ەركىن تۇنياز ىلە قازاق اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
جوعارى دەڭگەيدە ەسىك اشۋ ارقىلى جوعارى ساپالى دامۋدى جەبەۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 23 - كۇنى قۇلجادان حابارلايدى. 5 - ايدىڭ 22 - كۇنىنەن 23 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ىلە قازاق اۆتونوميالى وبلىسىنا بارىپ، ساياحات كاسىبىن دامىتۋ، شەكارا وتكەلىندە كەدەننەن وتكىزۋ جانە ىندەتتەن ساقتانۋ - تىزگىندەۋ، سۋ بايلىعىنان جوعارى ءونىمدى پايدالانۋ، ابزال بايلىقتى كادەگە جاراتۋ سياقتىلار جونىندە تەكسەرۋ - زەرتتەۋ جۇرگىزدى. ەركىن تۇنياز بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى شىن مانىندە ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جوعارى ساپالى دامۋدىڭ جاڭا جاعدايىن قۇلشىنا اشۋ كەرەك.
ەركىن تۇنياز ىلگەرىندى - كەيىندى قۇلجا اۋدانى تيانشان گۇلدى القاپ كورىنىس وڭىرىنە، قۇلجا قالاسى ليۋشيڭ كوشەسىنە، قازانچى ۇلتتىق سالت - سانا ساياحات اۋماعىنا بارىپ، قىزمەتكەرلەرمەن جانە ساياحاتشىلارمەن ىشكەرىلەي اۋىس - كۇيىس جاساپ، ماسەلەلەرىن ۇعىسىپ، تالاپ - تىلەكتەرىن تىڭداپ، قيىنشىلىقتارىن سايكەستىرە شەشتى. ەركىن تۇنياز بىلاي دەپ باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋدى زاڭ بويىنشا، عىلمي، دالمە - ءدال ويداعىداي ىستەۋ العى شارتىندا شينجياڭدى ساياحات ارقىلى گۇلدەندىرۋ ستراتەگياسىن ىشكەرىلەي ىلگەرىلەتىپ، اۋىل شارۋاشىلىعى مەن ساياحاتتى توعىستىرۋدى، مادەنيەت پەن ساياحاتتى توعىستىرۋدى بەلسەنە جەبەپ، ساياحات نەگىزدىك قۇرىلعىلارىن ۇزدىكسىز كەمەلدەندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساياحات كاسىپ كۇيىن ونان ارى بايىتىپ، ساياحات كاسىبىنىڭ جوعارى ساپالى دامۋىن جەبەۋ كەرەك.
ەركىن تۇنياز دولاتى شەكارا وتكەلىنە بارىپ، شەكارا وتكەلىنىڭ زاتتى كەدەننەن وتكىزۋ، سونداي - اق ىندەتتەن ساقتانۋ - تىزگىندەۋ شارالارىن تياناقتاندىرۋ جاعدايىنا تەكسەرۋ - زەرتتەۋ جۇرگىزدى ءارى قورعاس شەكارا وتكەلىنە قاتىستى جاعدايلارعا بەينە ەكراندا ورنالاستىرۋ جاسادى. ەركىن تۇنياز بىلاي دەپ باسا دارىپتەدى: پارتيا ورتالىق كوميتەتىنىڭ ”ىندەتتى توسۋ، ەكونوميكانى ورنىقتىرۋ، دامۋ حاۋىپسىز بولۋ“ تالابىنا ساي، تۇيىق اينالىمدا باسقارۋدى قاتايتىپ، قاراستى ورىن جاۋاپكەرشىلىگىن تياناقتاندىرىپ، ”شەكارا وتكەلى قاقپاسىن“ يگەرۋدى بوساڭسىتپاي، قاتاڭ ساقتىق شەبىن بەكەمدەۋ كەرەك. شەكارا وتكەلىنىڭ جالپىلىق يقۋاتىن سيفرلاندىرا، جەلىلەندىرە، زەردەلىلەندىرە جوعارىلاتىپ، شەكارا وتكەلى ەكونوميكالىق بەلدەۋى قۇرىلىسىنا دەم بەرىپ، جوعارى دەڭگەيدە ەسىك اشۋعا، جوعارى ساپالى دامۋعا قوزعاۋشى قۋات ۇستەۋ كەرەك.
ەركىن تۇنياز تاعى شاپشال سىبە اۆتونوميالى اۋدانى نان - ان بەل توعانىنان ناسوسپەن سۋ تارتۋ سۋارمالى ءوڭىرى 1 - دارەجەلى ناسوس پۋنكتىنە بارىپ: ”سۋ بايلىعىنىڭ بۇلجىماس تەجەمىن كۇشەيتىپ، ءوڭىر اتتاعان كەلەلى سۋ بايلىعىن ورنالاستىرۋ ينجەنەرياسى مەن سۋ بايلىعىن ساقتاۋ ارقىلى رەتتەۋ قابىلەتى قۇرىلىسىن جۇيەلى ىلگەرىلەتىپ، توراپتىق ينجەنەريا، وزەن اعارلارىن رەتتەۋ - وڭاۋ جانە كولەمدى، ورتاشا سۋارمالى ءوڭىرى سياقتى سۋ يگىلىگى قۇرىلعى قۇرىلىستارىن ءبىر تۇتاس جوسپارلاپ جوبالاۋ كەرەك“ دەپ باسا دارىپتەدى. ىلە جو - ۋان كيىم - كەشەك شەكتى سەرىكتەستىگىندە، حۋاديان ىلە كومىر ەلەكتر شەكتى سەرىكتەستىگىندە، ىلە شينتيان كومىر حيميا ونەركاسىبى شەكتى جاۋاپكەرشىلىك سەرىكتەستىگىندە: ”ابزال بايلىقتى كادەگە جاراتۋ سەرپىنىن جەدەلدەتىپ، ەنەرگيامەن حاۋىپسىز قامتاماسىز ەتۋ، قامداۋ قۋاتىن جوعارىلاتۋ كەرەك“ دەپ باسا دارىپتەدى. قازانچى اۋماعىنداعى تۇرعىندار وزدەرى سالعان ۇيلەر شاعىن رايونىندا بىلاي دەپ باسا دارىپتەدى: ”تۇرعىندار وزدەرى سالعان ۇيلەردىڭ حاۋىپسىزدىگىن ارناۋلى رەتتەۋ - وڭاۋدى تىڭعىلىقتى ورىستەتىپ، قونىستانۋعا جايلى، كاسىپتەنۋگە ىڭعايلى قالا ورتاسىن قالىپتاستىرۋ كەرەك“.
تەكسەرۋ - زەرتتەۋ بارىسىندا ەركىن تۇنياز بىلاي دەپ باسا دارىپتەدى: اۋىل شارۋاشىلىعى ءوندىرىسى، ونەركاسىپتى ورنىقتى ارتتىرۋ، قىزمەت وتەۋ كاسىبىنىڭ ومىرشەڭدىگىن كۇشەيتۋ، كەلەلى نىساندار قۇرىلىسى، ءوندىرىس حاۋىپسىزدىگى سياقتى قىزمەتتەردى كۇش سالا ويداعىداي يگەرىپ، ءبىرىنشى ماۋسىمداعى ەكونوميكالىق دامۋ جاقسى باستاماسىنىڭ ونىمدىلىگىن ويداعىداي بەكەمدەپ، تۇتاس جىلدىق نىسانا - مىندەتتەردى ورىنداۋعا تاعى كۇش قوسۋ كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز قالىپتاستىرىپ، كاسىپورىنداردىڭ قيىنشىلىقتان قۇتىلۋىنا كومەكتەسۋ شارالارىن ويداعىداي تياناقتاندىرىپ، بازار تۇلعالارىنىڭ سەنىمىن سەرپىلتىپ، ومىرشەڭدىك كومەسكى كۇشىن قاۋلاتۋ كەرەك.
اۆتونوميالى رايون باسشىلارىنان سۇن حۇڭمەي قاتارلىلار تەكسەرۋ - زەرتتەۋدە بىرگە بولدى.
