تيانشان تورى
تيانشان تورى   ›   جاڭالىقتار   ›   شينجياڭ حابارلارى

مادەنيەتتى قورعاۋ مەن دامىتۋدىڭ تامىرى تەرەڭگە تارتىپ، وركەن جايىپ جايقالا ءتۇستى

− شينجياڭ ءار ۇلت بۇقاراسىنىڭ مادەنيەتتەن تەڭ تۇرعىدا يگىلىكتەنۋ ۇقىعىن شىنايى قامتاماسىز ەتتى

□ انار بۇلت \ شينجياڭ گازەتىنىڭ ءتىلشىسى رىن جياڭ

  توقسۋ اۋدانى ءىشارىق قالاشىعىنىڭ جىم - جىرت جاتقان جاي قىستاعىن ءار ءتۇرلى مۋزيكا اسپاپتارىنىڭ قۇلاق كۇيىن كەلتىرگەن داۋىستارى ۇنەمى دۋمانعا بولەيدى.

  ”جۇڭگو شينجياڭ حالىقتىق قولونەر مۋزيكا اسپاپتارىن جاسايتىن ءبىرىنشى قىستاق“ دەگەن ادەمى اتى بار جاي قىستاعىنىڭ مۋزيكا اسپاپتارىن جاساۋ تاريحى 300 جىلدان اسادى. قازىر بۇكىل قىستاقتا مۋزيكا اسپاپتارىن جاسايتىن 7 سەلبەستىك كووپەراتيۆى، بەيزاتتىق مادەنيەت مۇرالارىنىڭ ءبىر مۇنشا جالعاستىرۋشىسى بار، 300دەن استام قىستاق تۇرعىنىنىڭ جارتىسىنا جۋىعى مۋزيكا اسپاپتارىن جاساۋ، ساتۋ ىسىمەن اينالىسادى، 2021 - جىلى بۇكىل قىستاقتا مۋزيكا اسپاپتارىن ساتۋدان تۇسكەن تابىس 10 ميلليون يۋاننان استى. بايىرعى مادەنيەت پەن تەحنيكالىق ونەر ءونىمدى جالعاستىرىلىپ، تىڭ تىنىس جانە ومىرشەڭدىك قاۋلاتتى.

  پارتيا 18 - قۇرىلتايىنان بەرى شينجياڭ ءار ۇلتتىڭ تاڭداۋلى ءداستۇرلى مادەنيەتىن بايقاۋعا، جالعاستىرۋعا جانە قورعاۋعا ايرىقشا ءمان بەرىپ، الەۋمەتتىك مادەنيەت بويىنشا قىزمەت وتەۋ دەڭگەيىن ۇزدىكسىز جوعارىلاتىپ، مەملەكەتتە ءبىر تۇتاس قولدانىلاتىن ءتىل - جازۋدى زور كۇشپەن جالپىلاستىرىپ، ءار ۇلتتى ءبىر - ءبىرىنىڭ ءتىل - جازۋىن ۇيرەنۋگە ىنتالاندىرىپ، ازاماتتاردىڭ ءبىلىم الۋ ۇقىعىن شىنايى قامتاماسىز ەتىپ، ءار ۇلت بۇقاراسىنىڭ مادەنيەتتەن تەڭ تۇرعىدا يگىلىكتەنۋ ۇقىعىن قامتاماسىز ەتتى.

  ءار ۇلتتىڭ مادەنيەتى جالعاستىرۋ، قورعاۋ بارىسىندا جارقىراي شۇعىلا شاشتى

  ياركەن اۋدانىنداعى ۇيعۇردىڭ مۇقام كوركەمونەرىنىڭ جالعاستىرۋشىسى يىلھام رەيىمنىڭ اتاسى دا، اكەسى دە سول اراعا تانىمال 12 مۇقام ونەرپازى، بالا كۇنىنەن كوزىن سۋارىپ، قۇلاعىنا قۇيىپ وسكەن ول ۇيعۇر مۇقام كوركەمونەرىنىڭ قۇتقارىلۋ، رەتتەلۋدەن قورعالۋعا، جالعاستىرىلۋعا دەيىنگى تۇتاس بارىسىنا كۋا بولدى. ”قازىر شينجياڭنىڭ ءبىر تالاي جەرىندە مەملەكەت جانە اۆتونوميالى رايون دارەجەلى مۇقام جالعاستىرۋ ورتالىقتارى قۇرىلىپ، ’12مۇقام كوركەمونەر مەرەكەسى‘ سياقتى قيمىلدار تالاي رەت وتكىزىلدى، جەر - جەردىڭ بارىندە قازىر مۇقامدى جالعاستىرۋشىلار بار“، - دەدى يلھام 5 - ايدىڭ 22 - كۇنى، - مەن ياركەن 12 مۇقام حالىقتىق كوركەمونەر ۇيىرمەسىمەن بەيجيڭ، شاڭحاي جانە گۋاڭجوۋ سياقتى جەرلەرگە كوپ مارتە بارىپ باعدارلاما ءتۇسىرۋ جۇمىستارىنا جانە اۋىس - كۇيىس قويىلىمدارىنا قاتىناستىم.

  شينجياڭ زور كۇشپەن ءار ۇلتتىڭ تاڭداۋلى ءداستۇرلى مادەنيەتىن جالعاستىردى جانە قورعادى. «جۇڭحۋا حالىق رەسپۋبليكاسىنىڭ مادەني ەسكەرتكىشتەردى قورعاۋ زاڭى»، «جۇڭحۋا حالىق رەسپۋبليكاسىنىڭ بەيزاتتىق مادەنيەت مۇرالار زاڭى» سياقتى زاڭداردىڭ، سونداي - اق «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ مادەني ەسكەرتكىشتەردى قورعاۋ زاڭىن> اتقارۋ ءادىسى»، «شينجياڭ ۇيعۇر اۆتونوميالى رايونىنىڭ بەيزاتتىق مادەنيەت مۇرالاردى قورعاۋ ەرەجەسى» سياقتى جەرگىلىكتى زاڭ ەرەجەلەردىڭ شىعارىلۋى شينجياڭداعى ءار ۇلتتىڭ مادەنيەتىن قورعاۋعا بەرىك زاڭمەن باسقارۋ قامتاماسىزدىعىن ازىرلەدى.

  مادەنيەت مۇرالارى ءونىمدى قورعالىپ، گاۋچاڭ بايىرعى قالاسى، جياۋحى بايىرعى قالاسى، بەيتيڭ بايىرعى قالاسىنىڭ ەسكى جۇرتى، قىزىل تاس ۇڭگىر، قىزىل قاعا بەلگى وتى، سۋ باسى بۇتحاناسىنىڭ ەسكى جۇرتى دۇنيە جۇزىلىك مادەنيەت مۇرالارى ”جىبەك جولى: چاڭان − تيانشان ءدالىزىنىڭ جول تورىنا“ ەنگىزىلدى. شينجياڭ ۇيعۇر مۇقامى كوركەمونەرى، قىرعىز ەپوسى «ماناس» بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ ”ادامزاتتىڭ بەيزاتتىق مادەنيەت مۇرالارىنىڭ ۋاكىلدىك تۋىندىلارى تىزىمدىگىنە“، ۇيعۇر ۇلتىنىڭ ءماشىرابى بىرلەسكەن مەملەكەتتەر ۇيىمى وقۋ - اعارتۋ، عىلىم، مادەنيەت ۇيىمىنىڭ ”شۇعىل قورعاۋعا ءتيىستى بەيزاتتىق مادەنيەت مۇرالارى تىزىمدىگىنە“ ەنگىزىلدى، ءار ۇلتتىڭ بارلىعىنان ۋاكىلدىك بەيزاتتىق مادەنيەت مۇرا نىساندارى مەملەكەت دارەجەلى جانە اۆتونوميالى رايون دارەجەلى بەيزاتتىق مادەنيەت مۇرالارى تىزىمدىگىنە ەنگىزىلدى، قازىر مەملەكەتتىك ءتۇيىندى مادەني ەسكەرتكىشتەردى قورعاۋ ورنىنان 133ى بار. ءار ۇلتتىڭ تاڭداۋلى مادەنيەت ءداستۇرى جالعاستىرىلىپ، دامىتىلىپ، حانزۋ ۇلتىنىڭ ”يۋانشياۋ شام ساۋىعى“، ۇيعۇر ۇلتىنىڭ ”ءماشىرابى“، قازاق ۇلتىنىڭ ”ايتىسى“ سياقتى ۇلتتىق سالت - سانا قيمىلدارى كەڭىنەن ورىستەتىلدى.

  قوبىقسارى موڭعۇل اۆتونوميالى اۋدانىندا ۇلانمۇچۇر اترەتىندەگى 40تان استام اترەت مۇشەسى جەرگىلىكتى ورىنداعى ”مادەنيەت ايگىلى ادامدارى“. ولار جىل بويى تىنىم الماستان تاۋعا، جايلاۋعا بارىپ كونسەرت قويادى، ءبىر جىلدا قويعان كونسەرتتەرى نەشە ءجۇز رەتكە جەتەدى، ءمورىنقۇر، تۇۆا بارابانى، توپشۇر سياقتىلارمەن ونەر كورسەتۋ مالشىلاردىڭ ەڭ قارسى الۋىنا بولەنەدى.

  كۇنەس اۋدانى كەڭسۋ قالاشىعى كەڭسۋ قىستاعىنىڭ تۇرعىنى بيىل 58 جاستاعى جاقىپنۇر وقاس قازاق ۇلتى ايتىسىنىڭ جالعاستىرۋشىسى. جاقىپنۇر 23 جاسىنان باستاپ جاسامپازدىقپەن اينالىسىپ، قازىرگە دەيىن 300گە جۋىق تۋىندى جاريالادى، مۇنىڭ ىشىندە 23 ماقالاسى، اقىندار ايتىسى جونىندەگى 10 زەرتتەۋ دوكلاتى گازەتتەردە، مەرزىمدى باسىلىمداردا جاريالاندى. 2014 - جىلى ول تاعى شينجياڭ جازۋشىلار قوعامىنا مۇشە بولدى.

  جاقىپنۇردىڭ كەشىرمەسى شينجياڭنىڭ ءتىل - جازۋدىڭ الۋان تۇرلىلىگىن ءونىمدى قورعاۋىنىڭ ىقشام كورىنىسى بولىپ تابىلادى. شينجياڭ مەملەكەتتە ءبىر تۇتاس قولدانىلاتىن ءتىل - جازۋدى زور كۇشپەن جالپىلاستىرىپ، ءار ۇلتتى ءبىر - ءبىرىنىڭ ءتىل - جازۋىن ۇيرەنۋگە دارىپتەپ جانە ىنتالاندىرىپ، ءار ۇلتتىڭ ءتىلىنىڭ توعىسۋىن، جۇرەكتەرىنىڭ توعىسۋىن ۇزدىكسىز جەبەدى. قازىر شينجياڭداعى ۇلتتار 10 نەشە ءتۇرلى ءتىل مەن جازۋدى قولدانىپ وتىر، از ۇلت ءتىل - جازۋى ءادىليا، اكىمشىلىك، وقۋ - اعارتۋ، اقپارات - باسپا ءسوز، راديو - تەلەۆيزيا، ادەبيەت - كوركەمونەر، قوعامدىق، الەۋمەتتىك ىستەر سياقتى سالالاردا كەڭىنەن قولدانىلۋدا. شينجياڭنىڭ جەر - جەرىندەگى ساۋدا دۇكەنى، پوچتا - تەلەگراف، ەمدەۋگە قىزمەت وتەۋ، جول قاتىناس بەلگىسى سياقتى قوعامدىق، الەۋمەتتىك سالالاردىڭ كەز كەلگەن جەرىنەن كوپ ءتىلدى، كوپ جازۋلى قولايلى قىزمەت وتەۋدى كەزدەستىرۋگە بولادى.

  ءار ۇلتتىڭ مادەنيەت ۇقىعى جان - جاقتى پارمەندى قامتاماسىز ەتىلدى

  قۇربان نياز ءۇشتۇرپان اۋدانى يمام قالاشىعىنىڭ مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى بولعانىنا 20 جىل بولدى. ”وسى جىلداردا وسى ’شاعىن ۇيادان‘ كوپتەگەن ’التىن سامۇرىقتار‘ ۇشىپ شىقتى“، - دەدى ول.

  20 جىل ارالىعىندا قۇرباننىڭ 1000عا جۋىق وقۋشىسى وقۋ ءبىتىردى، ولاردىڭ ىشىندە ەل ىشىندەگى ايگىلى داشۋەلەرگە وتكەندەر بار، شەتەلگە شىعىپ وقىعاندار بار، ونان دا كوبى تۇرلىشە جۇمىس ورىندارىندا كۇرەس جاساۋدا. ولاردىڭ ءبىلىم ارقىلى تاعدىرلارىن وزگەرتكەندىگىن كورگەن قۇربان وتە باقىتتى سەزىندى. سول كەزدە مەكتەپكە كىرىپ وقىماعان بولسا، ولار ءومىر بويى اۋىل - قالاشىقتان شىعا الماي، بىرنەشە مۋ جەرگە، بىرنەشە تۇياق قويعا قاراپ ومىرلەرىن وتكىزۋشى ەدى.

  پارتيا ورتالىق كوميتەتىنىڭ قامقورلىعىندا شينجياڭ ءتۇرلى شارالار قولدانىپ وقۋ - اعارتۋ ىستەرىن زور كۇشپەن دامىتىپ، وقۋ - اعارتۋدىڭ دامۋ جەتىستىكتەرىنەن ءار ۇلت بۇقاراسىن اناعۇرلىم كوپ، اناعۇرلىم ءادىل يگىلىكتەندىرىپ، ءاربىر بالانى ءادىل دە ساپالى وقۋ - اعارتۋدان يگىلىكتەندىرۋگە قۇلشىندى. بالالار ءبىلىم الۋ ارقىلى مادەنيەت ۇقىعىنان يگىلىكتەندى، اناعۇرلىم كوپ ادام الەۋمەتتىك مادەنيەت قىزمەت وتەۋ ورەسىنىڭ ۇزدىكسىز جوعارىلاۋى بارىسىندا مادەنيەت ۇقىعىنان يگىلىكتەندى.

  تاڭ اتىسىمەن اۋلاسىن سىپىرادى، بۇل ياركەن اۋدانى حۋاڭدي قالاشىعى بۋاقۇم قىستاعىنىڭ تۇرعىنى اسەن ابدۇكەرىمنىڭ كۇندەلىكتى شارۋاسى. ”ءبىزدىڭ ءۇي قىستاقتىڭ مادەنيەت ۇلكەن اۋلاسى، ۇنەمى مادەنيەت قيمىلدارى وتكىزىلەدى، سوندىقتان تازا دا جيناقى رەتتەۋىم كەرەك“، - دەيدى اسەن. قىزىل گۇل قۇلپىرىپ، جاسىل جاپىراق جايقالعان ۇلكەن اۋلادا تىرشىلىك تىنىسى مەن مۇندالايدى، قىستاق تۇرعىندارى وزدەرى جاساپ، وزدەرى ورىنداعان ءان - ءبي سياقتىلار جۇرتتى قۋانىشقا بولەيدى. ۇلكەن اۋلادا تاعى كىتاپ وقۋ اۋماعى، كوڭىل اشۋ اۋماعى بار بولىپ، قىستاق تۇرعىندارىنىڭ كىتاپ كورىپ، گازەت وقۋ، ۇگىت لەكسيا جاساپ، پىكىر اۋىسۋ جانە ويىن نومىرىنە جاتتىعۋ قاجەتىن قاناعاتتاندىرادى.

  بىلتىردان باستاپ، بۇكىل شينجياڭدا العاشقى توپتاعى 55 ”مادەنيەت ۇلكەن اۋلاسى“ سىناق ءتۇيىنى قىستاعى قۇرىلدى، ”مادەنيەت ۇلكەن اۋلاسى“ جۇرەكتەردى نارلەندىرىپ، تىلەكتەردى توعىستىرىپ، وركەنيەتتى اۋىل سالتىن جەتىلدىرگەن باقىت اۋلاسىنا اينالدى.

  تالاي جىلدان بەرى شينجياڭ باستان - اياق وسى زامانعى الەۋمەتتىك مادەنيەت بويىنشا قىزمەت وتەۋ جۇيەسىن جەدەل ورناتۋعا تاباندى بولىپ، الەۋمەتتىك مادەنيەت بويىنشا قىزمەت وتەۋدىڭ بىركەلكىلەنۋىن بەلسەنە ىلگەرىلەتىپ، مادەنيەت ونىمدەرىمەن قامداۋدى ۇزدىكسىز بايىتىپ، ءار ۇلت بۇقاراسىنىڭ مادەنيەت قاجەتىن ءونىمدى قاناعاتتاندىرىپ، راديو - تەلەۆيزيانى بارلىق قىستاقتارعا جەتكىزۋ ينجەنەرياسى جانە تىكە تاراتۋ جاساندى سەرىگىن بارلىق وتباسىلارىنا جەتكىزۋ ينجەنەرياسى، اقپارات - باسپا ءسوز ”شىعىس جەلى ينجەنەرياسى“، ”اۋدان دارەجەلى مادەنيەت سارايلارىن، كىتاپحانالاردى جوندەۋ ينجەنەرياسى“، ”مادەنيەت ينفورماتسيا بايلىعىنان تەڭ يگىلىكتەنۋ ينجەنەرياسى“، ”اۋىل - قالاشىقتىڭ كەشەندى مادەنيەت پۋنكتى ينجەنەرياسى“ سياقتى ءبىر قىدىرۋ مادەنيەتتىك نەگىزدىك ينجەنەريالاردى اتقاردى. 2019 - جىلعا دەيىن شينجياڭدا الەۋمەتتىك كىتاپحانا 112گە، مۇراجاي مەن ەسكەرتكىش ساراي 106عا، عىلىم - تەحنيكا سارايى 29عا، اسەمونەر سارايى 60قا، مادەنيەت سارايى 130عا، اۋىل - قالاشىق كەشەندى مادەنيەت پۋنكتى 1350گە جەتتى، ءار دارەجەلى، ءار ءتۇرلى راديو - تەلەۆيزيا ستانسيالارىنان 102سى بولىپ، راديو مەن تەلەۆيزيانىڭ جان سانىن قامتۋ مولشەرى جەكە - جەكە %98.68كە جانە %98.85كە جەتىپ، اۆتونوميالى رايون، ايماق (وبلىس، قالا)، اۋدان (قالا، رايون)، اۋىل (قالاشىق، ءمالى)، قىستاق (الەۋمەتتىك اۋماق) سىندى 5 دارەجەنى قامتىعان الەۋمەتتىك مادەنيەت بويىنشا قىزمەت وتەۋ جۇيەسى قالىپتاستى. مادەنيەت سارايى، كىتاپحانا، مۇراجاي، اۋىل - قالاشىق (ءمالى) مادەنيەت پۋنكتى سياقتى الەۋمەتتىك مادەنيەت قۇرىلعىلارى قوعامعا تەگىن اشىلدى. بارلىق وتباسىلارىنا راديو - تەلەۆيزيا جەتكىزۋ، اۋىل - قىستاقتاردا كينو قويۋ، شارۋالار كىتاپ وقۋ ءۇيىن جاپپاي قامتۋ نەگىزىنەن جۇزەگە اسىرىلىپ، نەگىزگى ساتىداعى مادەنيەت قيمىلدارىنىڭ مازمۇنى بايىپ، ءتۇرى مولايدى.

  مادەنيەتتە ارالاسۋ، ىشتەسۋ، توعىسۋ ۇزدىكسىز تەرەڭدەدى

  تارباعاتاي ايماقتىق پوچتا اقشا امانات بانكەسىنىڭ قىزمەتكەرى وركەن وتباسىندا مەرەكە توتەنشە كوپ، ويتكەنى ونىڭ وتباسى 4 ۇلتتان، 23 ادامنان قۇرالعان ۇلكەن شاڭىراق. كوكتەم مەرەكەسى، يۋانشياۋ مەرەكەسى، دۋان - ۋ مەرەكەسى، جۇڭچيۋ مەرەكەسى سياقتى ءداستۇرلى مەرەكەلەردەن سىرت، ناۋرىز مەرەكەسىن، قۇربان ايتتى، ورازا ايتتى، ت.ب دا ولار دىر - دۋماندى تويلايتىن. ءوزارا قۇرمەتتەپ، ءبىر - ءبىرىنىڭ ارتىقشىلىعىن كورە بىلەتىن وركەن وتباسىنىڭ تۇرمىسى ءماندى دە ماعىنالى وتۋدە.

  ايىرماشىلىققا قۇرمەت ەتۋگە، سيىسىمدى الۋان ءتۇرلى بولۋعا تاباندى بولىپ، شينجياڭداعى ءار ۇلتتىڭ تاڭداۋلى ءداستۇرلى مادەنيەتى ءونىمدى قورعالۋمەن جانە جالعاستىرىلۋمەن بىرگە، ارالاسۋى، ىشتەسۋى، توعىسۋى ۇزدىكسىز تەرەڭدەدى.

  پالاۋ، سامسا، ءۇي لاڭمانى، كاۋاپ... ”حوتان اسحاناسىنا“ كىرسەڭىز، ءدامدى تاعامداردىڭ قوش ءيىسى مۇرىندى جارادى. قازىر ”حوتان اسحاناسى“ ءۇرىمجى قالاسىنداعى ەڭ دۋماندى اس - سۋ ورىندارىنىڭ بىرىنە اينالدى. ءدامدى تاعامداردان سىرت، ”حوتان اسحاناسىنىڭ“ اشەكەيلەنۋى دە قويۋ ۇلتتىق سالت - ساناعا يە، حوتان ەرەكشەلىگىندەگى قابىرعا سۋرەتتەر، اتىلاس ەلەمەنتى بەينەلەنگەن شىنى - اياق، ىدىس، جۇمىسشى - قىزمەتشىلەرى تۇگەلدەي حوتاننىڭ جەرگىلىكتى ادامدارى. مىنە، بۇلار شينجياڭنىڭ سىرتىنان كەلگەن كوپتەگەن ساياحاتشىلاردى باۋراپ، وسىدان بارىپ ءبىرسىپىرا ادام وڭتۇستىك شينجياڭعا ساياحاتتاۋ ويىندا بولدى.

  ءماۋلانجان تۇرسۇن مەن سۇڭ كاي ءدامدى تاعام ارقىلى تابىسقان جاقسى دوستار. ءماۋلانجان قاشقاردىڭ ءتول تۋماسى، ءدامدى تاعام جۇرگىزۋشىسى، بەينەجازبادا شينجياڭنىڭ ءدامدى تاعامدارىن، كوركەم كورىنىستەرىن بولىسەدى، قاسى توتەنشە قويۋ بولعاندىقتان جۇرت ونى ”قاشقارلىق قويۋ قاستى جىگىت“ دەپ اتايدى. 4 جىلدىڭ الدىندا ەكەۋى ءبىر جولعى باس قوسۋدا تانىسىپ، ءبىرىن - ءبىرى ەسكى دوسىنداي كوردى. سۇڭ كاي قىزمەتىنەن شەگىنىپ، ءماۋلانجاننىڭ سەرىكتەستىگىنە كەلىپ، ونى ارناۋلى بەينە ەكرانعا تۇسىرەدى. ءبىر - ءبىرىنىڭ مادەنيەت توركىنى مەن ەرەكشەلىگىن ءوزارا ءتۇسىنىسىپ، ۇعىسىپ، ءبىر - بىرىنە كومەكتەسىپ، ءارقايسىسىنىڭ مادەنيەت باسىمدىعىن ساۋلەلەندىرىپ سەلبەستىك جاساۋ ارقىلى ەكەۋى بىرگە تۋىسقان اعا - ىنىدەي دوستارعا، ەڭ تاماشا سەلبەستىك سەرىكتەرگە اينالدى.

  مادەنيەتتەردىڭ ارالاسۋى، ىشتەسۋى، توعىسۋى جۇرتقا بىلىندىرمەي شاتتىق سيلادى. شينجياڭدا الاڭ ءبيى دە كەرەمەت. ءۇرىمجى قالاسىندا 300 نەشە الاڭ ءبيى اترەتى بار، 50 جاستاعى چىن يۇڭشىڭ، انە، سول قالىڭ الاڭ ءبيى اۋەسكەرلەرىنىڭ ءبىرى، ونىڭ ەڭ جەتىك ونەرى − شينجياڭداعى ءار ۇلتتىڭ ءبيىن بيلەۋ. 3 جىلدان بەرى ول كۋايشوۋ تۇعىرىندا شينجياڭ ءبيى شاعىن بەينەجازباسىنان 4000عا جۋىعىن جاريالادى. ول بىلاي دەدى: ”شينجياڭ ءبيىن بيلەۋ كوپتەگەن الاڭ ءبيى اترەتتەرىنىڭ ’بەلگىسى‘، الاڭ ءبيىن بيلەيتىن ءبىرسىپىرا ورىندار بار، ءار كۇنى شينجياڭ ءبيى ارناۋلى بيلەنەدى. كوپشىلىكتىڭ بىرگە دەن قويا موينىن ىرعاعان كورىنىسى توتەنشە قىزىقتى، تاڭسا، شىنىعۋ ءبيىن، ت.ب ۇيرەنگەن ءار ۇلت بۇقاراسىنىڭ قاتارى دا بارعان سايىن مولايۋدا. الاڭدا ءتۇرلى ءبي اترەتتەرى ءبىر ساحنادا ونەر كورسەتىپ، ءوزارا سيىسىمدى بولۋ بارىسىندا مادەنيەت ءۇن - ءتۇنسىز قابىلدانىپ، توعىستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.