ما شيڭرۇي اقسۋ وزەنى الابىندا اتىز - ارىق سۋ يگىلىگى قىزمەتىنە ارناۋلى تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ءتۇيىندى سۋ يگىلىگى ينجەنەريالارى قۇرىلىستارىن تىڭعىلىقتى ىلگەرىلەتىپ، سۋ بايلىعىن، سۋ ەكولوگياسىن، سۋ ورتاسىن كۇش سالا ويداعىداي جونگە سالۋ كەرەك
حى جۇڭيوۋ تەكسەرۋ - زەرتتەۋدە بىرگە بولدى
5 - ايدىڭ 22 - كۇنىنەن 23 - كۇنىنە دەيىن اۆتونوميالى رايوندىق پارتكومنىڭ شۋجيى ما شيڭرۇي اقسۋ ايماعىنا، قىزىلسۋ قىرعىز اۆتونوميالى وبلىسىنا بارىپ، ەگىنجاي، سۋ يگىلىگى قىزمەتىنە ارناۋلى تەكسەرۋ - زەرتتەۋ جۇرگىزدى. سۋرەتتە: 5 - ايدىڭ 22 - كۇنى ما شيڭرۇي اقسۋ ايماعىنداعى قۇمالاق وزەنىندەگى داشىشيا سۋ يگىلىگى تورابى ينجەنەرياسىنىڭ جۇمىس باسىندا الاپتىڭ جەر جاعدايى مەن سۋ جاعدايى، ينجەنەريا قۇرىلىسى سياقتى احۋالداردى ەگجەي - تەگجەيلى ۇعىستى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ياۋ تۇڭ 5 - ايدىڭ 23 - كۇنى اقسۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 5 - ايدىڭ 22 - كۇنىنەن 23 - كۇنىنە دەيىن اقسۋ ايماعىنا، قىزىلسۋ قىرعىز اۆتونوميالى وبلىسىنا بارىپ، تارىم وزەنىنىڭ سۋ مولشەرى ەڭ ۇلكەن قاينارى − اقسۋ وزەنىنىڭ نەگىزگى اعىنى، تارماق اعىنى الابىنا بارىپ، اتىز - ارىق سۋ يگىلىگى قىزمەتىنە ارناۋلى تەكسەرۋ - زەرتتەۋ جۇرگىزدى. ما شيڭرۇي بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، سۋ ۇنەمدەۋدى الدىڭعى ورىنعا قوياتىن، كەڭىستىك جاعىندا تەڭگەرىمدى، جۇيەلى جونگە سالىناتىن، ەكى جاقتان بىردەي كۇش سالاتىن سۋ تىزگىندەۋ وي جەلىسىنە تاباندى بولىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ ورنالاستىرۋلارىن تياناقتاندىرىپ، بۇكىل شينجياڭ ءبىر تۇتاس جۇيە دەگەنگە تاباندى بولىپ، سۋعا قاراي تۇراقتاندىرىپ، سۋ جاعدايىنا قاراي ءىس جۇرگىزىپ، جەرگىلىكتى جاعدايعا قاراي ىستەپ، تۇرگە ءبولىپ شارا اتقارىپ، جوعارعى - تومەنگى اعاردى، نەگىزگى - تارماق اعاردى، وڭ - سول جاعالاۋدى ءبىر تۇتاس جوسپارلاپ، سۋ ۇنەمدەۋ، سۋ ساقتاۋ، سۋ رەتتەۋ جۇمىستارىن ويداعىداي ىستەپ، ءتۇيىندى سۋ يگىلىگى ينجەنەرياسى قۇرىلىسىن تىڭعىلىقتى ىلگەرىلەتىپ، سۋ بايلىعىن، سۋ ەكولوگياسىن، سۋ ورتاسىن كۇش سالا ويداعىداي جونگە سالىپ، شينجياڭنىڭ جوعارى ساپالى دامۋىنا تىرەكتىك قامتاماسىزدىق ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ تەكسەرۋ - زەرتتەۋدە بىرگە بولدى.
شينجياڭنىڭ سۋ بايلىعىنىڭ ۋاقىت، كەڭىستىك بويىنشا ورنالاسۋى بىركەلكى ەمەس، ”سولتۇستىكتە كوپ، وڭتۇستىكتە از، باتىستا كوپ، شىعىستا از“ سىندى وڭىرلىك ورنالاسۋ جۇلگەسى قالىپتاسقان. ما شيڭرۇي جەكە - جەكە اقسۋ وزەنىنىڭ نەگىزگى اعىنى مەن تارماق اعىندارىنداعى سۋ قويماسىنا، سۋ ەلەكتر ستانسياسىنا، ءۇشتۇرپان اۋدانى جىنشيڭيۋان مال شارۋاشىلىق قۇبا ءشول جىلىجاي ءجۇزىم بازاسىنا، اقچي اۋدانى قۇلانسارىق اۋىلىنىڭ 10 مىڭ مۋلىق شىرعاناق ەگىمشىلىگى بازاسىنا كەلىپ، وزەن ارناسىنىڭ ەكى جاعالاۋىن ىشكەرىلەي ارالاپ، سۋ قويماسى توسپاسىنىڭ ۇستىنە شىعىپ، ەگىمشىلىك بازاسىن كورىپ، الاپتىڭ جەر جاعدايى، سۋ جاعدايى، سۋ يگىلىگى ينجەنەرياسى، سۋارۋ اۋماعىنىڭ قۇرىلىسى، سۋ ۇنەمدەۋ جانە سۋ رەتتەۋ، سۋ - توپىراقتى ساقتاۋ، سۋ بايلىعىنان پايدالانۋ، وسى زامانعى اۋىل شارۋاشىلىعى، ەكولوگيانى قالپىنا كەلتىرۋ سياقتى جاعدايلاردى ەگجەي - تەگجەيلى ۇعىستى.
ما شيڭرۇي بىلاي دەپ اتاپ كورسەتتى: سۋ − شينجياڭنىڭ باياندى دامۋىنىڭ جانى، سونداي - اق شينجياڭنىڭ دامۋىنداعى ەڭ ۇلكەن بوگەت، ولقىلىقتاردىڭ ىشىندەگى ولقىلىق. سۋ بايلىعىنان پايدالانۋدىڭ ونىمدىلىگى قانشالىق جوعارى بولسا، شينجياڭنىڭ دامۋ كەڭىستىگى سونشالىق زور بولادى. سۋ بايلىعىن جايعاستىرۋ باسشىلىق ءتۇزىلىسى مەن باسقارۋ مەحانيزمىن رەتتەپ، كەمەلدەندىرىپ، تۇتاس تۇلعالىق كوزقاراستى، جۇيەلى ويلاۋدى، ماسەلەنى باعدار ەتۋدى كۇشەيتىپ، سۋ بايلىعىن رەتتەۋدى وڭىرلىك ەكونوميكالىق، قوعامدىق دامۋمەن ورگانيكالى ۇشتاستىرىپ، جان - جاقتى ويلاستىرىپ، بۇكىل رايوندا ءبىر تۇتاس سۋ بايلىعىن رەتتەۋ، باسقارۋ جۇيەسىن ورناتىپ، ەگجەي - تەگجەيلىلەندىرىپ، جۇيەلىلەندىرىپ، زاڭمەن جونگە سالىپ باسقارۋ ورەسىن جوعارىلاتىپ، سۋ باسقارۋ جۇيەسى مەن باسقارۋ قابىلەتىن وسىزامانداندىرۋدى جەدەل ىلگەرىلەتۋ كەرەك. ءتۇيىندى سۋ بايلىعىن جايعاستىرۋ ينجەنەرياسى مەن سۋ بايلىعىن ساقتاۋ ارقىلى رەتتەۋ قابىلەتى قۇرىلىسىن جۇيەلى ىلگەرىلەتىپ، سۋ ساقتاۋ ينجەنەرياسىن سۋ يگىلىگى نەگىزدىك قۇرىلعىلار قۇرىلىسىندا بارىنەن ماڭىزدى ورىنعا قويىپ، كەلەلى مەڭگەرىلمەلى سيپاتتى سۋ يگىلىگى تورابى جانە تاۋلى وڭىردەگى مەڭگەرىلمەلى سيپاتتى سۋ يگىلىگى ينجەنەرياسى قۇرىلىسىن ويداعىداي يگەرىپ، بۇكىل رايوننىڭ، اسىرەسە، وڭتۇستىك شينجياڭنىڭ سۋ بايلىعىن ساقتاۋ ارقىلى رەتتەۋ قابىلەتىن جوعارىلاتىپ، وڭىرلىك، ماۋسىمدىق، ينجەنەريالىق، قۇرىلىمدىق سۋ تاپشىلىعى ماسەلەسىن شىن مانىندە شەشۋ كەرەك. ”سۋ ۇنەمدەۋدى الدىڭعى ورىنعا قويۋ“ باعىتىنا تاباندى بولىپ، شوعىرلى ۇنەمدەپ پايدالانۋدى باعدار ەتىپ، سۋ بايلىعىن ساپالى جايعاستىرۋدى ىلگەرىلەتىپ، وزەن - كولدەردەگى كورنەكتى ماسەلەلەردى اداقتاپ، وڭاپ، جەرگىلىكتى جاعدايعا قاراي جاڭا ءداۋىر ”كارىز قۇدىعى“ سۋ جەتكىزۋ ۇلگىسىن دامىتىپ، زاڭ بويىنشا، عىلمي سۋ ۇنەمدەپ، سۋ باسقارىپ، سۋدان پايدالانىپ، سۋدى قورعاپ، سۋدان پايدالانۋ ءتاسىلىنىڭ قاراپايىم دا تومەن ءونىمدى بولۋدان شوعىرلى دا ۇنەمشىل بولۋعا قاراي بۇرىلىس جاساۋىن ىلگەرىلەتۋ كەرەك. ەگىنجاي سۋ يگىلىگى مەن جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتىپ، ەگىنجاي سۋ يگىلىگى نەگىزدىك قۇرىلعىلارى قۇرىلىسىن كۇشەيتىپ، جەر بەتى سۋىمەن سۋارۋ ينجەنەرياسى جۇيەسىن كەمەلدەندىرىپ، جەر استى سۋىن ارتىقشا اشۋدى وڭاۋدى ىشكەرىلەي ورىستەتىپ، تامشىلاتىپ سۋارىپ، سۋ ۇنەمدەۋ تەحنيكاسىن جاپپاي جالپىلاستىرىپ، سورتتى تۇقىم جەتىلدىرۋ مەن جالپىلاستىرۋدى ويداعىداي يگەرىپ، ورتا، تومەن ءونىمدى اتىز بەن سورتاڭ جەرلەردى تۇرگە ءبولىپ جاقسارتىپ، اۋىل شارۋاشىلىعىنىڭ ماشينالانۋىن ىلگەرىلەتىپ، اۋىل - قىستاقتى گۇلدەندىرۋ مەن اۋىل شارۋاشىلىعىن جوعارى ساپالى دامىتۋدى جاپپاي ىلگەرىلەتۋگە بەرىك تىرەك ازىرلەۋ كەرەك.
ما شيڭرۇي بىلاي دەپ باسا دارىپتەدى: جاسىل تاۋ، تۇنىق سۋ − باعالى بايلىق دەگەنگە تاباندى بولىپ، ەكولوگيالىق ورتانى قورعاۋ قۇرىلىسىن جۇيەلى تۇردە ويداعىداي يگەرىپ، سۋ بايلىعىن اشۋ، جايعاستىرۋ مەن ەكونوميكانى دامىتۋدىڭ، ەكولوگيالىق ورتانى قورعاۋدىڭ قاتىناسىن ءبىر تۇتاس جوسپارلاپ، سۋ ەكولوگياسىن قالپىنا كەلتىرۋ مەن سۋ - توپىراقتى ساقتاۋدى كەشەندى باسقارۋدى ۇزدىكسىز ورىستەتىپ، ورتالىقتىڭ قورشاعان ورتانى قورعاۋدى قاداعالاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋدىڭ تياناقتاندىرىلۋىن ويداعىداي يگەرىپ، اسپانى ءتىپتى دە اشىق، تاۋى ءتىپتى دە جاسىل، سۋى ءتىپتى دە تۇنىق كورىكتى شينجياڭدى قۇلشىنا قۇرۋ كەرەك.
اۆتونوميالى رايون باسشىلارىنان ماڭلىك سەيىت قاتارلىلار تەكسەرۋ - زەرتتەۋگە قاتىناستى.
