شينحۋا اگەنتتىگىنىڭ 5 - ايدىڭ 23 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «اۋىل - قىستاق قۇرىلىسى ارەكەتىن اتقارۋ جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاق قۇرىلىسىن سوتسياليستىك وسىزامانداندىرۋ قۇرىلىسىندا ماڭىزدى ورىنعا قويىپ، شارۋالار بۇقاراسىنىڭ تاماشا تۇرمىسقا تالپىنىسىنا سايكەسىپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەۋ سيپاتتى حالىق تۇرمىسى قۇرىلىسىن ءتۇيىن ەتىپ، جوبا ارقىلى جەتەكتەۋدى كۇشەيتىپ، بايلىق فاكتورلارىن ءبىر تۇتاس جوسپارلاپ، ءار جاقتاعى كۇشتەردى جۇمىلدىرۋ، اۋىل - قىستاق نەگىزدىك قۇرىلعىلارى مەن الەۋمەتتىك قىزمەت وتەۋ جۇيەسى قۇرىلىسىن كۇشەيتىپ، تومەننەن جوعارىعا قاراي، قىستاق تۇرعىندارىنىڭ ءوزىن - ءوزى باسقارۋ، شارۋالار ات سالىسۋ سىندى اتقارۋ مەحانيزمىن ورناتىپ، شاما - شارقىنا قاراي ىستەپ تەزدىككە ەمەس، ساپاعا تالپىنىپ، ءبىر ءىستى قولعا العاندا ءبىر ءىستى تىندىرىپ، اۋىل - قىستاقتىڭ اناعۇرلىم ويداعىداي تۇرمىس شارت - جاعدايىن ازىرلەۋىنە قۇلشىنا مۇمكىندىك جاساپ، قونىستانۋعا، كاسىپكە قولايلى كورىكتى اۋىل - قىستاق قۇرۋ كەرەك.
«جوبادا» تۇراقتاندىرىلعان قىزمەت پرينسيبى: زاڭدىلىققا قۇرمەت ەتۋ، جۇمىستى بايىپتىلىقپەن جۇرگىزۋ؛ جەرگىلىكتى جاعدايعا قاراي ىستەۋ، تۇرگە ءبولىپ جەتەكشىلىك ەتۋ؛ قورعاۋعا ءمان بەرۋ، ەرەكشەلىكتى ايگىلەۋ؛ ۇكىمەت جەتەكشىلىك ەتۋ، شارۋالار ات سالىسۋ؛ قۇرۋ مەن باسقارۋعا تەڭ ءمان بەرۋ، باياندى اينالىم جاساۋ؛ بايلىقتى ۇنەمدەۋ، جاسىل قۇرىلىس جۇرگىزۋ.
«جوبانىڭ» ارەكەت نىساناسى − 2025 - جىلعا بارعاندا اۋىل - قىستاق قۇرىلىسىندا ماندىك ىلگەرىلەۋشىلىككە قول جەتكىزىپ، اۋىل - قىستاقتىڭ قونىس ورتاسىن ۇزدىكسىز جاقسارتىپ، اۋىل - قىستاقتىڭ الەۋمەتتىك نەگىزدىك قۇرىلعىلارىن قىستاقتارعا دەيىن قامتۋدا، وتباسىلارىنا دەيىن كەڭەيتۋدە بەلسەندى ىلگەرىلەۋشىلىككە قول جەتكىزىپ، اۋىل - قىستاقتىڭ نەگىزگى الەۋمەتتىك قىزمەت وتەۋ دەڭگەيىن ورنىقتى جوعارىلاتىپ، اۋىل - قىستاق رۋحاني وركەنيەت قۇرىلىسىن كورنەكتى كۇشەيتىپ، شارۋالاردىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم كۇشەيتۋ.
«جوبادا» ”اۋىل - قىستاق جوباسى قۇرىلىسىن باسقارۋدى كۇشەيتۋ“ سياقتى 12 ءتۇرلى ءتۇيىندى مىندەت ايقىندالدى ءارى ”اۋىل - قىستاق قۇرىلىسىن ىلگەرىلەتۋ مەحانيزمىندە جاڭالىق اشۋ“، ”ساياساتتىق قولداۋ مەن فاكتورلىق قامتاماسىز ەتۋدى كۇشەيتۋ“، ”ۇيىمدىق باسشىلىقتى كۇشەيتۋ“ سياقتىلار جونىندە ەگجەي - تەگجەيلى ورنالاستىرۋ جاسالدى.
«جوبا» جالپى 5 ءبولىم، 29 تارماققا بولىنگەن.
