شينحۋا اگەنتتىگىنىڭ 5 - ايدىڭ 24 - كۇنى بەيجيڭنەن بەرگەن حابارى. تاياۋدا مەملەكەت ءتوراعاسى شي جينپيڭ امەريكانىڭ ايوۆا شتاتىنداعى دوسى ساراھ راندي حانىمعا جاۋاپ حات قايتاردى.
شي جينپيڭ بىلاي دەپ اتاپ كورسەتتى: مەن كورىكتى ايوۆا شتاتىنا 2 رەت ساپارلاي بارىپ، ماسكاتين قالاسىمەن ايرىلماس بايلانىس ورناتتىم. جۇڭگو مەن امەريكا ەكى ەل حالقى دا ۇلى حالىق، حالىقتار دوستىعى قىمباتتى بايلىق بولۋمەن بىرگە، ونان دا ماڭىزدىسى، ەكى ەل قارىم - قاتىناسىنىڭ دامۋىنا ماڭىزدى نەگىز ازىرلەيدى. جۇڭگو حالقى امەريكا حالقىمەن بىرگە دوستىق اۋىس - كۇيىستى ۇزدىكسىز كۇشەيتىپ، ءوزارا تيىمدىلىك جەتكىزۋ سەلبەستىگىن ىلگەرىلەتىپ، ەكى ەل حالقىنىڭ قۇت - ىرىسىن بىرگە جەبەۋدى قالايدى. شي جينپيڭ راندي حانىم مەن ايوۆا شتاتىنداعى كونە دوستاردى دوستىق تۇقىمىن ۇزدىكسىز ءسىڭىرىپ، جۇڭگو مەن امەريكا ەكى ەل حالقىنىڭ دوستىعىنا تىڭ ۇلەس قوسۋعا شابىتتاندىردى.
ساراھ راندي حانىم 1985 - جىلى سول كەزدە حىبەي ولكەسى جىڭديڭ اۋداندىق پارتكومنىڭ شۋجيى مىندەتىن وتەيتىن شي جينپيڭ ماسكاتين قالاسىندا ساپاردا بولعان كەزىندە ونى قابىلداعان بولاتىن. 2012 - جىلى مەملەكەتتىڭ ورىنباسار ءتوراعاسى بولىپ تۇرعان شي جينپيڭ امەريكادا ساپاردا بولعان كەزىندە رانديدىڭ ۇيىنە تاعى بارىپ، امەريكاداعى كونە دوستارىمەن كەزدەسكەن ەدى. جۋىقتا راندي ءتوراعا شي جينپيڭگە حات جازىپ، ءتوراعا شي جينپيڭنىڭ كونە دوستارىنا دەگەن تەرەڭ سۇيىسپەنشىلىگىنە العىس ايتتى، ەكى ەلدىڭ گۋمانيتارلىق بارىس - كەلىستى ۇزدىكسىز تەرەڭدەتۋىن، ءتۇسىنىسۋ مەن ءوزارا سەنىمدىلىكتى ارتتىرۋىن ءۇمىت ەتتى. راندي ءتوراعا شي جينپيڭگە حاتپەن بىرگە ءوزى جازعان ەستەمە «كونە دوستار: شي جينپيڭ مەن ايوۆانىڭ حيكاياسى» اتتى كىتابىن تارتۋ ەتتى.
