بەتاشار
پارتيا 18 - قۇرىلتايىنان بەرى باس شۋجي شي جينپيڭ شارشاپ - شالدىقتىم دەمەي، اپتاپ ىستىق، قاقاعان ايازعا قاراماي، نەگىزگى ساتىنىڭ ءبىرىنشى شەبىن ارالاپ حالىق جاعدايىن ۇعىسىپ، حالىق رايىنا قۇلاق ءتۇرىپ، وتانىمىزدىڭ بايتاق دالاسىندا مىعىم بەدەرلى ءىز كەستەلەپ، ميلليارد حالىقتىڭ جۇرەگىنە جىلى شۋاقتى ىزگى ەستەلىك قالدىردى. بۇگىننەن باستاپ، شينحۋا اگەنتتىگى ”باس شۋجيدىڭ ىزىمەن“ ايدارىن اشىپ، جالعاستىرا 31 ءتۇيىندى حابار تاراتادى. شينحۋا اگەنتتىگىنىڭ تىلشىلەرى پارتيا 18 - قۇرىلتايىنان بەرگى باس شۋجي شي جينپيڭنىڭ جەرگىلىكتى ورىنداردا قىزمەت تەكسەرگەندەگى، تەكسەرۋ - زەرتتەۋ جۇرگىزگەندەگى ىزدەرىمەن تىلشىلىك جاساپ، جاندى كورىنىستەردى قايتا كوز الدىعا اكەلىپ، جۇرەككە جىلى شۋاق توگەتىن سوزدەردى قايتا جاڭعىرتىپ، باس شۋجيدىڭ جاڭا داۋىرگە جەتەكشىلىك ەتكەن ستراتەگيالىق كەسكىندەمەسى مەن حالىقپەن ەتەنە بولعان، حالىقتى سۇيگەن قالتقىسىز سۇيىسپەنشىلىگىن ايگىلەپ، جەر - جەردىڭ تاپسىرمانى ەستە بەرىك ساقتاپ، العىس سەزىممەن جىگەرلەنە ۇمتىلعان جالىندى امالياتىن جانە كورنەكتى ناتيجەلەرىن كورسەتەدى.
□ شينحۋا اگەنتتىگىنىڭ تىلشىلەرى
5 - اي تيانجيننىڭ بايتاق دالاسى ءارقاشان ەڭ شۋاقتى مەرەيگە بولەنەدى. 2013 - جىلى باس شۋجي شي جينپيڭنىڭ تۇڭعىش رەت تيانجيندە قىزمەت تەكسەرۋى جالىندى تىرشىلىك لەبى ەسكەن وسى مەزگىلدە بولعان ەدى.
بەيجيڭدى، تيانجيندى، حىبەيدى سايكەستىرە دامىتۋعا قىزمەت ەتۋ، كەلەلى رەفورما شارالارىن الدىمەن جولعا قويۋ، الدىمەن سىناق ەتۋ، ۇلتتىق رۋحتى اسقاقتاتىپ، وتانشىلدىق سۇيىسپەنشىلىككە باۋلۋ... پارتيا 18 - قۇرىلتايىنان بەرى باس شۋجي شي جينپيڭ تيانجينگە 4 مارتە ات باسىن تىرەپ، مەملەكەتتىك ستراتەگيانىڭ جوباسىن ءتۇزىپ، رەفورماعا، دامۋعا جەتەكشىلىك ەتىپ، وسىناۋ ىرىستى توپىراققا شەكسىز كۇش - قۋات سيلادى.
مەملەكەتتىك ستراتەگياداعى تيانجين ىسكەرلىگى
”شالقار ءورىستى مۇرات ەتىپ، دۇنيە جۇزىندە ماڭداي الدى پاراساتتى پورت، جاسىل پورت قۇرۋعا قۇلشىنىپ، بەيجيڭدى، تيانجيندى، حىبەيدى سايكەستىرە دامىتۋعا جانە ’ءبىر بەلدەۋ، ءبىر جولدى‘ بىرگە قۇرۋعا اناعۇرلىم ويداعىداي قىزمەت ەتۋ كەرەك“. 2019 - جىلى 1 - ايدىڭ 17 - كۇنى باس شۋجي شي جينپيڭ قاقاعان ايازعا قاراماي تيانجين پورتىندا قىزمەت تەكسەردى.
بەيجيڭدى، تيانجيندى، حىبەيدى سايكەستىرە دامىتۋ − باس شۋجي شي جينپيڭ تىكەلەي جوسپارلاعان، تىكەلەي ورنالاستىرعان، تىكەلەي ىلگەرىلەتكەن مەملەكەتتىك ستراتەگيا. ۇلى جوبا تيانجيننىڭ كاسىپ سالاسى دامۋىنىڭ سالىستىرمالى باسىمدىعىن ويداعىداي ساۋلەلەندىرۋىنىڭ، تيانجيننىڭ سولتۇستىك حالىقارالىق سۋ تاسىمالى تورابى قۇرىلىسىن جەدەلدەتۋدىڭ قۋاتتى قوزعاۋشى كۇشىنە اينالدى.
بەيجيڭ، تيانجين، حىبەيدىڭ تەڭىزدەگى قاقپاسى بولعان تيانجين پورتى توراپتىق پورت باسىمدىعىن ساۋلەلەندىرىپ، حىبەي پورتتارىمەن بىرگە الەمدىك دەڭگەيدەگى وسىزاماندانعان پورتتار شوعىرىن قۇرىپ، ءوڭىردىڭ جاھاندىق ەكونوميكالىق جۇلگەگە تەرەڭ توعىسۋىن ىلگەرىلەتتى.
تيانجين مەن حىبەيدىڭ وڭىردەگى ورنى جاقىن، ەكى جەردىڭ پورتتارى ىرگەسى ءتيىپ جاتقان ”كورشىلەر“ بولعانىمەن، كەزىندە ”باقتالاستاردان“ ەدى. بەيجيڭدى، تيانجيندى، حىبەيدى سايكەستىرە دامىتۋ مەملەكەتتىك ستراتەگيا دەڭگەيىنە كوتەرىلگەن سوڭ، تيانجيننىڭ سولتۇستىك حالىقارالىق سۋ تاسىمالى وزەكتى اۋماعىندىق ورنى ايقىندالىپ، حىبەي ولكەسىندەگى پورتتارمەن سەلبەسە، ءار دەڭگەيدە دامۋ قالىپتاستىردى.
تيانجين پورتى عاسىرلىق كونە پورت، ونان دۇنيە جۇزىندەگى 200دەن استام مەملەكەت پەن وڭىرلەردەگى 800دەن استام پورتقا كەمە قاتىنايدى. سايكەستىرە دامىتۋ ستراتەگياسى اتقارىلعاننان بەرى تيانجين پورتى اناعۇرلىم كوپ سەرىكتەسكە پايداسىن تيگىزدى. بۇگىنگى تاڭدا ەكى جەردەگى پورتتاردىڭ ءوزارا ىقپالداستىعى بارعان سايىن جيىلەپ، ءۇستى - ۇستىنە كوبەيگەن سۋ جولدارى ساباق - ساباق جىپتەردەي شيراتىلىپ، تيانجين پورتى، چينحۋاڭداۋ پورتى، تاڭشان پورتى، حۋاڭحۋا پورتى سياقتى جۇك اينالىم مولشەرى 100 ميلليون توننادان اساتىن ءىرى پورتتاردى جالعاپ جاتىر.
تيانجين − حىبەي پورتتار شوعىرى قۇرىلىسى دا بەيجيڭ ەكونوميكاسىنىڭ دامۋىنا پارمەندى تۇردە قىزمەت ەتۋدە. تيانجين پورتى جارنا شەكتى سەرىكتەستىگى كاسىپ ءبولىمىنىڭ ورىنباسار ديرەكتورى رىن ۋي بىلاي دەدى: بەيجيڭ مەرسەدەس اۆتوموبيلى شەكتى سەرىكتەستىگى بەيجيڭنەن جياڭسۋ، جىجياڭ وڭىرلەرىنە باراتىن قۇرلىق جول تاسىمالىنىڭ ۋاقىتى ۇزاق، وزىندىك قۇنى جوعارى بولۋداي ءبىر قيىن ماسەلەگە تاپ بولدى. ”ءبىز تاباندا ارناۋلى تاقىرىپتاعى تەحنيكالىق نەگىزدەمە ۇيىمداستىرىپ، تەز ارادا تيانجين پورتىنان نيڭبو پورتىنا قاتىنايتىن سۋ جولىن اشتىق“.
”بۇدان كەيىن ءبىز فۋنكتسياسى كەمەلدى، جۇمىس ءبولىسى ۇيلەسىمدى، ءار دەڭگەيدە داميتىن، جوعارى ونىمدىلىكپەن سايكەسەتىن تيانجين − حىبەي الەمدىك دەڭگەيدەگى پورتتار شوعىرىن جەدەل قۇرىپ، بوحاي توڭىرەگىندەگى سۋ تاسىمالى تورىن ءجيى توقىپ، تيانجين − حىبەي پورتتار شوعىرىنىڭ بوحاي توڭىرەگىندەگى، ىشكى قۇرلىقتىڭ كىندىك وڭىرىندەگى ىقپال كۇشى مەن شارپۋ قۋاتىن كۇشەيتىپ، بەيجيڭدى، تيانجيندى، حىبەيدى سايكەستىرە دامىتۋعا قىزمەت ەتۋدىڭ قابىلەتى مەن دەڭگەيىن جوعارىلاتامىز“، - دەدى تيانجين پورتى توبىنىڭ القا باستىعى چۋ بين.
”ءبىر پورت“ پەن ”ءبىر باقشادان“ سايكەستىرۋدەگى وزگەرىس كەسكىندەلدى.
وسى جولعى قىزمەت تەكسەرۋدە باس شۋجي شي جينپيڭ تيانجين بينحاي − جۇڭگۋانسۇن عىلىم - تەحنيكا باقشاسىنا كەلدى. ول بىلاي دەپ باسا دارىپتەدى: عىلىم - تەحنيكا باقشا رايونىنىڭ ءتۇزىلىس - مەحانيزمىندە جاڭالىق اشۋدى تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، بەيجيڭدەگى اناعۇرلىم كوپ عىلىم - تەحنيكالىق قىزمەت وتەۋ بايلىقتارىن باقشا رايونىنا كەلىپ قارجى سالۋعا نەمەسە كاسىپ ءورىسىن كەڭەيتۋگە تارتىپ، بەيجيڭ، تيانجين ەكى قالانىڭ باسىمدىقتارمەن ءبىرىن - ءبىرى تولىقتىرۋىن، مىقتى مەن مىقتىنىڭ بىرلەسۋىن شىن مانىندە جۇزەگە اسىرۋدى جەبەۋ كەرەك.
3 جىلدان بەرى بۇل جەر جالپى تىزبەكتىك قىزمەت وتەۋ جۇيەسىن قالىپتاستىرىپ، مۇددەلەرمەن ءبولىسۋ سياقتى مەحانيزمدەردە جاڭالىق اشىپ، 3000نان استام كاسىپورىندى وسىندا تىركەلۋگە باۋرادى، بۇلاردىڭ ىشىندە بەيجيڭنەن تيانجينگە كەلگەن كاسىپورىندار 2019 - جىلعى ％16تەن ％30كە كوتەرىلدى.
بەيجيڭ باستاپقى جاڭالىق اشۋمەن شۇعىلدانسا، تيانجين زەرتتەپ، جاساپ، كادەگە اسىردى، حىبەي جالپىلاستىرىپ، قولداندى. بەيجيڭدى، تيانجيندى، حىبەيدى سايكەستىرە دامىتۋ بارىسىندا، مەملەكەتتىك وزىق جاساۋ، زەرتتەۋ - اشۋ بازاسى بولۋ تيانجينگە بەلگىلەنگەن ماڭىزدى ورىننىڭ ءبىرى بولدى.
”ءبىز عىلىم - تەحنيكا بايلىعى مول، عىلىم - تەحنيكا دارىندىلارى كوپ بولۋ باسىمدىعىن تولىق ساۋلەلەندىرىپ، عىلىم - تەحنيكادا جاڭالىق اشۋدىڭ بيىگىن تۇلعالاپ، باستاپقى جاڭالىق اشۋ، جيناقتاپ جاڭالىق اشۋ جانە سىرتتان ەنگىزىپ وزىنە ءسىڭىرىپ قايتا جاڭالىق اشۋ قابىلەتىن ۇزدىكسىز جوعارىلاتىپ، عىلىم - تەحنيكا مەن ەكونوميكانىڭ تەرەڭ توعىسۋىن جەبەۋىمىز كەرەك“.
2013 - جىلى 5 - ايدا باس شۋجي شي جينپيڭنىڭ تيانجين حالىقارالىق بيو - مەديتسينا بىرلەسكەن زەرتتەۋ مەكەمەسىندە ايتقان وسى ءسوزى سول كەزدە زەرتتەۋ مەكەمەسىنىڭ ورىنباسار باستىعى مىندەتىندەگى جوۋ زىچيگە وراسان زور قوزعاۋشى كۇش سيلادى. ”مەن باس شۋجيدىڭ تاپسىرماسىن ءارقاشان جادىمدا بەرىك ساقتاپ، نازاردى وزەكتى، شەشۋشى تەحنيكالارعا شوعىرلاندىرىپ، ءوز كۇشىنە سۇيەنىپ جاڭالىق اشۋ جولىمەن بۇلجىماي جۇرەمىن“.
”شەتەلدەن وقىپ ەلگە قايتقان“ ول 10 ايدان كەيىن داننا (تيانجين) بيوتەحنيكا جارنا شەكتى سەرىكتەستىگىن قۇردى. بۇگىنگى تاڭدا بۇل سەرىكتەستىك ينۆازيالى گريبوكپەن جۇعىمدالۋ اۋرۋىنىڭ باستاپقى مەزگىلىندە تەكسەرۋدىڭ كوشباسشىسىنا اينالعان. ”جاڭالىق اشۋ، شارۋاشىلىق قۇرۋ ادامدى جاسارتادى ەكەن، مەنىڭ بيىل 70 جاسقا كەلگەنىمدى بايقاي الاسىڭ با“؟ - دەيدى جوۋ زىچي.
اۋقىمدى ستراتەگياعا توعىسۋ ءارى بورىش، ءارى وراي سانالادى.
بەيجيڭنەن سەيىلتىلگەن استانالىق ەمەس فۋنكتسيالاردى قابىلداۋ، وڭىرلىك كاسىپ سالاسى ىستەستىگى جانە جاڭالىق اشۋدى سايكەستىرۋ سياقتى جاقتاردا جان - جاقتى كۇش سالىپ، 2021 - جىلى تيانجين بەيجيڭ وڭىرىنەن 1076 قارجى قوسۋ نىسانىن ەنگىزدى، 136 ميلليارد 980 ميلليون يۋان قارجى تياناقتانىپ، ％8.5 ءوسىپ، ونىڭ بۇكىل قالا ەنگىزگەن ىشكى كاپيتالدان ۇستاعان ۇلەسى ％40تەن استى.
الدىمەن جولعا قويىپ، الدىمەن سىناق ەتۋدىڭ تيانجين تاجىريبەسى
بيىل 5 - ايدان باستاپ، بازار تۇلعالارىن بارىنشا قاراپايىم تارتىپپەن تىركەۋ سىندى تاعى ءبىر رەفورما شاراسى تيانجين ەركىن ساۋدا سىناق رايونىندا تياناقتاندى.
”ءوتىنىش ەتۋ، تەكسەرىپ بەكىتۋ، ەلەكتروندى قولتاڭبا جازۋ، تيجارات كۋالىگىن باسىپ شىعارۋ ءبىر جولدا ورىندالدى“، - دەدى تيانجين شينجىجيا ساۋدالىق حاتشى شەكتى سەرىكتەستىگىنىڭ باس ديرەكتورى ۋاڭ يىڭچۇن. ونىڭ ايتۋىنشا، ساۋدا جۇمىستارى بويىنشا دەلدالدىق قىزمەت وتەيتىن كاسىپورىن رەتىندە، ولار جاڭاعى رەفورما شاراسىنىڭ تىكەلەي يگىلىگىن كورگەن.
2013 - جىلى 5 - ايدا باس شۋجي شي جينپيڭ قىزمەت تەكسەرگەندە: ”تيانجين بينحاي جاڭا رايونى تۇعىرىنان تولىق پايدالانىپ، كەلەلى رەفورما شارالارىن الدىمەن جولعا قويىپ، الدىمەن سىناق ەتىپ، بۇكىل ەلدەگى رەفورما، دامۋ ءۇشىن تاجىريبە توپتاۋعا قۇلشىنۋى كەرەك“ دەپ اتاپ كورسەتتى.
ءبىر جىلدان كەيىن بينحاي جاڭا رايونى بۇكىل ەل بويىنشا ءبىرىنشى بولىپ اكىمشىلىك تەكسەرىپ بەكىتۋ مەكەمەسىن قۇرىپ، بۇرىنعى 18 تاراۋدىڭ 109 تاڭباسىن ءبىر تاڭباعا اۋىستىرىپ، ”ءبىر تاڭبامەن تەكسەرىپ - بەكىتۋدى باسقارۋ“ تاجىريبەسى قازىرگى تاڭدا بۇكىل ەلدە ”پايدالانىلدى“. وسىدان سوڭ بارىنشا قاراپايىم تارتىپپەن حابارلاندىرىپ ۋادە بەرۋ تۇزىمىمەن تەكسەرىپ بەكىتۋ، بەيجيڭنىڭ، تيانجيننىڭ ەركىن ساۋدا ىستەرىن ءبىر تۇتاس ءبىتىرۋ، جەر الىسىمەن دەرەۋ قۇرىلىس باستاۋ سياقتى رەفورما شارالارى تولاسسىز جارىققا شىقتى.
رەفورمانىڭ ونىمدىلىگىن ”ءبىر تاڭبا“ مەن”ءبىر قالا“ كورنەكتىلەندىردى.
جۇڭشين تيانجين ەكولوگيا قالاسى جۇڭگو مەن سينگاپۋر ەكى ەلدىڭ ەكولوگيالىق قالا قۇرىلىسى سالاسىنداعى ەلەۋلى سەلبەستىك نىسانى.
2013 - جىلى 5 - ايدا باس شۋجي شي جينپيڭ جۇڭشين تيانجين ەكولوگيا قالاسىندا قىزمەت تەكسەرگەندە: ”ەكولوگيا قالاسى وزىقتىق، جوعارى دەڭگەيلىك جانە كوشىرۋگە، جالپىلاستىرۋعا مۇمكىندىك سىندى ەكى جاقتى بىردەي ويداعىداي ويلاستىرىپ، ادام مەن ادامنىڭ، ادام مەن ەكونوميكالىق قيمىلدار، ادام مەن قورشاعان ورتا جاراسىمدى قاتار ءومىر ءسۇرۋ سىندى جاقتاردان يلانىمدى جاۋاپ بەرىپ، بايلىق ۇنەمدەيتىن، قورشاعان ورتاعا قامقور قوعام قۇرۋعا ۇلگى ازىرلەۋى كەرەك“ دەپ اتاپ كورسەتتى.
بوحاي تەڭىزى جاعاسىنداعى ۇشتەن ءبىرى سورتاڭ يەن جەر، ۇشتەن ءبىرى كەرەكسىز تۇزدى اتىز، ۇشتەن ءبىرى لاستانعان سۋ شۇقاناقتارىنان قۇرالعان ”ەكولوگيالىق شەكتەلگەن اۋماق“ قازىرگى تاڭدا ەكولوگيا قالاسىنا، پاراسات قالاسىنا، باقىت قالاسىنا اينالعان. نەگىزدىك قۇرىلعى، ساندى مالىمەت بويىنشا قىزمەت وتەۋ، پاراساتتى قورشاعان ورتا، پاراساتتى جونگە سالۋ، پاراساتتى ەكونوميكا، پاراساتتى حالىق تۇرمىسى سىندى 6 ءتۇر، 30 كورسەتكىشتى قامتىعان مەملەكەت بويىنشا تۇڭعىش پاراساتتى قالانىڭ كورسەتكىش جۇيەسى ەل ىشىندەگى باسقا وڭىرلەردىڭ پاراساتتى قالا قۇرىلىسىنا ۇلگى ۇسىندى.
جاسىل قۇرىلىس ％100 بولۋ سىندى قۇرىلىس ولشەمىنە تاباندى بولىپ، گۋبكا قالا قالىپتاستىرىپ، كەرەكسىز زات بولمايتىن قالا قۇرىپ، جاسىلدانۋ اۋماعى ％50كە جەتتى، قارا مويناق شاعالا، جالباعاي، قاراقۋ قاتارلى 100دەن استام سۋ قۇستارى وسى جەردە مەكەندەدى...
ەكولوگيالىق قالا باسقارۋ كوميتەتىنىڭ كادرى چىڭ حاۋ: ”بۇل جەر بۇلبۇل سايراپ، جۇپار اڭقىعان ۇلكەن باقشا“، - دەدى.
ۇيرەنۋدىڭ، كۇرەس جۇرگىزۋدىڭ تيانجين امالياتى
”مەن نەگىزگى الاۋدى تۇتاندىرۋدىڭ الدىندا شي اتايعا اسەرلەنە قول بۇلعادىم، ول كىسى دە ماعان قول بۇلعادى، ۇلكەن ەكرانداعى شي اتايدىڭ وتتى جانارى ماعان لىقسىعان كۇش - قايرات سيلادى“! 5 جىلدىڭ الدىنداعى سول كەشتى ەسىنە السا، كۇنى بۇگىنگە دەيىن ”تيانجيندىق بالا“ پان تيانشۇننىڭ كوڭىلى كولدەي تولقيدى.
2017 - جىلى 8 - ايدىڭ 27 - كۇنى باس شۋجي شي جينپيڭ تيانجيندە 13 - كەزەكتى مەملەكەتتىك سپورت جارىسىنىڭ باستالعاندىعىن جاريالادى. سول كۇنى تۇستەن بۇرىن بۇقارالىق دەنە تاربيەنىڭ مەملەكەتتىك وزات ورىندارىنىڭ، وزاتتارىنىڭ ۋاكىلدەرىمەن جانە دەنە تاربيە جۇيەسىندەگى مەملەكەتتىك وزات كوللەكتيۆتەردىڭ، وزات قىزمەتكەرلەردىڭ ۋاكىلدەرىمەن، سونداي - اق وسى كەزەكتى مەملەكەتتىك سپورت جارىسىنىڭ بۇقارالىق جارىس تۇرلەرىندە مەدال العان سپورتشىلاردىڭ ۋاكىلدەرىمەن كەزدەسكەندە، باس شۋجي شي جينپيڭ: دەنە تاربيە مەملەكەتتىڭ قۇدىرەتتەنۋ - گۇلدەنۋ، ۇلتتىڭ كوركەيۋ ارمانىن ارقالايدى، - دەپ باسا دارىپتەدى.
سوڭعى جىلداردان بەرى تيانجيندە ”دەنە شىنىقتىرۋدىڭ 15 مينۋتتىق شەڭبەرى“ العاشقى قادامدا قالىپتاسىپ، ازاماتتاردىڭ دەنە ساپاسىن باعالاۋ ولشەمىنە تولىمدى بولۋ مولشەرى بۇكىل ەلدىڭ الدىڭعى قاتارىنان بوي كورسەتتى. 2020 - جىلعى توكيو وليمپيادا سپورت جارىسىندا تيانجين ساڭلاقتارى 3 التىن، ءبىر قولا مەدال الىپ، شەكارا سىرتىندا وليمپياداعا قاتىناسۋدىڭ ەڭ جاقسى ناتيجەسىن كورسەتتى.
ۇلتتىق سۇيىسپەنشىلىكتى ”ءبىر كەزەك جارىس“ پەن ”ءبىر مەكتەپ“ الاۋلاتتى.
”وتانشىلدىق جۇڭحۋا ۇلتىنىڭ ۇلت قالاۋى، ۇلت رۋحى“. نانكاي داشۋەسىنىڭ ورىنباسار باستىعى ۋاڭ شينشىڭنىڭ انىق ەسىندە، 2019 - جىلى 1 - ايدىڭ 17 - كۇنى باس شۋجي شي جينپيڭ مەكتەپ تاريحى كورمەسىن ەكسكۋرسيالاعاندا، ”الەۋمەتتىك ءمورالدىڭ دا، قابىلەتتىڭ دە يەسى بولىپ، كۇن سايىن جاڭارىپ، اي سايىن تۇلەجىپ وتىرۋ“ سىندى مەكتەپ ءتالىمى، ”وتاندى ءسۇيۋ تۋرالى 3 سۇراق“ سياقتى كورمە تاقتالارى الدىندا ايالداپ كوز قىدىرتىپ، ءالسىن - ءالى جەڭىل داۋىسپەن مانەرلەپ وقىدى، سوندا جانارىنان جۇڭحۋا ۇلتىنىڭ ۇلى گۇلدەنۋىنە دەگەن مىعىم سەنىم مەن مۇندالاپ تۇردى.
ەلەمەنت ورگانيكالىق حيميا مەملەكەتتىك ءتۇيىندى تاجىريبەحاناسىندا، باس شۋجي شي جينپيڭ وقىتۋشى - وقۋشىلاردى ۇيرەنۋدىڭ، كۇرەس جۇرگىزۋدىڭ ناقتى نىسانالارىن ۇلتتى گۇلدەندىرۋدىڭ ۇلى نىساناسىمەن بىرلەستىرىپ، جەكە مەندى كوپتىڭ مەنىنە توعىستىرىپ، ءبىز بۋىنعا ءتان تاريحي ۇلەس قوسۋدى مۇرات ەتۋگە ىنتالاندىردى.
”باس شۋجيدىڭ نۇسقاۋى − ءبىزدىڭ كۇرەس نىسانامىز“، - دەدى ورىنباسار مەكتەپ باستىعى چىن جۇن اكادەميك. 3 جىلدان بەرى نانكاي داشۋەسى حيميا سالاسىندا بيىك شىڭعا ەرلەنە ورمەلەدى، ”جوعارى ءونىمدى حيرالدىق سپيران كاتاليزاتوردىڭ بايقالۋى“ مەملەكەتتىڭ جاراتىلىستىق عىلىم سيلىعىنىڭ 1 - دارەجەلى سيلىعىنا يە بولسا، ناتري يوندىق باتارياعا قاتىستى شەشۋشى، وزەكتى تەحنيكالاردا ماڭىزدى تىڭ سەرپىلىسكە قول جەتكىزدى...
وتتاي لاۋلاعان جاستىق كوكتەم بەرىك مۇرات - سەنىمگە مۇقتاج. باس شۋجي شي جينپيڭنىڭ سوزدەرى نانكاي داشۋەسىندەگى وقىتۋشى - وقۋشىلاردى ەڭ تاماشا جاستىق كوكتەمدەرىن وتان مەن حالىققا ارناپ، جۇڭحۋا ۇلتىنىڭ ۇلى گۇلدەنۋ ۇدەرىسىندەگى ايبىندى سيمفونيانى جازۋعا ىنتالاندىرۋدا.
(تىلشىلەر ۋاڭ ميڭحاۋ، ليۋ يۋانشۇي، لي كۇن، ۋاڭ جيڭحۋاي) (شينحۋا اگەنتتىگىنىڭ 5 - ايدىڭ 23 - كۇنى تيانجيننەن بەرگەن حابارى)
