سايكەس مەزگىلدەگىدەن ％27.29 ارتتى
انار بۇلت \ شينجياڭ گازەتىنىڭ ءتىلشىسى حي حۇڭۋي 5 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، الدىڭعى 4 ايدا رايونىمىزدىڭ تياناقتاندىرىپ اتقارعان ساۋداگەر شاقىرىپ قارجى ەنگىزۋ نىسانى 2367گە جەتىپ، رايونىمىز سىرتىنان ەنگىزىلىپ، تياناقتانعان قارجى 115 ميلليارد 893 ميلليون يۋان بولىپ، بىلتىرعى سول تۇستاعىدان ％27.29 ارتتى.
بيىل جىل باسىنان بەرى بۇكىل رايونداعى ءار دارەجەلى ساۋدا ىستەرى جانە ساۋداگەر شاقىرۋ تاراۋلارى ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، ەكونوميكانى ۇزدىكسىز باياندى، اقاۋسىز دامىتۋدى ىلگەرىلەتۋدى نەگىزگى نىسانا ەتىپ، تۇيىندە تۇرىپ ساۋداگەر شاقىرۋ، شاعىن بولىمشە اترەتتەردىڭ ساۋداگەر شاقىرۋى، بۇلتتىق ساۋداگەر شاقىرۋ سياقتى قيمىلداردى بەلسەنە ورىستەتىپ، ءتۇيىندى كاسىپ سالاسىندا تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى كورنەكتىلەندىرىپ، ساۋداگەر شاقىرىپ قارجى ەنگىزۋدە ايقىن ونىمدىلىككە قول جەتكىزدى. ساندى مالىمەتتەردە كورسەتىلۋىنشە، 1 - ايدان 4 - ايعا دەيىن سولتۇستىك شينجياڭ وڭىرىندە تياناقتانعان قارجى 65 ميلليارد 154 ميلليون يۋان بولىپ، سايكەس مەزگىلدەگىدەن ％26.73 ارتقان؛ وڭتۇستىك شينجياڭ وڭىرىندە (تۇرپاندى، قۇمىلدى قامتيدى) تياناقتانعان قارجى 50 ميلليارد 739 ميلليون يۋان بولىپ، سايكەس مەزگىلدەگىدەن ％28.03 ارتقان.
جەر - جەر، تاراۋلار بازارلاندىرۋ تاسىلىنەن تولىق پايدالانىپ، ساۋداگەر شاقىرىپ قارجى ەنگىزۋ شارالارىنا جاڭالىق ەنگىزىپ، سيفرلى ەكونوميكانىڭ دامۋىنا جانە سيفرلاندىرا باسقارۋ اۋقىمىنا بەيىمدەلىپ، ينتەرنەت جەلىسىن جانە جەلىدە تىسقارىنى ءوزارا ۇشتاستىرۋعا تاباندى بولىپ، ساۋداگەر شاقىرىپ قارجى ەنگىزۋدىڭ ينفورماتسيالانۋ، جەلىلەنۋ، زەردەلىلەنۋ دەڭگەيىن ۇزدىكسىز جوعارىلاتتى. قارجى قوسۋ ورتاسىن ۇزدىكسىز جاقسارتىپ، شينجياڭنىڭ كاسىپ سالاسى دەڭگەيىنىڭ تومەننەن جوعارىعا، ارتۋ قوزعاۋشى كۇشىنىڭ فاكتوردى قوزعاۋشى كۇش ەتۋدەن جاڭالىق اشۋدى قوزعاۋشى كۇش ەتۋگە بۇرىلىس جاساۋىن ىلگەرىلەتىپ، ەكونوميكانىڭ جوعارى ساپالى دامۋىن جەبەدى.
اۆتونوميالى رايوندىق ساۋدا ىستەرى مەڭگەرمەسىنىڭ جاۋاپتىسى مىنالاردى ءبىلدىردى: ەندىگى قادامدا كوپ شارالاردى قاتار قولدانىپ، نىسانداردى كەڭەسۋ، قول قويىسۋ، تياناقتاندىرۋ اياق الىسىن ۇزدىكسىز تەزدەتەمىز. سونىمەن بىرگە ساۋداگەر شاقىرىپ قارجى ەنگىزۋ وي جەلىسىن، ءادىسىن ۇزدىكسىز جاڭالاپ، شينجياڭعا كومەكتەسەتىن ولكە، قالالاردان ساۋداگەر شاقىرۋدى، تۇيىندە تۇرىپ ساۋداگەر شاقىرۋدى، ساۋدا ارقىلى ساۋداگەر شاقىرۋدى ۇزدىكسىز ورىستەتەمىز. سونداي - اق ەنگىزۋگە رۇقسات ەتۋ وتكەلىن، قورشاعان ورتا وتكەلىن، قارجى قوسۋ كۇشەمەلىلىگى وتكەلىن قاتاڭ مەڭگەرىپ، ساۋداگەر شاقىرىپ قارجى ەنگىزۋ نىساندارىنىڭ ساپاسىن جالپى بەتتىك جوعارىلاتامىز.
