڭ جونىنەن كەلەلى مانگە يە.
بيىل جىل باسىنان بەرى، «گۇل نەلىكتەن سونشاما قىزىل» دەگەن كينو فيلمدى شينجياڭدا كورۋ قىزۋ ورلەۋى كوتەرىلدى، كينو فيلم تاجىك ۇلتىنان شىققان شەكارا قورعاۋشى لاچين بايەكەنىڭ شەكارا قورعاۋدىڭ ءبىرىنشى شەبىندە مەملەكەت تەرريتورياسىن كۇزەتكەن اسەرلى اڭگىمەسىن قاز - قالپىندا بايانداپ، ونىڭ تاستاي سۋىق كول سۋىنا ءتۇسىپ كەتكەن بالانى قۇتقارۋ جولىندا، باقىتقا قارسى، قۇربان بولعان قاھارماندىق ەرلىك ءىسىن كورسەتتى.
”ول شينجياڭنىڭ قاھارمانى، ۇلتتار ىنتىماعىنىڭ تۋى، ءبىزدىڭ ءاربىرىمىزدىڭ ۇلگىمىز“! ”لاچين ءبىز تالپىنۋعا تاتيتىن ونەگە“... كينو فيلمدى كورگەننەن كەيىن، كوپتەگەن ينتەرنەت قولدانۋشىلار شىنايى سەزىمگە تولى اسەرلەرىن ءبىلدىردى.
جاڭا داۋىردە شينجياڭ پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋعا تاباندى بولىپ، ءار ۇلت كادر - بۇقاراسىنىڭ دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋىن ىلگەرىلەتتى؛ پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋدى ورنىقتى قاداممەن ىلگەرىلەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىن سالاسىنىڭ تاتۋلىعىن، جاراسىمدىلىعىن ۇزدىكسىز جەبەدى.
جوعارى ساپالى دامۋدىڭ تىڭ تاراۋىن جازدى
وڭتۇستىك شينجياڭعا ورنالاسقان تارىم ويپاتىنىڭ شىعىستان باتىسقا دەيىنگى ۇزىندىعى شامامەن 1500 كيلومەتر، وڭتۇستىكتەن سولتۇستىككە دەيىنگى ەڭ كەڭ جەرى 600 كيلومەتر، ورتاسى 300 نەشە مىڭ شارشى كيلومەتر كەلەتىن ۇلكەن قۇمدى ءشول.
بىلتىر 9 - ايدىڭ 27 - كۇنى تاكلاماكان ءشولىن اينالاتىن تەمىر جولدىڭ ەڭ سوڭعى 2 رەليسىنىڭ جاتقىزىلۋىنا ىلەسە، تاكلاماكان ءشولىن اينالاتىن تەمىر جولدىڭ ”ەڭ سوڭعى ءبىر كيلومەترى“ سانالاتىن حوتان − چارقىلىق تەمىر جولىنىڭ تۇتاس جەلىسىنە رەليس جاتقىزىلىپ تۇتاستىرىلدى، بيىل پويەز قاتىنايدى.
قاتىناس - تاسىمال ىستەرىنىڭ دامۋى شينجياڭنىڭ جاڭا داۋىردەگى دامۋىنىڭ ىقشام كورىنىسى. ساناققا قاراعاندا، 2021 - جىلى شينجياڭ وڭىرلىك ءوندىرىس جالپى ءونىم قۇنىن ءبىر تريلليون 600 ميلليارد يۋانعا جەتكىزىپ، ％7 ارتتىرىپ، ادەتتەگى الەۋمەتتىك مەجە ەسەپ كىرىسىن 161 ميلليارد 860 ميلليون يۋانعا جەتكىزىپ، ％6. 9 ارتتىرعان، تۇراقتى مۇلىككە قوسىلعان قارجىنى 820 ميلليارد يۋاننان اسىرىپ، ％15 ارتتىرعان، قالا - قالاشىقتاردا تەكسەرىلگەن جۇمىسسىزدىق مولشەرىن ％5. 5 ىشىندە تىزگىندەپ، ”14 - بەسجىلدىقتىڭ“ تاماشا باستاماسىن جۇزەگە اسىرعان.
شينجياڭنىڭ سىرتقا ەسىك اشۋى ەرەكشە وڭىرلىك باسىمدىققا يە.
جۋىق جىلداردان بەرى، شينجياڭ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەل ىلگەرىلەتتى، ءۇرىمجى حالىقارالىق قۇرلىقتىق پورت رايونىنىڭ 2021 - جىلعى ءتۇيىندى قۇرىلىس نىسانىنا 3 ميلليارد يۋان قارجى قوسىلىپ، قاشقار، قورعاس ەكونوميكالىق اشۋ رايوندارىنداعى كاسىپورىنداردىڭ تابىس سالىعى سياقتى ءتيىمدى ساياساتتار تياناقتاندىرىلىپ، قارجى قوسۋ، شارۋاشىلىق - ساۋدا ورتاسى كورنەكتى جاقساردى. كەزەكشى پويەزدار ەۆروپا مەن ازيانى تۇتاستىرىپ، جىبەك جولىندا گۋدوك ءۇنى تولاستامادى.
جاسىل دامۋ جوعارى ساپالى دامۋدى جۇزەگە اسىرۋدا، ءسوز جوق، باسىپ وتەتىن جول.
شينجياڭنىڭ ”شىعىس قاقپاسى“ قۇمىلدىڭ كەڭ - بايتاق قۇبا تۇزىندە كۇن ەنەرگياسىنان پايدالانىپ ەلەكتر تاراتقان ەلەكتر ستانسيالارى مول جارىق، جىلۋ بايلىعىنا سۇيەنىپ ەلەكتر تاراتتى، ونىڭ سىرتقى ءپىشىنى الىپ ”كۇمىس ءتۇستى كۇنباعىسقا“ ەرەكشە ۇقسايتىندىقتان، كوركەم كورىنىس جەلىسىنە اينالدى.
شينجياڭنىڭ جاسىل دامۋ ارتىقشىلىعى باسىم، كاسىپ تىزبەگىن ۇزدىكسىز ۇزارتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتۋ ارقىلى شينجياڭ جاڭا ماتەريالدى، جاڭا ەنەرگيانى، وزىق جابدىق جاساۋدى، ەنەرگيا ۇنەمدەپ، قورشاعان ورتانى قورعاۋدى نەگىز ەتكەن ستراتەگيالىق جاڭادان گۇلدەنگەن كاسىپ سالاسى جۇيەسىن قالىپتاستىردى.
تۇنىق سۋ، جاسىل تاۋ − باعالى بايلىق.
”90 - جىلداردىڭ بويجەتكەنى“ چۋ ۋىنۋىن شينجياڭ التاي ايماقتىق تابيعاتتى قورعاۋ قوعامىنىڭ باستىعى، ”جابايى قۇندىزدىڭ ءومىرىن قورعاۋشى“ دەگەن اتقا يە. ونىڭ ۇجىممەن بىرگە قۇلشىنۋىنىڭ ارقاسىندا، مەملەكەتتىك 1 - دارەجەلى ءتۇيىندى قورعالاتىن حايۋانات مىڭشين قۇندىزىنىڭ سانى 600گە جەتىپ، 3 جىلدىڭ الدىنداعىدان ％8. 19 ارتتى.
جەرگىلىكتى مالشىلاردى تابيعاتتى قورعاۋ قىزمەتىنە ات سالىسۋعا باۋراۋ ءۇشىن، چۋ ۋىنۋىن ۇجىمى 700 كيلومەتردەن استام ۇلىڭگىر وزەنى الابىنداعى مالشىلاردىڭ وتباسىن ءبىر - بىردەن ارالاپ، جول بويى تابيعاتتى قورعاۋ قىزمەتىنىڭ ماڭىزى جونىندە ۇگىت لەكسيا جاسادى ءارى ”قۇندىز قورعاۋشى“ الەۋمەتتىك يگىلىك نىسانىن باستادى. قازىر 190 مالشى وتباسى تۇگەلدەي دالادا قىزمەت ىستەۋ شەبەرلىگىنە تاربيەلەنىپ، قىزمەت ورنىنا شىعىپ، تابيعاتتى قورعايتىن الەۋمەتتىك يگىلىك شارلاۋشىسىنا اينالدى. ءوزى دە وسى ەڭبەگى ءۇشىن 26 - كەزەكتى ”جۇڭگو جاستارى 4 - مامىر مەدالىنا“ يە بولدى.
شينجياڭنىڭ جەرى كەڭ، كورىنىسى كوركەم، الايدا ەكولوگيالىق ورتاسى دا توتەنشە ءالسىز.
جۋىق جىلداردان بەرى شينجياڭ ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاسادى؛ سونىمەن بىرگە شينجياڭدى ساياحاتپەن گۇلدەندىرۋ ستراتەگياسىن بار كۇشپەن اتقارىپ، ساياحات كاسىبىن دامىتۋ ارقىلى اناعۇرلىم كوپ ەگىنشى - مالشىعا ەكولوگيانىڭ يگىلىگىن، ساياحاتتىڭ يگىلىگىن كورسەتتى.
باسىپ وتكەن جولىمىزعا قايىرىلا قاراساق، سەنىم جەلكەنىن كەڭ جايامىز.
بۇگىنگى شينجياڭ − وتانىمىزدىڭ كەڭ - بايتاق دالاسىنداعى جاندى دا جالىندى ىرىستى مەكەن. جۇڭحۋا ۇلتىنىڭ ۇلى گۇلدەنۋى ساپارىندا ارشىنداي دامىعان شينجياڭ، ءسوز جوق، جاڭا تاريحتى جازىپ، جاڭا شۇعىلالى تابىستار جاراتادى.
(تىلشىلەر ليۋ بيڭ، ۋاڭ چي، سۇن جى، لي جىحاۋ، ياڭ جانفي)
(شينحۋا اگەنتتىگىنىڭ 5 - ايدىڭ 21 - كۇنى ۇرىمجىدەن بەرگەن حابارى)
