انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 21 - كۇنى تۇستەن بۇرىن اۆتونوميالى رايوندىق عىلىم - تەحنيكا مەڭگەرمەسى، اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق عىلىم - تەحنيكا قوعامى بىرگە وتكىزگەن 2022 - جىلعى اۆتونوميالى رايوننىڭ عىلىم - تەحنيكا قيمىلى اپتالىعى شينجياڭ حالىقارالىق ءماجىلىس - كورمە ورتالىعىندا باستالدى، ايماق، وبلىس، قالالاردا ينتەرنەت جەلىسىندە، ينتەرنەت جەلىسىنەن تىسقارى ءوزارا ۇشتاسقان ءتاسىل ارقىلى قاتار ءجۇرىلدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت قاتىناستى ءارى ارناۋ ءسوز سويلەدى. جۇڭگو عىلىم اكادەمياسىنىڭ اكادەميگى شياۋ ۋىنجياۋ، جۇڭگو تەحنيكالىق عىلىمدار اكادەمياسىنىڭ اكادەميگى وشۇر ءسىلام قيمىلعا قاتىناستى.
عىلىم - تەحنيكا قيمىلى اپتالىعى ”عىلىم - تەحنيكا ساپارىنا بىرگە اتتانايىق“ دەگەندى نەگىزگى تاقىرىپ ەتىپ، باس شۋجي شي جينپيڭنىڭ عىلىم - تەحنيكادا جاڭالىق اشۋ جونىندەگى ءبىرسىپىرا ماڭىزدى بايىمداۋلارىن ءتۇيىندى ۇگىتتەپ، عىلىم - تەحنيكالىق العاباسارلىق زاڭىن، عىلىم - تەحنيكانى جالپىلاستىرۋ زاڭىن جانە اۆتونوميالى رايوننىڭ قاتىستى زاڭ ەرەجەلەرىن ىشكەرىلەي ۇگىتتەپ، اۆتونوميالى رايوننىڭ عىلىم - تەحنيكادا جاڭالىق اشۋ تابىستارىن جانە عىلىم - تەحنيكا ارقىلى شينجياڭعا كومەكتەسۋ ناتيجەلەرىن شوعىرلى ۇگىتتەپ، فورماسى ءار الۋان عىلىم جالپىلاستىرۋ كورمە قيمىلىن ورىستەتەدى.
عىلىم - تەحنيكا قيمىلى اپتالىعى 5 - ايدىڭ 28 - كۇنىنە دەيىن جالعاسادى، نەگىزگى ءماجىلىس زالىنداعى كورمە قيمىلى 5 - ايدىڭ 23 - كۇنىنە دەيىن بولادى. وسى ارالىقتا باي مازمۇندى، الۋان فورماداعى ءبىرسىپىرا بۇقارالىق عىلىم جالپىلاستىرۋ قيمىلدارىن وتكىزۋ ارقىلى الەۋمەتتىڭ ات سالىسۋ بارىسىندا عىلىم - تەحنيكانىڭ قۇدىرەتتى كۇشىن سەزىنۋىنە مۇمكىندىك جاساپ، الەۋمەتتىڭ عىلىمدى ءتۇسىنۋىن، عىلىم - تەحنيكادا جاڭالىق اشۋعا قولداۋ كورسەتۋىن جەبەيدى، ءار ۇلت عىلىم - تەحنيكا قىزمەتكەرلەرىن، قوعامنىڭ ءار سالاسىنداعى قايراتكەرلەردى عىلىم جالپىلاستىرۋ قىزمەتىنە بەلسەنە ات سالىسىپ، عىلىم - تەحنيكادا جاڭالىق اشۋ تابىستارى مەن عىلىمدى جالپىلاستىرۋدىڭ حالىقتى يگىلىككە كەنەلتۋىن ونان ارى ىلگەرىلەتۋگە جۇمىلدىرادى، ۇندەيدى.
